وداعــــــاً

[شاهين]

الأخوة والأخوات الأعزاء

أشــــعر بأنه قد حان وقت الوداع

...مع خالص شكري وتقديري لكافة الأخوة والأخوات ، وكذلك المراقبين على حسن تلطفهم وبتحمل "غلاستي".

اســـتودعكم الله آماناتكم وخواتيم أعمالكم

ولاتنسوا أن تدعوا لي بالخير بظهر الغيب


والسلام عليكم ورحمة الله وبركاته

[LEENA]

شاهين ......

ذهابك هو خساره للمنتدى...

راح نفقد شخص ماقد اساء او تطاول على اي عضو في سوالف..

زرعت الحب والاخترام في قلوبنا..

بالحب والتوفيق اهديك سلامي..

وتذكرنا..

اختك
ليــــ ليه دائما لكل شي نهايه !ــــــنا

[شاهين]

أشــــــكر لك تعاطفك ..ولكن..

يبدو أنه لابد أن نتيح الفرصه للإخوه المستجدين طالما أنه لم يعد لدينا ما نقدمه.. وأن أمور اخرى تشغلنا على أن نشارك بصفه مستمره في هذا الموقع.

ربما نبقى نطل مابين فينه وأخرى

[الجمل]

نستودعك الله وسامحنا ان غلطنا عليك بدون قصد
ولاتنسانا من الفينه والاخرى على قولتك:)

[حنون]

شاهين

شفلك صرفه بالموضوع

ان قدرت تمسحه والا اتوسط لك عند سوالف اخليه يمسحه

بس سوالف كبير بالحيل اخاف يمسحك مع الموضوع بدون ما يدري

والا اقولك
اتوسط لك عند مراقب حليو وحبوب يمسح الموضوع بس ويخليك عندنا

===========================

الحين انت من جدك تتكلم

من متى تعرف كلمات الوداع والفراق

ياخي لقد احزنت قلبي بموضوعك

من يصدق هالكلام شاهين سيترك سوالف :(

مسكين يا حنون :( مسكين:(

هاانت تفقد اخ عزيز اخر في سوالف

لما ؟

هل بدر منا شيء يضايقك؟ () طبعآ كل يوم تتطنز عليه وتبيه يقعد()

هل غلط عليك احد () ابد ماكنك استلمته بمواضيع كامله ()

مدري شقول

بس اسئل الله العلي القدير ان لا يوفقك الا بالتوفيق الحسن

ويجعلك شوكه في عيون وحلوق من يريد لديننا سؤ



حنــــــــــــــــــــــــــ شاهين .......طيب اقلها حط ايميلك :)ـــــــــــــــــــــــون

[جاسم]

لا لا
وين بتروح انا اجي وانت تروح
لين حضرت الشياطين ذهبت الملائكة

وين بتروح انت من الاعضاء المتميزين

راجع نفسك واسمع نصيحة الخبير جاسم

واقعد معانا

وحتى لو سافرت ما في كمبيوترت الا في بلادك

شفتوا شباب صكيت عليه

يبغي يتهرب منا بس

وعليكم السلام ورحمة الله وبركاته

[شاهين]

الى جاسم .... مع التحيه

يالحبوب المســأله مب مســأله إنس وشياطين وإلا خلافه ..الموضوع إنه لايمكن التنسيق في الوقت كالسابق ..
كما لايوجد جديد في الوقت الحاضر يمكنني إضافته ( بدون تواضع أو تطاول) ، كما إن الخير في الدماء الجديده.

[شاهين]

الى الحبيب ((حنــــــون))

بكل صدق وأمانه لم يبدر منك مايؤدي الى ترك سوالف بسببه

بل على العكس كنت ذا صدر وبال واسع ومتسع لكل مهاتراتي معك.

ولك وللأخرين إليك عنواني الالكتروني

shaheen96@hotmail.com

وأقدم شديد إعتذاري لك (على الأخص) ولك الإخوه والأخوات إن بدر مني مايعكر صفوهم.

وللجميـــــع بلاإستثناء تحياتي

[شاهين]

الجمل العزيز

شــــاكر لك ومقدر لك

ولاتنسـانا من دعائك

[أبو غازي]

علي وين عزيزى ؟؟
إذا كان إبتعادك عنا لمصلحتك فليس عندنا مانع ؟؟
أما إذا أحد ضايك قولي بس وأنا أوريك فيه ( يا رب مو حنون ) ؟؟
عزيزي ..
كل شيء وله سبب .. أليس كذالك .. طيب وش سبب تركنا ..:):)
وضح ... وضح يا عزيزي ..:):)
يا أخي قضينا مع بعض أجمل الاوقات وأحلاهــا .:):)
ترد علي مواضيع وأرد علي مواضيعك .... كانت أيام ما في أحلي منها .:):)
لكن اللحين راح بروكسي .. وترمنيتر .. وعبودي .. ,انت كمــان :(:(
والله الطرائف بتصبح مملة بدونكم :( .. هو صح الموجودين فيهم الخير .. لكن لا بد بأن توضح السبب :(:(


