خوا .... "طـر " !! ..

[LoveEyes]

مساء الخير ..

كل عام وانتم بالف مليون خير http://www.swalif.net/swalif1/ubb/smile.gif .. انا اسف انقطعت عنكم فترة .. واليوم
ارجع .. على العموم يمكن استمر على هالغياب .. واجي بين فترة والثانية
... اقول يمكن !! .. حسب الظروف ....

على العموم اخر ما كتبت اتمنى يعجبكم .. مع ان كل الخواطر ما اكتملت ..
القلم غريب هالفترة !! ... يتمرد كثير http://www.swalif.net/swalif1/ubb/frown.gif

.... !
ليت العيون الي انا حبيتها ..
ترخي نظرها .. وما تشوف .. الا انا ..
وياليتها ..
لحظة ما تخفيها الرموش ..
تنسى جميع الناس .. وكل وجيههم ..
وتذكر .. انا ..
والا ياليت ان الفكر ..
يوم التحف نيرانها ..
يحكي .. يصوّر في الحلم ..
وجهي انا !!
هذي اماني .. ما تحرك لي سكون !!
وما تكون !!
الا مثل غيمة حزنية .. مايلة ..
تنثني تمطر اماني زايلة !!
وبعدها !!
تسري .. ولا كني لها !!
.
.
.
.... !!
ليه طولتي فـ"غيابك" .. ليه ما عدتي تجين ..
............................... ليه يابنت الاصايل .. وش عشانه كل ذا ّ!؟
يا وعد حلمُ وحلمته .. من تجيني تبعدين ..
............................... مافي ظني لو دقايق ترتخي لاجل الهنا !!
كني ادري هي خيانة !! صارت العادة تبين ..
............................... وكل من خلا حبيبه .. صارت العادة جفا !!
وين حبك .. وين قلبك .. ما نسيتي تجرحين !!
............................... ما ذكرتي يوم قلتي بيننا صدقُ ووفاء ..
.
.
.
...!!!
كل الدروب ..
..... تحكي تعب !!
كل المواني .. والسحب ..
كل الاماكن ..
كلها .. باطرفها .. تحكي تعب !!
.... وهذي الثواني !!
هذي الثواني .. ومرّها ..
ان جابت الفرحة .. تعّد !!
وان كان حزني ظلـها ..
في مشيها .. منها لها ..
تاخذ من ايامي .. وترّد !!
يـا طولـها ..
لحظة ..
تمر الذكريات فـ"عينها" ..
لحظـة !!
على لحظة كسيرة تعتمد !!
.
.
!

وبس http://www.swalif.net/swalif1/ubb/smile.gif

.......................................... عيـ الـحب ـون !؟

[شجون المحبه]

كل عام وانته بصحه وعافيه

خواطر ما اكتملت ؟؟ولكن خواطرك جد جميله
وانشاءالله هالقلم يرضى عليك ويبطل اعناد http://www.swalif.net/swalif1/ubb/smile.gif
وين حبك .. وين قلبك .. ما نسيتي تجرحين !!
............................... ما ذكرتي يوم قلتي بيننا صدقُ ووفاء ..
بصراحه هذا الكلام اكثر من رائع ,عجبني http://www.swalif.net/swalif1/ubb/smile.gif

------
شجون المحبة

[الحفار]

هلا اخوي عيون الحب
كل عام وانت بخير
لكن وش الطاري ,اكيد فيه جديد.؟؟؟؟؟؟؟؟؟؟
على فكره اذا لما تغيب تكتب مثل هالمره..
لا اخوي خذ راحتك .....بس تكون العوده بنفس المستوى .

