سنفور غبي
05-12-2000, 02:13 AM
شوفوا البارحة كنت لازم أداوم... يعني المدرسة من الساعه 10 للساعه 12 لأني مشتركة في جماعة الكيمياء.. أوكي
أنا سرت وأختي اللي مشتركة بعد ما سارت اللي هي نملة اللي في سوالف.. طبعا تعرفونها:)
المهم... أنا قلت لها أنا بسير المدرسة وأنت رتبي كل شي على انكم تاخذوني من المدرسة الساعه 12 وعلى طول نسير المستشفى نزور دانة... دانة اللي في سوالف طبعا.. :)
وصلوا على حسب الاتفاق... على الساعه 12 .. وركبنا السيارة وشفت البنيت اللي ويانا... قلت أكيد بنسير لدانة... واستانست وايد:)
الزائرات.. (أنا ونملة وبنيتين..)
المهم.. الحين ونحنا في السيارة كل واحد ينغز الثاني... منو بيقول لأمي (لأنها هي اللي تسوق) تودينا مكان نشتري هدية لدانة (المريضة يعني) وما يصير نسير لها من أول مره وايدنا فاضيه... لكن محد قال لها ... كلنا سكتنا.. قلنا أوكي مب لازم:)(يأسنا:()
وبعدين نزلنا المستشفى.. ومدخل المستشفى يعدلونه وكل تراب وعفسه ... وماشي مكان نمر عشان ندخل داخل المبنى (المستشفى يعني) فشفنا هندي يأشر لنا عشان نمر من طريق ثاني.. عاد سرنا وفرحانين نحنا الأربعة:) ومستانسين.. وسرنا ونمشي على الحشيش الأخضر ومرة وحده أشوف ريلي خاصت في الطين .. طخ طخ طخ ويييييييع... خيست ثيابي ونعالي كله طين وهم العباة تخيست وحالة..
قلنا ما عليه بنسير لها كما نحن بالطين.. شو بنسوي بعد... ما شي حل ثاني..
واحنا داخلين شفنا محل اللي يبيع هدايا وهالأشياء... سرنا عشان نشتري.. أوكي
عاد أنا وأختي نملة اشترينا حلاوة.. يعني خذنا من كل شي (منوعات يعني).. والبنيت اللي معانا اشتروا باقة ورد.. واشتروا كرت وكتبوه وكل شي..
وشلنا الحلاوة والورد.. وسرنا ركض... وقفنا عند الرسبشن.. نسألهم عن رقم حجرة دانة وقسمها.. قالوا لنا.. وسرنا وكل وحده تسحب الثانية عشان ما نتأخر على أمي في السيارة..
والحين وصلنا للمكان اللي في دانة... ممممم منو بيدق الباب الحين.. آخر شي وحده منا دقة الباب.. محد فتح الباب.. والملف اللي عند كل باب من أبواب المرضى ما كان موجود على هالباب..
سارت وحده تسأل الممرضات عنها... وقالت لها الاسم وكل شي... قلنا يمكن غيرت الحجرة.. فيتنا فكره.. وهي كما يلي:
أنه نتصل لدانة على الموبايل.. ونشوفه وين يرن.. يعني الصوت من وين ينسمع ونسير للحجرة... رن التيلفون لكن ما سمعنا شي..
ردت علي دانة... الو... السلام عليكم... شخبارج دانة؟.. الحمدلله بخير ردت علي.. أنت في أي حجره.. رقم كم يعني...
جان تقول.. انا لا خلاص رديت البيت.. هههههههههههههههههههههههههههههههههههههه قلت لها أوكي... وعطيت اختي تكلمها ويلست أضحك على عمري وعليهم ههههههه... لا وقبل ما ندخل المستشفى أمي قال اتصلي يمكن ردت البيت.. قلت لا أكيد هني.. (شفتوا عاد) وفي السيارة نتنقاش كيف بيكون شكلها.. لأنه ولا مره شفناها.. وكل وحده تخمن..
وبعدين.. نزلنا.. وفي ايدنا كيس الحلاوة (كيس مال المستشفى ههههه) والوردة.. اللي طلعت ذبلانه.. وقلت لهم الناس يدخلون في ايدهم شي ونحنا طالعين وفي ايدنا هالأشياء.. أونه بنمر على أي مريض بنعطيه.. ههههه:)
ردينا على مال الهدايا وقلنا له... خلاص با نرد الأغراض... قال لا ما يصير.. انصدمنا.. قلنا أوكي ما عليه... بناخذ الحلاوة لكن الوردة الذبلانه شو بنسوي فيها (أونه قلنا بنعطي اختي العوده ههههه;)) بعدين بدلوا الوردة بالحلاوة... يعني ساروا ياخذون حلاوة بنفس قيمة الوردة..
