View Full Version : اللاب توب !!
بدوية
22-10-1999, 08:45 AM
اخواني الكمبيوتريين السلام عليكم...
ابي اخذ رايكم في حاجه.. راي الخبيريين بس .. موب كل واحد يدلي بدلوه.. !!
هالحين انا ابي اشتري لاب توب.. وما ادري وش الاحسن والارخص... والاضمن.. عاد ابيكم الله لا يهينكم تعطوني العلم الزين..... و لكم الشكر http://www.swalif.net/swalif1/ubb/smile.gif
على فكره علموني وين الارخص في اي بلد.. اوروبا / امريكا / السعوديه
/ الامارات.. والا وين ؟؟
مشكورين ... ويعطيكم العافيه http://www.swalif.net/swalif1/ubb/smile.gif
البدوية تكنولوجيا @@
هلا بك يا بدوية
بالنسبة للاب توب أحسن نوع من توشيبا وأنا عندي واحد أستخدمه بس تري فيه عيب أنه بالكثير سنتين ولازم تغيرينه مهوب مثل المكتبى طبعا جربت كومباك ويعنى مهوب مره وجربت ديل ونفس الشيء وحاولى تشترين هذه الأيام بنتيوم 3 علشان يعيش معك سنتين أقل حاجه وإذا تبين نصيحة لا تشترين الا من نفس مدينتك لعدة أسباب :
1- جهاز حساس ويمكن يخنبق بأي لحظه حتى لو كان جديدز
2- إذا شريتى من دوله أوربية أو من أمريكا لازم تغريين الكىبورد أو تحطين لزقات وهذا شي ما له داعى تلفيق ........
3 - إذا تبين من أمريكا أنا مستعد أعطيك رقم واحد عربي ثقه تنسقين معه لأنه عنده أجهزة جديده ورخيصه...مثال كومباك جديد 700 دولار بينما يباع فى المحلات بألفين دولار ......
وأخيرا تراني شريت أكثر من أربعة أجهزة خلال 6 سنوات وأخيرا شريت من الرياض وأرتحت راحة ما بعدها راحة .....
وتقبلى تحياتى ........
ًWOLF
------------------
من عذابي قلت لعيونك هلا
بدوية
23-10-1999, 03:31 AM
شكرا اخوي الذيب.. والله يسلمك على هالمعلومات القيمه.. بس ابسالك.. هو التوشيبا احسن والا الايسر.. ومين ارخص.. طيب واذا جبت من دول الخليج احسن والا من الرياض ؟؟!!.......
البدوية تعد الدراهم @@
بدوية
25-10-1999, 08:17 AM
وين الناس ؟؟
البدوية تستنى الرد @@
القرناس
02-11-1999, 12:26 PM
الأخ / WOLF
أرجوا منك يأخي العزيز أن تراسلني على العنوان
arrajol@yahoo.com
للأهــمية رجاءً وتقبل تحياتي ..
بدوية
03-11-1999, 09:14 AM
اخوي القرناس.. هالحين وولف وش بيدريه انك تبيه يراسلك وانت منزل النداء في موضوع باسمي ! الافضل انك تنزل له ندا منك له !! عشان تضمن انه يرد عليك باسرع وقت http://www.swalif.net/swalif1/ubb/smile.gif
وحياك !!
البدوية تنبه @@
القرناس
04-11-1999, 10:21 AM
الأخت البدوية .
السلام عليكم ,,,
وولف يا عزيزتي كتبت نداء خاص موجهة لة قبل أكثر
من أسبوع ويمكن شفتية مع العناوين ألرئيسية ,ولاكن مارد
ووجهة لة رساله خاصة عن طريق الأيميل ولارد , وكذالك كتبت لة
عن طرق موضوعك ألخاص ولارد وكل هذي الدوشة علاشان أسئلة عن
ألشخص ألي في أمريكا وألظاهر أن رفيجنا كذاب ووهق نفسة من دون
ماياخذ بالة ,,,, وحتى الأيميل مارد علية ولو بكلمة ,,
تحياتي أخــوك الــــقـــرناس
بدوية
04-11-1999, 12:08 PM
http://www.swalif.net/swalif1/ubb/smile.gif
البدوية !! @@
هلا بك بدوية
أسف على التأخير لأنى ما زرت سوالف من زمان وبالنسبة لموضوع اللاب توب فهو يعنى أقدر أقولك أن أحسن حاجه الأن موجوده بالسوق توشيبا واليوم واحد معلن بالجريده فى الرياض أنه عنده أجهزة جديدة وأسعارها رخيصة وبأرسل لك رقم تلفونه بكره أن شاء الله بعد ما أشيك معه بالنسبه للمواصفات .
