هل يتزوج الرجل من إمرأة كان......

[موج البحر]

السؤال موجهة للرجال والنساء ......
هل يقبل الرجل أن يتزوج من إمرأة كانت له علاقة معها ، بمعنى انه كان يحدثها وخرج معها طبعا دون علم أهلها ، هل يقبل أن يتزوجها بعدها ........
أرجو الإجابة بصراحة و بواقعية.......

[نونتان]

موج البحر : أكيد لا ... بس بصراحه أنا ما عرف
ليش الواحد يبي يلعب وإذا مل يرميه .. ومستحيل
يرجعله ... يمكن من كان نادم على الي سواه ويبي
يصلح غلطته فهذا ممكن..

[سنفور غبي]

أنا أقول لا ومستحيل.. لأنه لو كلمته أو كلمها يمكن كلمت أو كلم مليووون وحده قبلها ولا قبله... وحتى لو حصل وأخذعا فحياتهم بتكون مليئه بالمشاكل والشك... وبس

[ساهر الليل]

شوف حبيبي

اذا كنت احب البنت هذي وتحبني يعني اللي بيننا علاقة حب صادقه

واشوفها كل يوم واكلمها اكيد بتزوجها وانا رجال ...

للاسف ان كثير من الشباب نظرتهم رجعيه في هذا الموضوع

يعني اذا كان لهم علاقه مع وحده وجا وقت الجد يروح ويتزوج وحده غيرها حتى لو كان مو مقتنع باللي يتزوجها لكنه يبي وحده جديده ... ما دام اني واثق فيها ليش لا ؟ هي حبتني انا وعطتني كل شي ليش اتخلى عنها
بصراحه اللي يتركها هذا واحد جبان

للاسف هذا اللي صاير في مجتمعاتنا بشكل كبير
وهذي الطريقه اللي ماتت فيها اكثر قصص الحب

بسبب رجعيه في التفكير لدى شباب مثقف ومتعلم


هذا رأيي الشخصي


وشكرا على موضوعك الجميل اخوي

[موج البحر]

نونتان وسنفور كلامكم مثل كلام أغلب الناس يعني واقعي ......
إلى ساهر الليل أنت من الأقلية بصررررررررراحة كلش قل لي هل تنوي الزواج أو تزوجت بهذه الطريقة يعني لو وجدت بنت الحلال بهذه الطريقة هل ......؟؟؟ ...... مشكورين على المشاركة

[ساهر الليل]

اكيد طبعا بتزوجها انا وش اقول من اليوم

وبعدين اللي يقول غير كذا هذا انسان ما يحب ولا يعرف الحب

لان اي قصة حب تقريبا فيها علاقه

ومدام اني امشي على المبدأ اللي تقوله بطلع واحد نصاب


اذا كنت احبها وواثق فيها زين ولو لي سنوات معاها يوميا

وجتني الفرصه اتزوجها بتزوجها بالثلاثه بعد


تحياتي

[موج البحر]

ساهر الليل شكرا على الرد ...... إنت صريح وكما قلت لك أنت من الأقلية التي لديها ثقة في الطرف الآخر إذ تتزوج بعد علاقة ..... شكرا للجميع على المشاركة

[جواد الليل]

المشكلة انه في طرف اخر نسيتوه انتم !
البنت نفسها , لازم تكون عارفة انه اللي بينها وبين حبيبها هو حب مهو نزوات فقط , ومهو يوم تدل الطريق خلاص تصير عارفه دربها !
انا عن نفسي اتمنى اني اتزوج عن قصة حب , لكن ! والله ما اثق بجنس حواء ابـــــــــــــــــــــــــــــــــــــــــــــدا .
ولا وش رايك يالساهر ؟؟

[sharb]

نصيحة لها من اخ ترى
هو ماراح ينفعك
وان تزوجتيه راح يدمرك ويدمر
حياتك باالشك
علشان كذا لاتكلمينه من الاصل
واعتقد انه يدل البيت ان كان صادق
واتعضى بالقران

[موج البحر]

مشكوررررررين على المشاركة يا جماعة الخير ..... وأرجو من باقي المشتركين المشاركة معنا...

[amera1]

موضوعك حلو
ورأيي فيه أن أي علاقه بين رجل وأمرأة خارج نطاق العمل والدراسه علاقه فيها خطأ كبير طبعأ لو أخذنا الكلمه بمعناها الصحيح وهي (( علاقه))
يعني حب وخروج مع بعض وكلام غزل وخلوه و و و
كل هذه الأشياء لاتجوز بين رجل وأمرأة إلا بالحلال يعني من البدايه
لازم يتجنب الرجل والمرأة حدوث العلاقه من الأساس خصوصأ لما يجي وقت الجد راح نشوف أن أول شخص راح يتهرب هو الرجل وراح ينسى
كل الكلام والوعود والحب اللي قاله للمسكينه اللي بدورها وثقت فيه وحبّته وشافت فيه زوج المستقبل وعلى فكره
المرأة صادقه بحبها ومشاعرها أكثر من الرجل يعني مستحيل إنها لما تحب شخص تتنازل عنّه بسهوله مثل الرجل

آسفه طولت بس رأيي
لو أنا حبيت وبصدق أكيد أتمنى حبّي يتكلل بالزواج
وما أكون كل هالمده أحب أرنب :):):)
تحياتي

[نجمة المساء]

اصابع الايد ليست سواء
وقد يتزوج الرجل المرأه التي كان يحدثها منذ فتره
وقد تنشأ بينهم مشاكل


وقد يأدي الي الطلاق
ولكن كل قاعده لها شواذ

[لمسه]

انا برد عليك من وجهة نظر المرأة و الرجل " كما تخيلتها "

المرأة :
أكيد بيتزوجني ..
انا ضحيت بكل شيء علشانه ..
و سويت المستحيل علشان ارضيه .. بس علشانه ..
أكيد بيتزوجني ..

