اللغه السعوديه...للسعوديين والرياض بوجه التخصيص

[ma3gool]

فيه بعض الكلمات اللي احنا نقولها اثناء كلامنا من وين جت ووش اصلها؟؟
مثل: خن , (خنروح لذاك المحل..)يمكن من خلينا نروح...صح

طيب كوه ...(كوه نروح) قديمه صح ,انا اقول انها جت من ليتس قو بالانجليزي...
منيب,,,,بصرك,,,اما عاد,,,وغيرها

ولا المصيبه اذا احد قال لي : هنيكم العقلان...بالله وش الرد ؟؟؟لاني اتلخبط لاني ما اعرف معناها واقول: بخير الحمد الله.

افيدونا في هازه المواضيع...

[شيطونة]

والله انا ما فهمت الا كلمه خنروح لانها ايزاً كلمه كويتيه http://www.swalif.net/swalif1/ubb/smile.gif
هازه الكلمات الاخرى ما فهمتها..

انا مو سعوديه..بس حبيت اثلم عليك .. ثلونك وثخبارك؟

------------------
>> ما شاء الله <<

Shy6ona@swalif.com

[متلبك]

الاخ ma3gool
صباح الخير
خن نروح يعني خلينا نروح هذي فهمناها اما كوه مادري يمكن تقصد قوه نروح يعني خلنا نمشي يعني يالله مشينا ، منيب مادري لكن هل تقصد مانيب ، بصرك هذي بعد مادري وش تقصد فيها ، اما عاد اللي هي هين يعني مستغرب من الشي كيف يعني صار .
بعض الكلمات زي هنيكم العقلان انا بصراحه ما اعرفها ودي لو احد من الاصدقاء يفيدنا فيها .
لكن اعتقد انه في كل منطقه لها بعض الكلمات المتعارف عليها .

[ميدو الحب]

بصراحة انا صعب جدا اني افهم الكلام النجدي رغم اني من السعودية ايضا بس
انا من احجاز والهجة تختلف اختلاف تام عن اهل الرياض ففرصة نتعلم اللهجة النجدية على الانترنت

------------------
محبكم ميدو الحب

[heartking]

خنروح=خلينا نروح# اختصار
كوه=قوه# تحوير القاف الي الكاف
منيب=ماابي# اختصار
بصرك=كيفك #تحوير
اما عاد=تعجب نفي
هنيكم بالعقلان: الله يهني ايامكم
هازه=لغه غير معروفه



------------------
يفـز دمعـي وأقـهـره داخـل العـيـن .. أخـاف عـذالـي يقولـوا هـزيمـه
لا والـذي وآلــف قـلـوب المحـبيـن.. ما حـدرت عبـرات جفنـي ظليـمـه
أنا بكيـت من الـوفـا والـوفـا ديـن .. لجل الحبيـب وذكـريـات حميمـه

[ma3gool]

لالالالالا...الله يخليكم لاتتعلمون اللغه النجديه من هنا بعدين يقولون اني احرف اللغه العربيه بليز دونت دو ات..
وبعدين بالنسبه لتفسير كوه...وش اللي قوه من وين جبتها؟؟؟
وفيه بعد كم كلمه هي : لسه..تعني الى هذه الساعه


وسلامتكم...واحد فاضي صح؟؟!!!!

[LoveEyes]

طيب .. ميرررر !! ولو انها مب في الرياض .. بس وش معناها !؟
اذا سمعتها افهمها .. احاول افسرها مافي امل http://www.swalif.net/swalif1/ubb/frown.gif !! تحس انها كلمة
ممكن تستغني عنها .. والا ؟؟

.................................. عيـ الـحب ـون !؟
من تكوني .. يلّي اجمل من خيال ؟!
هذا خدك او هو باقي من فتون !!

