View Full Version : للبيع: مرسيدس S 500 أبيض
أبو ذياب
14-05-2006, 12:58 PM
السلام عليكم ورحمة الله وبركاته
عندي مرسيدس اس 500 خليجي موديل 2001 آخر دفعه ومعروض للبيع, ومواصفاتها كالتالي:
1/ ماشيه حدود 100 ألف كيلو
2/ السقف شامواه
3/ مقابض خشبيه
4/ الطبلون الأمامي والخلفي خياطة
5/ الشكل الخارجي معدل على شكل 2004 سطابات وزينون ورنجات
السياره متوفره في دولة الامارات العربية - أبوظبي والمطلوب 115 ألف درهم نهائي
فهل من مشتري ؟؟
وشكراً
محب دبي
15-05-2006, 01:59 AM
السلام عليكم ورحمة الله و بركاته..
اخوي حبيت اعرف السياره من داخل فرش بيج هيليوس؟ ممكن تحط لنا صور للسياره
كم مقاس رنجاتها؟ وهل عليها تعديل بودي كت او شي ثاني؟
هل فيها ضربات ولا رشه ولا اي حاجه
هل السعر قابل للتفاوض
اخيرا حبيت ترسل لي ايميلك على بريدي الخاص او تحطه لي بالردّ هنا
وشكرا
أبو ذياب
15-05-2006, 07:42 AM
السلام عليكم,
أخوي من داخل جلد بيج عادي مو هيليوس, للأسف ما عندي كاميرا ديجيتال عشان أحط لك الصوره ولكن للأسف ما عندي كاميرا أصورها وأرفق صورها مع الموضوع
رنجاتها 18 اللي نزلت مع موديل 2004 مو العاديه, الثانيه ما أعرف كيف أوصف لك اياها, هي رنجات مرسيدس بس مو العاديه الشكل الثاني
بالنسبه لبودي السياره, لا ما عليه أي تعديلات, ولكن عليها قزوز سيستم AMG أصلي كامل من الوكاله من المكينه لييييييييين آخر السياره
الحمدلله السياره فيها ضربه وحده خفيفه ما تبين بالمره, وهذا للأمانه دامك سألتني اذا فيها ضربات
السياره كانت عند واحد من شيوخ الامارات الشماليه, واشتريتها عن طريق واحد من المعارف اللي يشتغل عند الشيخ, وما استخدمتها كثير, وكانت أغلب الوقت واقفه الا في الطلعات الرسميه كنت أستخدمها الحمدلله
أتمنى أسمع سعرك في السياره, واذا عجبني السعر تمت البيعه ومبروك عليك السياره والله يعوض علينا, الحاجه للكاش هي اللي خلتني أعرض السياره والا مثل هالسياره ما تنباع
ياريت لو تحط لي ايميلك وأنا بتواصل معاك عن طريق الايميلات أو عن طريق الماسنجر باذن الله تعالى
وشكراً
Saleen_UAE
15-05-2006, 12:19 PM
السلام عليكم ورحمة الله وبركاته
أبو ذياب عزيزي السيارة أذا ابدون حوادث ونظيفة أن بشتري 108000 أذا بتبيع قولي وبرسلك رقم موبايلي شكراً لك
أبو ذياب
15-05-2006, 02:02 PM
السلام عليكم,
بـ110 توكلنا على الله وحياك الله والسياره موجوده, ياريت تحط لي وسيلة الاتصال فيك عشان أتواصل معاك
وتسلم
محب دبي
16-05-2006, 05:09 PM
اخوي بوذياب ارسلت لك رساله على الخاص
ياليت نشوف صور للسياره من الداخل الامام و الخلف و من الخارج كذا صوره
وشكرا