PDA

View Full Version : الحين أقدر أشتري سيارة و أنا مطمأن ....


نسر
19-08-2000, 03:49 PM
جلست أتكلم مع شرخيشن اليوم عن السيارات و دخلنا في موضوع المكاين و إنك تشتري سيارة سعرها فوق 100 ألف ريال و تأمنها و تكتشف بعدين إن الماكينة مخبطة أو فيها عيب مصنعي في الماكينة و الوكالة مهي متحملة هالمشكلة ( عاد ما شاء الله وكالاتنا مافي زيها إذا كنت تبي تشوف الإهانة و تبي يرتفع ضغطك إشتر سيارة من إحدى وكالاتنا ) و قالي الأخ شرخشين إن في أمريكا هناك شركات تأمين على المكاين … طبعا إحنا ما عندنا هالشي ….

و اليوم بالصدفة شفت عمي ( كان في ماليزيا حول شهر ونصف ) أخذت أتكلم معه عن السيارات و مشاكلها و ذكرت له إن في شركات تأمين تأمن على الماكينة في أمريكا … ضحك عمي وظنيت إنه مب مصدق و قال لي : ما تصدق إن ماكينة سيارتي مأمنة من الوكالة ( نوع سيارته LEXUS LX470 موديل 99 ) وقال : ما تعرف إنه لما تشتري لكزس يعطونك قائمة إضافية بأشياء إختيارية مثل : تأمين على الماكينة ( 5 سنوات ) و التلفون و الجناح ( في GS300 و LX470 و ES300 ) و الخشب ( متوفرة 4 ألوان ) و أي مكان في داخل السيارة تقدر تخشبه حتى القير طبعا بملبغ إضافي .
و عمي و قف السيارة في هالشهر ونصف بدون ما يحركها طبعاً البطارية خربت … لكن مع التأمين غيرتها الوكالة على حسابها .

قلت : الله …. و الله فرق بين وكالة عبداللطيف جميل تويوتا و لكزس و الوكالات الثانية من السيارات الفخمة مثل الناغي BMW و سـماكو أودي و فولكس واجن و الجفالي مرسيدس …
و طبعاَ لكزس ما سوت هالشي إلا أنها واثقة إن ما في مشكلة على مكاينها …..

و الحين أقدر أشتري سيارة و أنا مطمأن حتى لو يتجاوز سعرها 150 ألف ريال و أفكر جديا أنه أشتري لكزس

شرخشين2000
20-08-2000, 05:10 AM
حبيبي ،، خذ لك كامري واكتب عليه لكزس :):):)

أبو غازي
20-08-2000, 08:01 AM
الشكل الامامي للكامري

يشبه شكل اللكزس ....

لكن هذي سيارات وأنت حر فيها ..:):):)

نسر
20-08-2000, 11:08 AM
الكامري ما عليها كلام ومايحتاج لها تأمين ( بإذن الله ) ..
لكن أنا أقول إذا كنت بتشتري سيارة فوق 100 ألف يحتاج لها تأمين على الماكينة ..
أما بخصوص شراء وحدة من سيارت .. هذا إذا توفرت عندي السيوله المالية ...

نسر
20-08-2000, 11:11 AM
:)

E55
20-08-2000, 02:03 PM
اسمحلي أضيف على كلامك يا أخ نسر نقطة مهمة

تكاليف الصيانة

تكاليف صيانة سيارات لكزس عندنا رخيصة جداً بالنسبة لهالنوع من السيارات الفخمة ، وهذي اعتبرها نقطة مهمة لما تشتري سيارة جديدة

نسر
21-08-2000, 10:48 AM
صيانة لكزس أرخص و أفضل أيضا و يكفي أن صيانة تويوتا و لكزس عندنا تشتغل 24ساعة و حتي أيام الجمع و الأعياد .

heartking
21-08-2000, 11:06 AM
واللي ما عنده 100,000 ريال وش يسوي??

E55
21-08-2000, 12:09 PM
يشتري لكزس مستعمل :):)