الى ابــي في ذكـــــرى وفـــــــــاته ( اعادة بعد التنقيح )

[حبيبها]

يبه شلونك ؟؟
ملل هالكون من دونك
يبه شلونك ؟؟
وتمضي رحلة الدنيا
بليا طلة عيونك

يبه شلونك ؟؟
وشلون المرض وياك ؟؟
بعد ماهدك بدنياك
عساها تغمض جفونك ؟؟

تبي تدري عن احبابك ؟؟
عن عيون تغنا بك ؟؟
عن قلوب دفنها الشوق
واذا جاها الغفا جابك ؟؟
يبه امي تخيلك دوم
تغني لك مع القمرا
يبه واللي خذاك بيوم
خذا بكريتك( ذكرى)
خذا وياما خذا .. وياما
خذا ناس يحبونك

يبه حنا غدينا كبار
توفقنا وتخرجنا
يبه ماعاد فيه صغار
يموج بهالزمن كل شي
وحنا ماتموجنا
على ذاك العهد نسري
نبيع العمر والدنيا
ولا تخلف بنا ظنونك

يبه شلونك ؟؟
تبي تدري عن اخباري ؟؟
عن افكاري وتذكاري ؟؟
اشيلك داخلي جمره
وبعيون الحزن عبره
تغرقني .. وتحرقني
اشوفك نجمة تجبر
مراعيها .. يراعيها
واشوفك للرجوله اسم
اذا شد الزمن تقسى
واحلم من معاني الحلم
احسك مقبل بكرى
وعيا لايجي بكرى !!

يبه تذكر زمان مر ؟؟
لاقالو عمر
هو احلى مابهذا العمر
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد وبشت العيد ؟
يبه تذكر سوالفنا ؟
لاجل هذا ..
وكل هذا ..
اقول اليوم يابيي ..
ملل هالكون من دونك .

[شمعة الجلاس]

اسكنه الله فسيح جناته
ذكرى
تشعرك بالحياة...

[الحفار]

بكيتنا الله يسامحك


انا مثلك ابوي وامي واختي الكبيره الله يرحمهم ويرحم اموات المسلمين اجمعين ... اذكر ان بعد ماتوفى ابوي سافرت وغبت حوالي شهرين عن البيت ولما رجعت .....آسف ما اقدر اكمل

[شمعة الجلاس]

الحفار

اسكن الله الجميع فسيح جناته

لى طلب عندك

ممكن تكمل

غصه ولاودى توقف فى نفسى..

ولا نفسك..

[عسل]

الله الله الله
والله شعر راقي
ماأقدر أقول الا الله يرحمهم واموات المسلمين

------------------
ولد ابوي

[نايف الاول]

الاخوان حبيبها والحفار...

الله يرحم موتاكم ويجزاهم الجنه
انه سميع مجيب .

ياخواني حزنتونا ....

[زهرة]

اخي العزيز حبيبها
الصراحة المشاركه هذي اول ما شاركت فيها
احتفظت فيها
و هذي ثاني مرة تشارك بها و اتمني تسمح لي
احتفظ فيها بعد التعديلات
الصراحه كلماتها قوية معبره مميزه
غير عن كل المشاركات
احس انها كتبت باحساس قوي جياش
نابع من القلب الي يحمل اغلي المشاعر للوالدين
تسلم على هذي الجواهر و الدرر في كلمات مشاركتك

[حبيبها]

اختي زهره ..

اسف على تأخير الرد.. وماعليك زود يالطيبة.. وانا ومااكتب بتواضع تحت تصرف الطيبين شرواك ..

تحياتي ،،،،

[أصيل الليل]

مدري عليك أبكي والا علي...


[b]<small><small>[ تم تعديل الموضوع بواسطة &nbsp; أصيل الليل &nbsp; يوم &nbsp; 27-11-1999]

[أصيل الليل]

مدري عليك أبكي والا علي...
أبوك يوم أنه معاك شفته.
جلست معاه ؟
سولفت معاه؟
كيف حنان الأب ؟ http://www.swalif.net/swalif1/ubb/icons/icon36.gif
....................

[شمعة الجلاس]

اصيل !!

سلامتك اصيل......

سلامتك ............

[شمعة الجلاس]

اصيل

احيانا تجد فى الحياة ما يعوضك

ربما يكون هنا ممن تعرف يتمنى ان يكون فى كل لحظه كل شئ لك

كل الاهل كل الناس

ربما هناك من يتشرف ان يكون العوض لك..............

الحياة مليئه بالاشياء التى خلقت لتكون عوضا لشئ فقد

ارجوك

ارجوك اصيل

لا اعرف ما تفكر فيه الآن بالضبط

لكنى اتمزق من اجلك........

[حبيبها]

اخوتي ..هل تذكرون هذه الابيات .. ذكرني بها العيد.. وانا اسف جدا جدا على تأخير الرد ومثلكم من يقدر.. وقلبي معاكم اخوتي الحفار واصيل

[الصريحة]

الف رحمة تنزل عليه ............... هذا شئ مكتوووب

تحياتي نجوود الفلاسي

------------------
الصداقة اسمى شئ في الوجود

[عسل]

يرفع

------------------
ولد ابوي

[أفنان]

جميل ما كتبت

والله يرحم موتانا وموتى المسلمين جميعا

آميييييييين

[دمعة حزن]

كلنا للبكي نرجع.
والموت لنا مرجع..
ليت الموت يستعجل ..
لكي انسي من راح وعجل ...


------------------
من يزيل الحزن من قلبي .... ويعرف كيف يمسح دمعتي

[الرومانسي]

عــزيـــزي حــبيبهـا

كـم اســعدني وجـودك فـي ســوالف .........

لايـمكنـني هـنا الا ان اكـون معك بقـلبي وادعـو الله سـبحانه وتعالـى ان يـتغمـد الـجـميع برحـمته

------------------
الرومانســــــي

[حبيبها]

اخوتي واخواتي : الصريحة وعسل وافنان ودمعة حزن

يسلم راسكم


اما انت ايها الرومانسي فبدوري ابادلك نفس الشعور

ولكم جميعا تحياتي