مدردش متقاعد
12-11-2000, 07:01 AM
أهلا بكم أخواني و أخواتي من جديد في الدردشات البحرية.. و أتمنى إني ما أكون ثقلت عليكم..و انكم تستمتعون بقراءة هذه الحلقة:)
كانت أول رحلة لي على أول سفينة سنة 97 و بالتحديد بعد ما خلصت فترة اللغة في بريطانيا، لأن كان راي الشركة إن كل متدرب يطلع فترة تجريبية مدتها 4 أسابيع بعد ما يخلص اللغة علشان يجرب الحياة البحرية و يشوف عمره هل بيقدر يتحمل و يكمل و لا ينسحب من أولها قبل ما يطرشونه الكلية و يخسرون عليه الآلاف المؤلفة من الجنيهات!!..
على العموم .. خلونا من الكلام الزايد.. و خلوني أحكي لكم عن أول ما طلعت السفينة
الله يسلمكم خلصت من فترة اللغة.. و صرت بلبل إنجليزي الحمدلله :) فرديت البلاد في شهر 5/97 و بالتحديد يوم 27/5 بعد فترة غياب امتدت لحوالي 6 شهور.. أخذت لي إجازة قصيرة و كانت الشركة مرتبة إني أطلع على وحدة من سفن الشركة اسمها "الحمرا" و كانت في تلك الفترة سفينة يديدة (نقع من الوكالة) ما كملت 8 شهور.
التحقت في السفينة يوم 5/7/ 97 من الحوض الجاف في دبي، و ما أقدر أنسى هذا اليوم صراحة.. كان يوم عجيب.. كنت متلهف إني أطلع السفينة و اشوفها.. و في نفس الوقت خايف و عندي شي من الرهبة.. ما أدري ليش… لكن يمكن كان هالخوف بسبب الي قالولي إياه المسؤلين أول ما التحقت بالشركة.. خوفوني الله يسامحهم:(
و
بعد ما أنسى كيف كانت الوالدة خايفة علي.. كانت وايد متأثرة بسفري لبريطانيا فما بالكم يوم سرت البحر !!;
على العموم سرت من أبوظبي لدبي في اليوم المحدد بتاكسي الغزال (إحم إحم) بس على حساب الشركة طبعا:) و سرت على طول للحوض الجاف و هناك استقبلني مندوب عن الوكيل البحري (الوكيل البحري هو المسؤول عن تخليص المعاملات لكل سفينة في أي ميناء تروح له السفينة، و من مهاهمه إنه ينسق عمليات التحاق الملاحين الجدد للسفينة و ترتيب حجوزات الفنادق و الطيران للملاحين المغادرين و غيرها من المهمات الأخرى) .
انتظرت في غرفة الاستقبال إلى أن وصلت السفينة قريب من المينا و كلكم شفتوا كيف كبرها.. فصعبة إنها تدخل المينا .. و أصلا ما كان في داعي لأنه السالفة كانت مسألة التحاق ملاحين و مغادرة ملاحين آخرين.. فركبت على طراد صغير وداني أنا و مجموعة من الملتحقين الجدد ما بين مهندسين و ملاحين.. و الشعور الغريب ما زال بداخلي.. شوق و لهفة … و خوف و رهبة في نفس الوقت.. لدخول هذا العالم الجديد و الغريب.. و اكتملت المشاعر هذي مع أول مرة لي أشوف فيها السفينة أول ماقربنا منها… منظر بصراحة غاية في الروعة خاصة إن الدنيا ليل و كانوا مشغلين جميع الأضواء و الأنوار مثل أنوار و ليتات الأعراس الي نشوفها (كل هذا علشان المدردش بيلتحق ;) ..
أخيرا وصل الطراد للسفينة.. و عاد تخيلوا طراد صغير ما يتعدى طوله 8 أمتار عدال سفينة طولها حوالي 293 متر!! يالله يالله اتبين.. و المصيبة كانت في الدرب و المشوار الي يبالي علشان أطلع للسفينة.. نزلولك ذاك الدرج الي أول ما شفته زين ما أغمي علي.. طويل بدرجة…. تقول درج مال سيارات المطافي.. يعني كان يبالي فترة مب شوية علشان أطلع.. خاصة مع الأثقال الي على ظهري ( ما خليت جنطة في البيت إلا أخذتها وياي) ………….خطوة .. بخطوة.. و أنا متقبظ بالحاجز.. خايف إنه الدري يطيح..و زايغ إني أطالع تحت..
Excuse me please.. Hurry Up تراك أخرتنا !!
