القصمان وجميع أعضاء سوالف أنا جيت(ما والله يقوم احد من مكانه)

[فتى القرعاء]

بسم الله الرحمن الرحيم

أعضاء سوالف المحترمين

السلام عليكم ورحمة الله وبركاته

أ نا عضو جديد واحس كأ ني داخل مجلس ما أ عرف فيه أ حد وهو ذا مجلسكم مجلس

سوالف العامر بكل ماهو شيّق ومفيد … ولأني ودّي أتعرّف على الجميع واصير صديق

للجميع يسعدني أنكم تلبون دعوتي وتشرّفوّني على العشاء يوم الخميس القادم في مزرعتنا

العامره في القرعاء واللي تبعد عن الرياض بس 485 كلم تقريباً مع العلم أنه يمنع إصطحاب

البزارين .

ملاحظه : اللي يبي يسلّم علي أنا موجود في الرياض الى يوم الأربعاء القادم .



------------------
القرعاء بلده تقع على بعد
23كلم شمال مدينة بريده
عاصمة منطقة القصيم

[b]<small><small>[ تم تعديل الموضوع بواسطة &nbsp; فتى القرعاء &nbsp; يوم &nbsp; 16-10-1999]

[شمعة الجلاس]

هلا فتى القرعاء....حياك الله اخوى ...ومجلس سوالف نوّر بوجودك....

[سفير الحب]

هلا فيك اخوي وحياك بين اهلك واخوانك....

البيت بيتك ترا!!!!


ســــفير الحب. http://www.swalif.net/swalif1/ubb/wink.gif

[صالح العبدالرحمن]

احب اهل القصيم
اخبهم من قديم ..والله يشهد على
عيال علي هم هلي http://www.swalif.net/swalif1/ubb/smile.gif
ياهلا ومسهلا
جديتو النخل
وش اسعار السكري..يقولون صار بالبورصة
لا مافيه شىء بس حبيت ارحب بك
البيت اللي مابه بقره مابه ثمره http://www.usda.gov/oc/photo/95cs0068.jpg
هذا تيس او عنز المهم ترا العشاء عندنا
قل تم
لا ابد مافيه شىء

[فتى القرعاء]

بسم الله الرحمن الرحيم

شمعة الجلاس:هلا بك اكثر والمجلس منوّر بشمعته...تحياتي إلك.

عابر99:لا لاتقوم وش دعوه ما بيننا كلافه والله يحييك...تحياتي إلك.

سفير الحب:هلا بك وحيّاك الله وانا فعلاً بين اهلي واخواني في بيتي بعدين

تعال انا عندي لك إقتراح وش رايك اتوسط لك تتعين سفير للرياض في

القرعا ترى القرعا أحسن لك من الحب اللي ما من وراه الاّ التعب والسهر

والهم واللوعه والمعاناة...أكمّل والاّ كفايه فكّر في الموضوع ورد علي قبل

ما تطير الوظيفه...تحياتي إلك.

صالح :وحنّا بعد نحبّك وعيال علي يفتخرون بك في كل مجلس أمّا عن النخل

الله المستعان وينك ووين الجداد من زمان..والسكري طالع وخّر عن طريقه..

وما إلك إلاّ السكري..وتعددت الأصناف والسكري واحد...

البيت اللي ما به....تراهم جيراننا وبيننا وبينهم نسب وبعدين

خلّ هالسوالف بيننا لا يسمعها احد...أحم ما قلت شي

بعدين تعال وش هالصوره ! هذا تيس وولد نعمه بعد .. نظيف ووسيم..

لا وعيونه عسليّه بعد ..لا لا .. اذكر الله يا صالح يا ساتر راح التيس وطي

رحمة الله عليه مات في ريعان شبابه..الله يخلف على ذرّيته ..

حسبي الله على شيطانك يا صالح...تحياتي إلك .

------------------
القرعاء بلده تقع على بعد
23كلم شمال مدينة بريده
عاصمة منطقة القصيم

[ولد القصيم]

هلا والله بولد ديرتي
وحياك الله معانا في مجلس سوالف

على فكرى تراني من عنيزة.

