انـتي بـعـيـنـي يـاعـيـونـي بـصـرهـا

[نايف الاول]

قصيده تتحدث عن نفسها .......


جيتك انا كلي مطيع ٍ ومجبور
خزة اعيونك ترهب اللي نظرها

طايع لعينك مرتهب منك مبهور
واجبرت نفس ٍ صار هذا قدرها

اجبرتني فالحب واصبحت مخطور
ماغيرك احد ٍ قبل نفسي جبرها

قبلك وانا مغتر فالنفس مغرور
اقطف زهور الارض واجني ثمرها

درت الكواكب كلها نجم وبدور
واختص دايم مجلسي مع قمرها

وايضا دخلت وعمت في بحر وبحور
ولا كادني فالبحر جملة دررها

يجوز لي مشيا ً على جمر وصخور
اترك طريق السهل وارقا وعرها

ولا شاقني قبلك ولا شخص مذكور
قبلك تساوى في عيوني بشرها

واليوم انا من عقبك احساس وشعور
افهم رموز الحب واعرف صورها

ولا شك انا في حبك اليوم معذور
صرتي لي الماء والمطر مع نهرها

والشمس عندي والقمر لي مع النور
انتي بعيني ياعيوني بصرها


====== نايف الاول

===========

[الحفار]

القصيده هذي تتحدث عنك وليس عن نفسها ............ http://www.swalif.net/swalif1/ubb/smile.gif لكن صدقت انت فهي ملامح واحده التي تجمعكم ..لنتعلم منها ومنك ايها الشاعر
........ انا مبسوط انك تعاني...... http://www.swalif.net/swalif1/ubb/smile.gif http://www.swalif.net/swalif1/ubb/smile.gif

------------------
انا في انتظارك



[b]<small><small>[ تم تعديل الموضوع بواسطة &nbsp; الحفار &nbsp; يوم &nbsp; 30-11-1999]

[أصيل الليل]

ممكن توصف القصيده حالتك
لو قرأت أبياتها بالعكس أي من العجز الى الصدر
ـــــــــــــــــــــــــــــــــ
أصيـ http://www.swalif.net/swalif1/ubb/icons/icon39.gif ـل

[شمعة الجلاس]

نايف

احلى من هذى الابيات ماشفت

والله اخوى الكبير الغالى نايف واقع فى شباك ناعسه.....

ياحظها فيك.....

توصينى اقولها شى.....ترى ما عندى اغلى من اخوى نايف.......

بس انا اقولك يكفى ان القصيده ذى توصلها.......تكفيها.....

[الساري]

الأخ نايف
عزالله أن القصيده جيده وهي تتحدث عن شخصك مثل ما قال أخوي الحفار ومثل هذي القصايد أحب أني أقراها أكثر من مرة .

[نايف الاول]

اخوي الحفار...تواصلك الدائم..واشاداتك الدائمه بما اكتب
تجعلني اشعر بقيمة الاصدقاء الحقيقين....
لا احرمني الله منك ولا من تواصلك .

==========

اخوي اصيل الليل..احترامي وتقديري لشخصك الكريم
اعذرني وانا اخوك مافهمت قصدك..ليتك وانا اخوك
توضح لي ولا عليك امر..ومشكور يالاصيل على تشريفك.

============

اختي شمعة الجلاس..الله يرفع من قدرك ومقدارك...وياحظ
هذي الصفحه اللي بس شرفتيها...ومايامر عليك عدو
ومافيه اغلى من اختي شمعه الله يحفظها ويسعدها دايم.

========

اخوي الساري...اشادتك بالقصيده مكانها على
الراس من فوق...ويكفي انك بس قريتها.....
هذا يعطيني الكثير من الشرف...لا عدمتك يالغالي.


محبكم جميعا نايف الاول

=============

[حبيب الكل]

نايف الحب و الخير تحية ..
لا اجد كلاما لم اقله لك من قبل ..
انت تعجزني بهذا التالق الدائم في معانيك و اقول بصراحة ..
انك سيد الشعر و تاج راسه بدون منازع ..
وتسلم لكل محبيك اللي انا واحد منهم ..
كل تمنيات الخير لك من اخوك الحبيب !

[نايف الاول]

الله لا يحرمني منك ياحبيب الكل

دايم تخجل اخوك بعظيم اخلاقك

وكرمك المتواصل..تسلم لي ياقائدنا

==========