هل تتزوج وحده تكبرك سناً ؟؟

[بومبا]

الي متعودين عليه كلنا ان الواحد يتزوج وحده اصغر منه لكن في الحقيقه ماشفت واحد تزوج وحده اكبر منه والي ابغي اعرفه هو هل ممكن انك تتزوج وحده اكبر منك ؟؟ بدون ذكر الفرق بين اعماركم . ان شاء الله اشوف مشاركاتكم

[HaMaD12]

ما فيها شي!

[نجمة المساء]

جيت علي الوتر الحساس

موشرط تكون كبيره او صغيره الزوجه
المهم ان عقل الزوج يكون كبير
ومتفهم

[sharb]

والله اذا هى
تحترمني وفاهمتني
وباحس انى مرتاح
معاها ليش لا

واهديه بعد هذى

مبسوط مادامك
معى موجود ما
يضيق صدري وانت
قدامي

[المرشد]

بالنسبة لي .. ما ارضى ابدا انهى تكون اكبر عني لاكثر من سبب...

اول شي .. ان الحرمة تعجز اسرع من الريال.... عمري اربعين و هي خمس و اربعين مثلا ... شو بتكون يعني؟؟؟
الحرمة لازم تكون حلوة جدام ريلها ..مب الويه مجعد ... و هو توه ماصاره في عالم الشب الي شوي...

هذا اولا .. لان الجمال من الامور الاساسية.. ام العقل و المضمون و ان الرجل لا زم يكون عقله كبير .. و و و ... صحيح ...بس بيندم في النهاية...

ثانيا .. اذا كانت اكبر عنه ... احتمال كبير تكون اعلم منه ... و مثقفة اكثر منه .. و هذا يؤثر على العلاقة بينهم ... و محد يقدر ينكر هالشي....


مجرد ملاحظات مرت على بالي الحين...:)
و تلسمون

[الاماراتي]

ما ادري بس ما فيها شي

[مملوزي]

أعتقد ان ما فيها ان الريال ياخذ وحده اكبر عنه...وانا عندي صديقات أزواجهم اصغر عنهم وعايشين حياتهم على اكمل وجه...
لو سمحتوا لي ارد على المرشد...اللي اعرفه وعلى حسب الدراسات اذا الزوج خذ وحده اصغر منه فأن المرأه تعجز بسرعه وأن المرأه اذا خذت ريال أصغر عنها فأنها تاخذ صحته وحيويته...والله أعلم
على شان جذييه انا باخذ واحد اصغر عني..خخخخخخخخخ

[بومبا]

اشكركم على ردودكم هذي وانا احترم كلامكم بغض النضر عن وجهة النظر وشكرا مره ثانيه

[شرخشين2000]

الحب فوق كل شي :):)

[النابغة الطائي]

اللهم أصلي عليه وسلم ..صلو عليه ..
ألا تعلمون من هي أول زوجة تزوجها الرسول ..ستقولون خديجة ..نعم هي كذلك ...
لكن كم كان عمرها وعمر الرسول صلى الله عليه وسلم ..
قارن ..خديجة 40 سنة ، ومحمد 25 سنة في عز شبابه
أثار زواج الرسول من خديجة :
أنها أنجبت له 7 أبنا ء .. 4 بنات و3 أولاد ..
كانت له القلب الحنون عند إيذا قريش له ..
كانت تساعده في أمور حياته ..
وغيرها الكثير اذ لم يسعفني الوقت لذكرها ..
ومع ذلك الرسول لم يتزوج عليها .. وعندما ماتت سمي ذلك العام بعام الحزن ..وبعد وفاتها تزوج الرسول صلى الله عليه وسلم ..

[لمسه]

ما اعتقد ان الرجل بيتزوج وحدة اكبر منه..إلا اذا كان الفرق مب وايد كبير.."بعني سنه ..سنتين .. يمكن 50% يتزوجها"
لأن المرأة "مثل ما قال احد الإخوة" تكبر اسرع من الرجل .. خاصة اذا مرت بحمل وولادة..فليش المرأة" لما تشيب" تعطيه سبب علشان يتزوج عليها لأنها صارت عيوز " عجوز - كبيرة في السن- " ؟ احسن تكون الصغيرة الحلوة اللي دوم تذكره بشبابه :)
و هذا رأيي ..

[رزونة]

مش عارفة
خليني افكر
ممممممم
http://www.concentric.net/%7Epretoris/graphics/tlk/full/tlk248.jpg
!
!!
!
!
!
!
!
!
اعتقد انه مممم
http://www.concentric.net/%7Epretoris/graphics/tlk/full/tlk247.jpg
!
!
!
!
!
!
لا ما اؤؤيد الفكرة خاصة لو تكبره كتيرلوشوي مش مشكلة
http://www.concentric.net/%7Epretoris/graphics/tlk/full/tlk246.jpg
:)

[النابغة الطائي]

أخت رزونه ..هل قلت الصور إلا صورة الخنازير ..
عسى ما أنت بمعجبة بطعام النصارى ..

