"" ألا تخجل من نفسك ؟ ""

[الفلفل]

السلام عليكم

هل فيه رجال يرضى يكتب بإسم حرمة .. لا .. ويعترف إنه رجال بعد ؟؟؟

وبعدين يوم يجون ناس ما يدرون بالسالفة ..

ويردون عليه على إنه انثى ( حسب ما يوحي الإسم ) .. هو مستانس بالوضع ؟!!!!

مواصل معاهم وما يقول إني رجال أكتب باسم حرمة

ويوم نصحته من قبل .. دخل في طريق من المناقشات اللي ما منه فايدة ..

يقول أنا أحب هالإسم وكل واحد يكتب بالإسم اللي يعجبه ..

وهذي حريات شخصية

والله شئ ؟؟؟!!!

يا ليت الإسم من نوعية اللي يحتمل المعنيين .. المذكر والمؤنث .. كنا قلنا عادي ..

والله عمره ما كان التعدي وتجاوز المألوف حرية شخصية

عيل بكره سم عيالك بأسامء بنات وقول حرية شخصية .. أو إلبس لبس حريم واطلع روح السوق وقول كيفي ..

يلعن أم الحرية اللي علموكم إياها الكفار واللي ما يخافون الله ..

يلعن أم التشبه بالحريم والتخنث والتكسر والميوعة

ترى الكلام اللي أقوله مو سر .. ولا فضيحة ..

هذا موضوع الكثيرين يعرفونه لأنه النقاشات صار جدام الكل في الجلسة من زمان .

لكن آنه واحد ما أرضى أسكت على الغلط .

ولا حول ولا قوة إلا بالله

لكن مقيولة :

" إن لم تستح فافعل ما شئت "

!! الفلفل !!

[NO]

!!!! ليش عصبي ؟

[LoveEyes]

تحياتي اخوي الفلفل ..

الي كذا .. رابي مع بنات شكله !!! اعذره .... كونك على طبيعتك كرجل او

امراءة ما يعني الا انك عاقل .. ويحكمك الي في راسك قبل كل شي ..

قبل البحث عن الحنية .. والتعاطف .. ارحم نفسك وصر مثل ما انت عليه ..

.................................. عيـ الـحب ـون !؟
من تكوني .. يلّي اجمل من خيال ؟!
هذا خدك او هو باقي من فتون !!

[الفلفل]

عشاني الفلفل http://www.swalif.net/swalif1/ubb/smile.gif
!
!
!
!
!
!
!
!
!

No

فيه فرق بين العصبية والجد .. وآنه جاد .. هذا كل الموضوع

!! الفلفل !!

[NO]

طيب شوي شوي علينا ياجدي http://www.swalif.net/swalif1/ubb/smile.gif

[الفلفل]

عيون الحب

تسلم أخوي على كلمة الحق

هذا اللي نقوله لهم لكن ياخوك ما يفهمون القصد من الكلام

!! الفلفل !!

[الفلفل]

No

آنه مو جدك .. آنه خالك http://www.swalif.net/swalif1/ubb/smile.gif

عاد إنت اللي يحفظك ليش حاط روحك في فوهة البركان ..

تقول لي شوي شوي علينا .. ياخوي ما جربت يمك الله يحفظك

ترى الرأي الآخر مسموع دوم .. وإذا في خاطرك شئ قوله

واحنا مو نوعية اللي يقول لك لا يفسد للود قضية .. وأول ما تختلف معاه

راح وكسر دريشة السيارة http://www.swalif.net/swalif1/ubb/smile.gif

!! الفلفل !!

[بنت الأحزان]

ماشاءالله عليك أخوي...
مو كنك كنت كاتب هالموضوع قبل سنة بالتمام ؟!!
أذكر شي من هالقبيل ..؟!!
ولا أنا غلطانة؟

**على قولتك.."إن لم تستح فافعل ما شئت "**



------------------
The door to friends’ heart is always open. **
الصديق عند الضيق إن خنته صانك، وإن صنته زادك :)

[NO]

وااااااااااااي انا اختك مو اخوك وسوري اذا ازعجتك بااااااااااي

[صوت وصورة]

السلام عليكم ورحمة الله

الاخ الفلفل

الأشكال هذي تعاني من نقص بالشخصية وذلك لانا هناك العديد يعتقدون ان لا احد يقرء مساهماتهم الا لازم يردون وخبرك صار عيب ان الواحد يرد على صديق لا لازم يرد على اسم مؤنث وكان الرجل اصبح مصاب بالجرب
ولعل نفس هؤلاء يحسون با امر مخفي حينما يردون عليه بكلمة انثوية جميله فيقوم بالتمرغ على الكرسي خجلا وحنانا

الله يستر علينا من هذه الاشكال ولا تراهم لو رأوا البريعصي بيقولون وااااي
تمساح على الطوفه
للاسف يا اخي نعم ما قلته صحيح واعرف بعض الاسماء ولكن من سترالله على مؤمن ستر الله عليه بالاخرة

ولا تعور راسك لانك لو تميت تحط من ملاحظاتك تراك بتتعب وانا اخوك

صوت وصورة يقدر كلمات..... الرجال
المليانه رجوله بالفعل لا باالاقوال

[T_zone]

هلا بالفلفل ..
أتذكر أني قرأت الموضوع هذا لك منذ زمن طويل .. http://www.swalif.net/swalif1/ubb/smile.gif
على العموم .. أوافقك الرأي .. الى حد ما ..
تحياتي .

