انا ... ظميـان !؟ ..

[LoveEyes]

الانسان بعد مايهوى .. يحس بجبل احاسيس في داخله .. وبعد ما يضيع كل شي
للاسف http://www.swalif.net/swalif1/ubb/frown.gif .. يحس بفراغ كبير .. ويدوّر عين تبكيه !! من هنا جت الفكرة !!
اتمنى ترتقي لذوقكم ..

اذا قلت ان انا ميت !!
انا ميت .. كثير جروح !!
اكيد اصير فـ"عيونك" ..
جنوني قد بدا فيني !!
قصيـر العْمْرْ ..
واللهفة تحاصرني ..
وكثير انفـاس تجفيني !!
تعانقني .. بدون اسباب ..
وفي لحظة ..
توادعني .. وترميني !!
بعد ما كنت انا صادق ..
وفيني غير عن هالنـاس ..
غديت فـ"عينهم" كذاب !!
وعيبي .. ما يكفيني ..

انا لي روح !! ولكن !؟
وحدتي صعبة ..
بعد ماكنت انا ساكن .. وبين رموش !!
اتوه اليوم ..
ادوّر عين تحضنّي !؟
وتمسح دمعة عيوني .. وتحرقها ..
ابي احيا وانا انسان !!!
احس البسمة تغرقني ..
تحركني ..
واحب بكل ما فيني .. غلا فـتّان !!
ابي اهوا .. ابي اروا ..
انا ظميـان !!
انا فيني من الحيرة ..
اماني ماقدر انكرها ..

تموت قلوب ..
ودمعات العْشِق مْرّه ..
انادري .. ذقتها اول ..
وحسيت بمعانيها !!
انا راضي يجي المكتوب ..
ولكن .. وين انا بالقى !!
اباتمنى ..
عساها في غرامي تذوب ..
تحس بطيبتي فيها ..
وانا كليّ ..
ابهدي وش على بالي ..
لاياديـها ..

.............................................. عيـ الـحب ـون !؟


[b]<small><small>[ تم تعديل الموضوع بواسطة &nbsp; LoveEyes &nbsp; يوم &nbsp; 05-03-2000]

[الحفار]

مرحبا http://www.swalif.net/swalif1/ubb/smile.gif
بالله عليك لو رحت للجامعه اليوم مو اطيب لك http://www.swalif.net/swalif1/ubb/smile.gif
لو رحت كان ما زعلت
ولاكتب احروف ورديه
تخاطب بها ذاتك
,,,
لو رحت كان لقيت
من حبه شكيت
اكيد اهو مثلك على دربك
يبي يسمع نبض قلبك
دخيلك لا تزعلها
وتحرجها
وتبكيها وتسهرها
دخيلك يا اخوي اسمع
صدى صوت الحزن
مع الاهآت رددها ,,
http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif
ما عرفت اكمل
سلالالالالالالام


------------------
قومي تعالي وقربي حيل جنبي........ خلليني اروي ناظري من عيونك
قومي تعالي ولمسي نبض قلبي........شوفي عروقي كلهم يطــلبــونـك

alhaffar@swalif.com

[صوت وصورة]

عيون الحب

عسا ظماك ما يطول
قلبك شفاف .. ومشاعرك واضحة مرهفة الحس .. والي زعل وجرح هالشفافيه صدقني ما عنده سالفه http://www.swalif.net/swalif1/ubb/smile.gif

حبيبي أنت بشر
غير كل البشر!!
لو انجوم السما تناديك
لو انجوم الليل تحتويك
تنساهم وتناظرني
وعيني بلهفة تلتقيك ..

صوت صورة يهديك اجمل من الورود
ويبني لدموع العين عالي السدود

[LoveEyes]

هلا الحفار ..

