أشتري مرسيدس أس 500 موديل 2007 من أمريكا مباشره

[سعود عبدالرحمن البكر]

تفضلوا برؤيه صور المرسيدس ال أس 500 الجديده

والتي يمكنكم شرائها من أمريكا مباشره

الرجاء الاتصال بالاخ سليمان شرووف 0017862183836

الرجاء الضغط على الرابط التالي
http://www.al-bakr.net/cars_inventory/car35/

[CL-Class]

أولا - الصور من الموقع الرسمي وهي للنسخة الاوروبية والمعلوم ان النسخة الامريكية تختلف ..... لكن السؤال ....أين صور سيارات سعود البكر المعروضة للبيع ؟؟؟

ثانيا - اسم السيارة بأمريكا هو S550 وليست S500

ثالثا - ماحطيت لنا أي أسعار لها على الأقل سعر مشجع يخلي الناس تتوجه لسعود البكر بدلا عن الوكالات والمعارض المحلية .....وبفارق يجعل الزبون يفكر جديا بسيارات سعود البكر . :think:

[corvette indiana police]

^
^
^
يا اخي انت ما تعرف تتكلم بلفظ لبق ؟؟


كل كلامك فيه هجووم وتشكيك في المصداقيات وانتقادات !!

البارح اخونا عمر واليوم وقبل كذا تشكك في نزاهة الرجال


ياليت تحترم الناس لأنك منتب ولي امرهم

[كرمبع]

^
^
^
يا اخي انت ما تعرف تتكلم بلفظ لبق ؟؟


كل كلامك فيه هجووم وتشكيك في المصداقيات وانتقادات !!

البارح اخونا عمر واليوم وقبل كذا تشكك في نزاهة الرجال


ياليت تحترم الناس لأنك منتب ولي امرهم

اعتقد ان الريال سال بأسلوب عادي وماشوف في كلامه اي شي... لانه اسألته صحيحه.. وانا اوافقه الرأي... الامريكي يفرق عن الاوروبي واللي فالصور اوروبي...

[grandv8]

السلام عليكم ورحمة الله وبركاته

اخواني الكرام

بالنسبة لاخونا سعود البكر

انا ماقمت بدعوته للمنتدى

من خلال بيعه للسيارات وخاصة بالدولة

وسألت عن الكثير

انه يحضر سيارات سعره اقل من الوكالة والمعارض بكثير

الواحد مب شملة يسال عن الشخص شوي شوي.

اخواني اللي يحب يشتري ترى خبر مضمونه الشرى او الرجوع عن مصدر الشراء

بس اهم شي انه تكلفته هو فقط 1200 دولار يعني 4380درهم او ريال

بالنسبة للصور سوف تتوفر له نسخ من الصور من خلال المعارض كل ماسنحت له الفرصة

جزكم الله خير

[red_RPM]

انا ما ألوم الأخ
CL-Class
علي أسألته
لأن مصداقية النت صعبه إشويه
وحاولوا تفهمون وجهة نظره قبل الهجوم عليه

وياريت الأخ قراند كان قدم لنا الأخ سعود ودعوته له

ولاتفهم الموضع غلط يا أخ سعود البكر
ترا كلنا إخوان ومرحبا بك بالمنتدي

تحياتي

[red_RPM]

سوري قراند أنا فهمت كلامك إنك دعوته ! مادري صححلي أن كنت غلطان

[CL-Class]

ياجماعة انا ماغلطت على الرجال بشي ولاهجمت عليه ......مدري شلون تقرون .... ياخي ... بالعكس قاعد اسأله أسأله عاديه وقاعد افزعله في بعض التعديلات ... وكل هذا لاني محتاج رده لاني من الناس اللي احب وأتشرف اني أتعامل مع الأخ سعود البكر وله مني كل التقدير والاحترام .... واتمنى يرد علي بأسرع وقت لاني مهتم للموضوع

