ليه ما تقولوا الصراحة

[الشاب اللطيف]

اهلا بكم يا شباب الله يخليكم ويوفقكم ابي اطلب منكم طلب وهو ان اي واحد يحط موضوع لا يتكلم عن الصحيح اول شيء يقول الصراحة وبعدين يبين الصح وابي من الاخوان سردال وطقتة يساعدوني في هذا الموضوع ارجع واقول للي ما فهموا ابي منكم تقولون آرأكم الشخصية لا تتكلمون على وجه العموم.
الله يسلمكم وابي من الشباب يشجعوني ويشجعون الباقين وادعوك يا النابغة الظبياني وفي امان الله.

[سردال]

الشاب اللطيف.... صراحة ما فهمت شيء! لو وضحت لنا أكثر أخوي! أكون لك من الشاكرين :)

[الشاب اللطيف]

اقصد يا سردال ان كل واحد يتكلم عن الواقع ويقول الصراحة ولا يتكلم ويسوي نفسه ملتزم ورجل دين ومثقف يعني نبغى الناس هنا يتكلمون عن اوساطهم وحالتهم ولا يتكلمون عن الاماني البعيدة .
شكلك ما فهمت بعد.
في امان الله.

[سردال]

فهمتك! زين أخوي.... من ناحيتي أكتب الصراحة وإذا شفت راح تشوف مواضيعي تقريباً تتحدث عن أشياء أنا مريت فيها! :) مو هذي الصراحة.

أما إذا كان قصدك أن الواحد مننا إذا سوى شيء غلط يكتب إنه سوى شيء غلط؟ فهذا يرجع للشخص نفسه.

الواحد عليه إن ما يجاهر بالمعصية، إذا كان مسوي معصية، أما الأخطاء العادية فكل واحد يكتب اللي يعجبه عن أخطاءه! :)

[الشاب اللطيف]

ياخي احنا في منتدى والمالجاهرة مو المقصود بها التفاخر الواحد ما يقولها بحجة المجاهرة بالعكس يقولها بحيث انه يقص غلطة وسبب الوقوع فيها وكيف انه يحلها بحيث انننا نساعده باللي نقدر عليه تمام يا سردال.
وفي امانالله

[سردال]

ولو أخوي!! مهما كان!

خلنا نفرق بين الأخطاء العادية والمعاصي.

الأخطاء العادية تكلم فيه وانتقد نفسك فيها وقول اللي تريده فيها! :) لكن المعاصي عليك أن ما تصرح أبداً بأنك أنت اللي سويتها.

قول في واحد شاب سوى كذا وكذا... أو صيغها في شكل قصة. لكن لا تقول إنك أنت سويت كذا وكذا... مو هذا أسلم أخوي؟