يا هيه

[عاشق وهم]

يا اللي على بالي ترى ما نسيناك
طيفك يجي بالليل ويزور مغـليك
يا كيف ابنسى عشقـنا من عرفناك
دايم معـك أشواق عمري تناجيك
يا صاحبي لا تحسب انا سـليناك
بعض الظروف تردني عنك لاجيك
لو تسمح ظروفي ترى ما قطعـناك
يلعـنك ظرف بعـثر أوراق هاويك
لا..لا تروح أفكارك هناك وهناك
خلك على عهدك وصافي هقاويك
لأجل الوفاء يا الترف حنا عطيناك
كل الثقه يا صاحبي خبرنا فيك
متى فرج هم تزايد وعناك
تجي لي بهم واللآخر يوديك
مدري وش اللي صار لحظة تركناك
يامن يوصل لي علوم تحاكيك
يمكن تشيل بخاطرك لاعـدمناك
يحق لك تعـتب عـلى قلب راجيك
لك حق تزعـل منيتي لاهجرناك
ولك حق يا خلي عـلينا نراضيك
والله لأقبّـل غـرتك ثم يمناك
لين الرضا تكفين يا هيه ناخيك
لولا الغـلا ما بالقصـيدة نصيناك
أرجو السموحه يا بعـد روح مغـليك
لو تطلب عـيوني جتك ما عـصـيناك
عـلي تمون وباقي العـمر يفديك
أنت الوحيد شكثر قلبي تمناك
بالحيل أحبك يا هوى البال وأغـليك
ملكتني كلك من أقصاك لأدناك
هذي حياتي كلها بين أياديك
زانت لي الدنيا عـقب ما هويناك
يا ليتني وقت مضى كنت لاقيك
يا أجمل بنات الكون حناعـشـقناك
يا اللي ملكت الزين بأسمى معـانيك
دام البدر من زينك اليوم هنّاك
يا غـاية المشتاق وش عـاد باقيك
ان قالها الله يا حياتي وصـلناك
عـسى تحقق غـايتي وأحتفي فيك
ترى السفينه مالها غـير ميناك
يا سيدي لي غـاية في مرافيك ّّّ