[ma3gool]

love eyes
ميرررررر هذي اظن انها كلمة تعقيب للي بعدها تفهم من سياق الجمله الفعليه او الاسميه او انها مبني للمجهول او ما لها موقع من الاعراب بتاتا...واللي يعرف يجاوب؟

[العالمي]

كوه = يله خلنا نروح = يله مشينا

على فكره انا من نجد لكن هل احد يعرف معنى مير http://www.swalif.net/swalif1/ubb/smile.gif http://www.swalif.net/swalif1/ubb/smile.gif؟

سلام http://www.swalif.net/swalif1/ubb/smile.gif

[سديم]

الظاهر يبي لنا مترجم هنا أو قاموس وبستر ... http://www.swalif.net/swalif1/ubb/smile.gif

[click]

مير=ماغير

[ma3gool]

************http://members.tripod.com/~Mystiqal/ufo1.gif******************

[ma3gool]

***************http://members.tripod.com/~MystMusic/clawsfin.gif ***********

[العوضي]

http://members.tripod.com/~MystMusic/clawsfin.gif

[خزامى الصحارى]

قصدك اللهجه مو اللغه
http://www.swalif.net/swalif1/ubb/smile.gif

[wildorchid]

ايه وش حرق رزك يابياع القلوب؟
لا وتوك مابعدشفت شي..
ياخواني ذا الشغاله ذبحتني بريحتا اللي تعط عطيط...
يالله لك الحمد والشكر..
اعوذ بالله مادريت انها مخنزة الا يوم شفت دراعتا..
http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif
لا وصالت علي..
وقالت بروح..قلت لها ريح ام حمد ..جعلتس الريح اللي
ماتستريح....يالله لا تشمت بنا بس..

*********
العالمي
والله انك صاتز (صادق)
بنتسب القدر

[ma3gool]

اوركيد... تفننتي وابدعتي وكنتي رائعه بالفعل
ولاحظي اني اقرا كلامك ومركب عليه نغمة الصوت و حدته ومطة اخر حرف يا كافي الله يهداس وينس انتي ما تقولين لي ولد عم ابو خال جدي اسأل عنه.... اوريس .. شغلس عندي انما زوجتس ...

[wildorchid]

قسم بالله لأحولكم الحين
معقول,الحين ورى ماصرنا نشوفك يا كافي؟
يالله دخلك ولا تقول ان لي خاله بسلم عليها ولاش؟
تراني مير عازمة امك,زهمت عليها امس الصفره ومالقيتها
عاد ابغاك وانا خالتك تقول لها هيتي عندنا بكره مسيان
تراها مهيب عزيمه بس انا رايحين للحيش ونبيها تروح
معنا...
وتعال انت الحين تغد عندنا ترى الغدا زاهب والقدر منصوب
وهذا الشاهي بخدره لك هالحين....
هاه لا تنسى وانا خالتك
http://www.swalif.net/swalif1/ubb/smile.gif

[العالمي]

ووواله ياحلو لهجتنا يانجد http://www.swalif.net/swalif1/ubb/smile.gif
مير = اتوقع مالها معنى تجي كذا من سياق الكلام..

wildorchid.... لو بدل الصفره قلتي الضحى تصير القصه رهيييبه http://www.swalif.net/swalif1/ubb/smile.gif

[BROKEN HEART]

كوه |؟؟؟؟؟؟؟؟؟ اخبرها قوه

انا من اهل نجد وكل الكلام اللي قلته شرحوه لك واغلب الكلام كلنا نعرفه و(( لسه )) ذي مهيب من عندنا


ياسلام عليست ياواوركيد http://www.swalif.net/swalif1/ubb/smile.gif

[wildorchid]

يالله
ومير انك طريتها خلني اكمل لك...
"تلرى امك قالت ميدي ان العشا عندها باتسر
بس ماهقيت ان ام صالح بتجي..يالله الخيره..
يالله منتاب جاي؟
تراني اجل بانكب الغدا وبافهق لك شوي..

[بياع القلوب]

ما شاء الله
الكل يتكلموا أسباني ؟؟
اشوف المسلسلات المدبلجه انتقلت هنا ..