[رزونة]

النابغة الطائي
والله اظن مش معنى انه حرام اكله يعني انه مش مخلوق ثم من الي قال لك اني احبها وبعدين انامش حاطة صور لخنازير حقيقة انا حاطة صورة لشخصية كرتونية وكما هو واضح اسم الاخ صاحب الموضوع وانا اعتذر له لان ما كان قصدي اني اقول عنه خنزير هي مجرد مداعبة مني لكن انت يا نابغة حولت الموضوع لطريق ثاني الله يسامحك على عملتك وبعدين الي يسمعك يقول انا جالسة اكله وبعديين لا تعمل حالك مصلح حابب تصلح اصلح شي غلط طيب مش تحطني في موقع اني بشتم الاخ بومبا
http://www.harrythecat.com/Smiley/a10.gif
http://www.harrythecat.com/Smiley/a82.gif

[سنفور غبي]

انت تركت المواضيع اللي تارسه المنتدى وييت ترد على رزونه لأنه بس حطت صورة؟؟؟ شو فيها الصورة؟؟ ما فيها إلاكل خير؟؟

الإسلام حرم أكل الخنزير وما حرم النظر إليه.. وبعدين هذه صورة لشخصية كرتونية مثل ما قالت الاخت رزونه وما أشوفها أخطأت في أي شي...

وهل لأنها حطت صورة خنزير... تكون معجبة بطعامهم مثل ما تقول؟؟؟

تحياتي للجميع..

[رزونة]

سنفور غبي والله انه مافي منك اتنين
شكرا شكرا شكرا شكرا شكرا شكرا
http://www.smurf.com/images/collections.gif

[سنفور غبي]

ما له داعي الشكر :):)

عالعموم... العفو العفو العفو العفو العفو العفو

أدري أنه ما شي مني اثنين .. لأنه في قرية السنافر سنفور غبي واحد;)

[رزونة]

معك حق تعرفين قدر نفسك فعلا :)
http://www.smurf.com/infos/figurines/ombre.gif

[المعشوقه]

سؤال وجيه

من وجهة نظري
ان الزوج لازم يكون في كل شي اكثر عن الزوجه
العمر
الحاله الماديه
المركز الإجتماعي
الطول
العرض

يعني
ما احبذ أبدا انه واحد ياخذ وحده اكبر من عمره
يمكن تقولون تخلف
بس اقول لكم نظره المجتمع له ولها :(


مع تحياتي


المعشــــــ http://www.harrythecat.com/menu/scream.jpg ـــــوقه

[بومبا]

احب اشكركم على مشاركاتكم واقول
شرخشين2000 والله كلامك هو عين العقل اذا كانو مقتنعين ويحبون بعض ماظن فيها اي مشكله

النابغه الطائي مثل ماقلت لازم يكون الرسول قدوه لنا واذاجا النصيب وكانت وحده اكبر مني في السن ماظن برفض

لمسه ليش اختي ماتعتقدين اذا كان حلال خلاص وفي رجال واجد ماخذين بنات اكبر منهم في السن والله مباركلهم في الزواج

رزونه والله ظحكت على المزحه هذي واتمني ماتحرمينا من خفت دمج بس اختي هذي وجهة نظرج وانتي حره فيها

سنفور غبي والله معاج حق الظاهر ان الشباب ايدورون اي سبه عشان يتضاربون :)

المعشوقه الله يبعدج ويبعدنا عن التخلف بس اقول لوتقدملج واحد اصغر منج بترفضينه ؟؟؟

[المعشوقه]

وبضحك عليه ضحك
شو اصغر عني ويخطبني؟؟؟؟؟؟؟؟ ما عنده سالفه

مو استصغارا له
بس انا هذا مبدئي
وبس
:)


المعشــــــ http://www.harrythecat.com/menu/scream.jpg ـــــوقه

[لمسه]

صراحة ..
مو حلوة تكون البنت اصغر عن ريلها..
من وجهة نظري " واوافق المعشوقة في رايها" الرجل لازم يكون اكبر في كل شيء .."مادري يمكن يكون حبا في الشعور بالحماية و الإستقرار.. أو لأننا تعودنا ان الرجل لازم يكون في اعلى المراتب..بس طبعا و شيء اكيد ان المرأة بتكون وراه بخطوة وحدة بس ;)
*** بس المهم و الأهم "ما يشوف نفسه عليها بعدين .. يعني ما يقولها انا متعلم وانتي جاهلة "حتى لو كانت مخلصة الثانوية!".. ترا وايد نسمع عن ناس جذيه للأسف :(

و أما عن الرسول "صلى الله عليه و سلم" انا ما انكر ابدا انه تزوج السيدة خديجة "رضي الله عنها" و هي اكبر عنه ..
بس...
احنا وييين و الرسول ويين ..يعني زماننا تغير.. صار الكل يشوف الأحلى.. و يتزوجها "من حقه ما قلت شيء" .. بس اذا كانت اكبر منه..فيها صعوبة شوي..يعني اهي بتعطيه الفرصة علشان يتزوج عليها " و الرياييل ما يصدقون يحصلون حتى لو عيب واحد فيها علشان يركض و يتزوج عليها"... بس ارجع و اقول .. مب الكل..