ولد القصيم

[b]<small><small>[ تم تعديل الموضوع بواسطة &nbsp; ولد القصيم &nbsp; يوم &nbsp; 17-10-1999]

[صالح العبدالرحمن]

راعي القرعاء ..حياك الله بما تستحق وبما يليق بالرجال وعيال الرجال بالقصيم وغير القصيم........ماحب المدح وانت مانت بحاجة لمدح...بس الحق لازم اقوله وهو اسلوبك الرائع جدا ...واعجبني افتخارك للقرعاء...وبفتحر زيك .....بديرتي الشماسية الأبيه http://www.swalif.net/swalif1/ubb/smile.gif التي تبعث الى القرعاء اعز واخلص التحيات المعطرة بالعود والشيح ....بس سفير الحب معين عندنا سفير للحب وفوق العادة بالشماسية منذ فترة طويلة....ونرحب بكم بالشماسية بدون تدقيق هويه.
الأخ ولد القصيم حياك الله الف مليون مره....ولعنيزه مثلها.
تحياتي للجميع

[ملقوف]

http://www.angelfire.com/ar/aflaj/images/wel100.gif

هلا والله بأهل القصيم كلهم http://www.swalif.net/swalif1/ubb/smile.gif

حياك الله يخوي وأنشاء الله تكون مبسوط معنا http://www.swalif.net/swalif1/ubb/smile.gif

أخوك / ملقوف http://www.talstar.com/cat/graphics/n/face1.gif

------------------
لقافتي لقافة مابعدها لقافة !!

[شيخ الشباب]

هلا فيك يا فتى القرعاء...
مبروك عليك الاسم...
والله كنت ناوي أسمي نفسي فتى القرعاء...
لأني منها...واسم عائلتي النجيدي http://www.swalif.net/swalif1/ubb/smile.gif


------------------
اللهم ارني الحق حقا وارزقني اتباعا وارني الباطل باطلا وارزقني اجتنابا

[سفير الحب]

ماعتقد حبيبي....

يكفيني سفير من دون تعيين!!!!

ســــفير الحب. http://www.swalif.net/swalif1/ubb/wink.gif

[فتى القرعاء]

بسم الله الرحمن الرحيم

ولد القصيم:وينك من زمان كنت اعتقد انك وبنت القصيم اول من يبي يرحب

بجنابي عموما حياك الله واهل عنيزه عزيزيين وغالين بقوه...تحياتي إلك.

صالح:هلا بك وشكراًعلى إطراءك وهذا بعضاً مما عندكم .. اما الشماسيه فهي

عزيزه علينا جميع واهلها غالين وزاد غلاهم يوم انك منهم..اما عن سفير الحب

فانا اقترح نسوي تبادل سفراء بيننا وبينكم هذا طبعاً بعد اخذ رايه بس

هو وينه ما بيّن لايكون باعثينه برساله هامه للربيعيه او لأحد العواصم

الأوربيه..؟... تحياتي إلك .

ملقوف:يقولون اللقافه قرافه .. بس معك انت انا اقول اللقافه ثقافه..

وش رايك مو انا قوي؟ اهل القصيم كلهم يحيونك ويرحبون فيك...تحياتي إلك.



------------------
القرعاء بلده تقع على بعد
23كلم شمال مدينة بريده
عاصمة منطقة القصيم

[moon_14]

هلا والله بفتى القرعاء..الله يحييك معنا..

مع انها جت متأخره..بس العذر والسموحه....

------------------
lovley_moon

[FaNNaN]

اعذرني اخوي العزيز فتى القرعاء فانا تاخرت بالترحيب بيك اهلاً بيك بين اخوتك


------------------
مع تحياتي القلبيه للاحباب

[فتى القرعاء]

بسم الله الرحمن الرحيم

شيخ الشباب:هلا فيك اكثر والنعم فيك وفي عائلتك وإذا تامر على الإسم أنا

حاضر يبدو إن القصمان (إنتشرو) في كل مكان ما شاء الله...تحياتي إلك.

سفير الحب:بالعربي(زي ما تحب) وبالأنجليزي البريطاني(آز يو لايك) وبالأنجليزي

الأمريكي(أب تو يو)وش بعد أمممممم نسيت خلاص كفايه...تحياتي إلك.

قمر 14: ياعيني على الأسم ..رحنا ملح.. هلا بك والله يحييك ومعذور ومسموح

ويكفيني منك ردك الحلو ياحلو...تحياتي إلك.

بلال: عذرك معك ويكفيني منك مشاعرك الطيبه...تحياتي إلك.

------------------
القرعاء بلده تقع على بعد
23كلم شمال مدينة بريده
عاصمة منطقة القصيم