وياريت يرد على موضوعه الثاني اللي قبل هذا برضو لاني انتظر ردوده

:D :D :D

corvette indiana police حياك الله اخوي .... بالعكس عزيز وغالي ومعزتك عندي ...... والله مانسيتك ولانسيت سالفة اللومينا اللي تحداك وفضحناه انا وياك ومعتبرك اخوي الكبير :D :D

[grandv8]

سوري قراند أنا فهمت كلامك إنك دعوته ! مادري صححلي أن كنت غلطان

صحيح اخوي انا دعوته بالمشاركة معانا بسوالف

وقبل انا ماانزل الموضوع هو نزل موضوع يشرح كل شي على هذا الموضوع

http://www.swalif.net/sforum1/showthread.php?t=219025

والضمانات تقدر تجيبه ويضمن لك اي معرض ترى بعد اذا تشك

[red_RPM]

مشكورين ياشباب
وودي بس أعرف سعر الأس500 كم في أمريكا ؟مع الجمارك والشحن وطبعا الجمرك راح يندفع في أمريكا تقريبا 10بالميه وتتجمرك بالخليج 5بالميه
فكم السعر ؟

[الشبابي]

والله يا اخي اسعاره ماشاء الله رخيصة ...
يعني الرنج روفر سوبرشارج ب 303 الف ريال وهو ب 380 الف ريال هنا ... فرق كبير ...









اخوكم الشبابي

[grandv8]

مشكورين ياشباب
وودي بس أعرف سعر الأس500 كم في أمريكا ؟مع الجمارك والشحن وطبعا الجمرك راح يندفع في أمريكا تقريبا 10بالميه وتتجمرك بالخليج 5بالميه
فكم السعر ؟

اخوي بالنسبة للجمارك البلد المصدر ماياخذون منك جمارك بس اجور الشحن وروسم عادية

اما رسوم الجمارك البلد اللي توصل له السيارة تتجمرك فقط.

[CL-Class]

بالعكس اخوي قراند .......

اذا انت مشتري سيارة ألمانية من أمريكا .....طبيعي راح اولا تدخل السيارة لامريكا بعد دفع الوكالة 10 % للجمارك الامريكية او اي كانت النسبة وبعدين تاخذها انت من الوكيل وترجع تشحنها للامارات او السعودية او اي دولة وراح تدفع انت هالمره جمركك الخاص فيك وليكن 5% بعد ... يعني السيارة توصلك من هناك مضافه عليها جمرك بلدين اثنين وليكن 10 + 5 = 15 % اجمالي مدفوعات للجمارك

بينما لو انك ماخذها من بلد المصنع ( ألمانيا ) راح توصلك بدون جمركه مجرد تدفع عليها جمرك بلدك وبس .... يعني بس 5 %

شكرا لكم
. :think:

[سعود عبدالرحمن البكر]

أولا أحب أشكر الاخ قراند8 على دعوتي للمشاركه بالمنتدي وأنا اتشرف بهذه الدعوه الكريمه وله مني التحيه والتقدير

أنا يا أخوان كنت أشتري سيارات لي وأوردها لمنطقه الخليج وأبيعها لحسابي ولكن الاخوان كانوا يقولون لي أن الاسعار غاليه

وبالنسبه لي أنا ما أقدر أبيع أي سياره أشتريها بأقل من راس مالها كما كان الاخوان يعرضون علي

فأنا كنت أتحمل مصاريف شحن وجمارك بدبي وأنتظار لمده شهرين أو أكثر لكي تصل السياره

أما الان فأنا أقترحت على الاخوان في منطقه الشرق الاوسط بأن أترك العمليه على المكشوف وأكون مجرد حلقه وصل تصل الشاري في منطقه الخليج والشرق الاوسط بمالك السياره الامريكي أينما كان في أمريكا