يعني لازم تفضحنا http://www.swalif.net/swalif1/ubb/smile.gif http://www.swalif.net/swalif1/ubb/smile.gif .. وبين تعال من قال انها حروف وردية .. هي احلام
وردية لها فيني طريق .. واتمنى تعيش وتلتقى شمعة امل !!

وصدّق ..

لو باروح ..
بالقى وجيه كثير ..
وباحس بطعمها فرحة ..
ثواني .. وبعدها
بابقى كسير !! ........... يمكن !!

.......................................... عيـ الـحب ـون !؟

[LoveEyes]

هلا صوت وصورة ..

يشرفني وجودك الغالي .. ماعلي من الي يقولون http://www.swalif.net/swalif1/ubb/smile.gif .. الاهم اني احس بطيبة
حروفي .. وتعبريها عن حالي ..

غير عن كل البشر !!
وينك اول يوم اجيك !!
والا يوم اعلن نسيتك ..
جيت تهدي لي عذر !!
ما ابيك !!

تسلم حبيبي ... ما قصرت والله ..

.......................................... عيـ الـحب ـون !؟

[صوت وصورة]

السلام عليكم ورحمة الله

أخي عيون الحب

دائما صاحب الكلمات المرهف الحس يرى مالايراه الغير .. فهو كالسحابة ينتقل إلى أي مكان حساس وناعم وكثير العطاء .. وهذا ما ينطبق عليك
(( هذه حقيقة يا أخي وليست مجامله أنت كالسحابة فعلاً ))
ويجعل أيامك كلها سرور http://www.swalif.net/swalif1/ubb/smile.gif


غير عن كل البشر !!!
أرسمك صورة وابكيك
اسمع صدى صوتك
بالهمس …….. وأبكي لك وأرتجيك !!!


صوت و صورة يشوف ويترقب تحرك السحاب
رغم همه وحزنه.... يمطر برغم العذاب

[LoveEyes]

هلا صوت وصورة ..

ليت السحابة تلفت لمي !! فانا ماقوى على الهجران ..

ياعزيزي انا مثلي مثلك .. قلب حساس .. وطيب " مو عيب " .. والسحابة
ما اطولها .. بعيد عني حيل .. انا مجرد انسان ..

مدامك قلت لي اهواك ..
ونسيت غرور ..
فانا باجمع اوراقي ..
واضمك ..
واحس فـ"لهفتك" ..
والقاك ..
يابعد عيني .. شعور !!

.......................................... عيـ الـحب ـون !؟

[b]<small><small>[ تم تعديل الموضوع بواسطة &nbsp; LoveEyes &nbsp; يوم &nbsp; 05-03-2000]

[أوراد]

أخى العزيز عيون الحب ..

مذ عرفتك فى الجلسه القديمه

وأنت شاعر بماتعنيه الكلمه ..

خاصه بالعامية من الشعر الحديث وأيضا بعض المنظوم ..

تعرف كيف تصوغ تلك القلائد بتميز فنان محترف ..


لك خالص شكرى وتقديرى

[عاشق الخليج]

سلالالالالالالالالالالالالالالالالالالالالالالالالالالام
اينما اجد اسمك اجد التميز معه
نعم مبدع وحقيقة لا تغيب عن اعين القراء
عيون الحب المبدع الاول


------------------
الوفاء للوفاء للي يعرف الاصول\\\\\\\\\\ والجفاء للجفاء لو قلت كلمة وداع

(( العاشــــــــــــــــــــــــmــــــــــــق ))

[LoveEyes]

هلا اختي اوراد ..

الف شكر عزيزتي .. حروفك وسام في قلبي .. الى الحين تذكرين الجلسة !!

الله يذكرها بالخير .. الف شكر اختي ..

................................ عيـ الـحب ـون !؟

[LoveEyes]

هلا بالغالي العاشق ..

تسلم عزيزي .... بس من ذوقك http://www.swalif.net/swalif1/ubb/smile.gif .. الف شكر ..

................................ عيـ الـحب ـون !؟