الرجل :
اتزوجها !!
طبعا لأ ! ..
هذه كيف رضت انها تتكلم معاي و تتطلع بدون علم اهلها ؟!
كيف أتأكد انها ما كلمت غيري.. و لا سوت وياه اللي سوته معاي ؟!
هذه كيف بتربي عيالي بعدين اذا هي اصلا مب شريفة !؟
و و و و و و و ..
شيء اكيد اني ما بتزوجها !

طبعا مو كل الرياييل " الرجال" سوا ..
بس ..

تبي رأيي الشخصي ..
أنا لا اوافق على العلاقات اللي من هالنوع ..
و ما الوم الريال اذا ما تزوجها..و لا اذا مااتقدم لها احد.. لأنها هي الغلطانه ..
كيف تطلع معاه بدون علم اهلها !! ما خطر على بالها ان الله يشوفها شو تسوي ! و لا فكرت بسمعتها !!

و بس خلاص خلصت الرمسه اللي عندي :)

[شرخشين2000]

أنا معك ،،

إذا كنت أحبها بكل صدق وإخلاص ،، وهي تبادلني هاذي المشاعر ،، ليش أدوّر غيرها أصلاً ؟؟

أما العلاقات اللي صايرة هاليومين ،،
في التيلفون ،، حبيبتي ،، يا بعد عمري ،، أنا مولع فيك

وفي السيارة ،، أتوقع إن مستقبلنا راح يكون منوّر ،،

وفي البيت ،، ( ........ )

و في التلفون ثاني يوم ،، أصلاً مانتي شريفة ،، وإذا كنتي تكلميني أكيد كلمتي ألف غيري ،،

و هكذا هي دورة الحياة في هذه الايام !!!

[خله على كيفه]

طبعا انا مع اخوي ساهر الليل بكل الي قاله
وارجو من الاخوان ما ينظرون للامر بخلفيه مثل ما ذكرها اخوي ساهر
على العموم في علاقات تنجح وعلاقات ما تنجح بس ما بينت يا اخ موج البحر
اذا كانت العلاقه هي علاقه حب او علاقه طيش شباب وانت فاهم شنو
قصدي وشكرا وطبعا اذا في بنت اكلمها وتحترم ارائي وتنشا بينا قصه حب والله اتزوج امها بعد
ما فيها شي


_______________
use your freedom
if you don`t used now
when will used

[The Ocean]

كلام ساهر %100 صحيح...هذا اللي كان ودي اقوله
اختكم:المحيط

[المعشوقه]

احب ارد على السنفوره
يا حبيبتي مو صحيح انه لو اخذها بتكون حياتهم جهيم
انا اتكلم من منطلق الي اشوفه
اعرف ناس حبوا وتزوجوا ومن فتره مو قصيره وعايشين حياه ما في احلى منها

اعتقد انها بالنهايه تعتمد على طريقه تفكره الرجل وشجاعته بتقدير الأمور

يعني شنو لو حبتك؟؟ هذا جزاها؟؟
بالعكس المرأه او خلينا نقول غالبيه النساء لما يحبون من الصعب او المستحيل يتخلون عن حبهم , ويكون الحبيب عندهم هو كل شي بالرغم من عيوبه من وضعه يكون هو الأول
واي رجل ثاني مقارنة فيه يكون صفر على الشمال

اسفه الي طولت
بس عجبني كلام الساهر الله يوفقك يا سلطان


مع تحياتي
المعشــــــ http://www.harrythecat.com/menu/scream.jpg ـــــوقه

[FARES77]

كثير كثير اللي تزوجوا عن طريق علاقة تلفون و اللي ناوين يتزوجون عن طريق شات موجودين لكن اللي بيتزوج عن طريق منتدى هذا الجديد وصدقني بتصلكم الدعوة قريبا لزواجة (عن طريق منتدى من يوم قالي وانا ماني مصدق وعلى فكرة عشانه هو وليلى دخلة المنتدى ابي اصدق اللي قاله ماني قادر) لكن بالنهاية الزواج قسمة ونصيب و التوفيق بيد الله و الشك يهدم بيوت تزوجت زواج تقليدي فما بالك بأثنين كان بينهم علاقة وعموما لهفة لبعض الامور تجعل الانسان يضحي ببعض الامور حتى في النهاية تنكشف امور
صدقوني باختصار اغلب الشباب و البنات الكبيرات شوي ماهم ثقة صدقوني الغزل مامنه فائدة.

[sanfura]

والله يا جماعة السؤال لا زم ينطرح على الرجل وليس المرأة
هذي العلاقة بين شخصين ، طرفين الرجل والمرأة وحتى إذا كانت العلاقة غلط الطرفين موجودين، مو معناته انها كلمتك عيني هي الغلطانه بس ، انت مشترك معاها في العلاقة ، لو ما تريدها كنت من البداية ما دخلت البحر وأهواله .
وعلى العموم يا أخوان أنا أعرف زواج تم عن طريق الأهل وصار طلاق ومشاكل لسوء اختيار الأهل، واعرف حالات زواج عن طريق الهاتف وعايشين منهنيين فالزواج قسمة ونصيب
وأخوي ساهر كثر الله من أمثالك تراهم قليل
والسموحة

[أبو عبد العزيز]

بكل صراحه تعتمد على الإثنين إذا كان اللي بينهم صادر عن حب واتعارف مبني على الصدق ممكن تمشي ولكن اغلب ما يكون التردد من الرجل لأنه يبدا يقول في عقله إذا كانت تكلمني ليه ما كانت تكلم غيري وكذا بس الصراحه ممكن إبه وممكن لا