الشكوى للله

[sharb]

شاسوي قولولى
اذا احنا ما عندنا
نظام انك ترفع شكى على جارك
لاتقولون ان الرسول عليه الصلاة والسلام
وصى بسابع جار لان جارى ولا خلها على الله

اسمعوا وقولولى شرايكم

يوم الخميس اول يوم من الاجازة
بعد مايكون انهد حيلك يوم الاربعاء
تصحى الساعة ستة الى ربع على لعب
بزارينهم بالكورةوصراخهم وبعد ساعة
تتعود على ازعجهم وتغفى وشوى الاانت
قايم متفزع من الجرس وتترك الغفوة
الحلوة وتروح للجرس ولما ترد ياساتر
على اللى تسمعه واحد منهم يقول الكورة
طاحت عندكم وتنزل من الدرج وتقول احد
يلعب ذا الوقت وليه ما يلعبون بره
ياما كثر البراحات وتدور حول البيت
يمكن خمس مرات وماتلقى الكورة وما
تسمعهم الا حارقين الجرس وانت مالك
حيل تتحرك بعد ذيك اللفة وفجاة
تلقى الكورة منخشة كانها متفقة معاهم.

وان ملقيتها قالوالى فوق الشبك
وان قلت لهم ماقدر شوف التحذف
جميع انواع النعل واللعب وغراش الماي
والخشب المكسر لحد ما يجيبون كرتهم
على حساب شبكى اللى انشق


والتكملة بعدين

اسف على الاطالة بس رايكم عفية

[الجمل]

تحمل واكسب اجر

[الشرقاوي]

اقوللك حاجه:)سو مثلي :)

شق الكوره نصين وارمها لهم من فوق الجدار :)

[الجوري]

خلك طيب وحليو وحاول تفهمهم أن لعبهم في هالوقت بقرب بيتك يسبب لك ازعاج.. وتراهم اطفال استحملهم شوي " الاطفال احباب الرحمن"

[نجمة المساء]

الله يعينك علي الجيران

بس حاول اتكلمهم

والرسول وصي علي سابع جار

[بروكسي]

لا تنام فوق

نام تحت :)

[تفاحة]

ولا احسن شئ قول حسبي الله ونعم الوكيل // وترا لك اجر //وياريت تدلهم على البرحات اللي تعرفها //

[sharb]

اغلب الكلام اللى انطرح
انا سويته بس بزارينهم
ماينفع فيهم وماقدر اكلم
ابوهم لاني ماشوفه اصلا

يعنى لشقيت الكورة
يجيبون غيرها
ولاسكت عنهم يقولون
انا راضى ولاقلت روحوا
لعبوا بعيد يزداد
نشاطهم كانهم مركبين
بترى جديد انا ودى
اصعقهم واغسل شراعهم
شوى بس ماقدر قلبي
طيب وحنين مع اللى
ينقال عليهم اطفال