View Full Version : مـــن يـــكـــمل الـــقـــصــيــــدة...
وردالشمال
15-02-2000, 10:17 PM
مرحباً بكم..
.
.
شوفو عندي قصيده ..تبي تكملة..إلى عشر ابيات..فقط....
..
وقد طلب مني صاحبها ...نشرها هنا علها ..تكمل ....حيث ان صاحبها
لم يستطيع اكمالها.......
.
بشرط ان الأبيات المكمله منكم تكون بنفس الوزن والقوة....
.
.
...من يقدر يكمل القصيده.....
.
وهذي هي القصيدة.... :
.
.
ياطرالي صاحبي توجعن كبدي
------------------------.يلتوي قلبي وياقف شعر راسي
مالكتني مثل مايملك العبدي
------------------------.صابراً مده على حكمه القاسي
إن تبدوو ..قلت معهم نبي نبدي
------------------------.وإن تحضرو بالبلد زان مجلاسي
.
.
ألى هنا وصل شاعرنا ......فهل تستطيعون اكمالها...
الحفار
15-02-2000, 10:26 PM
انا انشاء الله قادر
بس مالي خاطر اكتب
هالحين
وش رايك الليله
القصيد بالليل اروع
اقول وش سويت مع ((أجدل))
------------------
http://members.tripod.lycos.nl/grmbgifs/jackh.gif
الحفار
16-02-2000, 08:33 PM
هي بعد عمي وخالي وفـوقهم جدي*****هي غاناتي ونا اللي شاهر افلاسي
والله اني ابـيها لو تبي ضـــدي*****ولو تعاندني ولوها تقطع انفاسي
هي رجاعمري وحياتي ويش اناابدي****في وصايفها حلايا مالها اقياسي
يوم تضحك لي ابيح خافي السدي*****واتعومس وكنـي ............كـاسي
وجـد عـيني تجلس يوم في حـدي***** او تراكيني وكنـي شيــخ مجلاسي
------------------
http://members.tripod.lycos.nl/grmbgifs/jackh.gif
وردالشمال
17-02-2000, 01:12 PM
طيب طيب ياشاعر....
.
مبس ليش ماكملتها لعشرة ابيات...يـــا http://members.tripod.lycos.nl/grmbgifs/jackh.gif ..حرام عليك
------------------
اخـــــــــــــــوكم
وردالـــشــمـــال
waard@ayna.com
حبيبها
17-02-2000, 11:09 PM
اخوي ورد الشمال ..
ماهي عاداتك ..
اللي مثلك يمون ويامر .. العائق الوحيد ان الابيات الي كتبت ينقصها الكثير من الوزن.. باستثناء البيت الاول ..
انتظر منك ماهو اقوى .. وابشر
وردالشمال
18-02-2000, 01:57 AM
هـــــلا حبيبها....
..
شــــــوف اول شي القصيدة ماهي لي ...وأنا ذاكر هالشي في البداية
..ثاني شي..القصيده ..موزونه 100% بس يمكن قرأتك لها ..جت على لهجة معينه
.ثالث شي وهو الأهم القصيده هذي لشاعر كبير..ومعروف بشعره....ولا قدر انه يكملها...لأنه يبي ..القافيه الأولى على وزن الأحرف الأخيره وهي :ب د ي
دون حذف اي من الأحرف الثلاثه...والمعاني صعبه في القافيه هذي وقليله
.
.
وعلى فكره نسيت ان الشاعر اللي قالها ..وضع جائزه للي يكملها
.
هذا حسب اللي سمعته..... وهو بذلك يتحدى.....انا بصراحة ماقدرت اضيف شي
.وبذلك اكون خسرت التحدي.
------------------
اخـــــــــوك
وردالـشـمال
waard@ayna.com
الحفار
18-02-2000, 02:25 AM
وليش ماقلت ان القافيه المطلوبه ثلاث احرف
وان هذي سالفت القصيده
حسبي الله عليك http://www.swalif.net/swalif1/ubb/frown.gif هذي ما يطفي نارها الا الدم http://www.swalif.net/swalif1/ubb/frown.gif
اما من ناحية الوزن فانت صادق اللي ما يعرف اللهجه ممكن يقول ما هي موزونه..