[العالمي]

اوركييد .. مهوب بنكب
تجي بنتسب http://www.swalif.net/swalif1/ubb/smile.gif http://www.swalif.net/swalif1/ubb/smile.gif

[wildorchid]

يا سلام عليك يا broken heart
هاه ماتبي تقلط معنا؟

[غاية النفس]

هلا معقول والله موضوعك خطييييير....يعني حلللللللو... http://www.swalif.net/swalif1/ubb/smile.gif
والله وطلعت الاوركيده نجديه مقعده....بس واللللله حلو...
كملي السالفه... http://www.swalif.net/swalif1/ubb/smile.gif http://www.swalif.net/swalif1/ubb/smile.gif

بعدين فيه ناس يقولونها كوه بالكاف وناس بالقاااف....
يالله جيبو كلمات.... http://www.swalif.net/swalif1/ubb/smile.gif

[wildorchid]

هلا معقول
اقول اركد
الااااااااااا انك تزوجني انت..
ترى بعلم امك انك ممتحني فيذا.......
وعلى فكره ترى اما عاد كلمه جديده
ولسه كلمه حجازيه مهيب رياضيه

المهم وشلونك؟وشلون قل الصح عليك؟
عساك اشوى؟
الا من يقال لكم؟

[wildorchid]

يالله فيه كم كلمه قاعده تقرقع في قلبي لازم اقولها
----
---------
اقول لكم.. قامت ذا الشغاله وطبت في القش قدام ابونا
يوم علمته اني قلت لها جعلتس الريح اللي تنفختس
وشو زعله؟ زعل ابو جعل انشالله.....
قام ابونا وتوطاني ...زاه يا رويسي...ذبني من المنور..
http://www.swalif.net/swalif1/ubb/frown.gif
قامت ورحمتني بعدين وكنست بطن الحوي وبيت الدرج..
وتوته توته
http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif

[ma3gool]

اشوفك يا اوركيد استانستي على ذا الموضوع
يا ملحس....طيب قولوا لي وش معناة اشكل في كلمه معطيه اشكل
انا عارف انها تنقال للتطنيش لكن من وين جات ذي الكلمه؟؟؟؟

[سحاب 2000]

هلا والله بالربع ..
هلا ثم هلا من أصمان الى ألدهناء بأوركيده ..
شلونس يمي عساس ( عساكي ) بخير ..
تسلم عليس أمي وتقول العزيمه فهقناها ( أجلناها ) لباتسر إنشاءالله
ولا تخلينا هيتي ولا تنسين لا صغير ولا تسبير ...
جعلتس تسلمين لا تنسين المرقوق وكثري الومي فيه http://www.swalif.net/swalif1/ubb/smile.gif http://www.swalif.net/swalif1/ubb/smile.gif....

يالله فمان التسريم ( في أمان الكريم ) ..


------------------
فوق هام السحب ولو كنت ثرى
****************فوق عالي الشهب يا أغلى ثرى

[الحيالة]

يا حليلكم مير .. ما تسننا قاعدين بمجلس ابو حمدان !!؟

------------------
مع تحيات أخوكم الحيالة
نسلم عليكم يا الرررربععع

[عسل]

مش كلم ارابي : http://www.swalif.net/swalif1/ubb/frown.gif

----------------------
عســــ ايس فيي ــل

[wildorchid]

ياخي يا معقول انت من وين تحيب هذي الكلمات؟
هذي مهيب كلمات نجديه ابدا ولا تمت للرياض بصله..
( من الوصل وليست من الخضار)...

هلاااااااااااااااااا سحاب ..
ابد مايكون الا الخير قل لامك اني بسير عليكم مسيان
بس عاد قلها الله الله بالمراصيع وقرصان عمر.. http://www.swalif.net/swalif1/ubb/smile.gif
اسأل الله الجنه على مرقوق اميمتك...مازد كلت ازين منه
الله مير يسهل لك ويوفقك انت وبنياتي...


يالله تحيي الحياله..وشلونك وانا امك؟
بشرني عنك؟
ووشلون الاهل انشالله انهم بخير؟
الله يغفر لأم جدتك ويرحمها والله انها عبدة صالحه..
اسال الله انه يجمعنا بها في مستقر رحمته..


عسل....
خيرها في غيرها وانا امك http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif

[عسل]

امي؟؟؟؟؟؟ خلاص بنسميك ام سوالف وش رايك؟؟!!
-----------------------------
عســـــ زهره=ام الاعضاء ـــــــل

[بياع القلوب]

مير ... ؟
هذا أسم سواقنا الهندي ، أسمه ( مير ) ..

[wildorchid]

عسل....
هما الحفار مسميني عجوز سوالف؟
---
اللي خلاني اطلع هالموضوع اني بغيت اهيجن...
يالله اسمعوا...

