الـيـهـا ...فـقـطـ ...( ريـنـالـد )

[النايف]

هذي عيوني و هذا النوم في حرب و سلام
هو يسوق لها النعاس و هي تمرد به عليه
لو شرت به رضوة التفكير و حصان الكلام
كان صار الليل ترحيبة كريم براحـــتيـــــــه
***
عطني ذراعك أبقهر به سهر عيني و أنام
عطني أنفاسك و أمد الظل و أشبك ضفتيـه
غن لي يا خلي : " نام و أذبح أجواز الحمام "
و أصبعينك فوق هذا الجفن كنهم والديــه!
روضة واينع زهرها بالبختري و الخزام
ذاك صدري .. و الحيا طاريك قاده من يديه
من مراجيح السما هذي مزونك و الغمام
كل ضلع يلتـــــــــــــويه و كل عين ترتويه
***
أنت ياللي حرمك ربي على دروب الحرام
و الملقف و النفوس السود و عيون السفيه
سمعتك مثل الذهب و انت الذهب بك مستهام
مـاخـذ من ملحك اللي هو يـبـيـه و ما تـبـيـه
يعربي فيك نشوة خال من نشــــدة عمام
و فوق هذا فيك غنج و فيك لطف و فيك تيه
لا أبد مالك شـبـيـه و لا حلي من الأنـــام
انخلق منك أربعينك فيك ثم صرت الشـبـيه!
جامع في مرايتك حلوى الجنوب و ملح الشام
فدوة له كل عين ناظرته و تشـتــهـيــــــــه
الوسايد ما أسألت رقتك يا ريش النعام
إسألت ذا اللي توسد عاتـقك : " يشريها ليه "؟!
لو قسمنا للقمر نصف البياض من الظلام
و ش بقى لليل الأدهم من جديلك ما لقيه؟!
***
كنك اللي يزرع الظلما و يحصدها منام
و كني اللي يزرع السلوى و يحصدها و جـيـه!
كم عذرت و كم صفحت و كم رجعت من الملام
و العـذر أقـبح من الذنب و اردد : " ما عليه "
كيف أنام ؟ و بعدك أضناني و قربك ما يسام
و الله انه لويسام بباقي العمر اشــــــــتـــــريه
كيف أنام ؟ و ذا مصيري من مقام في مقام
مثل عود بين أصابع من دوي الهاجوس فيـــه!
كيف أنام ؟ و حبك أشــقاني و تعذيبك هيام
و الرجا ما بين لو بين كــيف و بين ليـــــه!
كيف أنام ؟ و خاطري مكسور و ضلوعي حطام
و العمر فاني و أنا اللي ما طويته و اقتفيه
***
قلت : " أحبك " و انكسر غصن الوصل من بعد عام
كيف أجل لو قلت : " أحب اللي يحبك و افــتديه " ؟!!