وخليت الاخوان يتطمنون بالنسبه لاسعار السيارات لانهم يقومون بالاتصال المباشر بالمالك ويفاصلون السعر معاه ويتفقون على كل شئ ولكنهم يخبرون البائع بأنهم لن يدفعوا له ولا هلله الا بعد حضور سعود البكر لموقع السياره وفحصها فحص دقيق والاتصال المباشر بالشاري لابلاغه بحاله السياره وبحضور صاحب السياره ولو طلب الشاري بأن نفحصها له في الوكاله نقوم بذلك وبعد التأكد 100 % من سلامه السياره ندفع للمالك ثمن السياره ونشحن السياره لاقرب ميناء تصدير لكي تذهب للمشتري لاي حهه في العالم يريدها أن تشحن اليها

وأعتقد يا أخوان ما فيه أوضح وأنظف وأحسن من هذه الطريقه اللتي تتسم بالمكاشفه والمصارحه والوضوح

ويا أخوان بالنسبه لل 1200 دولار صدقوني لو جيتوا وسافرتوا وتعذبتوا العذاب اللي نتعذبه كل مره نتقوم بها بشراء سياره وملاحقه أمورها حتى تطلع من الميناء صدقوني بتقولون حلال عليكم ال 1200 وتستاهلون أكثر بس أنا عارف أذا زدت مبلغ العموله فسيستكثره الكثير من الناس في الخليج وفي بلاد الشام وفي شمال أفريقيا

فأعتقد بأن هذا عدل بالنسبه لسعود البكر وكذلك بالنسبه للاخوان في دول الخليج والمشرق العربي وبأمكانكم يا أخوان أن تعتبروننا وكلاء خدمات لكم في أمريكا واي شئ تأمرون عليه فنحنا حاضرين

وأرجوا يا أخوان بأن نكون عمليين وأن نبتعد عن الكلام اللي لا يسمن ولا يغني من جوع وأنصحكم بالبدء في عمليه البحث عن السياره اللي في بالكم الان

وأرجوا منكم قراءه الطريقه المكتوبه في الصفحه الرئيسيه لموقع سعود البكر فهي سهله جدا وستوفر لكم الجهد والمال الكثير

وأعتقد بأن طريقتي ستخلصكم من نار الاسعار المشتعله في منطقه الخليج وستتخلصون من الفوائد الخياليه التي يطلبها أصحاب المعارض في سياراتهم

وفقنا الله وأياكم وبالتوفيق للجميع في أيجاد سياره نظيفه بسعر معقول ومناسب

وتليفوني مفتوح 24 ساعه 7 أيام في الاسبوع واللي عنده أستفسار أرجوا منه الاتصال المباشر بي شخصيا

والى لقاء قريب مع سياره جديده وسعر حلو

وشكرا

سعود بن عبدالرحمن البكر الزعابي

[corvette indiana police]

corvette indiana police حياك الله اخوي .... بالعكس عزيز وغالي ومعزتك عندي ...... والله مانسيتك ولانسيت سالفة اللومينا اللي تحداك وفضحناه انا وياك ومعتبرك اخوي الكبير :D :D


انقلع بس :D

قال اخوي الكبير
غصب تخلي نفسك صغنن :D :D

يا حبي لك اثاريك انت خويي القديم

<<<<<<<<< حس انه دخل في وجهه وانحرج

ياخي كان من اول عرفت بنفسك

:D

[red_RPM]

والله يا إخوان من زمان كنت بزياره للأمريكا ولاية أوهايو وكنت حاب أشتري دوج رام والوكيل قال لي إني لازم أدفع التاكس الجمرك وإن مراح ترجع لي ,ألمانيا غير ,أذكر مره كنت ناوي أشتري بورش مستعمل من الوكيل وأشحنها وقال لي الوكيل إن الجمرك راح يرجع لي بنفس النسبه ولكن من السعر اللي راح أشتريه
اللي أسمعه من الشباب إن الضريبه تندفع في أمريكا ولاترجع

يمكن سويت لكم لبس بالموضوع اللي أقصد فيه العشره بالميه هي ضريبة البيع TAX

ومعلومه ثانيه ودي أضيفها إن الأسعار اللي في المواقع الأمريكيه
يجب أن تضيف عليها ضريبة الببع تقريبا عشره بالميه


تحياتي
مشكوريين

[BENZ]

