سوالف للجميع - الـحـقـوق مـحـفـوظـه ( 2 ) ــــ تكمله

الحفار

02-12-1999, 09:07 AM

الاخ/ الغرام الخالد
بالنيابه عن الاخ نايف وانا امون عليه الله يحييك ومية هلا وتفضل اكتب اي بيتين وبعدين ضع شروطك
.... اذا الاخ الغرام الخالد غير موجود اي واحد من الشباب ممكن يضع شروطه ماعدا ( نايف .. وتهاني ..وانا )) لاننا وضعنا شروط قبل كذا
وتقبلوا تحياتي
...............يالله عاد الليله خميس نبي نسهر مع الشعر............

------------------
نصيب قلبي قادني لين حدّك.....
واصبحت لك يا غاية النفس مشدود

الحفار

04-12-1999, 01:22 AM

وينكم يا شباب ميصير وين تروحون http://www.swalif.net/swalif1/ubb/smile.gifواحد يكتب اي شروط

تهاني

04-12-1999, 04:58 AM

أهلين
كيف حالك يالحفار
وش رايك تحط انت الشروط هالمرة
واللي يجيب البيتين يحط شروطه ...
على العموم أنا الأيام هذي محتاسة بالإمتحانات والبحوث ..
نهاية الترم طبعاً ..
ومع هذا باحاول اني اشارك معاكم ..
http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif

------------------
اللهم مالك الملك احفظ لنا نجود واعدها بالسلامة ...

الحفار

04-12-1999, 05:13 AM

بما انك وصلتي خلاص انتي حطي شروطك لي ...بعديت وينك من ثلاث ايام ما بينتي
كل هذي دراسه يقطعها اللي خذتك مننا ... http://www.swalif.net/swalif1/ubb/smile.gif http://www.swalif.net/swalif1/ubb/smile.gif

الغرام الخالد

04-12-1999, 11:20 PM

العزيز نايف الاول : ان كان هناك كلمة من الغرام الخالد لاعترف بأنه عندما تمعن في قصائد صفحة الشعر واسماءها كاد ان يرحل لأنه يبحث عن الكايد ولا غيره .. إلى ان وقعت عيناه على قصائدك .. عندها فقط أحس بأن هناك شيئأ يستحق ان يبقى ....... اتمنى من الباقين عند قرائة هذا الاعتراف ان يكون دافعا" لشئ ما ؟؟ . اتدري ما المشكله ؟؟ أن الكثير لا يود أن يعترف رغم يقينهم بالداخل من يكونوا .. اتمنى ان يصل ابعاد الحروف مسمعيك ..

"رعشة هدب "

يا مدور الهين ترى الكايد احلى ... واسأل مغني كايدات الطروقي
الزين غالي لكن الازين اغلى .... والكل شراي ٍ بضاعه وسوقي

وصلت !

الساري

04-12-1999, 11:40 PM

الأخوة الأعزاء
أولا: آسف جدا على التأخير
ثانيا: أناما وضعت شروط للبيتين لأني كما وضحت لكم أن مشاركاتي قليله وهذا والله اللي جعلني ما أحط الشروط
لكن مدامكم مصرين فهذي شروطي
أولا الكلمات هي ( الشوق - القلب - العين - الروح )
قافية الشطرين ( ...وق *** ....ها)
الموضوع عن الشوق
وأعتقد أنكم جيدين بالمرة في هذي المواضيع

أكرر أسفي عن التأخير مرة أخرى

نايف الاول

05-12-1999, 04:43 AM

اخوي الغالي والشاعر الكبير/ الغرام الخالد

اخي ولايهونون جميع الشعراء في سوالف الحب والاحباب..اقرا لك كثيرا..
انت بالذات..فاجدك متمكن دائما ومبدع في قصيدك...وفي ردودك دائما
ماتنتقي كلماتك الراقيه الرائعه...فاجدت في الشعر..واجدت في النثر
فانت يااخي تمتلك الموهبتين...فعندما اقرا شعرك وكلامك اشعر بالاحرف
تنساب في مسمعي كموسيقى ساحره فاتنه تاخذني الى قمة جبل الابداع
المرسوم بقلم المبدع الغرام الخالد..صاحب الحرف الخالد.....

ولايسعني هنا الا ان اشكرك على ماتفضلت به..وانا اعلم ان الشكر
لن يكفي....ولكني اعلم ان الحب سيدوم والاخوه والصداقه بيننا
باذن الله تعالى.

وياليتك اخي تشاركنا..ولو اني اقدر ان هذا الموضوع لايستهويك
فانت من علم الحرف ينطق في مواضيع اخرى..وهذي شهاده مني لك.