ومريت بيت للمحبين مقفول..
بابه عليه من السوافي اترابه
نشدت جيرانه عسى البيت منزول
قالوا حبيبك راح الا واسفا به

[العالمي]

فيه كلمه كانت على بالي بس نسيتها .. لكن توني اتذكرها وهي http://www.swalif.net/swalif1/ubb/smile.gif ..


يعني مثلا بقول.. قل ميد محمد تراني بروح للسوق http://www.swalif.net/swalif1/ubb/smile.gif؟
وش معنى كلمة : مـيد http://www.swalif.net/swalif1/ubb/smile.gif؟

[wildorchid]

العالمي
انا قلت ميدي في اول حلقات المسلسل..
ميدي تعني اممممم يعني امممممم
توجه لي الكلام

[ma3gool]

ميدي بمعنى اللام في جملة قل ل امك.. او قل ميد امك...

وهي فاعش مفتوش بالفتشه..
ويقصد فيها ميد وهي مجموعة بقالات في كل قرنه في الرياض

[wildorchid]

تذكر يا معقول هالموضوع؟:)

[ma3gool]

اوركيدتي ايه اذكره ولا احد بدع فيه مثلك عندك لغه نجديه بحته ما افهمها احيانا مثل هيت!!!ووو نسيت تصدقين..:):)

[wildorchid]

لا تنسى سروال خط البلده حق جدة البس الموف :):):)

[ma3gool]

ذكرتيني بجدتي الله يرحمها كانت تلبسه..
بس مدري ليش مسمينه خط البلده!! علشانه مخطط يمكن...:):)

[wildorchid]

الله يرحمها ,,,

الظاهر..وان كنت ماني متأكده,
لكن وين وديته؟؟

عسى مارميته من المنور؟؟
والا أقول لك..تراني منيب مدورته لين تنظف بطن الحوي :)

[ma3gool]

وشو ذاا!!!دجاج ولا حمام....بطن الحوي!!!!

[wildorchid]

ياخي مادري ليش الدجاج مسبب لنا عقده ؟:(

لا يا شيخ هذا جزء من البيت يسمى بطن الحوي..
يعني الصاله لأن من أول كانت البيوت مفتوحه من فوق :)

[آهات الليالي]

هلا بالربع باهل الرياض اللي منورين سوالف


طيب الرد على هنيكم العقلان=هنيكم خير(اظن)

طيب في كلمات ثانيه يالشيوخ:
غظاره؟؟؟؟
مير يا فجعي؟؟؟؟
يا مال فرقا العين؟؟؟؟
جلعك الماحي؟؟؟؟
يا مال الصمرقع؟؟؟؟
مالك لوى؟؟؟
طس؟؟؟ هذه من وين جبناها؟؟لوول
مفرق؟؟؟ بكسر الميم و فتح الرا
قربه؟؟ بكسر القاف
تجوري؟؟؟؟
يا مال قوم الخلا؟؟؟



آهــــ الليالي ــــات

[آهات الليالي]

نسييييييت شي في كلمه مرررررره تقهرني و هي قروييييه مررررره
وهي:



عانيها = شوفيها
وعععععععععععععععععععععععععععع كلام قرف



آهــــ الليالي ــــات

[wildorchid]

بصراحه كلماتك معظمها بدوي وخصوصا الكلمه الأخيره :):)

مفرق = مفرق الشعر لما يحطون عمايل :)
غضاره = غضاره= طاسه :) نونو
جعلك الماحي = هذي دعوه بان يجيك شيء يمحيك من وجه الأرض :)
صدقيني مااعرف وش معنى صمرقع بس اعرف استعمالاته ومواقعه الاعرابيه :)

وش بقى؟؟

[wildorchid]

تجوري = خزنه
طس= انقلع

[مفتون]

ياحلو لغتنا وبــس :)
آه يازين الرياض وياحلوها :) وياحلو لهجتنا ..

اهات الليالي اغلب الكلمات على مااعتقد هي بدويه !:)

مالك لوى : يعني خطأ

مفرق : يعني حبه وحده بس وهذي تشوفها في محلات المواد الغذائيه :) ..

