خلنه نرحل .. مع تحياتي لكم :)

[حبوب]

هلا http://www.swalif.net/swalif1/ubb/smile.gif

للنقص الحاد في المواضيع فأني ابتدأ بمشاركة انشالله تعجبكم
من اشعار استاذي العزيز عبدالرحيم الصديقي

اقول لكم .. لكم انتوا يامحبين الشعر ..
لاتهتمون في هذا الشخص الشبح اللي همه بس يخرب
اكتبوا .. تعلموا .. واصلوا حبكم الرائع ..

خلنه نرحل
نترك الدنيا ونسأل
عن مجره
عن فلك انعيشه مرة
في مسرة
خلنه نرحل

خلنه نرحل
ننسى قاموس المجاعة
ننسف اشباح الحروب
المرض يصبح إشاعة
تخنقه شمس الغروب
خلنه نرحل

خلنه نرحل
خلنه نختار الكواكب
والمواسم
حتى الوان الغيوم
نزرع الطيبة مواهب
في المراسم
في محطات النجوم

خلنه نرحل
خلنه نخلق من طفولتنا سعادة
خلنه نجتاز الحدود
خلنه نرحل
والأمل يروي الارادة
في غلاف الجو
تضوينا الورود

حبوب

[T_zone]

هلا وغلا حبوب ..
بشرنا عنك ..

أولا شكرا على هذا النص الرائع ...
لكن ...

دروب الأرض .. لكن ..
أنا أحس السفر ساكن ..
دروب الأرض .. مابين الأماكن ..
ولغير الأرض .. وين بنروح .. نسافر ..
كأن الصوت يرجع للحناجر ..
كأن الدمع يرجع للمحاجر ..
كأن الجرح يرجع للخناجر ..
مثل كل الطيور اللى تهاجر ..
وترجع كل مره ..

تعب هالبحر لايجتاز ..
جدران السواحل ..
تعب هالبر لايرقى الجبل ..
تعب هالقلب .. لايصبح أمل ..

وأنا لي سنين راحل ..
حملت الطين كله ..
لكل الطين ..

تخيل ياأنا المسكين .. كم لك ..
على هذا الأنا .. مصلوب ..

دروب الأرض لكن ..
ما للأرض لو تبغى الهروب .. دروب ..


http://www.swalif.net/swalif1/ubb/smile.gif
مجرد مناوشه ... بسيطه http://www.swalif.net/swalif1/ubb/smile.gif
والكلمات للبدر ..

لك كل التحيه .

[زهرة]

ما شاء الله
مشاركتك اخي العزيز حبوب
وايد حلوه
و اختيارك جدا رائع
و تواصلكم في سوالف اروع

[حبوب]

هلا T_zone

تحياتي لك ومناوشتك جميــــــــــــــــلة http://www.swalif.net/swalif1/ubb/smile.gif

تسلم يالغالي


هلا بزهرة سوالف
شكرا على التجاوب http://www.swalif.net/swalif1/ubb/smile.gif

حبوب

[حبوب]

السلام عليكم ..

هلا في بنت العرب ..

(أ )
اشكرك على تجاوبك معي http://www.swalif.net/swalif1/ubb/smile.gif

(ب)
بغيت ارد على موضوعك حروف متفرقة ولكن http://www.swalif.net/swalif1/ubb/frown.gif مادري اشصاير ماقدرت اروح له
معا اني قريت الموضوع

(ت)
توهقت http://www.swalif.net/swalif1/ubb/smile.gif

ممممممم ماني قادر اقلد وحتى لو قلدت اكيد كلماتي بتطلع تايوانية http://www.swalif.net/swalif1/ubb/smile.gif

صراحة بدون مجاملة تملكين اسلوب جميل .. ماشالله عليــــــــــج ( لاأحسدج )

ســــــــــلام

حبوب