مشكلة كبيرة مرررررة ،، E55 أبغاك على رأس القائمة

[شرخشين2000]

يا شباب عمي اشترى سوبربان من قرابة شهرين ،،
بس الموتر دوّخ عمي الى أبعد الحدود ،،
كل ما يمشي فيه ربع ساعة والمكيف شغـّال ،، يفور الرديتر وتشتغل لمبة في الطبلون ،، low coolant
ودّاها الوكالة مرتين لنفس السبب ،، وكل ما يوديها يعبون الرديتر مويه ،،
المرة الثالثة ،، يوم راح لهم طلب منهم ورقة يكتبون فيها اذا حصل هالشي مرة ثانية يا انه ياخذ فلوسه أو يعطونه سيارة جديدة ،، لكن الوكالة رفضت ،،
وصار له اسبوع صاجني يبيني أشتكي على الوكالة في موثع جي ام على الانترنت ،، فاللي عنده أي خبر عن موقع شكاوي أو شي مثل هذا ،، تكفون لا يتأخر ،،

E55 أبغى رسالة بالانجليزي عن الموضوع عشان أرسلها لهم ،،

[الجوكر]

والله يا شرخشينووه كان ودي اساعدك بس مااعرف الموقع :>
اسال الوكالة

[شرخشين2000]

رح شف لك عمود نور صوّر جمبه

[الجوكر]

لااااااااا :):)

عقبال ما نشوفك في اشاره ...:P:P:P:P:P:P

[NFS]

ماقلت السيارة جديدة أو مستعملة؟
إذا كانت مستعملة، عندك أحد هذي الإحتمالات:
*الرديتر متهالك ويبغاله تغيير.
*راس المكينه يبغاله (خراطه).
*المكينة فيها تهريب مويه.

أما إذا كانت السيارة جديدة، فعمك يبغاله يترفس في بطن الوكالة.
إذا تبي فزعه أنا جاهز.




-----------------------
http://www.geocities.com/pioneers_online/NFS2.gif

[aziz2000]

أنا أقوول شكله فــيه واحد عطاها عـــيـــن مو صــاحـيــه ..

الله يعين عمك .. قول له يقرأ عليها لاتروح عليه فلوسه ..

وللا يطلع اللي صكها بعين يطلع فلوسها من عينه ..

أما موقع جي ام سي .. الله يعينك تدور عليه ..:):):)

شرخـــ تحياتي إلى ــشـيـن ..

الحركة حلوة عجبتني ..

[E55]

اسمحلي أقولك ان أخطأتوا بشكل كبير في التعامل مع الوكيل

في أي سيارة جديدة ، لما تحصل اي مشكلة لازم تعرف شو اللي سووه بالضبط ، ولازم تعرف سبب العطل

أما إن حرارة المكينة ترتفع ، والوكيل يلاقي الراديتر فاضي وكل اللي يسويه إنه يعبيه ماي وبس ، فهذا غلط وكان المفروض انكم ما تستلمون السيارة منه

أنا تعرضت لمشكلة من فترة وهي ان السيارة ما رضت تشتغل وكان السبب واضح انه من البطارية ، ومع هذا اتصلت

برقم الطواريء الخاص بشركة جنرال موتور وطلبت منهم ان يرسلون سيارتهم عشان يشوفون سيارتي ، مع ان المشكلة ممكن تنحل بسهولة

شالوا السيارة وودوها الوكالة وبعدين اتصلوا فيني وقالوا لي ان السيارة جاهزة

لما سرت استلمها سألت عن العطل اللي كان فيها وقالوا ان البطارية كانت فاضية

سألتهم : وشو سويتوا ؟

قالوا لي شحنا البطارية ... قلت لهم ما بستلم السيارة إلا لما تبدلون البطارية بوحدة جديدة لأن بطاريات السيارات الأمريكية

لا تشحن ، طبعا في البداية رفض وقال انهم يعتمدون على أجهزة كمبيوتر وهي اللي تحدد ، فعرضت الموضوع على المدير

وأصريت على اني ما بستلم السيارة إلا ببطارية جديدة وفعلاً بدلوا البطارية بوحدة جديدة

المهم ، رقم الطواريء الخاص بالسعودية هو 8008973779 وهو رقم مجاني والمفروض ان أي مشكلة تتعرض لها حتى لو كانت تافهه

تتصل على هالرقم وتخليهم يشيلون السيارة .

إذا تكررت المشكلة ، لا تسلم السيارة إلا للمدير العام وتشرح له ان هذي هي المرة الثانية اللي تتعرض فيها لنفس المشكلة

إذا تكررت فما عليك إلا انك تراجع مكتب جنرال موتورز الرئيسي في البحرين وتتصل فيهم على الرقم 00973217779
أو إنك ترسل لهم فاكس ( وبالعربي ) على الرقم 00973215177
وهم موجودين 24 ساعة يومياً حسب ما قالوا لي ، وإذا كنت بترسل لهم فاكس فإذكر كل المعلومات اللي تعتقد انها مطلوبة وخاصة

رقم المحرك واسم الوكيل وتاريخ شراء السيارة ورقم تلفونك

أدري إني طولت عليك وايد ومصختها

وإذا تبي الإيميل هذا هو gulfassist@batelco.com.bh

[خله على كيفه]

الى اخ شرخشين اذا مصادفتك اي مشكله باللغه الانكليزيه فانا حاضروممنون ان اكتبلك اي رساله باللغه الاجنبيه او ترجمتها واحنى بالخدمه
وسلامتكم



_____________________
اغايه الدين ان تحفوا شواربكم
يا امه ضحكت من جهلها الامم

[شرخشين2000]

NFS مشكور أخوي ،، واذا بغيت أي حاجة بقول لك :):)

عزيز2000 ،، شكلها عين ما صلّت على النبي ،، بس الوكالة لازم تسوّي شي حيال ذلك

E55 الوكيل اللي عندنا مررررة زفت ،، والمشكلة انك تضطر انك تشتري من عنده السيارة و تترك الجميح ،، عندهم اللومينا ال تي زد من غير جلد بـ 76 ألف ،، وفي الجميح بـ88 ألف ريال تبيني أروح آخذ من الجميح ؟؟

على العموم أنا راح أعطيه هالارقام وهو يتصرّف ان شا الله
مشكور عزيزي وماقصّرت ،،

خله على كيفه ،، مشكور أخوي ،، و ما عليك ،، إذا أنت ودّك ترى بأغرقك رسايل للترجمة

يا شباب والله أحرجتوني ،، كلكم بردتوا خاطري والله ،،

شــر خــ والله أحبكم يا شباب ـــشين