سوالف للجميع - بدري يا مطر

زهرة الكركديه

17-07-2007, 12:56 AM

السلام عليكم

قبل لا تنتهي مباراة قطر والإمارات... شكلهم شباب البيت ملوا وحسوا إن متابعة هذي المباراة تضييع وقت وحرقة أعصاب ...فتركوا المتابعة وطلعوا برع.

عقب سجلت الإمارات هدف ثاني .... الهدف الثاني طبعا كان لصالح فيتنام... ليتهم خسروا جدام قطر .. دامهم طالعين من البطولة طالعين؟

المهم مر الوقت.. ورجعوا الشباب للبيت..
قالوا ها النتيجة التعادل ...؟؟
ما قدروا يخسرون لصالح قطر.. قلت في خاطري .. طيب قطر ما قدرت تشد حيلها شوي وتفوز ؟؟
بعدين قلت لهم
الإمارات فازت.. اثنين واحد... وأسهبت في الشرح لين وصلت وقلت اسماعيل مطر ضرب الكورة براسه و..... فجأة قاطعوني وقالوا

مارام يضربها براسه في المباراة لي راحت !!!!!!!!!! :45:

والله الواحد يحتار في جمهور الكورة.

Abo MaX

17-07-2007, 02:09 AM

نعم , انا أشره على الفريق الإماراتي , ليه مالعب بالصف الثاني مدام هو طالع طالع من البطولة ولا احد راح يلومه ! يعني مانشد حيلنا الا قدام بعض ! استقعدوا للمنتخب القطري وكأنهم يلعبون نهائي كاس العالم الله يهديهم !

زهرة الكركديه

17-07-2007, 02:45 AM

Abo MaX
الشعور لي حاس فيه كلنا حاسين فيه.

أحيانا تكون الخسارة أقسى على النفس مما تتصور..
صحيح كان من الأفضل لو ما شدوا حيلهم في هذه المباراة ,, يعني شدة حيل عالفاضي .. واوقعت خسائر بعد.

انا ماشوف لفوزهم أي أهمية بصراحة .. غير أنهم طلعوا منتخب عربي من البطولة ,,
يعني ما يسد الإمارات طلعت بعد قطر تطلع بسبتهم بصراحة شي يقهر .

شهرناز

17-07-2007, 03:30 AM

و عليكم السلام
هلا أختي زهرة الكركدية ,,
خسارة أنا ما شفت المباراة لأني كنت برع البيت و ما عرفت بالنتيجة إلا من صدى الملاعب و كل إلي في البيت لما عرفو النتيجة إستغربو و زعلو علشان قطر :cry:

أنا قبل مباراة البحرين مع كوريا الجنوبية كنت أفكر لو خسرة البحرين المباراة ما حيكون قدامها أي أمل إنها تتأهل (كنت أفكر إنو ممكن البحرين تسهل على السعودية في مباراتهم الأخيرة وصولهم للمرمى و تسجل فيهم هدف أو أهداف علشان يفوزو و يتأهلو ؟!)
تعرفي إيش كان جواب زوجة ولد خالي .. قالت : إنتي عايشة في أي كوكب إنتي محسبة إنو في دولة عربية أو خليجية ممكن تسوي كده ! :damp:
قلتلها : ولا أجنبية :D
قالت :طيب :confused:

إلي أتمناه دحين إن السعودية والبحرين يتعادلو بأهداف كثيرة علشان يتأهلو كلهم ,طبعا إذا تعادلة كوريا مع أندونيسيا أو فازت كوريا :31:

زهرة الكركديه

17-07-2007, 10:50 AM

هلا إختي شهرناز

تصدقين أعتقد القلوب العربية عمرها ما راح تكون على بعض..
كلنا مستغربين من موقف الإمارات.. بس مثل ما قلت قبل الخسارة على النفس صعبة .. وأرجع وأعيد " أي فوز هذا لي حققه المنتخب الأماراتي ..!!!!!!!!!!!!!!!!!!!!!!!!!!!!!!!

إلي أتمناه دحين إن السعودية والبحرين يتعادلو بأهداف كثيرة علشان يتأهلو كلهم ,طبعا إذا تعادلة كوريا مع أندونيسيا أو فازت كوريا

المقطع هذا وايد عجبني :D
عن جد عن جد إنتي عندج روح رياضية :D :D
باعتقادي إن السعودية راح تفوز ... أما بالنسبة لكوريا واندونيسيا .. زين يا بنت الحلال القمصان ملونة ولا كنا ماعرفنا الفريقين من بعض .. وماقدر أتوقع شي بالنسبة لهم.,, بس أتمنى تفوز كوريا
منقهرة من الشغالات الأندونيسيات :mad:

ali mohmed ali

18-07-2007, 12:40 AM

شئ مهم جدا
يجب ان تسود الروح الرياضية فى المنافسات
مبارة الامارات مع قطرظاهرة صحية نعم يجب ان يحرص كل منتخب على الفوز هى لعبة كرة قدم مو حرب
فالتحابى مع الجار ضد اخر لا معنى له فى الرياضة ويقتل الهدف النبيل من الرياضة الا وهو التنافس الشريف من اجل الفوز الذى هو متعة الرياضة عموما

التنافس من اجل الفوز فى الرياضة ظاهرة صحية من اجل شرف المنافسة

زهرة الكركديه

18-07-2007, 01:35 AM

المبتسم

18-07-2007, 09:28 PM

والله ما شالله الموضوع هذا اثبت ان البنات عندهم ( بعض ) الثقافة الكروية :D
اذكر زمان كان فيه وحدة في سوالف اسمها Toldo's fan .. كانت ما شالله عليها موسوعة كروية !

بالنسبة لقطر ..

والله بصراحة احسن شئ سوته الأمارات .. انهم لعبوا بقوة قدام قطر وطلعوهم ..
لأنه بصراحة انا ما احب المجاملات في الكورة .. اللي يبغى يتأهل .. يتأهل بمجهوده .. ما ينتظر مساعدة من غيره !
واذا قطر مهي قادرة تتأهل بجدارة ... تتوقعوا انها راح تسوي شئ في الدور الثاني !!!

:45:

منقهرة من الشغالات الأندونيسيات :mad:

عندنا شغالة اندونيسية ...
قبل المباراة سألتها : ها يا عيشة .. مين فيه فوز اليوم ؟..
قالت: ممكن اندونيسيا سوي فوز 3 - 1 بس ! << أبو التفائل :damp:
واذا سعودية فوز .. انا مافي شغل 2 اسبوع :mad:
أنا : :OO:

زهرة الكركديه

19-07-2007, 12:32 AM

المبتسم
:D