طيب اخوي انا ابغي مرسيدس كوبية

SL-CLASS 500 موديل 2003 بكم ممكن تحصلة وانا موجود بسعودية بكم يطلع على الtotal شامل اجور التخليص من قبلك اخي الكريم والتصدير وكل حاجة


اخوك بنز :-)

[سعود عبدالرحمن البكر]

أدخل هذا الرابط الذي يحتوي على كل السيارات ال أس ال 500 موديل 2003 الموجوده في أمريكا للبيع

http://autotrader.com/fyc/searchresults.jsp?sort_type=priceASC&search_type=used&num_records=100&make=MB&model=SL500&distance=0&address=33131&advanced=&certified=&max_price=&bkms=1140375535645&min_price=&end_year=2003&start_year=2003&isp=y&lang=


وأذا حبيت تشتري سياره كلمني


سعود البكر
تليفون مباشر 0017862811313

بريد الكتروني usa2england@yahoo.com

[أمير العين]

يعطيك العافيه اخوويه سعود ..

ولكن مثلا لوحبيت اشتري المرسدس اس 500 موديل 2007 ..طبعا بكل تاكيد بيكون علي زيرو ...ولكن بخصوص ضمان السياره في الوكاله بخصوص التصليح ..بيكون ضمان دولي عليييه ؟؟ يعني يشمل الضمان تصليح في الخليج ولا ؟؟

ياجماعة مش مشكله السعر ..ولكن اهم شئ الضمان ..مثلا لو اشتريت رنج علي زيرو من امريكا ..ومعروف الرنج بكثر الخراب اللي فييه ..وبعدين انا بتوهق فييه بصلحه كل يوم !!!..

بس حبيت اتاكد منك ياخويه ..السيارات اللي يطلعن من الوكاله علي زيرو...يكون علييه ضمان السياره مثلا 60 الف كليو او 100 الف كليو ..

والسموحة منكم

[سعود عبدالرحمن البكر]

لا تتأكد منى يا طويل العمر

أتصل بقرقاش و عبدالجليل الفهيم وهم بيخبرونك أذا الضمان عالمي والا لا

[المزروعي]

اخوي بكم سعر مرسيدس s350 2007 بالدرهم..

[سعود عبدالرحمن البكر]

أدخل هنا يا المزروعي وبتحصل الاسعار

http://autotrader.com/fyc/searchresults.jsp?sort_type=priceASC&model=S350&num_records=100&bkms=1140474343076&lang=&isp=y&start_year=2006&certified=&search_type=new&distance=0&make=MB&min_price=&address=33131&advanced=&end_year=2006&max_price=

[المزروعي]

اخوي الاسعار الي موجود موديل 2006 انا ابا اعرف سعر 2007 وكاله وبالدرهم كم ؟



واذا تعرف شو الفرق بينها وبين الخليجي ياريت تخبرني


وشكرا

[سعود عبدالرحمن البكر]

أسعار ال 2007 مش معروفه لحد الان يا المزروعي

[The Monster]

There is no S350 for 2007 in US... The S550 will start from 86,000$
For more info check www.mbusa.com or here (http://motors.search.ebay.com/2007_S-Class_W0QQa10239ZQ2d24QQa38v1yZQQa38v2yZQQa39ZQ2d24QQalistZa39Q2ca41Q2ca38v1yQ2ca38v2yQ2ca10239Q2ca3801Q2ca85Q2ca10246Q2ca33512Q2ca10241QQbsZSearchQQcatrefZC6QQcoactionZcompareQQcoentrypageZsearchQQcopagenumZ1QQfgtpZQQfposZQ5AIPQ2fPostalQQfromZR2QQfsooZ2QQfsopZ2QQftrtZ1QQftrvZ1QQgcsZ13QQlopgZQQpf_queryZ2007QQpfidZ2473QQpfmodeZ1QQreqtypeZ2QQsacatZ6336QQsadisZ200QQsaprchiZQQsaprcloZQQsargnZQ2d1QQsaslcZ2QQsbrftogZ1QQsofocusZbs)