وانا تحت امرك...بس قول..وانا انفذ على الرجلين سباقي.

تسلم لاخوك نايف الاول

============

الغالي الحفار...قمت بالواجب محل اخوك..وهذا
ماعهدته فيك دائما..ونظرتي التي لن تخيب فيك
ابدا...ياراعي الاوله.

=========

تحياتي لاختي تهاني..والله يوفقها في الامتحانات
وينجحها باذن الله.

========

شكرا لاخوي الساري على وضع الشروط التي
طال انتظارها...وفي انتظار المشارك القادم
وان ماشارك احد..ترى القلم في يدي كم السيف
جاهز على ذبح القوافي لين يصرعها.

====== اخوكم نايف الاول

نايف الاول

05-12-1999, 08:00 AM

عطينا فرصه محد رد...وماقدرت اصبر..القلم تحرك وكتب وماصبر :

لاغاب عنها ( العين ) خلك بدا ( الشوق )
ثم هلت ادموع الحزن من حزنها

و ( القلب ) مات ووقف الدم بعروق
و ( الروح ) راحت مع خليل ٍ فتنها

===========

شروطي للمشارك القادم :

1ـ الكلمات : الله ، رمضان ، غفار ، كريم
2ـ القافيه : الشطره الاولى ــان
الشطره الثانيه ــــيم .
3ـ الفكره : عن شهر رمضان الكريم

===========

الحفار

05-12-1999, 09:45 AM

يالساري ماذبحنا الا هالموده
تدري غلاك بداخل القلب والعين
**************************احـساس صـادق غـامرك بالموده
مـدي يديك الـخافقي لا تخافـين
**************************حسـي شـعور هـو الى وين حـده
_________________
الكلمات
( كيف , السبب, استاهل , عاده)
القافيه
ـود , ـيف
الموضوع ( الخيانه )

------------------
نصيب قلبي قادني لين حدّك.....
واصبحت لك يا غاية النفس مشدود

الساري

05-12-1999, 08:59 PM

الأخ نايف الأول
الظاهر كل الأخوان لاهين في الأمتحانات والمذاكرة
على أي حال هذي البيتين حسب الشروط السابقة

شهر يجي بالخير شهر رمضــان *** يالله ندعوك ياربي العظــــيم
ندعوك ياغفار يامصور الإنسان *** أنك ترحمنا في الشهر الكريم

الشروط الحاليه للمشارك القادم كما يلي:
(أحساس - قلب - المودة -العين )
نهاية الشطر الأول ( ...ين )
نهاية الشطر الثاني ( ... ده )
الفكرة عن ( الموده )

نايف الاول

05-12-1999, 10:50 PM

===========

( كيف ) الخيانه تقتل الحب وتزود
( عاده ) لبعض الناس بعض الولايف

وشهو ( السبب ) يامخلف الوعد وعهود
تـ ( استاهل ) اللي صار ياقلب نايف

========

الشروط :

1ـ محبه ، العهد ، الصدق ، التزام

2ـ ـــــبه ، ـــــــد

3ـ الاخلاص

=========

الساري

06-12-1999, 12:35 AM

أخوي الحفار وش إحنا لولا هالموده

الأخ نايف الأول

يازين لك بالقلب صدق ومحــبه *** وأزودها بالشوق وبكامل العهد
وهذا ألتزام من حياته مشت به *** لأجل يرضيك ياصادق الوعـــــد

الشروط هي
1- حلم - لحظه - الشوق - تمنى
2- ...ظه ، ..وق
3- التمني

وتراني وضعت شروط أكثر من مرة ( معذرة ) وأشوفكم بكرة إنشاء الله تعالى

[b][ تم تعديل الموضوع بواسطة   الساري   يوم   06-12-1999]

الحفار

06-12-1999, 04:07 AM

هذي عاد اتركوها لتهاني ...............سامعين ...

------------------
نصيب قلبي قادني لين حدّك.....
واصبحت لك يا غاية النفس مشدود

الغرام الخالد

06-12-1999, 09:14 AM

؟؟؟ فيه خطأ بالجهاز

[ تم تعديل الموضوع بواسطة الغرام الخالد يوم 06-12-1999]

[ تم تعديل الموضوع بواسطة الغرام الخالد يوم 06-12-1999]

[b][ تم تعديل الموضوع بواسطة   الغرام الخالد   يوم   06-12-1999]

الغرام الخالد

06-12-1999, 09:27 AM

الأخوة الأعزاء : مسى الخير جميعا" .. على العموم كنت اود أن ارد على أخي نايف ولكن سبقني الساري وكفى ووفى .. وبصراحه ما خرجت من المحاضرات الا الساعه الثامنه والنصف مساء" .. ولكن حتى اظل اطالب الاخ نايف ببيتين من اختياري سأكتب البيتين المطلوبه ..

