فديت بابا زايد

[mouza]

مبروووووووووووووووووك عينا رجوع الوالد القايد زايد الله يطول في عمره يا رب
ومبروك عليكم الشهر المبارك وانشاء الله نكون من العتقاء من النار في هذا الرمضان المبارك
ولا تنسو دايما ذكر الله ودعواتكم يا اخواني
اتصدقون نحن مدرستنا مخالفه الناس سو حفلة الاتحاد البارحه السبت ونحن اليوم والله خوش مدرسه لووووووووووووووووووووووووول :)
بس برايه خالف تعرف

[سنفور غبي]

أهلين أبلة موزة :)... احنا ما سوينا البارحة ولا اليوم.. :) بنسويها يوم الأربعاء... ومثل ما قلتي خالف تعرف...:)

وأنا اليوم الفرحة مش سيعاني... فديييت بابا زابد :)

[mouza]

ها سنفور اكيد بتسير المسيرة اليوم من كثر فرحتك
والله زايد في قلوبنا والله :)

[BRABUS]

فديتني أنا بعد :):)

[mouza]

ام بفكر جان بتفداك ويا بابا زايد ولا لا يا اخوي برابوس
خلاص فديت اخواني في سوالف كلهم :)

[BRABUS]

أخوي الصغير بعد يالس عدالي ما تفديتيه ؟؟؟

[بنت المطر]

مبروك عليكم عودة بابا زايد ..


سنفور .. اصلا نحنا كل يوم عدنا احتفالات في المدرسة .. عشان جيه ما ساولنا احتفالات العيد الوطني :)

[mouza]

شو بلاك بربوس خلصت عني التفديو يا راسك خل حق باجر بعد اتفدى ناس غيركم :)
فديتك اخوي الصغير اخو برابوس الشيطان ها بو قرون

[mouza]

عيل مدرستكم دوم فيها يوم مفتوح ها
حليلكم حالكم مثل حالنا :)
اخاف الا انتي وحده من طالباتي :)

[nextjune]

حمد لله على سلامه الوالد القايد :)

الله يطول في عمره ان شاء الله :)

[BRABUS]

عيال الفريج كلهم يو بيتنا

يبون أبله موزه تتفداهم :):)

[mouza]

ويا راسك يبت الفريج كلهم لا لا بعيد دخيلك
خلصت اليوم باجر
انا اتفدا بابا زايد وبس :)

[نملة]

فديت بابا زايد والله :)
والحمدلله على سلامته :)

والله وناسة اليوم...(;) بنت المطر) اتكلم كويتي

بس بغيت أعرف أبلة موزة...ليكون انتي مس مديحة ;) ولا شو رايج بنت المطر؟؟

تحياتي..نمولة:)

[mouza]

لوووووووووووووووووووووووووووووووول
هاهاهااها ضحكتيني ويا ويهج يا نموله
شو اخبارج اختي
بس لا تخافين لا مش مس مديحه :)
ومبروك عليج الشهر ورجوع زايد بالسلامه

[سنفور غبي]

لو مب مس مديحة... عيل أبلة سعدية :)

[mouza]

اخبرج مس مديحه ما اعرفها بس ابله سعديه اعرفها بس اخاف تشابه اسماء
لووووووووووووووووووووووووووول

[سنفور غبي]

هي اللي تقول الحمدلله على نعمة الاسلام :)

ولو جاوبتي كده هو حتاخدي صفررر :)

مال الفزكس;)

عيل إذا مب انت مس مديحة ولا أبلة سعدية ... ممممم عيل أنت أنت

مممممممممممم... عيل أبلة مكية :)

[mouza]

والله انتي تيبين اسماء عجيبه غريبه:)

[شذى الورد]

مراحب

مبروك عليكم الشهر الفضيل وجعلنا وياكم من عتقاء هذا الشهر

وحمدلله على سلامة حبيب الشعب زايد الخير

كلنا فى انتظار علشان نعرف من تكون موزة سعدية والا مكية

بنشوف شو عندهم هالبنات

[mouza]

انا روحي مادري
الاخوات يتحروني مدرسه عندهم في المدرسه ويالسين يخمنون اسماء من عندهم
وكله يطبلعون لي اسماء عجيبه غريبه

[سفير]

مرحبا ..
مبروك عليناوعلى الأمة الإسلامية حلول شهر رمضان ورجعة الوالد الشيخ زايد لأرض الوطن ..
وان شاء اللــــــــه تكون آخـــــــر اعواقه متمنين له دوام المسرّات والعافيه والخير

[سنفور غبي]

أقول.. أبلة موزة... لالا الأسماء حقيقية ومب مألفينهم... يعني هالمدرسات يدرسونا... وجي أسماءهم شو نسوي يعني؟ :)

وحتى اسئلي بنت المطر ادرسها مس مديحة... وهي وايد تحبها :)

[بنت المطر]

نملة..سنفور غبي .. فضحتوا البلوات .. سكتوا ..
سنفور .. ابغي اعرف منو الي ايحب الثاني ؟؟ ليكون مس مديحة تحبني و انا مادري ؟؟!!!!

