مـــــخــــــدوع

[مهموم]

هذه قصة حقيقية مررت بها وعبر عنها قلمي في هذه الأبيات...
أرجو أن تنال إعجابكم أحبائي...


ايه أنا المسكيـن كم كِنِـت مخدوع
كنت اظـن اللي يبـيني مـا كـذب
كنت اقول امكن تبي تضوي الشموع
والبخـت صـوبي تـلهـف أو رغـب
والـهنا باكر بيـخضـعلي خـضوع
والـفرح لـيً تحـقـق وانـكـتــب
والعيون اللي تـخاوت والدمـوع
ودهـا تـفـرح وبيـجـف الـهـدب
والشفاة اللي لها البسـمة قطوع
حنـت البـسمـة وعـادت تقـتـرب
للأسـف خـابـت ظنـونـي والرجوع
للشـقا والـهم يا قلـبـي وجـب

[الحفار]

الله يبعد الهم عنك :)

ثانيا اعتذر عن تاخري بالرد عليك في قصيدتي السابقه

لاني ما شفت الرد الا اليوم

وان شاء الله اليوم بكتب لك رد على قصيدتك المكتوبه فيه

......
ما اصعب ان يعيش المرء هذه المعاناه فالشعور بانك ضحيه شيء مؤلم جدا


تحياتي لك

[مهموم]

مشكور أخوي الحفار على ردك المتواضع اللي يدل على طيب أصلك..
وأتمنى القصيدة تكون نالت إعجابك انت وكل الأعضاء..
وبالنسبة للرد ترى لا تهتم الجايات أكثر من الرايحات..

[ArMaNi]

كلماتك أحس بها واعيشها ... فقد كثر المخادعين وكثرت ضحاياهم

:
:
:

" اللي ما يبيك .. لا تصيح تباه " دايما اسمع هالجملة فحبيت

أقولها لك ..


تحيـاتي

[مهموم]

مشكورArMaNi على هالرد الجميل بس جورج يقول(لسه الدنيا بخير )
ونحن والله مصدقين هالكلام بس المشكلة واساس البلا(على قول شاعرة...

اللي يبينا عيت النفس تبغيه------واللي نبي عيا البخت لا يجيبه



أخوك:مهموم