هاك الاخلاص يا نايف :

بالصـدق جيتـك فوق كف المحبـه **** ومديـت لـك قلبي وبادلتـك العهـد
فالزم هـوانا في شروقه وغربـه **** دام التـزامي به من المهد لـ اللحد

تهاني

06-12-1999, 08:59 PM

الحفار ... http://www.swalif.net/swalif1/ubb/smile.gif
خل الاختبارات بس تخلص بس وتشوف ... http://www.swalif.net/swalif1/ubb/wink.gif

------------------------------------------------------

الأخ نايف الأول ...
شكراً لك على دعواتك الصادقة ...
واتمنى لك التوفيق في حياتك

------------------------------------------------------

وبالنسبة لشروط الأخ الساري فهذه البيتين انشاء الله انها توفي ...

لو التمني حلم ما فقت لحظه
******************* كان اتمنى في منامي على ذوق
وليت الأماني تلتفت لي بومضه
******************* لاحيا بها باقي حياتي على الشوق

والله يعينكم على هالشروط :
1- الكلمات (برد،شتاء،صيف،حر)
2- القافية الأولى : ـرد
القافية الثانية : ـيف
3- الموضوع : الحب

يالله .. شد حيلك يا حفار

------------------
أختكم
تهاني

------------------
رمضان كريم

نايف الاول

06-12-1999, 10:43 PM

الله اختي تهاني...ابصم بالعشره ان مامر علي
شاعره مثلك...ابدعتي.وكفيتي ووفيتي........
حتى لو انك غيرتي ـــظه ، بـ ــضه الا انها
للعلم في الباديه وعند حتى الشعار الكبار
مقبوله جدا..ومافيها شي..هذا توضيح لاي
احد يقرا هالكلام.

========

تحياتي لاخواني الحفار والساري وجميع المشاركين

واسمحوا لي في بيتين للغالي الغرام الخالد
رد على بيتينه اللي وجها لاخوه :

صفحه وتجمع من هل الشعر حبه
واذا يجيها كل الاحباب تسعد

تمشي ويربطها رباط الاحبه
وانت الغرام ونايف القلب واصعد

=======

وفي انتظار شروطك اخوي الغرام الخالد
بعد ان يجاوب اخوي الحفار على شروط
اختي تهاني...ياخوي شكلها بينهم وحنا
بس انتفرج..لكن تهديد ان ماجاوب الحفار
خلال ست ساعات ولا ردينا.

==== اخوكم نايف الاول

عابر99

06-12-1999, 11:52 PM

http://www.swalif.net/swalif1/ubb/rsalam.gif
ماشاء الله عليكم على هذا الابداع .

وإذا تسمحون لي بالمشاركة معكم أكون عابر قصدي شاكر .

سؤال : ماتتعاملون بالفصيح .

تحياتي للجميع
عابر99

تهاني

07-12-1999, 12:43 AM

دقيق الملاحظة ما شاء الله عليك أخوي نايف
وان دل هذا على شيء فإنما يدل على تمكنك من الشعر
وأشكرك على الإطراء والمدح اللي غرقتني فيه مع اني ما استاهل هذا كله
وبالنسبة للشطر الأول من البيتين أنا ما كنت قاصدة اني اسوي زي ما قلت بس جت معي كذا بدون ما أنتبه !!
------------------------------------------------------------
الحفار باقي معاك من الوقت حوالي أربع ساعات علشان ترد على الشروط
شد حيلك .....
------------------------------------------------------------
الأخ عابر99 ...
نيابة عن اخواني واخاتي المشاركين اقولك انت واحد منا واعتقد الأخ نايف ماجاب الفكرة هذي الا علشان يشارك فيها جميع من يسطيع سواء أكانت بالفصحى أو بالنبطية والله يحييك بيننا مع انك ما شاء الله عليك شايف مشاركاتك زي مشاركاتي خمس مرات ....

------------------
رمضان كريم

الحفار

07-12-1999, 01:25 AM

بالاول كتبت تعليقات لجميع الاخوه اعلاه
فيه لخبطه اعدل صفحه تروح الثانيه وتعبت وانا اعيد واكتب
الاخ الغرام الخالد هذي ثاني مره ارحب فيك الاوله ما رديت عسى المانع خير http://www.swalif.net/swalif1/ubb/smile.gif

وبعدين يا نايف لاتبصم لا بالعشره ولا بالواحد http://www.swalif.net/swalif1/ubb/smile.gif http://www.swalif.net/swalif1/ubb/smile.gif

انا عمري ما كرهت الامتحانات زي هالسنه تدري ليش يا نايف ؟؟؟؟
الاخ / عابر الله يحييك شارك باللي تبيه ......

