مـــــــــــــــــــــــــــــغـــــــــــــــــــرور

[نايف الاول]

السلام عليكم ورحمة الله وبركاته....اشتقنا للغالين.....
******************************

الغرور مكروه....ولكن لبعض الناس ان يغتروا...

لهم الحق ان يصابوا بالغرور....... فقط........

فقط بعض الناس...........

*********************************************
*********************************************

يحق لك لاقالت الناس مغرور
************* دامك ملكت الزين مارس غرورك

يامالك ٍ للحسن فالحسن مشهور
************* هذا جوازك للقلوب ومرورك

كم مات من حاسد من الغبن مقهور
************* لاشاهدك بالعين مات ابحضورك

يفز لك غصب ٍ ويخرج عن الطور
************* يفقد شعوره وانت مالك شعورك

في ماقفه مهتال من ساطع النور
************* اجهرت عينه من شعاع ٍ بنورك

اخلفت حسادك ترى الكل مبهور
************* لاملت مال الكل بامرك وشورك

تضحك ثقه بالنفس من قلب مسرور
************* كل ٍ يبي يلعب مكانك ودورك

خفف على الحساد ياسيد الحور
************* كم من قمر قد غاب ساعة ظهورك


============ نايف الاول
http://www.arab.net/pix/saudi_title.gif
**********************************************************************

[b]<small><small>[ تم تعديل الموضوع بواسطة &nbsp; نايف الاول &nbsp; يوم &nbsp; 25-12-1999]

[Vampire]

جميل ماخطتة يدك ......

أتمنى لك المزيد من التقدم .....

------------------
ســـامر الليـــــــل

[عاشق الخليج]

سلالالالالالالالالالالالالالالالالالالالالالالالالالام
كيف حالك ياغالي
جميل ماكتبت بس تبي الصراحة تستاهل الغرور
روعة في كل شي ماشاء الله عليك
تمنايتي لك بدوام السعادة مع غرورها ( لأني احس انك فرحان )

(( العاشــــــــــــــــــــــــــــــق ))

[الصريحة]

الى نايف الاول ... يا مرحبا الساع ... اتعرف ان الغرور في بعض الاوقات
يفيد ... بس ها مش في كل الاقات .

ولكن كلماتك جدا مميزة وجميلة عزيزي , وفيها نوع من السعادة .

تحياتي نجود الفلاسي

------------------
الصداقة اسمى شئ في الوجود

[نايف الاول]

اخوي Vampire ...الجميل...هو تواصلك الجميل
ومشكور على الزياره.
*****************************************

الغالي عاشق الخليج...وعليكم السلام..ابشرك اخوك باتم
صحه وعافيه..والحمد لله....وشكرآ على كلامك الطيب يالغالي
ويشرفني ان تستقبل رسالتي عبر الايميل بعد نصف ساعه ان شاء الله.

****************************************

اختي الصريحه...ياهلا باميرة سوالف وشيختها..الغرور فالمراه
جميل..بالنسبه لى ..في كل الاوقات..اذا كانت تستاهل..بشرط
جمال + دين + اخلاق + ثقافه ومخ كبير ذكي لماح..........
ومشكوره يالاصيله على كلامك الطيب .


اخوكم نايف الاول
==============
http://www.binqubous.com/graphics/SAflag.gif

[الحفار]

هلا ولو قلت لين اموت هلا ما رح تعبر عن فرحتي بشوفتك يانايف
وكنت متاكد انك سوف تعود بشيء جديد ورائع وهذا ما وجدته..
مره ثانيه ياهلا بنايف اللي دوم نايف.

------------------
نصيب قلبي قادني لين حدّك.....
واصبحت لك يا غاية النفس مشدود

[شمعة الجلاس]

نايف؟؟

ايش الروعه هذى؟

من جد

من جد

ابيات تاخذ العقل

الله يخليها لك
وانا متاكده ان غرورها لما تشوف ابياتك هذى رح يكبر
وانت السبب

فيه وحده تشوف اللى ينكتب فيها هذا وماتكون شايفه حالها؟

بس اكيد قدامك رح يتلاشى كل غرورها

نايف اخوى الكبير وانا عارفته زين

[LoveEyes]

هلا والله نايف ..

يحق له يغتر .. ما دام هذي وصوفه ..

