View Full Version : عشان خاطر بابا سوالف...ألفت قصيدة
Timon
12-01-2000, 07:18 AM
هذي أول قصيدة أكتبها في حياتي...لاتظحكون علي لأنها " خربوطة" و سامحوني
يا من في قلبه حب و شجون
يراسل حبيبه و خلّه " تيمون"
يطرش رسالة
يبعث لي سلامه
يقول لي أني عليه أمون http://www.swalif.net/swalif1/ubb/smile.gif
يشكي لي حاله
يوصف أحواله
بيلاقي قلبي و أذني يسمعون
بدواي جروحه
ما أخليه بروحه
أوقف معاه في الشدة و الهون
يا من تدور عن خل وفي
خذ عنوانه لا تقول ما أبي
و سلامتكم
تراني كتبتها في ربع ساعة
------------------
Hacuna Matata
للمراسلة:
timon@swalif.com
[b]<small><small>[ تم تعديل الموضوع بواسطة Timon يوم 11-01-2000]
سوالف
12-01-2000, 08:09 AM
هيه ألحينه أحسن، قصيده مع بريد
خربوط واحد مال الجميرا
هاهاها
albahar
12-01-2000, 10:57 AM
هذه الروح الطيبة أحييها فيك
والبركة والقوة في الجماعة
وفي شد الأزر وفي اصلاح ذات البين
------------------
Timon
13-01-2000, 09:25 AM
بلاهم هل الشارجة ؟ مب عايبينكم ؟
خلاص زعلت و ما بيي اهنه مرة ثانية
الصريحة
13-01-2000, 10:11 AM
تيمون تطورات مذهلة ... شوو جميرا ولا الشارقة ...
شوو السالفة ؟؟؟؟؟؟؟؟؟؟؟؟؟؟؟؟؟؟؟
اقول اذا بغيت دروس في الوزن ترى الفلاسي موجود .
تحياتي نجود الفلاسي
------------------
الصداقة اسمى شئ في الوجود
سوالف
13-01-2000, 10:16 AM
أفاااا
علبالي تيمون مال الجميرا
آسفين أهل الجميرا، حقكم على تيمون مال الشارجه قوم الدنقو
http://www.swalif.net/swalif1/ubb/smile.gif
الصريحة
13-01-2000, 11:19 PM
تيمون وينك شووو المعلومة صح ولا غلط شرجاوي صح
سوالف انا خمنت يمكن شرجاوي ... ياللة بنخليله ابيع نخي على الممزر .
تحياتي نجود الفلاسي
------------------
الصداقة اسمى شئ في الوجود
سوالف
14-01-2000, 01:33 AM
تيمون عزيزي
تصدق الكلمات إللي كتبتها سواء كانت قصيدة أو خرابيط والله عجبتني تراني أحب هال السوالف
طلب صغيروني،، إكتب قصيدة وفيها نخي أو عومة ،،، هاهاها
الصريحة
لو سمحتي هذا موضوع بيني وبين تيمون، أرجوا عدم تدخل الحريم فيه،، هاهاها http://www.swalif.net/swalif1/ubb/smile.gif
Timon
14-01-2000, 09:54 AM
هيه يا الصريحة و بابا سوالف أنا شرجاوي من عاصمة " الثغافة " و ركزواعلى الغين ....و لي الفخر ... و دام الشارجة يريضيها أني أبيع نخي في " الصنادق و لا السطوة http://www.swalif.net/swalif1/ubb/smile.gif" ببيعه ... بس إللي أحيده من هل دبي الطيبة و الأصل ما يقبضون على حد تعيورة.... خلوا المعاير لأهله... لا تزعلون من كلامي ترا أتغشمر مثل ما أنتم تتغشمرون... بس ما أحب يعاير الشارجة و أهلها " بالنخي" ...
أخوكم
Timon
------------------
Hacuna Matata
للمراسلة:
timon@swalif.com
[b]<small><small>[ تم تعديل الموضوع بواسطة Timon يوم 14-01-2000]
الفلاسي
15-01-2000, 02:20 AM
احم احم .. حد يطري جميرة ! .. ترانا موجودين ! http://www.swalif.net/swalif1/ubb/smile.gif http://www.swalif.net/swalif1/ubb/smile.gif ..
و الله يا تيمون الجمال مب في الوزن و بس .. الجمال الحقيقي في المعنى .. و الوزن اجتهاد .. لكل مجتهد نصيب .. بداية جميلة منك .. دامك بديت بها .. و سالفة الوزن بخبرك عنها في موضوعك .. لأن المكان مب آمن ( نجود ) http://www.swalif.net/swalif1/ubb/smile.gif http://www.swalif.net/swalif1/ubb/smile.gif .. يا حبها للتوهّيق http://www.swalif.net/swalif1/ubb/smile.gif http://www.swalif.net/swalif1/ubb/smile.gif .. بنسير هناك بروحنا و محد بيسمعنا .. اتجدّم انت .. http://www.swalif.net/swalif1/ubb/smile.gif
تحـ حرررة يا نجود http://www.swalif.net/swalif1/ubb/smile.gif ــياتي