View Full Version : ليالي وردية - 2 -
زهرة الليلك
19-10-2000, 01:17 AM
ملكة جمال _ بس ايش جاب لجاب _
في الصيف لما كنت مسافره زرت أحد المصانع مع الاهل .. المهم في الوقت اللي أهلي كانوا يلقون نظرة على المكان و المعروضات ..
جلست انا على أحد المقاعد الموجودة ومعاي أخوي الكبير .. المهم مدير المصنع كان صيني ملقوف وهذار ماصدقت أهلي يخلصون عشان نفتك من هذرته ..
ومع جملة الكلام والسوالف اللي صارت سالني سؤال غبي خلاني أضحك وأحاول أكتم ضحكتي .. والمشكلة انه كان جاد في استفساره مش مجرد كلام وبس .. يقول عندكم في السعودية فيه حفل لاختيار ملكة للجمال ؟؟؟ قلت له لا عاداتنا وتقاليدنا ماتسمح للبنت بالظهور بالطريقة اللي احنا نشوفها .. .. راح وقال لو عملوا حفل اختيار ملكة جمال العالم راح تطلع البنت السعودية في المركز الاول .. لأن فيها من المواصفات ومقاييس الجمال الشيء الكثير واللي من الممكن اننا مانشوفه في الغير (نصاب ويبالغ في كلامه بس يعطيه العافيه) :)
سكت وانا اقول بخاطري هذا يقول ملكة جمال وعندنا ناقة جمال !!!
سؤالي هو :
ماهو مقياس الجمال لدى كل شخص منكم .. هل هو جمال الوجه ..
أم جمال الجسم .. أم الخلاق وجمال الروح .. أم أن كل منها مرتبط بالآخر؟؟؟
وهل نحن فعلا بحاجة لمثل هذا الحفل واختيار ملكة للجمال ..
وطيب لو اختاروها ايش الفائدة اللي راح تعود عليها .. كلها سنه ويروح اللقب لغيرها وتروح أيامها معاها ..
طيب وبعدين .. يش الانجاز اللي صار ؟؟؟
-----------------------------
اهدء الليلة ..
آخر أغنية سمعتها للفنان أصيل أبوبكر ..
وبكل هدوء .. وبكل محبه
اسمعي الكلمة الأخيرة
ما أبيك ..
وان رجعت .. أترك الديرة وأسافر غير ديرة
وبكل هدوء
عرفتك والنظر خداع
صدقتك وطاوعتك
سلمتك شعوري بساع
وأثاري صح كل اللي سمعته
وشاع
اسمعي الكلمة الاخيرة
ما أبيك .. ما أبيك
كلما انتهى الموضوع
تفكر تنسى أو ترحل
شسوي ايش حيلة المخدوع
يعيد الكرة من أول
وأثاري صح كل اللي سمعته
وشااااااااااع
اسمعي الكلمة الأخيرة
ما أبيك .. ما أبيك ..
وبكل هدوء ...
http://www.kubbar.com/Music/aseel-alkelma_alakheera.ram
هلا اختي زهرة
فعلا ما هو مقياس الجمال لدينا ؟
كثير منا قد ينظر الى الشكل والقشور
لكن يوجد هناك ما هو اجمل واروع من تلك القشور
المضمون والجوهر
هو لب الجمال
تحياتي اختي زهرة وبالتوفيق..
هلا بك أختي العزيزة زهرة:):)
الله يمسيك بالخير
موضوعك جميل جدا فاتحة خير في ليالي زهرة الوردية
تخيلي يصير عندنا مسابقة ملكة جمال في السعودية , اي هين في
المشمش , هذا من رابع المستحيلات ولا احد يوافق علية وانا اولهم
ان الله جميل ويحب الجمال , لكن انا اختار الخلاق وجمال الروح , لانه الذي يدوم الي الابد
اشكرك علي الاهداء , وبصراحة موضوعك ليالي وردية جميل ورائع , الله يعطيك العافية والي الافضل ان شاء الله
تحياتي لك اختي العزيزة زهرة سوالف المتالقة...:)
نـاظـج
زهرة الليلك
19-10-2000, 01:32 AM
فعلا .. ماراح أقول ان الشكل مش مهم أبدا بالعكس .. لكن في اعتقادي ان الجمال يكتمل بس لما تكتمل كل الصفات وحلاوة الروح والاخلاق قبل كل شي .. هي الاساس ..