بــــو غــــ راجع نفسك مره وثنين وثلاثة ــــازي

[sharb]

استاذ شاهين لييش
انت قدوتي ومثلى المفضل
انا ما شاركت لحد ماشفت ابداعاتك
بالقسم والتلميذمايقدريردعلى استاذه
اذا ما تحب ان تلاميذك
يكتبون انا لك وعد مني اني ما اكتب
بعد الحين بالمرة بس انت تبقى

[جاسم]

عاد طمنا

ان شاء الله خير
انت بتهاجر لسسب نفسي او مرضي او علمي او اجتماعي او اقتصادي او سياسي

واذا كان للعمل تره العمل ما يخلص بل الانسان هو اللي يخلص

واذا كان لطلب العلم فاطلبوا العلم من المهد الى اللحد

ووفقك الله وسدد خطاك

[سنفور غبي]

ليش تترك سوالف؟؟ وانت عضو متميز بكل شي ولا عمرك ضايقت أحد :(

والله انه دمعت عيني يوم قريت الموضوع :(:(:(

حتى لو ما هناك وقت مثل ما تقول.. ما له داعي للوداع.. تقدر تقول إلى اللقاء أو أراكم لاحقا.. الوداع شي صعب صدقني..

شاهين راجع قرارك.. :):) كلنا نطالب ببقائك :)

[بروكسي]

انا عاد الي ابيك ترووووووح

شااااااااااااااهين :(

تزعلني والله ولا راح ارضى عليك

وراح ادعي عليك بعد زين :(

يا اخي لا تطلع طلعت روح عدوينك

والله اضرب عن الطباعة واكسر كيبوردي الحين :(

والماوس احذفها بالشارع

والشاشه اكسرها فوق راسك

بس الجهاز ابيه في جم ملف ضروري هع

شااااااااااااااهيييييييييييييييييييييييييييييييييييين

:(

اذا في احد مضايقك قولي

حتى لو مراقب اوقفه

ما عليك عندي فيتامين "و"

ادري في ناس مخربه القسم تبي تزيد عدد مواضيعها

لكن قل سلاما
:(

فكّر عدل

[شاهين]

لاحول ولا قوة إلا بالله

ياإخوان اعدكم بأن أعرض الموضوع على زميل لي.

وبعد الإستشــارة تأتي الإســتخاره

ولكن الشئ الأكيد هو أنني سأكون من المقلين في حال بقائي

-----------------

الأخ بروكسي :)

ســــنفور ( ياأخي تكفيني أخوتك في الإسلام ..وجزاك الله كل خير)

جاســـم ( تظل الأخ البحريني الأكبر)

شارب ( ياأخي أخجلتني جدا بجام أدبك ، من أجلك وأجل الآخرين سأستشير قبل إصدار الرأي الأخير) وجزاك الله خيرا

أبوغـــازي ( حياك الله وبياك .. أمهلني يوم أو يومين إذا سمحت)

[بروكسي]

شاهين وبعدين

يالله بلا دلع وفكنا

واكتب الجديد الي عندك

[أبو غازي]

بفارغ الصبر :):)

[سفير]

السلام عليكم والرحمة ..
كيف الحال ؟؟
أتمنى إنكم تكونون بخير وصحة وعافية

*********
شو السالفة يا أخوي العزيز شاهين ؟؟
عسى ما شر ..
لا يكون حد من الربع مزعلنك

[جاسم]

اي مشكور وعسى تم معنا دوم مو يوم

واذا مصلحتك بتكون ابدى على سوالف

فقدم الأحسن على الحسن واستخر بالله

والله الموفق

[dangerouse123]

لحظة.تراني موجود معكم رغم انه مواضيعي قليله.
وين رايح يا شاهين؟وش هي موسم اعتزال ولا ايش. راح النابغة الطائي و انت الحين؟؟؟ليش؟؟؟؟
حتى لو انك قديم ويش فيها يعني؟اقول.......فكر فيها زين مرة ومرتين وثلاث و مية مرة بعد.بعدين فكر بالذهاب.
و لو قررت تروح خلاص....ابي تقرير مفصل بالأرقام و الأحداث و الساعات ليش بتترك سوالف؟؟؟؟
و اتمنى لك الخير في اختياراتك.