وردينا من حيث أتينا... طريق الطين ههههه:) وردينا للسيارة.. وأمي شافتنا وقالت.. أنتوا داخلين ما شي في ايدكم شي.. هذا من وين من عندها.. قلنا لها هيه من عندها.. وقلنا لها السالفة وقهقهنا على عمرنا كع كع كع
وسلالالالالالامتكم... أدري إني طولت عليكم:)
دانة... GET WELL SOON:) وما عليج من السالفة
أنا سرت وأختي اللي مشتركة بعد ما سارت اللي هي نملة اللي في سوالف.. طبعا تعرفونها:)
المهم... أنا قلت لها أنا بسير المدرسة وأنت رتبي كل شي على انكم تاخذوني من المدرسة الساعه 12 وعلى طول نسير المستشفى نزور دانة... دانة اللي في سوالف طبعا.. :)
وصلوا على حسب الاتفاق... على الساعه 12 .. وركبنا السيارة وشفت البنيت اللي ويانا... قلت أكيد بنسير لدانة... واستانست وايد:)
الزائرات.. (أنا ونملة وبنيتين..)
المهم.. الحين ونحنا في السيارة كل واحد ينغز الثاني... منو بيقول لأمي (لأنها هي اللي تسوق) تودينا مكان نشتري هدية لدانة (المريضة يعني) وما يصير نسير لها من أول مره وايدنا فاضيه... لكن محد قال لها ... كلنا سكتنا.. قلنا أوكي مب لازم:)(يأسنا:()
وبعدين نزلنا المستشفى.. ومدخل المستشفى يعدلونه وكل تراب وعفسه ... وماشي مكان نمر عشان ندخل داخل المبنى (المستشفى يعني) فشفنا هندي يأشر لنا عشان نمر من طريق ثاني.. عاد سرنا وفرحانين نحنا الأربعة:) ومستانسين.. وسرنا ونمشي على الحشيش الأخضر ومرة وحده أشوف ريلي خاصت في الطين .. طخ طخ طخ ويييييييع... خيست ثيابي ونعالي كله طين وهم العباة تخيست وحالة..
قلنا ما عليه بنسير لها كما نحن بالطين.. شو بنسوي بعد... ما شي حل ثاني..
واحنا داخلين شفنا محل اللي يبيع هدايا وهالأشياء... سرنا عشان نشتري.. أوكي
عاد أنا وأختي نملة اشترينا حلاوة.. يعني خذنا من كل شي (منوعات يعني).. والبنيت اللي معانا اشتروا باقة ورد.. واشتروا كرت وكتبوه وكل شي..
وشلنا الحلاوة والورد.. وسرنا ركض... وقفنا عند الرسبشن.. نسألهم عن رقم حجرة دانة وقسمها.. قالوا لنا.. وسرنا وكل وحده تسحب الثانية عشان ما نتأخر على أمي في السيارة..
والحين وصلنا للمكان اللي في دانة... ممممم منو بيدق الباب الحين.. آخر شي وحده منا دقة الباب.. محد فتح الباب.. والملف اللي عند كل باب من أبواب المرضى ما كان موجود على هالباب..
سارت وحده تسأل الممرضات عنها... وقالت لها الاسم وكل شي... قلنا يمكن غيرت الحجرة.. فيتنا فكره.. وهي كما يلي:
أنه نتصل لدانة على الموبايل.. ونشوفه وين يرن.. يعني الصوت من وين ينسمع ونسير للحجرة... رن التيلفون لكن ما سمعنا شي..
ردت علي دانة... الو... السلام عليكم... شخبارج دانة؟.. الحمدلله بخير ردت علي.. أنت في أي حجره.. رقم كم يعني...
جان تقول.. انا لا خلاص رديت البيت.. هههههههههههههههههههههههههههههههههههههه قلت لها أوكي... وعطيت اختي تكلمها ويلست أضحك على عمري وعليهم ههههههه... لا وقبل ما ندخل المستشفى أمي قال اتصلي يمكن ردت البيت.. قلت لا أكيد هني.. (شفتوا عاد) وفي السيارة نتنقاش كيف بيكون شكلها.. لأنه ولا مره شفناها.. وكل وحده تخمن..
وبعدين.. نزلنا.. وفي ايدنا كيس الحلاوة (كيس مال المستشفى ههههه) والوردة.. اللي طلعت ذبلانه.. وقلت لهم الناس يدخلون في ايدهم شي ونحنا طالعين وفي ايدنا هالأشياء.. أونه بنمر على أي مريض بنعطيه.. ههههه:)
ردينا على مال الهدايا وقلنا له... خلاص با نرد الأغراض... قال لا ما يصير.. انصدمنا.. قلنا أوكي ما عليه... بناخذ الحلاوة لكن الوردة الذبلانه شو بنسوي فيها (أونه قلنا بنعطي اختي العوده ههههه;)) بعدين بدلوا الوردة بالحلاوة... يعني ساروا ياخذون حلاوة بنفس قيمة الوردة..
وردينا من حيث أتينا... طريق الطين ههههه:) وردينا للسيارة.. وأمي شافتنا وقالت.. أنتوا داخلين ما شي في ايدكم شي.. هذا من وين من عندها.. قلنا لها هيه من عندها.. وقلنا لها السالفة وقهقهنا على عمرنا كع كع كع
وسلالالالالالامتكم... أدري إني طولت عليكم:)
دانة... GET WELL SOON:) وما عليج من السالفة