اما انتي يا تهاني ..جبتيلي اختبار صعب انشاء الله انجح ..ما ادري وشلون جمعتي هالكلمات
على العموم اسمعي وحكمي ولا يهون باقي الاخوان

حـبك تـجاوز حـدود الـرد*****نسيـت هالدنيا شـتاء او صيف
لجلك انا اسهر بليالي البـرد*****اقول لك حـر وتقولي كيـف ؟؟؟

[b][ تم تعديل الموضوع بواسطة   الحفار   يوم   06-12-1999]

الحفار

07-12-1999, 01:36 AM

انا احتست ما دريت لموضوع الصفحه الثانيه وكتبت الرد مرتين
على العموم
الكلمات ( الاخير. سلّم.موظف . بدري )
الشطر الاول ( ـير) الثاني ( ـيـه)
الموضوع الســفر

[b][ تم تعديل الموضوع بواسطة   الحفار   يوم   06-12-1999]

نايف الاول

07-12-1999, 05:51 AM

ياهلا باخوي عابر99 طبعا تقدر تشارك والنا الشرف
باي نوع من المشاركه مثل ماقالت اختي تهاني.......
فصيح..نبطي ..انت اختار وشاركنا..وسعداء بمعرفتك.

======
تحياتي للاعزاء تهاني والحفار

ملاحظه لاخوي الحفار سلم وظيفي ولا سلم طياره
وموظف...وبدري..والاخير..والموضوع السفر...
صعبتها وانا اخوك من ناحية فهم مالفكره؟

لكن اصبر ان ماحطيت لك شروط..واخليك
ماترقد الليله الا جايبها..اصبر وتشوف.
وانا اعرف انك قدها وقدود..ولن تصعب
عليك.

==========

سلم،موظف،كيف بدري والاخير
تجمعت في شطر واحد سويه

لاتطري الاسفار حفار واطير
واترك رياض العز لجل ابدويه

شروطي...ياويلك ياللي في باللي :

1ـ الكلمات ( احاسيس،الاصابع،مشاعري،الخفاق )

2ـ القافيه : الشطر الاول ــــــ بض
الشطر الثاني ــــــــ اق

3ـ الموضوع : المشاعر

==========

عابر99

07-12-1999, 08:17 AM

شكراً اختي تهاني على الاستقبال وإن شاء الله أكون عند حسن ظنكم .

ـــــــــ

أخي الحفار جزاك الله خير ومنك نستفيد

ـــــــــ

أخي نايف الأول أشكرك على تواضعك

والشرف لي أنا بمعرفة أمثالكم

والله يسعد أيامك

بس ماأدري كيف تكون المشاركة

الغرام الخالد

07-12-1999, 09:03 AM

أخي الحفار : الى تعلم إلى الان مدى حبي لكم ؟؟؟ وإن لم ابح فسأل حروفي ...
وعلى فكره اليوم طلبني المدير في مكتبه ليسألني عن سبب كثرة السرحان من شهر إلى الآن ورغم معرفته بحبي للشعر الا انه استعجب عن مدى التأثير في الوقت الحالي وما هي مسبباته خصوصا" انها فترة حرجة ( تدريب - برمجه - امتحانات ) هل ادركتم مدى حبكم ؟؟

بالمناسبة راق لي اختيار تهاني فآثرت الرد وإن كان متأخر ولكن ليتكم تعلمون أنني اسرق الوقت سرقة من اجلكم ..

هاكي معنى الحب عند الغرام الخالد ..

يختلجني شعــور لامن شفـت ورد
واستقر الشوق وسط العين طيف
ارسم اسراره شتا والبوح برد
وغيمة جروحــه هدايا حر صيف

****

الساري

07-12-1999, 11:22 PM

الأخ نايف
أسمح لي أجاوب عن أخوي الحفار ( وعساها تصير زينه )

أكن لك إحساس من قلب نابــــــــض *** ومشاعري لك زايده عن كل خفاق
وأصابعي تكتب وأنا على الشوق قابض *** وأسرح مع الأحلام وأفز مشـتـاق

الشروط للمشترك القادم :
1- ( العين - الوجه - الشعر - القد )
2- الشطر الأول ...ين ، الشطر الثاني ...ي
3 - وصف الجمال

وهذي تطلع منها الأخت تهاني ( مع الأعتذار ) لأنها تخص الشعار

وياهلا بالأخوان المشاركين الجددفي هذي الصفحه

الساري

08-12-1999, 12:41 AM