سامي يقود فريقه للفوز على روترهام

[هاوي نغم]

قاد اللاعب السعودي الدولي سامي الجابر فريقه الانجليزي وولفز
هامبتون للفوز على روترهام بهدفين مقابل لا شي ...
وقد احرز سامي كلا الهدفين .. الاول كان في الدقيقه الخامسه عشر من
الشوط الاول ... والثاني كان في الدقيقه الخامسه والاربعين من
الشوط نفسه ..
نتمنى للاعبنا الكبير التوفيق في جميع مبارياته القادمه باذن الله

[الاماراتي]

^_^
:)

[زعيم الشواهين]

كبيرة كلمة قاد هذا اولا. ثانياً حتى الان مابعد يعرفون خويهم يعني مابعد يورونة الشدة, انا اظن وليس كل اظن اثم انهم معطينة ثلاثة اسابيع مجاناً تعرف الانجليز عارفين عوايدنا حيث نعطي الضيف ثلاثة ايام حتى اسمة مانسأله عنه. شوف ياحبيبي انت ماتعرف الانجليز ولعبهم, ترى سامي الله يحماه بالنسبه لهم مثل الوليد ولا يغرك كلام جرايدنا تراه كله خريط مجمع والا الناس تذكر الاهداف وربيعنا يقولون سامي هز العارضة مرتين او اكثر خلال المباراة. بالله عليك هل سمعت او قرأت ان مارادونا او اي لاعب اَخر كل اللي سواه في المباراة هز العارضة حتى لو مرة واحدة في المباراة, اظنك هالحين تضحك...ارجع واقرأ اي تحليل في الصحافة الدولية وقل لي انهم كتبوا مثل هالخريط المجمع. على العموم حط في اعتبارك ان الانجليز وحوش وشايفين ان مافيه احد يعرف كورة الا هم والدليل وهذا معروف للجميع انهم تأخروا في المشاركة في كاس العالم لان كل الفرق المشاركة لاتستحق ان ينزل الانجليز من قدر انفسهم ويلعبون معهم وتسلم ياعيوني وسلم على قاد.

[هاوي نغم]

يا حبيبي يازعيم الشواهين .. انا كلامي هذا مافيه تعصب .. وتراني
ماني هلالي ... لكن انت اللي واااااااضح من كلامك انك حاقد على
سامي !!! ياخي انا ماكتبت ان سامي قاد فريقه للفوز كذا عبث ..
يعني مايكفيك انه جاب كل الهدفين في ذيك المباراة ؟؟؟؟
والا بتنكر بعد ؟؟؟؟
مرة ثانيه اقولك اذا انت متعصب حاول انك تخفف شوي من تعصبك وخل
نظرتك لمثل هذي الامرو اكر واقعيه .. فالمنتدى هذا وضع للعقول
الرياضيه المتفتحه (بعيدا عن التعصب ) ..

[زعيم الشواهين]

الله مايجيب التعصب بس انا ابي صحافتنا تتبع نصيحتك وانا تراني ماني حاقد لاعلى سامي ولا على غيره لانه بكل بساطه ماراح يشاركني في الميراث مثل مايقول اخوانا المصريين.
ابقول لك وش اللي قاله زين الدين زيدان يقول بما معناه ان من اول عشر دقايق وواحد من لا عبي المنتخب الانجليزي حاطني في دماغه الا يخشن معي مع ان المباراه كانت وديه وقس على ذلك وبعدين ياأخي ماتبينانقول وجهة نظرنا الشخصية, اذا كان كذا وشهو رايك بكلام يوسف الثنيان لما قال ان النادي اللي احترف فيه سامي ماهو من مستوى سامي وبالتالي الكرة السعودية وايضاً كثير من اعضاء الشرف في نادي الهلال لهم وجهة نظر ضد احتراف سامي تبي تقول عنهم انهم حاقدون.
الخلاصة ان الحكم على مستوى اي لاعب يكون في نهاية فترة معينة او نهاية الموسم ماهو في مباراة ومن اول هدفين هذا اذا تبي الراى الصحيح ولن ادعي العلم لكن هذي حصيلة ثقافتي الرياضية البسيطة وتسلم يالغالي.