كـيـف أقولـك ؟

[جواد الليل]

كيف أقولك ..

وش أقولك ..

أقولك إني كنت أرض لك .. وفرشتها
وأنتي عيّيتي لا توطينها !

أقولك ان روحي شمس لك .. سويتها
وحرقت نفسي لأجل أدفيك بها .. وأنتي قلتي لا !

,,,,,, قلتي لا خلني بردانه ,,,,,,,

تحبين البرد ! ولا تخافين النار !
اللي تكشف وجهك وماضيه وأحزانه !

ش أقولك !
أقولك إني فديت عمري لاجلك ..
وأنتي بدنيا غير دنيتي .. ولهانه !

تحبـين !
تحبين الحب .. والحب وش هو عندك ؟!
حبيب وكلمة أحبك وعيون سهرانه !!

وأنا اللي حبيت تراب الأرض اللي يمك ..
وترجيتك توطينه لاجل أزرع به .. وردة هوانا

هذي الأرض اللي تكبرتي عليها بغرورك ..
هذا أنتي اليوم تترجين .. وتتوسلين اني أدفنك فيها ..

,,,,,,,, وتقولين .. تكفى أنا ندمانه !!

معليش .. ماقدر .. أعذريني يا ندمانه
خلك على الأرض اللي انتي بها الحين ورطانه

وأنا .. أدري أني بوطى ذي الأرض ..

ولازم أني أدوسك ..

وأدري !! ولو كان قلبي مخـتبي بين ضلوعك ..

أبدوســــك ..

وآدوس قلبي ..

وأتوطى جروح نزفانه ..

خلها ..

خلها الجروح تزيد و تزيد ..

لاجل ينزف كل الدم اللي في عروق .. فـسـدانه .

--------------------------------------------------

معذوره .. صعب تفهمين اللي أقول
وبعد .. صعب أني أوضح الأمور لوحده .. خسرانه .

أنا جواد الليل ..

وأنتي وش تعرفين عن الليل ! غير انك به تكونين شيطانه .

معذوره .. وش يدريك عن الجواد !

وش يدريك عن جواد !

وأنتي بين ضباع ربيانه .

جواد .. جواد الليل اللي بعيونه
تنام الحبيبه دفيانه

ينام وعيونه وجفونه كلها سهرانه ..
تحرس الأرض .. تحرس الحب .. من ذياب للغدر عطشانه .

الله .. الله يا دنيا الغدر والخيانه
ما تركتي شي !
الا وحفرتي به علام ..
ورسمتي فوقه رمز للخيانه .

--------------------------------------------------

بس ماقولك ..

غير أني أدري ..

أدري انه يوم كل ابصار الخلايق .. يوم انها شاخصه للسما خيفانه

يومها ..

يومها إنتي الوحيده اللي نظرها للأرض .. خجلانــه .

[unique]

تعبير يمكن قاسي شوي او قاسي كثير
لكن حنا الان في زمن الصدق فيه عمله نادره
والخداع والتسليه واللعب عمله متوفره
عشان كذى انا ابرر قساوتك عليها
تحياتي :(

[ملول]

جميلة هذة الكلمات اخي .. جوادالليل

فعلآ رائعة ..

[جواد الليل]

unique.. والدنيا أقسى بعد .. أشكرك جدا .

ملول .. أشكرك , وأتمنى لك التوفيق .