View Full Version : قناع الفرح
قالوا نخاف عليك من الحسد
من يشوف بسمتك يالغرام
يظن إن الفرح سايد دنيتك
قلت لا تنخدع يالعذول
وخل عنك الحسد
هذي ابتسامة قلب مطعون بالغدر
ما عرف طعم السعادة في خلوته
حالي في هالدنيا عدم
لا حبيب يوفي…ولا صديق يأتمن
دمعي يسيل على لحن الحزن
يفتح الجراح ويلعب لعبته
ليتني محسود كان يمكن يحن
ولا الإحساس في قلبه انعدم
وهذا قناع الفرح لازم ألبسه
وأنسى يلي فات…وأبدا من جديد
------------------
مع تحياتي: غرام الليالي
أنا في انتظار أرائكم
تحياتي
------------------
مع تحياتي: غرام الليالي
LoveEyes
24-01-2000, 03:02 AM
هلا اختي غرام ..
صراحة توفقتي الى حد كبير في الفكرة والصياغة .. بس اذا تسمحين لي
عندي ملاحظة .. واتمنى تتقبلينها بصدر رحب ..
الملاحظة عزيزتي .. في حروفك احساس كبير .. يمكن ما ينقصه الا موسيقى
اللحن في بعض الفقرات .. على سبيل المثال .. " يفتح الجراح ويلعب
لعبه " .. لو قلتي " يفتح جروحي .. يلعب لعبته " .. يمكن تكون اخف
شوي على اللسان .. وانا عارف مع الوقت انتي بنفسك راح تعرفين هالشي ..
وشي مهم اختي .. ياليت تسمعين لعبدالرحمن بن مساعد وخاصة في مثل
هالنوع من القصايد النثرية " ان صحت التسمية " راح تستفيدين كثير ..
واي مساعدة انا حاضر وفي اي وقت .. وصدقيني مو انا الي اعطي نصيحة في هالشي .. لاني هاوي وفي اقل المستويات كتابة ..
تقبلي تحياتي ..
.........................!؟
انا ماضي بلا ذكرى انا حاضر بدون اهداف ..
انا مسافر بهالدينا .. على الهامش تلاقيني !؟
وردالشمال
24-01-2000, 03:11 AM
إلى غرام
اكثر وأكثر من رائعة هذه الخاطره
..بس
.....يبقى القناع معنا
لانستطيع الأستغناء عنه
ربما هو الذي يعطينا...
الفرح ..
..
لماذا
..لو خرجت على الناس عابس الوجه
حزين احمل احزان الدنيا فوق رأسي
فسأذكرهم بهمومهم..وهذا ما لا اريده...لهم
ماذنبهم ...
لن انزع قناع الفرح مهما كان..
.
.
.
اخوك..وردالـشمـال
------------------
waard@ayna.com
أشكرك أخ عيون الحب
على هذه النصيحة وإنشاء الله أقدر أكون عند حسن ظنك وأصلح هذا العيب في خاطرتي والإنسان يتعلم من التجارب والأخطاء
------------------
مع تحياتي: غرام الليالي
أشكرك أخ ورد الشمال
وكلامك كله حكم.. وعلى كل إنسان إن يراعي ظروف الغير ويحاول يزرع الفرحة في قلوبهم عشان يحس بطعم السعادة
------------------
مع تحياتي: غرام الليالي
الفلاسي
24-01-2000, 08:20 AM
العزيزة غرام : كلماتج جدا جميلة و الأسلوب يبشّر بالخير .. بس تضل الموسيقى الشعرية مثل ما قال اخوي عيون الحب .. صدقيني الابداع موجود في كلامج الجميل بس لو وظفتيه في قصيدة موزونة و حاولتي باستمرار التجارب اكيد بتوصلين الى قصيدة في قمة الروعة و الجمال ... و اتمنى لج التوفيق في كل اللي تقدمينه من خلال هذا الموقع المعطاء .. http://www.swalif.net/swalif1/ubb/smile.gif
تحياتي
------------------
ليس هناك عمل صعب..... بل الصعب أن لا نفكر في عمل
أشكرك أخ فلاسي على ملاحضتك وإنشاءالله بأحاول تقديم الأفضل دايم
ومثل ما قلت للأخ عيون الحب الإنسان يتعلم من أخطائه ومنكم نستفيد
ومشكور على التواصل الدائم وأتمنى إنه يدوم
------------------
مع تحياتي: غرام الليالي
حبيب الكل
24-01-2000, 09:22 AM
يا غرام القلب وينك يا غرام ....... وين العشير اللي عيني تراعيه ؟؟؟؟؟؟؟؟؟؟
------------------
أنشهد شهادة حق ما يجرح الرجال ...
سوى كلمة ترميه من صاحب غالي ؟
أنا موجودة في كل مكان يحكي الغرام
وشبيك لبيك أختك غرام في سوالف تنتظر كل الأصحاب
------------------
مع تحياتي: غرام الليالي