عندي حكاية

[طاير]

عندي حكاية ...
حكاية طير طاف وطاف ...
وشاف الناس !!
ولا قد خاف ..
وشاف الشر وشاف الخير ..
وشاف الكره والحرمان ..
وشاف الهم والأحزان ..!
وشاف اللي على بابه ..
يدور باقي احبابه ..!
هذاك اللي خذاه الموت ..
وذاك اللي الأمل جابه ..!
****
حكاية طير مايدري ..
وش اللي بدنيته يجري ..؟
يطير ويكفخ الجنحان ..
واذا شاف القمر يسري ..!!
يضن ان العمر فرحه ..
دوا جرحه ..!
يبي يضحك يبي يفرح ..
ولا يجرح ..؟؟
يطير بعالمه ولهان ..
بليا احزان !!!
****
يظن انه ملك هالكون ..
ولا يدري ..؟
عن ايامه ..
وش تخبي ؟؟
من الآمه ..!!
يشوف العالم المسكون ..
كبير .. وكلهم احباب !
****
ولا يدري عن الدنيا !
غريبة ..!!
عجيبة كيف ما ترتاح ؟؟
هواها تنهي الأفراح ..
وفيها للدمع عنوان ..!
الم واحزان !!!
كبيرة بس ما تكفي ..
اجمعها وسط كفي ..
****
خذت ياما خذت منا ..
أعز احباب ..
أهل واصحاب ..
ويبقى طيري الشفقان ..
يطير بعالمه حيران !
ولايدري ..؟
يظن ان العمر بدري !!
****
تمنيت التقي وياه ..
واقله روح ...
كفاك جروح ...
توكل واسترح ياطير ..
وسط عشك !!
مساء الخير .............


تحياتي //////
طاير


[b]<small><small>[ تم تعديل الموضوع بواسطة &nbsp; طاير &nbsp; يوم &nbsp; 10-03-2000]

[هند]

اتمنى ان تسمعنا حكاياتك باستمرار ..

فهي رااااائعة جدا ..

http://www.swalif.net/swalif1/ubb/smile.gif

اعجبتني .. فكرة مميزة .. جدا ...

تحياتي لك ..

[صنقور]

أحسنت...عبارات جميلة و متناسقة...الله يزيدك فن على فنك يا فنان يا طاير

[وهج]

أجل..إنها حكاية حلوة..

لك خيال فنان..وكلمات شاعر موزونة وذات إيقاع جميل..

لك تحياتي..
وهج

[طاير]

عزيزتي هند ...

اشكر لك إطرائك فهذه شهادة أعتز بها كثيراً
وعموماً ... ما أعتقد إن فيه أحد يخلو من الحكايات والقصص الطويلة

------------------------------------------------------------

أخوي صنقور ...

مشكور على هالمجاملة اللطيفة ...
والمدح اللي ما اعتقد اني استاهله ...

------------------------------------------------------------

الأستاذة وهج ...

ليست حكايتي الحلوة ...
ولكن ذوق القارئ قد يجيد ...
أليس كذلك ؟؟؟


-------------------------------------------------------------
تحياتي لكم جميعاً
أخوكم/////
طاير