وش اعيد ووش ازيد ... " اعجااااااب " ...

.......................
وش هالحزن غطى حلمي وعلمي ..
من كثرها الافراح يومك رفيقي ،،
ماشفت انا حظي قد التفت يمي ..
اسمي عيون الحب ودمعي حقيقي ،،

[نبيل العلي]

نايف حبيبي وأخي
السلام عليكم ورحمة الله
تأخرت عليك في الرد ولك وحشة منذ زمان لم أر لك جديد بروعة مغرور من الآن وإلى بعد ساعة راح أصير مغرور ... حتى ترد علي

------------------
مع تحياتي
نبيل العلي
http://www.nabilali.8m.com

[نايف الاول]

اخوي الغالي الحفار...لاشفت اسمك يزين الفكر والخاطر
وتراك عندي اعز من اخوي...تسلم يالفارس الشهم الاصيل.

.................

اختي ملكة سوالف...شمعتنا الغاليه..اللي مالنا غناه
عنها....مشكوره على كل حرف قلتيه في حق اخوك الكبير
على قولتك..عزالله اني اخوك...وافتخر اني اخو الشمعه
والصراحه جعلتيني في موقف لااحسد عليه..ماني قادر اوفيك
قدرك عندي......تسلمين.

..................

الغالي عيون الحب...الله ماكبر غلاك...اعجابك احتاجه دايم
مالنا غناه...لاتقاطع اخوك.


اخوكم نايف الاول
==============

[b]<small><small>[ تم تعديل الموضوع بواسطة &nbsp; نايف الاول &nbsp; يوم &nbsp; 27-12-1999]

[نايف الاول]

اخوي الغالي وحبيبي...نبيل العلي....وعليكم السلام ورحمة الله وبركاته
اولآ مبروك على تغيير الاسم...ايه كذا افضل...انت عزيزي..لك مشاركات
قيمه..وتعلم ان السرقه صارت عاده لبعض الناس..فيازين ماخترت..لتذييل
كل مشاركه باسمك الكريم...وتحافظ على بنات افكارك..وابداعاتك.

ثانيآ...نبيل اخوي..رد..مارد..تاخر فالرد..مكانه فالقلب.....
ومعزته كبيره عندي..والاحترام والتقدير معروف من زمان...بل على العكس
انا اللي اعتذر على تاخر الرد على ردك.

اخوك نايف الاول
=============

[نبيل العلي]

أين أنت أخي نايف ؟؟؟؟؟؟؟

------------------
مع تحياتي
نبيل العلي
http://www.nabilali.8m.com

[حدائق]

تجربة

[وردالشمال]

اخوي..نايف الأول....
....
.
.


ما لومه بالغرور اذا هو كذا..
.
.
اخوك..\\..وردالشمال

[الشاعر المهموم]

كم من قمر قد غاب ساعة حضورك
الله الله الله الصراحه كلمات في غاية الروعه
لا تحرمنى وننتظر المزيد

اخوك الشاعر المهموم

[كثير اللي يخون الود]

والله يا حلو ما كتبت في الغرور !!

و الله انه المغرورين في هالدنيا راح يزيدون ....و السبب شعرك ..

الله يعطيك الصة و العافية ! بس انشاء الله يستاهلون هاللي كتبت الشعر لأجل غرورهم ...


------------------
طنش تعش تنتعش..... http://www.swalif.net/swalif1/ubb/smile.gif


[b]<small><small>[ تم تعديل الموضوع بواسطة &nbsp; كثير اللي يخون الود &nbsp; يوم &nbsp; 23-01-2000]

[الناقد]

اللــــــــه على هذه الابيات


أنا اشهد انك متمكن

http://www.swalif.net/swalif1/ubb/smile.gif http://www.swalif.net/swalif1/ubb/smile.gif

[الصريحة]

الى نايف الاول الف الحمداللة على السلامة اولا

ثانيا كلماتك جدا جميلة .. والغرور صفة .... في بعض الاوقات يحتاجها الانسان .

تمنياتي لك بالتوفيق دائما .

تحياتي نجوووووود الفلاسي

------------------
الصداقة اسمى شئ في الوجود

[الساري]

الأخ نايف الأول
عساك دايم بألف صحه وعافيه وتتحفنا بمثل هذا الشعرالجميــــــــــــل