[wildorchid]

شكرا مفتون

حسبتها مفرق من غير شدّه :)

الا تعرفون الحجا؟؟

[ma3gool]

وش لونكم!!! عساكم طويبين!!!
تصدقون عاد اني نسيت وش ابي اكتب...:(
اذا تذكرت برجع ثانيه..يا شين كذااا!!!!

[wildorchid]

ترانا نحتريك :)

[غاية النفس]

اهلين ...

وشهو الحجا ؟؟؟

كنه مر علي بس ما اذكر ... :)

[wildorchid]

الحا وان ماخانتني الذاكره هو الجدار الطين اللي في المزارع :(

[فارس مشاعر]

مجرد توضيح:-كلام البدو اهل الباديه يختلف عن اهل الرياض00وعن اهل القصيم00وعن المناطق المجاوره للرياض00
في الرياض:-من ذا000في ذا00وش ذا00طس00وجع يوجعك00ناقص العدزل من يتبع المدزفين(ناقص العقل من يتبع المقفين)
في القصيم:-يتكلم عن المؤنث بصيغة المذكر:-هو يحبووه00هو راحلووه00
عند الدواسر:-مير انا000هدني(فكني)
البدو:-تسيف الحال وشلونك ماجور والسلامه عسى ماخلاف وش وقعكم ووقع الذود؟؟

[wildorchid]

طيب انا دارية ان حتسي البدو غير حتسي أهل الرياض..
يالله دخلك:)

ياكافي مير ولا تسلم ولاش..تسنك ماتعرفنا:(

[غاية النفس]

والله عجزت لا اذكر لكن هو اكيد اللي قلتي عليه :):)

[FARES77]

على فكره من يعرف الجملة هذي
" بوه مير نيم"

لهجتنا كلها حلوه لكن احلها لهجة حائل

[ma3gool]

هلا اوركيد تصدقين من كثر اللي في راسي احترقت الفيوز..!!والله ما عاد ذكرت شي..:)

غاية النفس..وين لهجه روعه!!!فيه بعض الناس ما افهم منهم شي واحيانا اقول لهم بالعربي الفصيح علشان افهم..:)

اخي فارس مشاعر والله خبير باللهجات واحلى شي ((ناقص العدزل من يتبع المدزفين))...:):)

فارس77..اكيد اللهجه غير اللغه لكن من خصوصيتها وغرابتها صارت كانها لغه..وانت عارف اللغه اللاتينيه تفرعت الى لهجات وبعدين صارت لغات الفرنسيه والانجليزيه...
لكن العربيه انشاء الله ربي حافظها بالقران..اليس كذلك يا فتى..!!

[شذى]

انا ودي اشارك ببعض الكلمات مثل:
ورا ومير تجي مع سياق الجملة
يعني تجي كذا:
ورا ما تجون عندنا اليوم؟
وراكم رحتوا امس للمكان الفلاني؟
اما مير تجي كذا:
ومير اصب المويه فوق راسه :)
وفي بعد كلمة (وش)
وذي تجي كذا:
وش سويتي ؟
وش صلحتي؟
- احنا نقولها وش والكويتين يقولنها شنو :>-
غدينا ... واثاري ...بس مدري اذا كان في احد يقولها غيرنا...
ونستخدم بعد كلمة انّا...لما بنتكلم عن حالنا -هذي خاصة باهل الرياض- مثل: انّا النجادى...
الكلمات النجدية واجده وفي شئ منها مستحضر -يعني جديد-
مثل عربجي... يعني اللي دفش مره وعلى باله :)
وعن جد ؟ -يعني صدق- (بس ذي فيها تميلح شوي !)
وفي بعد كلمة ابي -بس هذي يقولنها كل الخلجيين تقريبا-
ابي اروح للسوق؟ (ذي كثير ما نقولها:))
وفي سم ... يعنني امر (موب سم اللي يقتل !)
اقلطوا (يعني تفضلوا)
ورعان -بزارين -يعني اطفال!!
براد: جيبي براد الشاي يا شذى (يعني ابريق)-زي درس النحو {ضع الكلمة في جملة مفيدة :)!}
كروة-يعني ايجار او الفلوس اللي تندفع للحمال...
في مثل بقول : كروة اهل سدير جزاك الله خير :> -ترى المثل ملفق!-
وفي
مناخير :يعني خشم
حجّان:يعني حواجب
لثمة:الغطا اللي يغطي نص الوجه
البندق : البندقية
الظاهر اني سرت موسوعة بالحكي النجدي.....
الصراحة الحكي النجدي يونس ...خصوصا لا حكوا فيه جدانّا..يا زينه في اثمهم...بس هو ما ينفهم للي ما يعرف اللهجة...يعني صعب شوي....