وفعلا ((بدي)) صعبه جدا تلاقي تتمه لهذه الاحرف
نبضة قلب
18-02-2000, 03:43 AM
والله أحترنا بشعركم وكيف نبدي
ودي أكمّلها .. ولكن صكّني راسي
زينه قوافيها ولكن قطّعت كبدي
وودي أبيّن لك .. قوة إحساسي
عزيزي ورد الشمال
على العين والراس من كتب القصيدة
لكن سلملي عليه وقله القافيه ما تجي منها الا ثلاث كلمات
كبدي وعبدي ونبدي او ابدي او تبدي
وكان بودي أكمّل القصيده لكن فعلا صكّني راسي
وما أدري على صكّة الراس في جائزه والا لا
هههههههههه
تحياتي لك ..
نبضة قلب
------------------
سألتكموا بالله إن متّ فأكتبو .. على لوح قبري هذا متيّم
لعلّ شجيّا عارفا لوعة الهوى .. يمرّ على قبري يوماًفيرحم
نبضة قلب
18-02-2000, 03:44 AM
والله أحترنا بشعركم وكيف نبدي
ودي أكمّلها .. ولكن صكّني راسي
زينه قوافيها ولكن قطّعت كبدي
وودي أبيّن لك .. قوة إحساسي
عزيزي ورد الشمال
على العين والراس من كتب القصيدة
لكن سلملي عليه وقله القافيه ما تجي منها الا ثلاث كلمات
كبدي وعبدي ونبدي او ابدي او تبدي
وكان بودي أكمّل القصيده لكن فعلا صكّني راسي
وما أدري على صكّة الراس في جائزه والا لا
هههههههههه
تحياتي لك ..
نبضة قلب
------------------
سألتكموا بالله إن متّ فأكتبو .. على لوح قبري هذا متيّم
لعلّ شجيّا عارفا لوعة الهوى .. يمرّ على قبري يوماًفيرحم
حبيبها
18-02-2000, 03:59 AM
اخوي ورد ..
الامر لايندرج تحت قبعة الرأي والراي الاخر .. فللشعر قواعد واصول لااظنها تغيب عن فطن مثلك .. اما اللهجه .. فهي لم تغيب قصائد ابن لعبون والسديري والقاضي .... الخ على الرغم من اختلاف الاماكن والقبائل التي ينتمون البهامن جهه .. واختلاف ازمانهم عن واقعنا اليوم .. هي القواعد فحسب ..
ارجو ان لااكون قد اثقلت عليك .. فانت من مكاسبي التي خرجت بها من الشبكة ..
اسف مره اخرى ..
التكمله ادناه محاولة للمزج بين الجد والمزح .. من خلالها اردت الاشاره الى ان القافيه سواء في الصدر او العجز لاتتطلب ذلك المجهود على الرغم من صعوبة قافية الصدر قياسا بغيرها :
اسخى بها البعد والترحال واللبدي
واسخى بي اللي غدا مع رحلته باسي
عقب ارتعاش الربيع ووفرة الزبدي
امست مرابع لقاه اليوم يباسي
يامن لقلب تلقى المسط والهبدي
من معول الشوق لين اغداه محتاسي
ياما بديته سلام ولا حصل يبدي
بالوصل يخشى كلام الناس والناسي
وش حيلة اللي غدا حاله كما الربدي
ضيع حياته على هالنادي الخاسي
ان قاله اللي يعيد الخلق والمبدي
لاسكب له اللي روى من مسكبه كاسي
وكمالة العشر ياورد الشمال ابدي
عذري عن اللي طبعته فوق قرطاسي
الربدي ( كلكم يعرفه ) والا فاسألو اخي ورد الشمال عنه
وردالشمال
18-02-2000, 07:27 AM
الحفار
.
صدقني يالحفار اني انا بنفسي مادريت عن الشرط ..هذا إلا بعد فوات الأوان
...وحقك على ..انت تامر امر ...ونا عارف ان اللي مثلك ..ما تعوق معه القصيدة هذي بس السموحة والله العظيم يالحفار ماني قاصدها.....
..
...واحد ((..تـيــس..)) مندي سفري لعيون الحفار... للحفار......بس يرضى علينا.
.
.
___________
.
اما أنتي.. يانبضة قلب.
.
والله انك شاعره يوم صغتي القافيه لتعبير عن حالتك وهذا بحد ذاته تمكن
....ولا الومك ..يوم صكك راسك..لأني انا بعد ..ربطت راسي..
..
.
____________
.
اما ..انت ياحبيبها ...ياخي مادري ايش قصدك بالحركة هذي....
.
تقول القصيده غير موزونه ...وترجع تقول ابيات على وزنها....؟!
وتبيني اكملها بعد....
.
بس والله اني ضحكت يوم قريت ابياتك........وقلت تورطنا..مع حبيبها
..يبينا نرد عليه ...ونا جايب القصيده ابي لها حل.....
