PDA

View Full Version : ياليت..مثلك..ينجبن الرعابيب ......لا شك مثلك ..يا فتى الجود.. كايد


فيصل العرب
02-07-2000, 11:40 PM
النادر .. الشامخ
الى رائد رائد الدبلوماسية ورقمها الصعب
سعادة الشيخ حمد بن جاسم بن جبر ال ثاني

صادق سلامي .. يا رسول المكاتيب ... للي بمدحه..يفخرن.. القصائد

للنادر .. الشامخ.. زبون المواجيب ... شوق الهنوف اللي زهت بالقلايد

حر .. شهر من عاليات المراقيب ... من حومته..جول الحباري شرايد

مني لبوجاسم .. سلام وتراحيب ... النادر اللي .. نافل بالبدايد

لاجا.. نهار فيه حر المشاهيب ... صيدك سمين وعادة الحر صايد

ماغيرك اللي .. يكرم الهرج ويجيب ... لاجا .. نهار فيه ناقص وزايد

يا متعب عمرك .. بكثر المناديب ... يفداك .. من راسه خدين الوسايد

كم عارضك..هبل..يرز المشاعيب ... وعود..يبرر..ماذكر بالجرايد

غصب على خشمه..يعود بلا طيب ... وان عاد..عدنا والليالي جدايد

والدار تفخر في ضناها..بلا ريب ... لاصار..مثلك..يا كريم العوايد

الشمس يشرق..نورها..يوم ويغيب ... وفعلك..نهار..طول الايام سايد

ياليت..مثلك..ينجبن..الرعابيب ... لاشك..مثلك..يا فتى الجود..كايد

(( الشاعر القطري فالح العجلان الهاجري ))

ولكم تحياتي
اخوكم

الفيصل

صميدع
03-07-2000, 10:50 AM
صح لسانه

وصحت يمينك

:)

نزف الجراح
03-07-2000, 05:07 PM
اخي فيصل العرب
كما عهدتك .. اختيار رائع .. لشاعر له من الكلمات ما تمس جوانح الوطنية
"
"
"
صح لسان الشاعر .. وتسلم يمينك



------------------
لم يعد للقلب من نشوة .. ينسى فيها الحرمان غير الرقاد
وحبي الذابل خلف المنى .. مل السرى وارتاح منه السهاد
وكل مابي من لهيب الجوى .. أطفأه اليأس وأمسى رماد

فيصل العرب
03-07-2000, 11:34 PM
مرحبا صميدع
وصح بدنك ومن قال سالم يا الطيب
ولاهنت يا الغالي
وتقبل تحياتي
اخوك


[b]<small><small>[ تم تعديل الموضوع بواسطة &nbsp; فيصل العرب &nbsp; يوم &nbsp; 03-07-2000]

فيصل العرب
03-07-2000, 11:38 PM
مرحبا نزف الجراح
شكرا لج
واسعدني تعليقج يا الغالية
وترى اختياراتي تعتبر نقطة ببحرج الكبير
المملؤ بالابدعات والاختيارات الرائعة
ولج خالص تحياتي
اخوج

الفيصل

فيصل العرب
04-06-2001, 05:38 AM
السلام عليكم ورحمة الله وبركاته


هل عاد احد منكم يذكر الفيصل هل بقى احد من الشله

بصراحة ولسبب ظروف ما انقطع عن الموقع تقريبا سنه

وحبيت ان تكون عودتي لكم من خلال اخر مانشرته لكم قبل

ماانقطع عندكم واتمنى انتم باتم صحة وخير

ولكم جميعا خالص تحياتي
اخوكم


الفيصل

الكييف
04-06-2001, 01:04 PM
عز الله انه يستاهل المادح والممدوح

فيصل العرب
12-06-2001, 06:18 AM
مرحبا الكييف

صدقك يا الغالي بوجبر يستاهل

وشكرا لك وتقبل خالص تحياتي


الفيصل