[أهم 001]

لااااااااااااااالالا
ما تروح كل يوم يروح واحد ؟؟؟؟؟؟!
مايصير

[الاماراتي]

وين يا بو الشباب
على الاقل طمنا انه ما في
شر او مصيبة

[عسل]

اكيد ..
:)
وبس ..
--------
عســــــــــ شاهين ..يحلق عاليا ..ليعود ..غانما ـــــــل

[حنون]

شـــــــــــــــــــــــــــاهين

ورب اللي علم عســـــــــــــــــــــــل هالتوقيع الحلو

ما كسرنا خاطرك؟

هانت عليك العشره :)والتسعه والثمانيه:)؟

هل استشرت صاحبك؟

عسى جوابه مفرح لنا جميعآ؟

ياخي رد

شف عاد ترى والله احلف يمين عمري ما اكتب رد بسوالف الكمبيوتر طول عمري ان ما رجعت

هاه احلف والا ابطل ؟

شاهين

ياخي معقول قلبك قاسي لهالدرجه
شف عسل مسكين [} متشحتف من كثر الصياح{]

شف جاسم بعد ضارب مشوار من البحرين للخبر كعابي عشان يشارك معنا وانت تروح وتخليه

شف شارب مثلآ
الأخ مسجل عشانك وانت بكل بساطه جاي تقلي وداعآ

اخي العزيز
شاهين
ترى كلهم يبونك تقعد معنا
كلهم يحبونك
كلهم يكنون لك الود والأحترام
كلهم يحنون لمواضيعك
كلهم يبون يقرون مواضيعك
كلهم ينتظرون ردودك وتعليقاتك
كلهم يستنون منك اشاره بس ويلبون طلبك () قويه هذي()
كلهم يدورون رضاك عنهم


اتوقع كذا كفايه



حنـــــــــــــــــــــــــــ شكلي اقنعته خلاص ـــــــــــــــــــــــــــون

اما عاد لو تفشلني وما تردhttp://www.swalif.net/sforum/images/icons/icon8.gif

[عسل]

شارب .. طلع مسجل...؟؟؟؟؟!
تصدق عاد ... افكره تلفزيون :):)
----------
عســــــــ ولا تزعل ..ولا تتعب شعورك..واستخدم ..زيت موبيل ــــل

[شاهين]

بس تدرون ( وبدون مجامله) ....أحرجتموني لدرجه الكسوف.

للجميع بلا إستثناء ...شاكر لكم ومقدر

حنون: أعتقد إنك بالغت زيادة عن اللزوم في ردك الأخير.


عسل : كلك عسل ( حاسب على نفسك ..عسل + زيت موبيل!!)[كده الابتكارات يابلاها] :)

[حنون]

ابي افهم كيف [}احرhttp://www.swalif.net/sforum/images/icons/icon11.gifجنا{] خويك يا شاهين

على العموم كثر الله خيرك وخير خويك وسلم لي عليه وقله ()من يستحي من اهل سوالف ما عمره بيكتب موضوع()

بعدين انا مبالغ من زمان

حتى عندي عيال كثير بعد;)



حنــــــــــــــــــــــــــــ لازم نسوي حفله ـــــــــــــــــــــــــــــون

[شاهين]

وين الحفله؟!

[حنون]

الماضوع طلع من ايدي

يعني انت ملزم تبي حفله

احس كذا انك ما لزمت بالحيل

لزم وحاول يمكن انهبل واعزمك على ()جمل بما حمل() من مكروباص وبكتيريا مسعوره





حنــــــــــــــــــــــــــ تبي حفله ابشر ـــــــــــــــــــــــــــون
سجلو عندكم حنون يقول وداعآ اجل ((عشان تسوون لي حفله))

[الصديق العربي]

ما أدري ويش أقولك أخ شاهين لكن الكل كتب و قال
و ما أعتقد في اسباب عشان تروح
فأتمنى إنك تبقى
و سامحني إذا قلت شيئا خطأ
أخوك الصغير الصديق العربي

[جاسم]

مثل ما يقال
الخبر بين ضلوعي

في آخر تصريحات لشاهين

سألته لماذا كتبت هذا الموضع؟ جاسم
شاهين : - وبالحرف الواحد- حبيت اعرف مدى غالتي واتغلى على الأعضاء واشوف من يبيني ومن يقولي روح ومن ومن ومن
وانا في هذا الموضوع استهدفت اعضاء لن اكشف عن اسماؤهم واعرف نواياهم تجاهي وخصوصا الجدد وبعض القدماء.
وهذا بالاضافه حبيت اذكر الأعضاء من هو شاهين صاحب العظمه والجاه وكيف يخافه الأعضاء ويهابونه لما يقال شاهين - يألهي- واعيد امجادي وتزداد مواضيعي مجددا.

هذا نقلا عن شاهين

شفتو نيته اشلون؟؟؟؟‍‍‍‍‍‍‍‍‍‍‍‍‍‍‍‍‍‍‌
عجبي ‍‍‍!!!!!!!!

[الجمل]

معقوله.....ماا صدق

[جاسم]

اي صدق

هذي الحقيقه

ياالجمل