PDA

View Full Version : له حـديــثــي بــقــيــه ( قصيدة جديده )


نايف الاول
24-11-1999, 02:55 AM
===========
===========

بمناسبة شوفك ابكتب لك ابيات.......على اعتبار ان القصيده هديه
طلبتها مني تعابير كلمات............في نطقها تظهر مشاعر خفيه
مخنوقة ٍ مابين تنهيت وسكات..........مسجونة ٍ مابين هاذي وذيه
كلمه تكسر بين ضرسين وشفات..........واخرى تخنق الروح والنفس حيه
لولاك غالي مااصبح الهرج خنقات.......ولا لحقني عيب ماكان فيه
مثل الجبان اصبحت هرجي بخرسات.......لا حيل فيني ماسعفتني يديه
واحترت مابين الحكي بالمراعات.........ولا اندفع واقول كل القضيه
عندي مكانك فوق باعلا السموات......محفوظ قدرك والاماكن عليه
على حسب ظني على كل هقوات..........ماتدري انك شمس عمري وضيه
مشكاي غير انك بعيد المسافات........اصبحت لي سبة هلاك واذيه
ماعشته الحرمان بين الملذات..........ودك تذوق وتنحرم من شهيه
ولاعشتها رغبات تظهر بحسرات.........تجيك صبح وعصر ولا عشيه
ولاصار فيك احيان فالصدر ونات......يوم الونين يصير فالصدر كيه
زلزال تحت الصدر في شكل خفقات.......تسال لماذا؟ لجل لك جاذبيه
لهيب سير الدم فالعرق كيات..........كل المشاعر كلها شاعريه
وشلون نكتم عنك ياخل رغبات........وانت الانوثه نظرتك انثويه
والذيب ماهرول عبث خمس خطوات.......وانت الامل وشلون تشره عليه
قال الحكيم القرب للقلب مشهات......يلقابه المحبوب فالشمس فيه
ماشفتها فالقلب هاك الاصابات.......ياكبرها تحسب عليكم خطيه
تبغاني اركع واتوسل بدمعات........ياوالله الا ضاعت المرجليه
وتعبيرنا لو جاك فالشعر لوعات......ماشفت شي اللي ذكرته شويه
بشوفكم باقي على الوعد ساعات......وانا ادري انك ياحياتي وفيه
واذا وصلتك خلها منك نظرات........تقول عن مافات عن كل شيه
خل النظر يحكي وينطق بهمسات.........واذا فهمتك له حديثي بقيه

=============
============ مع تحيات نايف الاول

شمعة الجلاس
24-11-1999, 03:23 AM
بدون تعليق

اكبر من الكلام..........

الحفار
24-11-1999, 04:39 AM
انت لا تحتاج لاي شهاده صدقني احياننا اعتقد ان كتاباتك اكبر من ان يعلق عليها ......................................
والفراغ هذا اخبرك بمعناه في الايميل
بس اهم شيء(( بقية الحديث )) لازم اعرفها حتى تكتمل الصوره وبكل صراحه انت شاعر سوالف لا حفار ولا غيره

------------------
انا الشعر هو راس مالي وذاتي
آتيه بحروفه مع الحب واتيه

الصريحة
24-11-1999, 08:20 AM
علامك يا نايف
سلبت ألباب وقلوب البشر
بساعة طلتك فزوا وصاحوا
هلا بلي على الموعد حضر
هلا بالورد اهلا به وسهلا
هلا بالفل وانواع الزهر

نجود

------------------
الصداقة اسمى شئ في الوجود

نايف الاول
24-11-1999, 02:38 PM
الاخت شمعة الجلاس....وبدون تعليق....

انتي شمعتنا ونورنا...............

وجلستنا مالها طعم اذا شمعتنا ماهي
بينا....شكرا اختي .
============

العزيز الغالي الحفار...كل حرف..كل كلمه قلتها
في اخوك شهاده من استاذ لتلميذه....ولكن عندي
اعتراض على كلمه ذكرتها..اسمع ردي عليها :

مافيه شاعر غيرك...ولا حيكون شاعر مثلك
ولافيه احد في الشعر النبطي يتجرا يجلس
على كرسيك..انت الاول..ولنا الشرف نكون
بعدك........

==============

اختي العزيزه الصريحه :

لو نقول الشكر مايكفي الشكر
يالصريحه جعل ربي يسعدك

لو بغيت اقول عندي وش كثر
بس اخاف الناس تقرا تحسدك

والكلام احلاه لاجاء مختصر
عن شرور الناس ربي يبعدك

==================