تبون بعد كلمات نجدية....ترى اعطي كورسات فيها!:)

[wildorchid]

أحسنتي يا شذى..
الله يحييتس عندنا باتسر الضحى عازمينتس على شاهي وقرصان عمر :)
والا فتيت :)


فارس77
معناها " فيه بس انه نايم "
وهذي لهجة قصيميه :)

[ma3gool]

اوركيد..:) اقول اشوفتس بسطتي!!!!

كيفك اليوم!!!!

شذى..:):) ما شاء الله عليك ..:)

[wildorchid]

شفت عاد..توني جايه من الجامعه:( ماناقصني غير مريول..

المهم
شيّك ايميلك ضروري:(

تراني نسيت أسلم على غايه:) هلا غاية :)

[ma3gool]

اوركيد ::):) اي والله يا كثر البزراااان...:)

[wildorchid]

أمر الله شق القربه :(

[زهرة الليلك]

صحيح اني سعودية بس والله ما فهمت ولا كلمة من اللي انكتبت :( متأكدين هذي كلمات عندنا :( :)

[مفتون]

اوركييد لاوالله منيب اعرف الحجا !! :)

وش حلو كلامنا :) ..

تسلمون والله

[unique]

والله ما عندكم سالفه
هناكم العقلان يعني لما يكون لك غايب ويرجح يعني الحمد لله الي الله عقله لك
الرد
هنك خير
اقول
المارية الغفله
واوركييد قصدي (سوالفه)
ورى ما تهجعين وتقعدين تذاكرين بدل اللطللطه على الكمبيوتر
وجعلهم النجم والبحر ذالي ما يستحون
مير ما غير يجتلدون في بطن الحوي تسنهم جراد يالله دخللك

[عسل]

اوركيد .. تعرفي (اشبك يا بويا:))
لا وفي بعد يا دلوخ(ايه انتم )
وش معنى ... (اتناه)؟؟؟!!!!!!!!
--------
عســــــــ الله من زين الحتسي ـــــــــــــــل

[wildorchid]

زهرة سوالف :)

ايه لهجتنا..أجل لهجة عيال الجيران؟؟


مفتون..
تسلم:)
اجل ماعرفت الحجا؟؟
هماني قلته لغايه؟؟:)


يونيك..
منيب هاجعه وش دخلك فيني يامال البحر؟
ايه صدقتي
المارية الغفله..والله يعين عليها بس..


وياسيد عسل وش فيها اتناه؟؟
محمد يتنى سعد في البخشه :):)
ماعجبتك؟؟
اها عاد كلش ولا انك تطب في القش :)

[عسل]

قلنا دلوخ .. كع كع كع :)
----------
عســــــــــــ عشره ما يلحقوني ــــــــــــل

[آهات الليالي]

مسا الخير يا حلويييييييييين

يــــــــــــــــــا زيـــــــــــــــن حكيـــــــــــــنا
مفرق يعني مشط يا شاطرين لوووول بس ما قد سمعت احد يستعملها ابد
ييونيك ندري ان الرد يكون هنيك خير انا قلت لهم بالرد الاول :)
اتناه يعني استناه انتظره
بس ممكن احد يتكرم و يقول ظتقول لي من وين جبنا ( طاح وجهك؟ )
(لقط وجهك؟) و كلمة ( دنقي؟؟؟؟؟؟)
و ايه اغلب الكلمات اللي كتبتها قبل بدويه
بعدين احنا ما نقول ( عن جد) هذا كلام الاردنيين احنا نقول
( من جد) ولا (من جدك انتي؟؟منتيب صاحيه الظاهر استخفيتي!!!)