أنا في مجال عمل واختلاط .. ومن هذا المنطلق أأكد وأقول ان جمال الوجه ماهو كفاية أبدا ..
شكرا لمشاركتك الجميلة ..
زهرة الليلك
19-10-2000, 01:44 AM
كلامك حلو .. ورأيك أحلى ..
حلو ان الشخص يكون عنده غيره على أهله بس مش كتير كتير .. الحلول الوسط حلوه في كل شي ..
وبعدين لاتتعب تفكيرك لأن الشي هذا ماراح يصير ولا في الاحلام ..
خلاص راحت عليهم وخذتها ناقتهم :)
ساهر الليل
19-10-2000, 02:11 AM
مساء الورد عليك
فعلا اصبح الموضوع فكره جميله اتمنى اكثر الاعضاء يسيرون
على هذا النهج :)
ليلتك الثانية جميله طبعاً ...
حل موضوع الجمال لكن بصراحه ما اعتقد فيه مقاييس
معينه للجمال غير هوى النفس وحكمها :)
--- عندي ملاحظة / الليله هذي قصيره يا ريت تطول اكثر ...
تحياتي زهرة :)
wildorchid
19-10-2000, 02:21 AM
حبيت أسجل حضوري..:)
أما مسألة الجمال..صدقيني كل الرجال راح يقولون لك الروح - مي اللي في سوالف :) - لكن لما يجي الجد..ماتشوفين الا شبيهات سندي كروفورد في كتالوج الخاطبه :):):)
unique
19-10-2000, 02:32 AM
هلا زهره :)
ليله جميله وياكي
شوفي عزيزتي
الجمال جمال الروح والاخلاق والشكل
كلها مترابطه
وكلها مهمه
وما في رجل في الارض ما يهمه الشكل الخارجي
لانه صراحه بعد مهم
اجل يقابله وحده شينه
بس للاسف البعض ينسى الاخلاق والروح ويتجه للشكل بس
وكلها مهمه
:)
شجون المحبه
19-10-2000, 02:42 AM
مــــســـــاء الانــــوار وصباح الجمال والحب والسرور...:)
ياعيني ...تخيلي بس انتي يكون في ملكه جمال ..
في الخليج مو في السعوديه انقول بوجه عااااااااام .....
كان صارت حوسه وعفسه .....واللي تتخيليه واللي ما تتخيليه ..
قد سووووه البنات بس عشان يترشحوا للمسابقه مو حتى يصيروا الملكه ...
لكن وش فايده ان اكون ملكه جمال ..ليش ما سمعتوا لبنانيات
شوه كانوا يقولون في الاسئله اللي يسالونهم ايها الهيئه الحكم ..
كل وحده تقول ...اتمنى يصير السلام ويعم العالم ..
واتمنى اني اسعد الاطفال ولا اخلي ولا طفل في العالم يبكي ...:)
شفتي وين الفايده يا زهره .....
والله صدقيني مسخره في مسخره وبس..
المهم ان صورها تنتشر في المجلات والتلفزيون
وانها صارت ملكه جمال ودمتم سالميين .....
غير جيييه مافيه ...
زهره تحياتي لكِ ولــــــــــلياليكِ الورديه ..:)
زهرة الليلك
19-10-2000, 02:45 AM
ساهر الليل ..
كل هذي وقصيرة .. بسلأنك مادريت اني كتبت الموضوع ولما جيت أرسله انمسح :( أصابعي عورتني وقلت بس يكفيكم اليوم :)
----------------
أوركيد ..
كلامك منطقي ومعقول .. بس عاد خلي الرجال يسمعونك وكل واحد بينكر :)
----------------
يونيك ..
