سؤال ارجو منكم الاجابة عليه

[درب الزلق]

ولد عمي و لله الحمد تخرج من الثانوية العامة و راح يروح
الجامعة انشالله :) و طبعا لازم تكون عنده سيارة
و المسكين محتاس مو عارف ايش راح يشتري اي سيارة
و اقترحت عليه اودي TT و هو قاعد يفكر فيها الحين
فإيش رايكم في هالسيارة؟ تنصحون ولد عمي المحتاس أنه
باخذها و لا لأ؟ و اذا كان الجواب لأ برأيكم ايش هي
احسن سيارة له على شرط انها تكون سبورت او صالون ؟؟
و آسف على الاطالة
وشكرا،،،

[شرخشين2000]

مرحبا درب الزلق ،،
شوف اذا ولد عمك هاوي سيارات السبور ،، خليه يروح يجرب فولكس واجن GOLF gti أنا من ناحيتي أتوقع انها أفخم من الاودي TT لكن هو وذوقه ،، أو خليه ينتظر لكزس IS 200 ما راح تطوّل كلها شهرين وهي جاية عندنا ،، الصور تحصلها في موضوع الأخ E55 ،، ّ

تحياتــــ للجميع ـــــــي

[E55]

أعتقد إن الإجابة بتكون عند ولد عمك المحتاس .. اللي عذب وايد ناس :)

بالنسبة لي ... هالسيارة ما تعجبني لصغر حجمها المبالغ فيه و

لتواضع أدائها بالنسبة لسعرها البالغ 130000 درهم تقريباً

بهذا السعر ممكن تحصل سيارات أحسن بألف مرة منها

حدد لي كم ميزانية ولد عمك ، وطبيعة سواقته ، يعني سريعة ولا بطيئة

وإذا كان ولد عمك يهتم بشكل السيارة ولا لأ

وإذا كان يحب يتمشى بروحه ولا يحب ياخذ حد وياه

هذا الأسئلة وغيرها هي اللي تحدد نوع السيارة المناسبة له

وأهم سؤال ... الفترة اللي ناوي يحتفظ فيها بالسيارة ، يعني كم سنة :):) وشكراً[تم تعديل الموضوع بواسطة E55 يوم 24-07-2000 في 02:27 PM]

[دكتور / مجنون]

أنا واحد احب اسرع بالسياره .. يعني امشي فوق 220 عادي :)

احب افحط ، تكون SPORT ، ما تخرب بسرعه تقعد معاي تقريبا 5 سنوات .. تعرف وش نوع السياره :) ( اموت في السرعه ) و احب اركب وحدي ( انطوائي الاخ ) :)

[درب الزلق]

الاخوه : شرشخين2000،E55،دكتور/مجنون
شكرا جزيلا على المشاركة الحلوة :)

و بالنسبة لأسئلة العزيز E55 فهذه هي الاجوبة عليها :

ميزانية ولد العم و لله الحمد جيدة و حاله ميسور
و طبيعة سواقته الاعتدال يعني لا سريع و لا بطئ
و هو طبعا يهتم بشكل السيارة لكن مش اكثر من اهتمامه
بالمواصفات و هو يحب ياخذ احد سواء كانوا ربعه
او انا :)

و شكرا،،،

[E55]

يعني اذا اخترت له سيارة قيمتها نص مليون درهم تقريباً ... عادي ؟

[المرشد]

السلام عليكم....


الاودي تي تي صغيرة جدا جدا ... مابياخذ راحته فيها .. انا ركبتها .. مع اني معتدل الجسم.. و الله تضايقك .. ماعرفت ايلس فيها...:)



اسئلة اي 55 مهمة عشان تحصل الاجابة المفيدة

[درب الزلق]

الاخ المرشد : مشكووور على المشاركة :)

بالنسبة لسؤال الاخ E55 اذا كان عادي سعر نص مليون درهم علشان
سيارة الجواب هو انه اقصى سعر ولد عمي يبغاه حق سيارة
يكون ربع مليون درهم او 300 الف درهم.

و شكرا،،،

[BRABUS]

شو رايك بـ ...

بورش كاريرا 4


بصراحه موتر رهيييييييييييييب

وصاروخ بعد :)

[المرشد]

طيب شو رايك في المرسدس فئة سي اليديدة...:)
حلوة و ب120000 بس..:)

[الشرقاوي]

درب الزلق وش رايك اذا كان يحب التفحيط والسرعه والقوه

ماله الا لومينا SSاو اذا كان يبي سياره اكبر كابريسSS

وصدقني ما راح يخسر السياره محركها 8اسطوانات5.7

وقوته 325حصان والفرق بين السيارتين ان الكابرس تكون اكبر

واثقل من اللومينا:)

ورخيصه بالمررره

[VIPER]

احلى من فايبر ما فيه

[corvette 40th]

الله يهديك يا VIPER
ليش رافع هالموضوع???
تلاقيه اشترى السياره من زمان!!!

[ألأعرابي]

لا لا ما أنصح بال تي تي
غير عملي
ربما شيروكي كلاسيك اذا يبغي سياره حق لخراطه
و اذا داقه عليه السرعه ال م3 من البي أم دبليو قريب جدا!
و في مليون شي و شي الإضل من ال تي تي , بي أم دبليو 540 مثلا
مرسيدس اذا يفضل الفخامه على الرياضه
وين راح ال لكسز 430؟
وايد اشياء أفضل من تي تي