يا ترى.. مالذي صار؟!! و من تجرأ عليك يا مدردش...
إلى اللقاء في الحلقة القادمة
تحياتي
كانت أول رحلة لي على أول سفينة سنة 97 و بالتحديد بعد ما خلصت فترة اللغة في بريطانيا، لأن كان راي الشركة إن كل متدرب يطلع فترة تجريبية مدتها 4 أسابيع بعد ما يخلص اللغة علشان يجرب الحياة البحرية و يشوف عمره هل بيقدر يتحمل و يكمل و لا ينسحب من أولها قبل ما يطرشونه الكلية و يخسرون عليه الآلاف المؤلفة من الجنيهات!!..
على العموم .. خلونا من الكلام الزايد.. و خلوني أحكي لكم عن أول ما طلعت السفينة
الله يسلمكم خلصت من فترة اللغة.. و صرت بلبل إنجليزي الحمدلله :) فرديت البلاد في شهر 5/97 و بالتحديد يوم 27/5 بعد فترة غياب امتدت لحوالي 6 شهور.. أخذت لي إجازة قصيرة و كانت الشركة مرتبة إني أطلع على وحدة من سفن الشركة اسمها "الحمرا" و كانت في تلك الفترة سفينة يديدة (نقع من الوكالة) ما كملت 8 شهور.
التحقت في السفينة يوم 5/7/ 97 من الحوض الجاف في دبي، و ما أقدر أنسى هذا اليوم صراحة.. كان يوم عجيب.. كنت متلهف إني أطلع السفينة و اشوفها.. و في نفس الوقت خايف و عندي شي من الرهبة.. ما أدري ليش… لكن يمكن كان هالخوف بسبب الي قالولي إياه المسؤلين أول ما التحقت بالشركة.. خوفوني الله يسامحهم:(
و
بعد ما أنسى كيف كانت الوالدة خايفة علي.. كانت وايد متأثرة بسفري لبريطانيا فما بالكم يوم سرت البحر !!;
على العموم سرت من أبوظبي لدبي في اليوم المحدد بتاكسي الغزال (إحم إحم) بس على حساب الشركة طبعا:) و سرت على طول للحوض الجاف و هناك استقبلني مندوب عن الوكيل البحري (الوكيل البحري هو المسؤول عن تخليص المعاملات لكل سفينة في أي ميناء تروح له السفينة، و من مهاهمه إنه ينسق عمليات التحاق الملاحين الجدد للسفينة و ترتيب حجوزات الفنادق و الطيران للملاحين المغادرين و غيرها من المهمات الأخرى) .
انتظرت في غرفة الاستقبال إلى أن وصلت السفينة قريب من المينا و كلكم شفتوا كيف كبرها.. فصعبة إنها تدخل المينا .. و أصلا ما كان في داعي لأنه السالفة كانت مسألة التحاق ملاحين و مغادرة ملاحين آخرين.. فركبت على طراد صغير وداني أنا و مجموعة من الملتحقين الجدد ما بين مهندسين و ملاحين.. و الشعور الغريب ما زال بداخلي.. شوق و لهفة … و خوف و رهبة في نفس الوقت.. لدخول هذا العالم الجديد و الغريب.. و اكتملت المشاعر هذي مع أول مرة لي أشوف فيها السفينة أول ماقربنا منها… منظر بصراحة غاية في الروعة خاصة إن الدنيا ليل و كانوا مشغلين جميع الأضواء و الأنوار مثل أنوار و ليتات الأعراس الي نشوفها (كل هذا علشان المدردش بيلتحق ;) ..
أخيرا وصل الطراد للسفينة.. و عاد تخيلوا طراد صغير ما يتعدى طوله 8 أمتار عدال سفينة طولها حوالي 293 متر!! يالله يالله اتبين.. و المصيبة كانت في الدرب و المشوار الي يبالي علشان أطلع للسفينة.. نزلولك ذاك الدرج الي أول ما شفته زين ما أغمي علي.. طويل بدرجة…. تقول درج مال سيارات المطافي.. يعني كان يبالي فترة مب شوية علشان أطلع.. خاصة مع الأثقال الي على ظهري ( ما خليت جنطة في البيت إلا أخذتها وياي) ………….خطوة .. بخطوة.. و أنا متقبظ بالحاجز.. خايف إنه الدري يطيح..و زايغ إني أطالع تحت..
Excuse me please.. Hurry Up تراك أخرتنا !!
يا ترى.. مالذي صار؟!! و من تجرأ عليك يا مدردش...
إلى اللقاء في الحلقة القادمة
تحياتي