PDA

View Full Version : موضوع سرقته من واحد اسمه (( رهيــــــــــــــــــب*)) وهو بعد رهيب


حنون
07-10-1999, 05:08 AM
رهيب............
وش خليت لنا اذا سمحولك تدخل بعد (عمر طويل )

والله انك تخوف بس ابي ابدى معك زين عشان نكون اخوان من البدايه
ـــــــــــــــــــــــــــــــــــــــــــــــــــــــــــــــــــــــــ
موضوع الأخ (( رهيـــــــــــــــــــــب*))في موقع المستجدين

آه والله ما انسى هالموقف لين اموت، كان بالكيس (حبحر)، وكلّه نزل على وجهي وعيوني وحلقي وثيابي، يعني يمكن راح في حلقي منه وبدون مبالغه نصف كيلو تصوروا نصف كيلو (حبحر) في حلق طفل. ولي قصص كثيره مع (اللقافه) والفضول، ماله داعي اقول لكم عنها. المهم حنا نتكلم عن الرسايل اللي تجي للصفحة، وانا بالحقيقه ودي ادري وش سر هالرسايل، وعلى ما قال طلال مداح .. (وكأنه ربي استجاب من غير ما اعمل حساب) كان المحرر مسافر برا الرياض، ومن حسن حظي طاحت ذيك المره كل الرسايل في يدي ، قلت (يا مهنا جالك ماتمنى) وفي ثواني والرسايل كلها في درج سيارتي.. رجعت للمكتب وانا على أحرّ من الجمر، متى بس يخلّص الدوام.. رحت للبيت، وقفلت غرفتي، كنت وقتها ساكن في بيت الأهل وعندي اخوان ماهم بعيدينٍ عني في (الشفاحة) وحب الإستطلاع، لكن اقل مني طبعاً.. جلست طول ذيك الليله وانا هات يا تقطيع في مظاريف الرسايل، تصوروا.. وش لقيت..؟؟ عجايب .. أي والله عجايب .. الغريب ان كل الرسايل كانت تبدأ بكلمة (سعادة الأستاذ/....... ... ... )!!! أي سعاده؟ وهو يادوبه في المرتبه الثانية أو الثالثه وظيفياً .. كان في كل الرسايل أو أغلبها مدحٍ ربعه يكفي وكيل وزارة مخلص.. وكانوا يثنون عليه ثناء غريب على هالجهود اللي يبذلها في خدمة الشعر والشعراء والمواهب، لو جاني بعض هالثنا يمكن كنت اطلع من ثيابي من الفرحه.
كل الرسايل كانت ورقتين، وحده مدح وتبجيل، والثانية قصيدة، وثلاث ارباع الرسايل كان معها صور، المهم اني اكتشفت سر الرسايل، وليش تروح للبيت..

رهيب*

ترنمنيتر
08-10-1999, 04:20 AM
ليش ماكملته مع الموضوع لاصلي يالمخفه .....
صدق ماتعرف تلزق (يالبرجماني يالنفعي يالمصلحجي ) تقوله خبل وتبيه يعطيك وجه .......
اصلاً مقيوله بالامثال ...... الصديق وقت المصلحه .....غيرها لاتدوره

------------------
اذا كنت ريحأ فقد لاقيت اعصارأ

فدغون
08-10-1999, 04:33 PM
حنون باشا !!

يقولون السارق من السارق حلال !! وش رايك ؟

على العموم .. و الله إن كان موضوع ذا الرهيب حقيقي وصاير له، فأسليبه ( داري إنها إسليبه ) حلو و رهيب !!

أما إن كان موضوعه ذا فكّـتاً فكّـها علينا .. فياليت يحصل لنا منه درزنين درزن لكم و درزن لنا في المنتدى !!

خلاص .. إنيسطتوا!؟ ... تطمنتوا!!؟؟؟ ... ..... كيف الحـــــــــــــال !؟

حنون
01-11-2000, 11:21 AM
الموضوع ما اخذ حقه من الأطلاع

لذا نرجو الأطلاع عليه مجددآ





حنـــــــــــــــــــــــــــــــــــ للأهميه تم رفعه بقوه ـــــــــــــــــــــــــــــــــــون

جاسم
02-11-2000, 12:47 PM
انا طلعت على الموضوع

يعني عرف السر هو مبروك

لول لول لول

حنون اخاف هذي انت

شيختكم العنود
03-11-2000, 08:00 PM
حنون <<----- مدري ليه مسمي نفسك هالاسم؟؟مو لايق ابد عليك
المفروض تسمي نفسك... فرعون... طاعون...كيلون ..جالون..بالون..صالون...سيفون(كخخخخخ)..شيطون ..شمعون... لطشون ..
ماعلينا ... المهم كيف الحال بس... تصدق ما قريت الموضوع.. يوم دريت انه ملطوش حامت تسبدي... يقولون اذا افلس الشخص ..بدا في اللطش..خخخخخخخخخخخخ
المهم .. كيف الحال بس:)
تشاااااو
<<------- ادعوا لها عندها اختبارات
واااااااء وااااااااء وااااااااااء:(

شاهين
04-11-2000, 08:46 AM
ماأحب أفتن

بس

شــايف في رد العنــــود إسم شــمعون "لاتكون منهم وحنا ماندري"

الرومنسيه
04-11-2000, 08:56 AM
^1
وش معنا (حبحر)

الرومنــ عشان ادخل معكم بالفورمه ــسيه
:) :) :)

حنون
04-11-2000, 10:58 AM
يالمطافيق


شوفو تاريخ الموضوع اول بعدين حاتسون

هذا رد للعنقود ولشاهين

لأن السالفه حدثت كالتالي

ايام ما كان الأشتراك في سوالف لا يقبل المشتركين الجدد الا بعد مرورهم بفترة اختبار قد تصل لأسابيع

وصراحه خفت يطير موضوع الخبل رهيب من بين مواضيع المستجدين قلت بنقله هنا عشان يشوفه الجميع

بس هذي السالفه

ومواضيعي اطلعها من راسي ما انقل الا اللي كتبت انه ملطوش او منقول
وانتم عارفيني يالسملق:(

شاهينوه
=======
انت قاعد تشكك في عقيدتي
حسبي الله على منقارك
يالدرو


الرومانسيه
==========
هلا والله ثم هلا والله
ياهلا بتس ياهلا باللي يسوون مواضيع خاصه للترحيب بحضرتنا

حقيقه ماانساتس انتي ومواقفتس الجميله

وعلى طاري (( الحبحر )) لا تكونين من جنوبنا العزيز؟

ترى اتورط ورطه كبيره مع هالكلمه ( معناها شين بالجنوب)

وعلى العموم كلمة حبحر تعني (()) الفلفل (()) عند بعض اهل نجد