الجشيد وصل

[بيوتي شيك]

عاد اسمحولي ما صورت كل الطريقه بشرح واللي موفاهم يسأل وأنا بجاوب عليه ان شاالله..



بسم الله الرحمن الرحيم
ياالله نبدأ....



أول شي نفور العوال ( وهو نوع من أنواع السمك يشبه سمك القرش بس ع صغير)



والماي فيه كركم وملح بس لين ينضج السمج..



بعدين انفتت السمك الى قطع صغيره وهاي العمليه قامت فيها الخادمه لأني ما أحب ريحة السمك في اليد ونحطها في المشخله عشان ينزل منه الماي...



http://aycu30.webshots.com/image/27109/2005639320356354151_fs.jpg



انحضر بصل وثوم وليمون أسود واذا تبغون بقدونس حطوا فيه لأنه يعطيه نكهه حلوه وسمن ذوابه(هذا السمن البلدي) للشياط...



http://aycu10.webshots.com/image/24969/2005615748880515108_fs.jpg



ألحين الصور تشرح نفسها..



http://aycu19.webshots.com/image/27138/2005660610065838706_fs.jpg



الى يحمر البصل نضع الثوم واليمون الأسود ( اللب اللي داخل )
وبعدين انحط السمج



http://aycu03.webshots.com/image/27002/2005665069505496025_fs.jpg



ونحط عليه البقدونس.. ونخليه اشوي ونغلق النار عنه...



وهذا الصحن لأول واحد يرد ع الموضوع



http://aycu12.webshots.com/image/27171/2005613409676687953_fs.jpg



وهذا طبق العيش بالبصل اللي كان طبق رئيسي في العزيمه



http://aycu05.webshots.com/image/26004/2005695655572206752_fs.jpg



وبالهنا والعافيه ع قلوبكم...



راااااااااااااااااااايكم يهمني وايد..؟؟؟؟؟؟؟؟

[ابداع2004]

تسلمين يالغاليه ماقصرتي الصراحه ..

وبالهنا والعافيه ان شاء الله شكراً لكِ اختي بيوتي شيك والله يعطيكِ العافيه

تحياتي محمد الهاجري

[بيوتي شيك]

تسلم ع التواجد أخوي..

[بشاير]

اختي بيوتي ... شوفي من يرد عليج وبتهدينا الصحن

أنا وإبداع واثنينا ما نحب السمك

توقعت الأخ إبداع يسأل عن معنى الجشيد ... لكن الشرح أعتقد وفى بالغرض

تدرين اختي بيوتي الجشيد يذكرني بمطبخ خالد حرية عندنا في الشارقة ... اخوي يحب ياخذ منا دايما

يعطيك العافية والله يجعل بيتكم عامر يا رب

[بيوتي شيك]

يالله حبوبه شو اسوي انتوا ما شاالله عليكم دوم اتردون عليه الله يخليكم ان شاالله
اتصدقين اني كنت ما أحب أصلا الجشيد وما أحب ريحته ومن اسمع اسمه اتلوع جبدي بعد
بس عقب ما ذقته من ايد الوالده الله يطول بعمرها وعقب حنه بعد جربي وجربي جربته وعجبني
بس مب أكلتي المفضله لأني يمكن أكلته بس خمس مرات تقريبا بس بو الشباب يتخبل عليه
وهاي المره الأولى اللي جربت أسويه عندي في البيت وضبطت الحمدالله , وأنا ما أحب السي فود وايد
أحب الأكلات الإيطاليه أكثر..
تسلمين ع التواجد حبوبه

[ادارة سوالف]

غريبه ماتحبون السمج

انا اكلاتي المفغضله

الجسيد اول واحد وسمن عربي وشويه غاف اووووووووه وسفن اب

بصراحه حفله على الغدا :) ههههه

والثاني قباب عاد مشواي

والثالث شعري بس هااا موتي على اللحبول الله الله

بسسس هذيلا حتى يوم محد ايبلي ولد الولد ( يعني قرقور صغير ) يعني قرش او شااارك بالانجليزي Shark اضطر اسويه بالتونه هههههه

بس والله حلو غريبه ماتحبونه

بالهنا والشفا وبصراحه يوعتيني والدنيا ليل طبيعي ماناكل عيوش فليل الله يستر :)

سلام

[زهرة الندى]

تبدو شهية و طيبة
و لو أنني أثق بقدورات أخي بيوتي شيك
إلا أنني
إن شاء الله سأقوم بتجريبها و إن لم تعجب أفراد العائلة ...
فالله المستعان و يسامحك يا بيوتي شيك

[بيوتي شيك]

صدقيني بتطلع لذيذه لأني اتعلميتها من الوالده الله يطول في عمرها ..
وان شاء الله تضبط عندج بس خبريني عاد يوم بطبقينها...

[بيوتي شيك]

جربيها وعلى ضمانتي لأني اتعلميتها من الوالده الله يطول في عمرها
واذا ما ضبطيها أنا ما يخصني....

[الأميرة شهرزاد]

تسلم ايديك بجد على هذه الأكله اللذيذة وكمان سهلة فى طريقتها خالص بس بصراحة أنا أول مرة أسمع عن هذا الاسم وهذا النوع بس ان شاء الله أوعدك إنى أجربه وأقولك كان عامل ايه بس ادعيلى انه يطلع لذيذ زى طريقتك .
واحنا فى انتظار لمساتك وابداعاتك .