[زهرة]

هلا بالاخ الطيب الكريم الفلفل
كلامك عين العقل الحريه مب في كل شيء
و لها حدود ايضا
تسلم على المشاركة الطيبه

------------------
.................
ما عندي كل الي احبه
لكن....احب كل الي عندي

[الفلفل]

بنت الأحزان

صدقتي ..

تحدثت عن نفس الموضوع قبل فترة وذكرت هذا الشئ في موضوعي فوق ..

وطالما الموضوع ما ينتهي والخطأ موجود ..

باظل أتكلم وأقول الغلط غلط .. وباظل أقول عيب .

لعل وعسى أن تنفع الذكرى وتفتح عيون المغمضين .

!! الفلفل !!

[الفلفل]

NO

واااااااااي .. وآنه إش دراني إنج احتي مو أخوي http://www.swalif.net/swalif1/ubb/smile.gif

ألحين يوم قلتي لنا عرفنا

وبعدين ما فيه داعي للإعتذار .. ترى ما سويتي شئ غلط ولا أزعجتيني

بس يمكن عشان إنتي جديدة معانا وما تعرفيني ..

تظنين إني زعلان ولا أهاوش ..

بس ما تنلامين .. تعرفين ليش

عشان فيه ناس صار لهم سنين معانا وإلى ألحين مو فاهمين هالشئ .

عموما ..

ما حصل غير الخير .. وما فيه زعل أبدا .

!! الفلفل !!

[الفلفل]

صوت وصورة

وعليكم السلام

آنه بس أختلف معاك في شغلة أخوي ..

إنت كتبت :

( ولا تعور راسك لانك لو تميت تحط من ملاحظاتك تراك بتتعب وانا اخوك )

صدقني ترى شوف الإسفاف والإنحطاط اللي وصلت إليه المجتمعات العربية ما كان

سببه إلا إن كل واحد قال وآنه شنو يخصني .. وآنه ما يهمني .. وهذي حرية شخصية .. وهذا كيفه ..

وووو من هالأمور اللي تجعل الإنسان يتنصل من الإهتمام بمجتمعه وأموره الدينية والدنيوية ..

يا خوي ترى الرسول عليه الصلاة والسلام حديثه معروف عن قوله من رأى منكرا .. إلى آخر الحديث .

وإذا احنا ما غيرنا المنكر اللي نشوفه ..

تراه مع الوقت بيتعود عليه الناس ..

وشوي شوي بيصبح من عاداتهم وهذا بيسمح لمنكرات أخرى إنها تدخل علينا ..

وهذي هي المشكلة الكبيرة اللي وصلنا لها ألحين

أعرف إن ألحين بيجيني واحد وبيقول .. ألحين إنت مسوي سالفة على هالموضوع التافه ..

وهذي مشكلة أكبر ..

إن احنا دوم نستصغر الأمور ونقول .. يااااااه ما عليه إلا شئ بسيط ..

ترى مقولة : النار من مستصغر الشرر .. مقولة صحيحة

ويوم تكبر الأمور وتستفحل .. نكتشف إن فات الأوان وما تنفعنا بعدين .. ياليت ويا ليت

وبعدين مسألة الستر .. تراها على المؤمن ..

واللي يجاهر بأخطائه وأغلاطه .. لابد إن يواجه ويقوم حتى يعتدل


!! الفلفل !!

[الفلفل]

T_zone

أهلا أخوي ..

وإذا كان عندك رأي نسمعه ترى النقاش في النهاية مفيد سواء اتفقنا أو اختلفنا .

وحياك الله

!! الفلفل !!

[الفلفل]

زهرة

تسلمين اختي شكرا على التعليق

!
!

اسمحي لي أخرج عن الموضوع ، بس عن جد توقيعج قمة في الحكمة ..

هو مفتاح القناعة والسعادة الحقيقية ...

تحياتي وتقديري .

!! الفلفل !!

[ظبي الجزيرة]

وشو فيهن البنات http://www.swalif.net/swalif1/ubb/frown.gif !

[الفلفل]

أفا عليج يا ظبي

البنات وش فيهن ؟


أمهاتنا وأخواتنا وحبايبنا وبناتنا والصدر الحنون اللي يضفنا ..

ملح الدنيا إنتوا يا ظبي ..

كل الموضوع إنه الرجال لا يسوي نفسه حرمه .. والحرمة لا تسوي نفسها رجال

كل واحد حلو باللي ربج خلقه ورزقه .

!! الفلفل !!

[ظبي الجزيرة]

تسلم والله يا خوي ..

بس أنا حبيت ألطف الجو شوي http://www.swalif.net/swalif1/ubb/smile.gif

وأنا معاك في اللي قلته بأن كل واحد يختار الاسم اللي يدل عليه

وضد الخداع بكل أشكاله .. ومن المفروض أن الإنسان يحترم عقل غيره ومشاعره .. وما في داعي لكل هذا الخداع حتى ولو كان من وراء صفحات الإنترنت .. فالمسلم مسلم في كل مكان وفي أي وقت ومع كل الناس ..

الله يهدينا ويهدي الجميع إن شاء الله ..

وألف شكر على هالموضوع يا خوي

تحياتي لك من الأعماق

أختك

ظبي http://www.swalif.net/swalif1/ubb/smile.gif

[عاشق الخليج]

سلالالالالالالالالالالالالالالالالالالالالالالالالالالام
وانا معك في كل ماقلته


------------------
الوفاء للوفاء للي يعرف الاصول\\\\\\\\\\ والجفاء للجفاء لو قلت كلمة وداع

(( العاشــــــــــــــــــــــــmــــــــــــق ))