الأخ جدله مع التحية ( خـــــــــــاص )

[عيون الصقر]

بصرحة ما فهمت عليك أقرأ كلامك في موضوع هل هم حثالة أجد أفكار
جيدة في مضمونها ولكن مرفوضة في الواقع
ولكن خربت كل اللق قلته بعد ما قريت لك موضوعين عن الجمعان وشن حرب على سامي الجابر
سؤالي كيف نجمع بين الموضوعين
خاصة بعد ردود مثيره مع الإخوان العالمي والهلالي ومتعب وابو عابد والبقية
أريد أن توضح موقفك بوضوح للجميع ولك كل الحب والتقدير من الجميع

[جدله]

ياخوي انتم مشكلتكم انكم تاخذون الواحد بالصوت عشان يسكت ويخاف وما تخلونه يشرح موقفه ،

متابعة الكورة ( كمتابعة فقط ) يعني انك تقعد تشوف مباراة تستمتع بالاهداف ، هذي على ما فيها من مضيعة للوقت لكن امرها سهل.

انا ما قلت لا تتابعون الكورة انا قلت لاتعطون الناس اكبر من حجمهم لان واحد يقول " بعهد سامي الميمون" والثاني يقول ان اهل الرس سيذكرون زيارة الهلال جيلاً بعد جيل !!! واذا وصلنا الى هذا الحد من تمجيد الناس قد نصل مرحلة " شرك المحبة" وانا معي علم اني لو تكلمت بهالنقطة من زمان كان جاني ناس مثل اللي صفوا يردون تحتك واللي ردودهم فوقي الحين وبيقولون لي يعني انت تكفرنا ، وانا ما اكفر احد لكن اعتقد ان محبة اللاعبين في قلوب بعض الناس قد تصل الى انه يزاعل اخوه او صديق له عشان لاعب وانت تذكر قصص لمشاكل حدثت بسبب الكورة واولهاالطلاق واحياناً قتل كما في البلاد الكافرة ، وهل تضمن ان العدوى لن تصلنا منهم كما وصلنا القزع ولبس السلاسل وغيره !!!!

فيه فرق بين مشاهدة مباراة وبين انه اذا واحد سجل قول قامو يناططون كأن بهم مس من الجن ، على ايش الفرح هذا كله ، وش الفايدة ليش اللاعب شخص مهم وش سوا الناس كلهم وش استفادوا منه كم يصرف على الكورة عندنا وكم يصرف على التعليم ؟؟؟؟

انت يا عيون الصقر هل انت مستعد تتبرع لبناء مسجد ؟؟؟؟
انت يا عيون الصقر هل انت مستعد تتبرع لبناء مدرسة ؟؟؟؟
انت يا عيون الصقر هل انت مستعد تتبرع لبناء ملعب ؟؟؟؟

جاوب على هذه الاسئلة بكل صدق وتعرف انا وش اللي غاثني. ياخوي انا ماقلت لاتلعبون لكن لاتكون هي اكبر همنا. 99 % من المشاكل اللي بيننا وبين دول الخليج من الكورة و 99% من المشاكل اللي بيننا من الكورة.

ماله داعي نبعد ايام عضويتي بالنصر كنت اقرى الصفحة الرياصية بجريدة الرياض والجزيرة يومياً وكانت يومياً تسب ( ترى اقصد يومياً) جكم نهائي الكأس بين الهلال والنصر اللي فاز النصر فيها 3/1 اعتقد اسمه العمر او شي من هالقبيل. تصور يومياً تداس كرامك على صفحات الجرائد من اجل كورة ضع نفسك في هالموقف وتعرف ايش اقصد بكلامي.

الكورة قد تكون مقبولة لكن بدون تعصب. اسأل اي واحد يكتبون هنا هل مرة في اي مكان او زمان دافع عن مسألة من مسائل الدين وكم مرة في اليوم يدافع عن نادية وعن لاعبة المفضل.

ياعزيزي الكورة قد تكون اهون الشر بوقت الفراغ لكن المشكلة ان ربعنا زادو الكيلة وصارت هي اساس حياتهم وهي التي تحدد العدو من الصديق. قد تقول لي انها فورة غضب وتزول ، واقول لك وش يحرق دمك اساساً ليش تغضب وليش تنقهر ، عشان فريقك ما فاز وخير ياطير.