آهــــ الليالي ــــات

[عسل]

لاحول الله يارب ... طيب خلاص فهمنا .. اصلكم من وين ..وطينتكم ..من وين وعجينتكم من وين ..خلاص اقول ...
-------
عســــــــــ كلام غريب.. تقول في عزبة سيرلانكيه ـــــــــــل

[آهات الليالي]

لوووووووووووول
طيب يا عسل لا تنرفز و تعصب ما تبي هالموضوع لا تشارك فيه و ريح اعصابك ياخي لووووووول
حلوه عجينتكم



آهــــ الليالي ــــات

[عسل]

انا مافي افهم هازا كلام ....
--------
عســـــــــ:) يعني عجينتكم اللي عجبتك .. سبحانه :)ـــــــل

[ذكي مجتهد]

السلام و المحبة للجميع :

يا ناس .. يا ناس ..
يا أولاد العرب ..
إنتبهوا .. إلحقوا أنفوسكم ..
إلحقوا لغتكم العربية الجميلة ..
لغة القرآن الكريم .. و آباءنا .

ألا تعلمون أن اللاتينية كانت لغة واحدة
لمعظم شعوب أراضي القارة الأوروبية ،
وبدا أهل كل ناحية يصنعون كلمات محلية
مشتقة من الكلمات اللاتينية، وكذلك قواعد
أسلوب أداء الجملة التعبيرية في اللغة ، يعني
شكلوا عندهم لهجة محلية بكلمات و قواعد مختلفه .

النتيجة ، وبعد قرون قليلة ، أصبحت اللهجة
المحلية لغة مستقلة بالكامل ، لا يفهمها الآخرون .

والآن ، كم لهجة لدينا بالعالم العربي :
نجدية ، حجازية ، بحرينية ، عراقية ، سورية،
لبنانية ، أردنية ، فلسطينية ، قاهرية ،
أسوانية ، تونسية ، ....... ،، ألخ ،، ألخ

هل تريدون أن تصبح حالنا مثل أوروبا ؟
هذا ما يريدونه أعداء العرب :
أنظروا لديهم برنامج لتعلم اللغة العربية ،
تدرون وش يسمونه : تعلم اللغة المصرية ،
و برنامج آخر يطلقون عليه :
تعلم اللغة المغربية ...ألخ
ولا يقولون تعلم اللغة العربية . وهكذا .

هذه مناسبة أذكر أصدقائي على الحرص على
اللغة العربية في كل مكان من أرض العرب
الجغرافية . سلام و محبة للكل

[عسل]

يا عيني عليك يا ذكي ومجتهد ..(مو كنه وحده تكفي:))
----------
عســــــــــــــ يتعلم لغة العيون ـــــــــــــــل

[wildorchid]

أخي ذكي مجتهد ..

صدقني يعز علينا لغتنا العربيه..لكن اسألك بالله مين اللي يتكلم بها؟؟؟

يعني في خلال حديثك أو كلامك مع شخص قريب أو أثناء محادثه هل تستخدم اللغه الفصحى؟؟!!

[wildorchid]

الله مير يسلمتس ويعافيتس :)

كفيتي ووفيتي :)

عسيلوه..دلوخ في عين العدو وبدري عليك عزبة السيرلانكيين ;)

[عسل]

اوركيد ... اي يا عيني :(
---------
عســــــــــــ تدرون ذا الدنيا عجيبه..لو تحترق من شانها جاتك تدفى ـــــــــــل

[دموع حائرة]

لووووول
ايش دا ... عربي ولا ايش ؟؟؟؟؟؟؟
على قول بياع يبغالنا ترجمان ...
تحياتي وموضوع حلو :)

[ذكي مجتهد]

الســــــلام و محبة الى الكل :

عســــــــل :
أرجوك إيش تقصد ؟
ما فهنت العبارة " مو كنه وحدة تكفي " .. ؟

الأوركيد النادر :
ملاحظتك هي المعنى المختصر المفيد
لكل الكلام اللي سطرته لكم ..

جواب سؤالك : لا . ، مهو أنا ياعزيزتي
مثلك ، مثلكم ، حتى لو حاولت لوحدي ما
أقدر ، لازم نتعاون كلنا على التمسك
باللغة فيرتفع مستوانا جماعيا .

