أدارة جديدة في المنتدى

[B.M.W X5]

السلام عليكم ورحمة الله وبركاته

تحية طيبة لأعضاء هذا المنتدى الطيب :)

نبشركم جميعا بأن هناك أدارة جديدة للمنتدى وهي عازمة إن شاء الله على النهوض بالمنتدى وإرجاعه لسابق عهده :good:

وندعو جميع الأعضاء للعودة للمنتدى واللي راح أنتهى خلاص وخل نبتدي صفحة جديدة مع بعض


وبالتوفيق لأدارة سوالف الجديدة





تحيات الزعيم

[ادارة سوالف]

الوجه للوجه ابيض

وبيض الله وجهك وعز الله مقامك

والناس بمعانيها وافعالها

بصراحه اثلجت صدري بهذى المعنويات الطيبه الي فيك والي تبثها لاصدقائك

بارك الله فيك ونعم التربيه ونعم الاخلاق

وان شاء الله نحن عازمون الي تنفيذ مالا يخطر ببالكم ان شاء الله والفعل سترونه والشعارات ليست من اهدافنا

والسلام عليكم ورحمة الله

اخوك ابو مكتوم

[B.M.W X5]

يا هلا والله فيك أخوي :)

الله يعطيك العافية ويعينك على مهامك الجديدة

ودنا ترجع سوالف لسابق عهدها والله كانت أيام حلوة :)

أعتقد فتح باب الترشيح والعضويات كفيل إن شاء الله بذلك :)

الموضوع صعب شوي بس مو مستحيل

والأعضاء القدامى واللي يشوفون هالموضوع ويتغلون نتمنى نتمنى نتمنى عودتهم وأنهم يخلون قلوبهم بيضة ويعفو ويصفحوا عن اللي أساء لهم

وأذا في أحد عنده شكاوى أو أنه أنظلم في شي فهاهي الأدارة الجديدة متمثلة بالأخ بو مكتوم تعد إن شاء الله بحل المشاكل :good:



حتى أذا عندكم أعتراض علي كمشرف فأنا مستعد من بكره أتنحى عن الأشراف وأي شخص يحب يرشح نفسه للأشراف فهو على الرحب والسعة :)


وأخيراً جزاك الله خير أخوي بو مكتوم والله يوفقك في هالمهمة الصعبة

[بنت الكويت]

خبر حلو

بس ان شاء الله نشوف تحرك في الاداره الجديده بخصوص تجديد المنتدى ككل

من خلال الاقسام والمشرفين والمراقبين

عل وعسى يرجعون الاعضاء او يتحرك المنتدى مثل قبل واحسن

يعطيكم العافيه :)

[B.M.W X5]

الله يعافيج أختي :)

ونبي همتج معانا :good:

وأنا متفائل خير من الأدارة الجديدة إن شاء الله



:glasses2:

[SAUD33]

بما أن هناك مذاهب متعددة فسوف لم ولن يعتدل المنتدى والسبب معروف لديكم مسبقاً

SAUD33 عضو المشاركات: 3,704 #6

[B.M.W X5]

بما أن هناك مذاهب متعددة فسوف لم ولن يعتدل المنتدى والسبب معروف لديكم مسبقاً


الحين صرت مبدع متميز :)

وعلى فكره أنا شفت هالمشكلة مع أكثر من عضو لهم مشاركات مقاربة لعدد مشاركاتك يعني المشكلة كانت عامة مو خاصة

وأي شي ترى الأدارة الجديدة جاهزة

[العمــ^_^ـــيد]

بالتوفيق للأدارة الجديدة :glasses:

وان شاء الله ترجع لسوالف بسمته :)

[B.M.W X5]

بالتوفيق للأدارة الجديدة :glasses:

وان شاء الله ترجع لسوالف بسمته :)


هلا وغلا أخوي جهاد :)

أبيك ترجع معاي مشرف :good:

ترى غصب مو طيب وأنا بكلم الأدارة

قول تم :D

[ابداع2004]

اتمنى من الله العلي القدير بأن ينهض هذا الصرح الشامخ الذي سقاني وعلمني مالم اعرفه 00

اتمنى رجعت المنتدى لسابق عهده وبأمجاده واخباره وحضوره بين المنتديات 00

كيف ننسى سوالف؟؟؟

الف تحيه للأداره والقائمين من مشرفين واعضاء كانوا ولازالوا اوفياء له000

محمد الهاجري000

[افكر كثير]

العميد يرد ماني مصدق :shock2:

اعتقد اننا مقبلين على موجه عنيفه من الضحك المتواصل لذلك انصح بربط احزمة الامان استعداداً للاقلاع . :D

والله شوفتك اخوي العميد ونت ترد عالموضوع تفرحنا كلنا مثل مافرحنا بابو الفياصل والمبتسم .

يالله انا بقعد بالمدرجات واشجع :35: .

اخوكم افكر كثير