إلا اذا كانت عانس في نظر المجتمع..والله مادري ..
اكيد بتقبله .. و هو بيتقدم لها علشان يلهف الـ 30 الف "اعتقد" و بعدين يطلقها .." ارجع و اقول للمرة الالف.. مب الكل"
و ياما سمعنا قصص و شفنا مسلسلات عن هالشيء !

بس يمكن يكون وياك حق .. يمكن يمر هالزواج على خير..بس احس انه نادر ! .. يمكن اكون غلطانه .. و يمكن لأ !

[رزونة]

:)

[بومبا]

السلام عليكم مره ثانيه
المعشوقه اذا كان هذا مبدأج فأنا احترمه مثل مااحترمج بالضبط وان شالله يجيج ولد الحلال :) وشرط يكون اكبر منج

لمسه كيف اختي اكبر في كل شي يعني كنج اتقولين لازم ايكون الرجل احسن من المرأه ؟؟؟ بس اقولج بعد هذي وجهه نظر وكل واحد له وجهة نظر مختلفه عن الثاني

رزونه ماكتبتي شي عشان ارد عليج :):):):)

[المعشوقه]

:)

المعشــــــ http://www.harrythecat.com/menu/scream.jpg ـــــوقه

[لمسه]

هلا أخوي بومبا ..
انا ما قلت انه احسن من المرأة..
بس ...
مثل ما قال سبحانه وتعالى في الآية الكريمة- بما معناهالأني مب حافظتها-: "الرجال قوامون على النساء"..
يعني "في اعتقادي" الرجل يكون اكبر في العمر أحسن ..
و انا قلت لك.. المرأة بتكون وراه..بس طبعا مو لمسافة كبييييييييييييرة ..بخطوة وحدة بس :)

و فهمني وجهة نظرك اذا ما كنت مقتنع بكلامي :)

تدري اني كنت بقولك قبل ردودي هذه كلها "عادي ما فيها شيء تكون اكبر منه" .. بس رجعت للواقع..يعني ما اعتقد ان هالشيء بيصير "بكثرة" في مجتمعات مثل مجتمعاتنا هني في الخليج..

اقول..انا في ردي الأخير غلطت غلطة مطبعية في ثاني سطر و قلت "مو حلوة تكون البنت اصغر عن ريلها" و كان قصدي "مو حلوة تكون البنت اكبر عن ريلها" :)

[بومبا]

والله اخت لمسه الي اعرفه عن تفسير الايه هو ان القولمه تعني انه هو المسؤل عن الزوجه والاشياء الثانيه مثل انه هو الي يشتغل ويصرف على البيت يعني مب معقوله انشوف الرجال يطبخ في البيت والوحده تشتغل عشان تصرف عليه هذا الي اعرفه انا وبخصوص الخطأ كلامج كان واضح واعتقد الجميع انتبهو للخطأ وشكرا مره ثانيه اختي لمسه :)

[sanfura]

أنا صراحة رأي من رأي معشوقة
وترى أهلي ما بيرضون إني اتزوج واحد أصغر عني فليش أعور رأسي
الرجل في مجتمعنا يا أخوان يحب دوم يكون الأفضل يعني لو ما خذ جامعية وهو عنده اعدادية تلاقينه حاطنها في البيت وما يريدها تشتغل أو تتناقش معاه في شئ ، ودوم بييلس يعايرهاإنه أصغر منها ..
وبعدين يا جماعة الخير رياييلنا ما بيكونون مثل الرسول عليه أفضل الصلاة والسلام في هذا الموضوع ، الرسول قدوة وليت حد يقتدي فيه جان ما صار في محاكم للطلاق وعنوسة وباقي المشاكل الاجتماعية اللي نعاني منها.

يا ليت أكبر قدر من الشباب يشاركونا في الموضوع!!
والسموحة

[بومبا]

اختي سنفوره اذا انتي اهلج مب راضين في بنات اهلهن بيرضون وبعدين مشكله العنوسه مجات الي من هذا الكلام انا ماحب هذا وانا مارضا بهذا وهذا اقل مني وهذا اقصر مني اختي شوفي الدنيا بنظره اكثر واقعيه الشاب الي اتمنين انه يخطبج ماتشوفينه الي في خيالج وبعدين اذا نظرتي للشاب على شهادته عمر الشهاده مكانت مقياس لأخلاق الشاب ولاكانت سبب للسعاده ولا التعاسه وصدقيني في شباب مايملكون شهادات عاليه وحياتهم الزوجيه على اسعد ماتكون وهذا راجع على كبر العقل مب الشهاده الي خذاها وشكرا على مساهمتج واختلاف الرأي لايفسد للود قضيه وهذا كلمه الحق وكلمه الحق لازم تنقال ( وحتي شوفي توقيع الاخت نمله ) :)

[خالد العلوي]

لا يوجد أشكال ...
أو على مسأوليتي...

[بومبا]

هاهاها انت الي قلت اخوي خالد بس مب اذا الفاس طاحت في الراس قمت اتهرب :):):):)

[بومبا]

اسف على هذا الخطأ طاحت = طاح :):):)