إيه رأيك : شوفي و أنا من أهل البلد ،
والله ما أقدر أحيانا أفهم لهجات بعض من
الربع سواء من الشمال أو الجنوب أو الشرقية
أو الحجاز .

حتى العسل اللي طلع من العسل ما فهمته .. !
كيف حال أبناءنا بعد ، قولي 200 سنة .. ؟

[عسل]

وانا عمك .. قصدي.. يا ذكي ..يا مجتهد :)
-----------
عســـــــ:) اما الاثنين ..كذا تخليني اخاف على الكرسي :)ـــــل

[غاية النفس]

هلا معقول ...

من جد احب لهجتنا ومن بد خواتي انا اتكلم كلامنا اكثر واتعلم من امي الكلمات القديمه .. تجذبني مدري ليه :)


هلا اوركيد ... عندي لك سؤال .. واعتقد بتعرفينه ..

وشو الجال ؟؟ مثلا .. جال البير .. هههه :)

[ذكي مجتهد]

الى عسل بني حارث :

ياعمي .. !! : أوضح كلامك

[ذكي مجتهد]

السلام ، ومحبه للجميع

تراكم زودتوها واجد ...
الناس هؤلاء اللي تمسخرون بلهجتهم
هم تاج رؤوسكم .. و مقدمتكم

و وش عاجبكم .. من لهجاتكم أنتم ..
قرف ، و تجيب ابو زواع
خامجه .. سامجه ..
أقل ما توصف به

أنها أقرب ما توصف به إنها
لحن لغوي شعوبي
( يعني ، من تأثير شعوب غير عربيه ) ،
و ليس لهجات محلية عربيه
مثل لهجة أهل الرياض ..

و الله ما ودي أقول هذا ..
بس إنتم زودتوها .. و مسختوها ..
و خرجتوا عن النطاق ..
ولم تقبلوا العدول عن الإسفاف ..
و النظر للأحسن ..
أحسن إيقاف ها الوساخات
....... ........ .......

[عسل]

للاسف اخي العزيز .. لا انت ذكي ولا مجتهد .. وكلامك كان للاسف .. خالي من الادب.. وانا قصدي تختار ..بين يا ذكي يا مجتهد ..يعني واحد منهم ...وكل قصدي كان اني امزح مع اخ لي..
على العموم .. باقي كلامك كله .. مل وصل..لاني .. ومثل ماقولك ..ما اهتم ..بالعصبيه القبليه .. والله سبحانه وتعالى قال.. بسم الله الرحمن الرحيم (وجعلناكم شعوبا وقبائل).. وقدم الشعوب على القبائل.. ممكن تقولي ليش؟؟؟ قال تعالى (وما خلقت الجن والانس الا ليعبدون ).. ليش الجن جو قبل الانس...
الرسول صلى الله عليه وسلم..قال ..(الاعراب اشد كفرا ونفاقا ) ممكن اسألك ليش.. ؟؟(الاعراب هم البدو ..اللي طاير فيهم وانا عمك)..
واشياء اكثر.. لا فرق بين عربي ولا عجمي الا بالتقوى ..
سلمان منا آل البيت (وهو فارسي)
وبعدين انا ماودي ادخل في اللهجات .. وعلى فكره انا قبيلي.. وانت عارف كذا زين ..
خل عنك العصبيه .. يا خساره .. شفت لك مواضيه جيده ..للاسف..ودينيه ..لكن كذا افصحت ما بداخلك .. وفقدت المصداقيه ... وعلى فكره .. تعرف صدى الحق والصواعق المرسله ..وعابر 99 .. ارجو انك تتعلم منهم .. ان الدين المعامله .. وشف ردودهم .. وشلون هي لينه .. حتى مع قسوة المواضيع ..
ما ابي اطول اكثر من كذا .. لاني .. صرت اقرف يوم اشوف اسمك :(
---------

عســـــــــ اللغة العربيه..هي الاصل..في القران .. الذي اختار الحجاز .. موطنا .. ليهبط فيه ــــــــــل

[ma3gool]

لا حول ولا قوة الا بالله ما يصير كذا يا شباب لو سمحتوا!!!

موضوعي صار ساحة تفحيط!!!!

ارجوك يا مراقب احذف موضوعي هذا بالمره من سوالف..:(:(