كلامك جميل وماعليه غبار
****
بس تعرفون ان الكل جاوب على الشق الاول من الموضوع وتناسى الشق الثاني .. واللي هو لو انه تم اختيار ملكة للجمال ايش اللي راح تستفيد منه ... كل اللي راح تحصل عليه ماهو الا لقب زائل ..وبعدين ؟؟ظ
زهرة الليلك
19-10-2000, 11:34 AM
صدقتي والله تخيلي لو هم سووها وقالوا بيرشحون ملكة حكال من عندنا ؟؟؟ احنا كذه ومو مفتكين من صرعات هالبنات وحركات نص الكم .. كل يوم وحده طالعة لي بشكل :)
تحياتي لك عزيزتي .
القط الوردي
19-10-2000, 01:37 PM
لانـــه انبهـر بجـمالك:):)
باقي الاسـئـلة اجاوب عليها
في وقت لاحـق اليوم:)
ريانة
19-10-2000, 02:11 PM
زهروووو
يحليلك والله.....وتقول مشغولة .... اقول قومي حللي راتبك احسن
وخلي عنك خرابيط الصيني...الضاهر سنارة الصيني غمزت:)
والا...........مين اللي سنارته غمزت:)
دموع حائرة
19-10-2000, 04:18 PM
مقياس الجمال .. جمال الاخلاق والروح والشخصية .. ويتبعها الباقي .. وان ما وجد الباقي فهذا ليس مهما ابدا ..
ونحن في غنى تام عن هذه التفاهات .. فهي مخالفة لديننا اولا ثم عاداتنا وتقاليدنا وافكارنا بصورة اساسية ..
وايش اللي نجنيه .. ولاشيء ..اخطاء .. ذنوب .. معاصي .. اثام ..
تحياتي ..
زهرة الليلك
20-10-2000, 02:49 PM
لاوالله :) ومين اللي قال
زهرة الليلك
20-10-2000, 02:52 PM
لو انك مفتحه عينك شوي كان فتي الساعة كم أنا كاتبه الموضوع (01:17 AM) كذه زين لك الحين ..
أقول روحي سوي فحص نظر حبيبتي :)
القط الوردي
20-10-2000, 03:33 PM
احــســاس قـديــم
( باالخـبـرة):)http://www.swalif.net/sforum/images/icons/icon12.gif
زهرة الليلك
20-10-2000, 11:27 PM
دموع ..
تسلمي لي على رايك واللي بجد عجبني بس مين يسمع ؟؟؟
-------------
القط ..
يمكن يكون احساس خايب .. ووقتها الخبرة ماتفيد :)
تفاحة
21-10-2000, 12:59 AM
هلاوووين زهرة سوالف //
اعتقد كلامك كان في الاصل موجه لرجال سوالف :)
لكن احب اشارك //
معروف ان الجمال جمال الروح لكن في الواقع غير كذا
الجمال هو ان تكون الفتاة ذات وزن مناسب مع طولها
على ان يكون وزنها ناقص 20 من طولها :)
يعني إذا وحده وزنها 55 لازم طولها يكون 175 او اقل قليلا
على ان لا ينقص عن الميه والسبعين
وطبعا لا ننسى تكون بيضاء البشره ولو كانت قوس قزح على كل الانظمه افضل :):)
الشعر طووويل ولا يهم ان كان اجعداً غير ناعم
العين واسعه والسواد فيها حالك ولا يهم ان كانت مثل لون قلبها
الخشم واقف كحد السيف ولا يهم ان كان دمها واقف مثل خشمها
المبسم :) على حسب الاهواء فيه ناس تحبه كبير طقم مع الاذن :)
وناس تحبه صغير طقم مع الخشم :) ولا يهم ان يكون اللسان سليطاً
المهم الجمال //
تحياتي //
شجون المحبه
21-10-2000, 01:05 AM
اقول عزيزتي ....من وين هاي الخبره بالجمال؟؟
وبعدين ما ينفع غير هالمواصفااااااات يعني ..!!!!
زهرة الليلك
21-10-2000, 01:12 AM
ياتفاحة يارايقة ..
مواصفاتك اللي ذكرتيها على العين والراس بس مين قال لك حبيبتي ان كلامي كان موجه لشباب سوالف ؟؟؟
بنت الأحزان
21-10-2000, 03:06 PM
مرحبا.. حبيت أرفع الموضوع..
عشان أرد عليه في وقت لاحق
لضيق وقتي .. :(
اسمحي لي..
لكنك دائما مبدعة :)
تحياتي لك :)