............ لا تــودّعــــــــــني ..........

[الفلاسي]

لا تودّعني انا مابغى الوداع
لا تودّع منهو في قلبك وديع

كم دفنت بحسرتي حزن الضياع
فرحةٍ هي عزِّمت عني تضيع

هو صحيح ان الوصل بعد انقطاع
بس بعدك يا حبيبي ماستطيع

منهو غير سعيد لك سمعٍ و طاع
منهو غيري اللي لجل حبك يطيع

كم ناقص ماعرف قدرك و باع
لكن اللي ثمّنك ماظن يبيع

تحياتي

------------------
ليس هناك عمل صعب..... بل الصعب أن لا نفكر في عمل

[غرام]

رائعة....جميلة ...وكلها مشاعر....شفت الإبداع لما يظهر شو يسوي...
بس فيها لمسة حزن وحنين للماضي ...وين الأمل..وين لمسة الفرح...ما أدري أعاتبك ولا أواسيك

قلت خلي عنك الحزن ..وعيشي للفرح وانشريه
وأتاري الدمع في داخلك واصل مداه
امسح الدموع وداري الجراح
وابتسم تحلى بعينك الحياة http://www.swalif.net/swalif1/ubb/smile.gif http://www.swalif.net/swalif1/ubb/smile.gif



------------------
مع تحياتي: غرام الليالي

[الذئب الأزرق]

تحياتي لك يا أستاذي الفاضل , نعم أستاذي أنت وكثير من رواد قسم الأدب والشعر هنا ,, وأنا أتعلم منكم الكثير والكثير فدمتم لنا دمتم لنا .
أخوك الذئب الأزرق.

[الفلاسي]

هلا غرام ..
اكيد ننسى الحزن ، و نفرح ، لكن هذي القصيدة من ارشيفي ، كتبتها من زمان و حبيت انشرها اليوم ، الفرح موجود بس للحزن ذكرى .. http://www.swalif.net/swalif1/ubb/smile.gif

تحياتي

------------------
ليس هناك عمل صعب..... بل الصعب أن لا نفكر في عمل

[الفلاسي]

العزيز الذئب الأزرق ..
استاذي مرة وحدة ! http://www.swalif.net/swalif1/ubb/smile.gif .. ياخي كبّرتنا و نحن بأول الطريق .. انشالله تستفيد منا و نستفيد منك و نحن في سوالف نكمّل بعضنا بالمحبة .. :9

تحياتي

------------------
ليس هناك عمل صعب..... بل الصعب أن لا نفكر في عمل

[غرام]

إنشاء الله تحلى حياتك ومايعود للحزن عندك مكان حتى في الذكرى
ولو إنه صعب اشوي... بس لا بد من النسيان http://www.swalif.net/swalif1/ubb/smile.gif http://www.swalif.net/swalif1/ubb/smile.gif

------------------
مع تحياتي: غرام الليالي