------------------
أشكي عليك الحال يا عارف الحال ......ولو مابيدك شيء يكفي لك أشكي

يكفي تروح بكلمتك ضيقة البال ......ويكفي تحس بضيقتي دون ما أحكي

[عاشق الخليج]

سلالالالالالالالالالالالالالالالالالالالالالالالالام
الله الله ياعيون الحب
كل هذا ومخفيه عنا والله اني احترت ويش اكتب لك
بس اقول وبصراحة اعجبتني قصيدتك كثيراً كثيراً
وعسى ان تكتب لنا كثيراً

------------------
ممكن اقول اني اعذرك واسامح\\\ العيد مبروك وانا فيه اعفيك
:::::::::::::::::
زادك الشوق ناراًً ليست لغيرك بل لك وحدك انت تنكوي بها وتفرح حينما تأتي لغيرك
اصابك الغرور

(( العاشــــــــــــــــــــــــــــــــــق ))

[T_zone]

هلا وغلا والله بعيون الحب ..
لا مانسمح والله بالغيبه .. وإن كان ولابد .. فكثر من الجيات .
لحرفك رونق لايماثلك فيه أحد ..
تحياتي لك .. وصح لسانك .. http://www.swalif.net/swalif1/ubb/smile.gif
وتقبل تحياتي .. وكل سنة وأنت بألف ألف مليون خير .

[وردالشمال]

هــــــــLovEyesــــــــــلا
.
ياعيون الحب وينك غيبتك كنه سنين
...............................ماهقيتك كذا ياعيون الحب افا
.....
...
.
عيون الحب كل عام وأنت بخير..وصحة...والله معذور والكل عند ظروف تجبره في بعض الأحيان ..ولا تاخذ بالبيت اللي فوق لأني حبيت امزح معك بس http://www.swalif.net/swalif1/ubb/smile.gif..وخذا البيت اللي تحت http://www.swalif.net/swalif1/ubb/smile.gif
اعتقد اني اسامح واعتقد اني الين
................................سامحاً لك وشوف عافياً مع من عفا
..
بس عاد حاول انك ماتطول..وجيب مثل اللي انت جايبه والله عجبني كثير الله يعطيك العافيه http://www.swalif.net/swalif1/ubb/smile.gif
.
ومن العايدين ومن الفايزين إن شاء الله http://www.swalif.net/swalif1/ubb/smile.gif


------------------
اخـــــــــوك
وردالـشـمال
waard@ayna.com

[الصريحة]

مرررررررراجب عيون الحب كل عام وانت بخير ... اقوول انا زعلانة منك ؟

بس ما اقدر ازعل من كتاباتك لانها فعلا جميلة للغاية .. رائع يا عيون الحب ... تمنياتي لك بالتوفيق دائما .


تحياتي نجوود الفلاسي

------------------
الصداقة اسمى شئ في الوجود

[LoveEyes]

هلا شجون المحبة ..

تسلمين .... بس وش اقولك .. البشر تخون وهي تحس .. ليه القلم وهي جماد
ما يخون ... مو غريبة !!

من ذوقك عزيزتي .....

....................................... عيـ الـحب ـون !؟

[LoveEyes]

هلا الحفار ..

لا طاري ولا شي ... بس خواطر http://www.swalif.net/swalif1/ubb/smile.gif ..

وانشالله تعجبك دايم .....

....................................... عيـ الـحب ـون !؟

[LoveEyes]

هلا بالعاشق ..

تسلم لي انشالله ... وعساها دوم تبقى هالمحبة ....

....................................... عيـ الـحب ـون !؟

[LoveEyes]

هلا T_zone ..

وانت بالف خير ... ولوها متأخرة كثييير .. لكن خلها للسنة الجديدة بعد ..

هالكلام كبير علي يا غالي ... ما قصرت http://www.swalif.net/swalif1/ubb/smile.gif ..

....................................... عيـ الـحب ـون !؟

[LoveEyes]

هلا ورد الشمال ..

كل البيتين مقبولة من شاعر مثلك http://www.swalif.net/swalif1/ubb/smile.gif ... وانشالله اعجبك دايم ....

وكل عام وانت بالف خير .. " قديم .. صح !! http://www.swalif.net/swalif1/ubb/smile.gif .. "

مشكور ياغالي ...

....................................... عيـ الـحب ـون !؟

[LoveEyes]

هلا نجود ...

وانتي بالف خير .... ليه زعلانة وش سويت !؟

بعدين تعالي .. وين الميل .. نسيتي !؟ خل نشوف ليه زعلانه !!

وانشالله مافيه زعل ....... http://www.swalif.net/swalif1/ubb/smile.gif

....................................... عيـ الـحب ـون !؟