.
.
وبعدين تعال مدامك قادر على القصايد الصعبه هذي ..ليش ماشوف مشاركاتك كثيره..لأنك شاعر متمكن.....وهذي الصراحة...انت مكسب لنا كلنا للي مشترك
واللي يقراء من برا لبرا.
.
.
رغم اني متورط بس انا ببدي
---------------------------. حسبي الله عليكم صارت براسي
ماقدر اخذ قوافي يعتبر سبدي
---------------------------.والنظام اللي وظعته يعتبر قاسي
إن نشدت عن اللي اسمه الربدي
---------------------------.راح عمره ولا مره خذا كاسي
بنادي الرايد مرسم دوم للأبدي
---------------------------.وسوى حادث وصارت حاله اتعاسي
خذ قافاً شطره الأول على.. ابدي
---------------------------.وشطره الثاني بسيطاً على.. آسـي
.
.
.
.
.
.
.
.
.
.
.
...آه وراسي
....
.
.
سبدي...تعني ...سرقة..بالعامية البدوية
------------------
اخـــــــــوك
وردالـشـمال
waard@ayna.com
[b]<small><small>[ تم تعديل الموضوع بواسطة وردالشمال يوم 17-02-2000]
الحفار
18-02-2000, 08:04 AM
الاخوان قصايدكم ماعليها كلام
بس فيه ملاحظات
وهي
انتم غيرتوا معنا القصيده من اساسه
وابدي ويبدي هي نفس الشيء ولا تكرر في قافيه وحده لانها نفس المعنى..
اما سبدي
فهي غير صحيحه ياورد الشمال لانها بالصل (( سبت )) وليس سبد
وعلى العموم صحيح قافيه صعبه وما قصرتو وانا بصراحه ابي احاول بس يمكن ما انجح اذا تقيدت في المعنى والقافيه لكن ابي احاول..
------------------
يعين الله يعين الله
والقلب كله جروح
وينك حبيب الروح
وينك دخيل الله
http://members.tripod.lycos.nl/grmbgifs/jackh.gif
حبيبها
19-02-2000, 12:30 AM
ورد الشمال : حياك الله يالحبيب
الحفار : انت ايها الصديق .. استعجلت كثيرا في ردك .. امل منك اعادة قراءة ابياتي .. التي اجزم بانها لم تغير المعنى كما اشرت حيث قلت http://www.swalif.net/swalif1/ubb/frown.gif غيرتوامعنى القصيده من اساسه)فقط اعد قراءة الابيات الاولى ومن ثم الرد..
مع اهمية ان التكملة تتلائم ومرئيات كل مناوطبيعة المشاعر التي يكتنزها في داخله.. والحكم الاخير يبقى لشاعر القصيدة .. الست معي ؟؟
اما تكرار القافيه فابياتي لاتتضمن اي شئ من ذلك اذا اخذت في الاعتبار مايلي :
اللبدي : في الشمال تعني الاستخباء
يبدي في البيت الرابع :اي يبدأ
المبدي : من قوله تعالى ( يبدئ الخلق )
اما ( نبدي ) في الابيات الاصل فقد قصد بها الشاعر : التحول الى البداوه
اسف للاطاله .. املا ان تكون الصوره واضحة .. شاكرا لورد الشمال هذه البادرة .. تحياتي لكم .
LoveEyes
19-02-2000, 01:28 AM
هلا شباب ..
مشالله عليكم .. صدقت نبضة قلب والله صدع راسي من الي قريت ..
بس القافية صعبة مرة http://www.swalif.net/swalif1/ubb/frown.gif ..
........................!؟
بعض الجروح ان جت من اغراب عادي !!
الجرح موت الجرح لا جا من احباب !!
وردالشمال
19-02-2000, 11:12 AM
شوف يالحفار ...قريت اللي قلت في نفس اليوم اللي انا كتبت القصيده
الأخيره اللي فيها ..((..ســبدي..))..ورغم اني متأكد من صحت نطقها إلا
انني ...رحت وسألت ..قلت يمكن انا ماعندي سالفه....وفعلاً سألت .
وطلع ..الجواب الصحيح ...((..ســبـدي..))..وليس..كما قلت..((..سبت..))
.
وأنا متأكد من هذا الكلام وسأل انت من تريد وتأكد.....
.
ولا ..احرم الذي يريد ان يدلي برأيه من اعضاء سوالف والبحث عن المعنى الصحيح
.
.
..حبيبها..
.
.