بدوية
04-11-1999, 01:07 PM
الله يعافيك اخوي http://www.swalif.net/swalif1/ubb/smile.gif
البدوية ممتنه @@
هلا بك بدوية
هذا مكتب بالرياض عنده لاب توب وأنا رحت أنا وزميل لى أشتري من عندهم مواصفاته سرعته 400 والرام عندهم من 32 الى 128 حسب الطلب وعندهم نوعين كومباك وتوشيبا وطبعا التوشيبا أفضل .... أسعارهم تبدأمن 6000 ريال وفوق حسب المواصفات ......
رقم هاتف المحل : 4628958 وإذا من خارج المملكه الكود 009661
وأي خدمة أمري يا بدوية
------------------
من عذابي قلت لعيونك هلا
بدوية
06-11-1999, 12:44 AM
تسلم يالطيب .... http://www.swalif.net/swalif1/ubb/smile.gif
البدوية تكنولوجيا @@
أنا بصراحه عندي ايسر وهو أرخص شي لكني مرتاح منه جداً جداً ولا فيه مشاكل سارله عندي تقريباً شهر والسلام
------------------
أبوحمد
بدوية
08-11-1999, 05:19 AM
يعني بكم ؟؟
البدوية تكاسر @@
أنا أخذته من الكويت بسعر 1100 دينار كويتي يعني تقريباً 13500 ريال سعودي ومواصفاته 333 بتيوم 2 64 رام 6.4 هاردسك شاشه 14.1 DVD ,hgsghl
------------------
أبوحمد
هلا بدوية
بالنسبة للشخص اللى فى أمريكا إذا تبين معلومات عنه راسليني على البريد وبالنسبه للأخ القرناس ما أقدر أقول إلا إذا أتتك مذمتي من ناقص فهى الشهادة بأني فاضل ........بعدين ليه صاير لزقه ما أبغى أرد عليك.. أفهمها والا يعني لازم أعطيك الكلام على بلاطه ...... معلش يا البدوية بس تونى قريت الكلام اللى كاتبه وأرتفع الضغط عندي من هالشين القرناس ...
بريدي الألكتروني wolf_909@yahoo.com
------------------
من عذابي قلت لعيونك هلا
السلام الأخ الوولف
هذه الساحة وضعت للمساعدة وليست للتطنيش وليش مافيك روح تعاونية ولا انت تبي تخدم البنات وبس الله يهداك خل المساعد للجميع وليس لناس مخصصين
------------------
أبوحمد
السلام الأخ الوولف
هذه الساحة وضعت للمساعدة وليست للتطنيش وليش مافيك روح تعاونية ولا انت تبي تخدم البنات وبس الله يهداك خل المساعد للجميع وليس لناس مخصصين
------------------
أبوحمد
بدوية
09-11-1999, 09:54 AM
مشكوره اخواني.. وكثر الله خيركم ..
البدوية قررت @@
المستزيد
09-11-1999, 12:53 PM
السلام عليكم ورحمة الله وبركاته .
اما بعد فان كلام الاخ FHM
كلام صحيح وبعدين ليش التطنيش هذا واذا بغيت ترد عليه لا ترد في الساحه
رد عليه في الايميل لانه كلام خاص .
واما بالنسبة للاخ القرناس فانه رجال ولا كل الرجال ومستغني عن خدماتك
والقرناس رجل متعاون جدا ولا يرد لاحد طلب.
واخيرا ارجو من الاخت البدويه ان تعذرني على كتابة الرد في الموضوع الخاص بها.
وآسف على الاطاله وشكرا للجيميع
------------------
(وقل ربي زدني علما)
مراقب 998
10-11-1999, 05:15 AM
الأخوة المشاركين
نحن هنا بساحة الكمبيوتر برجاء المحافظة على الروح الطيبة بينكم وعدم الخروج عن الموضوع الأساسي للأخت البدوية.
وشكراً