**********************************************************

نبداء من جديد ، لو اخوك زاعلك عشانك غلبته او غشيت عليه بلعبة البلوت او حتى الكيرم وصار ما يكلمك ، وش تقوله ؟؟؟؟

تقوله ليش تكبر السالفة وهي ماتسوى ؟؟؟؟

واحنا ليش نكبر الكورة ونسب واحد بالجرايد ونتهاوش بهالمنتدى عشانها هل الكورة تستاهل اني الحين اغلط عليك واهدر كرامك ؟؟؟؟؟

ياخوي حنا مانسمح لاحد يمس كرامتنا على اكبر سبب وش عاد عشان كورة !!!

**********************************************************

اذكر كنا مجتمعين عند واحد مناعضاء النصر وكان بيرفع قضية على كاتب هلالي في جريدة الجزيرة ( اذا ما خانتني الذاكرة انه العجلان ) تدري ليش اسمع وش يقول العجلان ( في نفس المعنى ): "اللاعب اذا وصل للثلاثين وصار ما يلعب زين وكل يوم مصاب وكل يوم متغيب عن الفريق بسبب الاصابة ودك انه يايعتزل او ان النادي يبيعه بكلب سرق اهله"

ولاحظ كلمة "كلب سرق اهله" وهذا تعبير عند اهل القصيم معناه انه يباع بارخص ثمن وهل هناك ارخص من الكلب الحرامي ؟؟؟؟

ولعلمك كان يقصد ماجد عبدالله ويوسف الثنيان، ولاحظ كيف صار الانسان قيمته ارخص من الكلب او تساويه عشانه ما يقدر يلعب، ويجون بعدين ويقولون هذولا لاعبين كبار وخذ يا مدح.

اجلس في المدرجات وشف اذا ضيع لاعب هجمة وش يقولون عنه، هل تستاهل الكورة ان يسب امك وابوك واهل كلهم عشان هجمة ؟؟؟؟

لا تبعد ، روح للأرشيف حق المنتدى هذا وشف وش يقول الهلاليين عن ماجد وعن لاعبين النصر كلهم ولا تنسى تسمع كلام النصرايين عن سامي وباقي لاعبين الهلال ولو تبي تددق بالكلام ستجد طعن بالانساب والاصول والارشيف عندك.

************************************************************
بعد هذا كله تقول لي وش فيها الكورة ، انا اقول حلوة بدون تعصب وسب وتمجيد ناس ليس لهم اي فائدة الا "اللعب" وبدون صرف ملايين على شي ضرره اكثر من فايدته.
*************************************************************

آسف على الاطالة

-------------------------

ابو الجدايل

[عيون الصقر]

الأخ جدل

أولآً يبدو من خلال حديثك عدم الهدوء والاتزان وعدم الوضوح في الأفكار
ووجدت أنك تعاني من مشكلة هي الرياضة وسببه موقف نظراً لأنك
عضو في النصر وقريب جداً فربما واجهتك ظروف معينة جعلتك تتخذ
موقفاً من الرياضة والرياضيين .

ثانياً الذي يدافع عن لاعب ضد لاعب آخر أليس يمجد اللاعب وعلى سبيل المثال
أنت كتبت عن الجمعان ودافعت عنه هل يستحق الجمعان كل هذا الوقت
من وجهة نظرك بحيث لو كتبت عن أمر يهم المسلمين أليس ذلك أجدى .

ثالثاً إذا كنت متابعا للرياضة فذلك ياأخي لا يمنع من عمل الخير كالتبرعات
مثلا وتبقى هذه الأعمال بين المسلم وربه وهذه النقطة لا يحددها
إلا نفسية الإنسان فكم إنسان عادي تبرع بمئات الآف لإعمال الخير
وعلى النقيض هناك رجال دين وعلم تمنعهم أنفسهم من بذل ريال
واحد فقط مثله مثل الكرم فشخص يقدم لضيفه طعام لا يليق على
القدرة وشخص يحاول قدر المستطاع إكرامه بكل ما يملك بدون إسراف
على الرغم من الحاجة فأنت تسألني هل أقوم بتلك الأعمال وأنا
أجبتك وباختصار متابعة الرياضة لا تنافي التبرع لوجه الله