انا وأنت ..ماتقيدنا بموضوع القصيده الصحيح لأن القافيه سكرت علينا
.
بس انت لم تعدولم تكرر اي قافية بالقصيده الأساس.بل قبلت التحدي وجبت قصيده
.
.
الأخ
LoveEyes
.
شكرا لزيارتنا في هالموضوع وإلقاء نظره على وجع الراس ...
الف شكر لك,,,ياعيون الحب الحقيقي
------------------
اخـــــــــوك
وردالـشـمال
waard@ayna.com
الحفار
19-02-2000, 07:22 PM
الاخوه الاعزاء ورد الشمال وحبيبها
اولا/ ما زلت عند كلامي بنا معنى القصيده تغير فيما كتبتوه والشاعر يحكي عن معاناته مع صاحبته وما هي بالنسبه له ولكنكم تكلمت عن معاناه من شكل آخر
.
ويا حبيبها يالغالي تراني من الشمال
وكلمة اللبدي والت ييبدو انك مشتقها من (( لبد)) وكنا لما نبغى نصيد الحجل او القطا نسوي عشه ونلبد فيها او نلبد لاحد على شان نظربه او من هذا القبيل
,,
وكلمة اللبدي لم اذكر اننا استعملناها بهذه الاحرف
وم الممكن انني اخطات في التقديرات الاخرى وعلى العموم هذا لا يعني ان لي الحق في ان انقص من شاعريتك فانت بلا شك افضل من في سوالف الان..
الاخ ورد الشمال//
والله ياخوك اننا ما عمرنا قلنا سبدي ونا سالت اذا احد قالها قالو لا هي سبت ..
على العموم يمكن عندنا في موقق (( ديرتنا )) يختلف الوضع ,بس على فكره تراني ماني عايش فيها الان ,هاهاهاها
..
انا حاولت اكتب بس مالقيت غير نفس الكلمات اللي انتم مستعملينها ,,
لذلك لغيت الفكره ,,لان فعلا ما فيه كلمات ثانيه في قاموسي ,,
يسعدكم ربي يا حبيبها ويا ورد الشمال ..
------------------
alhaffar@swalif.com
يعين الله يعين الله
والقلب كله جروح
وينك حبيب الروح
وينك دخيل الله
http://members.tripod.lycos.nl/grmbgifs/jackh.gif
حبيبها
19-02-2000, 11:24 PM
الاخوه ورد الشمال والحفار :
تحياتي اولا لكما:
واقول للورد .. كلك ذوق
ولراعي موقق هلا بالاحباب والانساب .. واستغفر الله فهناك من هو افضل
ولازلت ارى انني لم اذهب بعيدا عن المعنى من حيث:
ان البيتين الاوليين في اصل القصيده لايعدوان كونهما مجرد شكوى من الحبيب ولا تتضمن موضوعا بعينه (لم يحدد الشاعر سببا للشكوى ) وقد تركز ت الشكوى في البيت الثالث من حيث اصرار الشاعر على ملاحقة هواه اينما حل .
انطلقت ابياتي من منطلقين مضمونهما البعد ..
الاول: قول الشاعر : ياطرالي
الثاني : يتركز في البيت الثالث كما اسلفت
ولذا تحدثت ابياتي عن المرارة التي يعانيها المحب من جفا المحبوب .. حتى عندما شبهت الحاله بالربدي فاني ارمز الى العشق مع اختلاف المحبوب وما يفعله بصاحبه .
اكرر اعجابي واعتزازي بتواصلكما ..
للعلم لايزال محار الشعر يخفي بين طياته الكثير من قافية الصدر .. فقط اشعلوا الموقد .. واسكبوا الكيف وهيموا في شعاب الفكر بحثا عنها
وردالشمال
24-02-2000, 02:27 PM
بـــناءً..علـــى ..طــلــب اخـــت..إلآه....إعــيــد نـشـر الـقـصيـدة
------------------
اخـــــــــوك
وردالـشـمال
waard@ayna.com
أخت الآه
25-02-2000, 01:29 AM
قد لا تعلم لماذا طلبت إعادة الموضوع ..
لا أظن انني سأخبرك الآن
إنتظر قليلا ..
وشكرا على تلبية الطلب
أخت الآه
------------------
غديت مثل العود مشراه غالي
وغلاه لأجل يحرقونه على نار
وردالشمال
25-02-2000, 03:43 PM
الــعــفــو....يـا..أخــت الآه....و..أنــا.. بـاالأنــتــظــار
------------------
اخـــــــــوك
وردالـشـمال
waard@ayna.com