[سنفور غبي]

لا والله.... منو يحب الثاني أونه... الصراحة أنا أحبها.. يحليلها مهما نسوي ما تقول لنا شي... :)

ودوم تمدحنا :( (لا تصدقين)

[mouza]

انشاء الله وصلتو للحل
انا اعتقد مش مدرسه عندكم في وحده في المدرسه اسمها ابله موزة ؟لوووووووووووووووووووووول
حليلها ابله سعديه اللي عندنا تردس انجليزي وبعد طيبه :)

[سنفور غبي]

أبلة مووووووووووووزة... ما شفتي شو صار فينا اليوم.. :(:(:(

شلتنا وأنا وياهم طبعا سايرين عند الأخصائيات نسألهم إذا شي حفلة يوم الأربعاء ولا لأ... جان يقولون ماشي..

عاد أونه تشطرنا وسرنا عند الناظرة وسألناها.... جان تقول... أنتو من وين يايبين هالخبر... منو قال لكم أنه شي حفلة..

وجان تقول لنا أنتو هالسنة علمي غير شكل... زين مني ما عاقبيتكم على هذاك اليوم.. (تقصد يوم الأحد... كنت موديه معاي علم عوووود وبنات العلمي والأدبي وشوي من أول ثانوي تحت ويغنون وحاشرين الدنيا.. ):(:(

شفتوا الظلم يا نااااااااس يا هووووووووو... يعني ما سوو لنا يوم السبت ولا سوو لنا يوم الأحد مثلكم ولا يوم الأربعاء مثل ما كنا حاطين في بالنا... يعني راحت عليك يا صاحبي.. انقص علينا... وكلوا بعئلنا حلاوة :(:(

والله دنيا.. :( يوم سمعت الخبر... أصبت بالاحباط لأني سايرة اليوم وأقول هذا آخر يوم في الأسبوع وبعدين حفلة ووراها الإجازة وفرحاااانة :(

والحين بسير عنكم... أتفطر :(

بنت المطر (لا تضحكين)

[mouza]

ترا الحفلات اجلوها عزيزتي لي نبعد رمضان قرار من الشيخ زايد بعدين ما يستوي يسوون حفله في رمضان بعد ها الشهر له حرمته صح ولا انا غلطانه
وكلنا في الهوا سوا ترا نحن بعد ما سوولنا حفله يلا ماعليه طلعي كل اللي في خاطرج عقب العيد اظني عقب الامتحانات نهاية الفصل مرة وحده عشان تستانسون
ولا يهمج من اعرف متى الحفله بخبرج

[سنفور غبي]

اوكي :(.... هيه تذكرت... ترا أنت معزومة في حفلة التخرج :) (من الحين نقول عن أنسى بعدين ;))

[mouza]

حاضرين وانشاء الله يايين بس اي مدرسه انتي

[الإمبراطور]

ضحكتوني يا موزة ويا سنفورة.




.......الإمبراطور.........


مع تحياتي................

[سنفور غبي]

أهلا بامبراطور روما... كع كع :)

وليش ضحكناك؟؟؟ أنا أتكلم جد... هي معزومة لحفلة التخرج :) لو تبا نعزمك حاضرين.. ;)

[bent_zayed]

الحمد الله على سلامة الوالد وانشاء الله يطول عمره ويظل دايم فوق روسنا

[bent_zayed]

مبروك على كل شعب الامارات والعيد يانا برجعت الوالد
http://www.alshamsi.net/sagdah22.jpgf

[bent_zayed]

مبروك على كل شعب الامارات والعيد يانا برجعت الوالد
http://www.alshamsi.net/sagdah22.jpg

[بردان]

مساكم الله بالخير ... انشالله السنه عيدنا عيدين عيد الفطر و عيد صحة وشفاء ابونا الغالي زايد ... ومشكوره ياموزة علي هذالمضوع ... اخوج ........ ااااااااتشووووووو بردان لتلحف (^__*)

[فتى الامارات]

مبروك عودة القائد

[mouza]

والله امبراطور انشاء الله دوم تضحك من خاطرك هاهاااهاهاه


تسلمين يا لغاليه سنفورة اذا لقيت وقت باي حفلتكم

وبنت شكرا على الصورة والقصيدة الحلوة صراحه تجنن :)
وفتى الامارات شكرا على الكلمات وبابا زايد يستاهل اكثر


والحين يا دورك بردان تلحف --صراحه يا اخوي بردان تولهنا عليك
بس جدا فرحت يوم شفت موضوعك :) واهلا بك