رابعاً لو عدت لردي في ( هل هم حثالة ) تجدني أتفق معك فأنا قلت أنا
أتفق معك أن الرياضة تضيع الوقت لو مشاهدة فقط ولكن إذا نظرنا
إلى البدائل من قنوات وغيرها نجد الرياضة أفضل بكثير . ولكنك بما
قمت به أصبحت قدوة سيئة بحيث شخص ينادي بتلك الأفكار يجب ألا يتابع
الكرة فما بالك بمن يتحدث عن لاعب ويمدح لاعب ويشن حرب على آخر .

خامساً يقال أخي أبو جدله ( إذا زل العالم وقع بزلته عالم )
فأرجو أن تهتم بالشباب الذين يقرؤون هذه الموضوعات ويتأثرون منها
فهم يقرؤون لك رأياً وربما يقتنع ومن ثم يجدك تناقضه في موضوع آخر
فهذا يسبب عنده ردة فعل سيئة أنت أعلم بها منى وتعرف أثارها .


وفي الختام لا يسعني إلا أن أطلب منك الهدوء في الرد وعدم التعصب وألا يكون
الرد شخصياً والاختلاف كما يقول المثل الاختلاف في الرأي لايفسد
قضية ..... والسلام

[جدله]

مسيك بالخير http://www.swalif.net/swalif1/ubb/smile.gif

حنا متفقين على اصل الفكرة ولكن مختلفين بطريقة الطرح ،

نبي نسويها على شكل اسئلة واجوبة وبتشوف اننا متفقين على معظم النقاط..

1- هل الكورة مضيعة وقت ( انا اقول نعم )

2- هل الكورة اهون شي يضيع الانسان فيه وقته ( انا اقول نعم )

3- هل تستحق الكورة ان يجعل لها ميزانية تقدر بـ 500 مليون ( انا اقول لأ والف لأ ) وخاصة في دول متخلفة في كثير من الميادين المهمة

4- هل الكورة تستحق ان تكون وضيفة ( انا اقول لأ )

5- هل الكورة تستحق ان نتخاصم ونتعادى حولها وبها ( انا اقول لأ )

6- هل لاعب الكورة شخص مميز ويستحق تسليط الاضواء عليه اكثر من العلماء والمهندسين والدكاترة والمدرسين ( انا اقول لأ بل هو في آخر القائمة)

7- هل يستحق اللاعب الاموال التي تدفع له بغض النظر عن من يدفعها انا او انت او الحكومة ( انا اقول لأ )

8- هل تستحق الكورة ان تفوت الصلاة من اجلها ( انا اقول لأ )

9- هل تستحق الكورة ان يسب انسان في الجرائد لمدة عامين ويشهر به من اجل انه حكم مباراة وما فاز فريق بعينه في تلك المباراة ( انا اقول لأ )

10- هل تستحق الكورة ان تكون هي مقياس تطورنا ومدى تمددنا مع العلم انها المقياس الوحيد الآن ( انا اقول لأ )

11- هل تستحق الكورة ان تنام مقهور مغموم لان فريقك انهزم ( انا اقول لأ )

12- هل تستحق الكورة ان تكون اكبر همنا ومبلغ علمنا ( انا اقول لأ )

جاوبني على هالاسئلة وبعدين نكمل الحوار اللي اتمنى ما يقاطعه احد من الاخوان.

____________________________

ابو الجدايل

[عيون الصقر]

مسيك بالرضا والعافية
أنا ياخوي معك بكل اللي قلته واتفق معك بكل الأجوبة التي ذكرتها
ولكن اختلافنا هو
ليش تناقض نفسك وتضيع وقتك بموضوعات مالها داعي مثل التي طرحتها
موضوع الجمعان وانه ما أخذ حقه الاعلامي بينما سامي لو مادري ايش تكلموا عنه وجعلوه وجعلوه أهم لاعب وبعدين تجي وتقول ان الرياضة تضيع الوقت
ما دامه تضيع الوقت ( ليش تكتب ليش تكتب )
أشكــــــــرك وأشكـــــــــرك ثم أشكـــــــــــرك