سوالف للجميع - أيهما تختار؟ فورد جراند ماركيز او كامري؟

بروكسي

29-12-2005, 01:58 AM

السلام عليكم ورحمة الله وبركاته

اخواني انا عندي فلوس تغطي فورد جراند ماركيز ال اس مديل 2003

او كامري 2004 الى 2003

ومحتار صراحة

الكامري قوي ويتحمل

لكن المقصورة ضيقه

وكذلك على الخط ممل ويتعب وغير مريح

اما الفورد مريح ولكن خفيف على الخط يعني اي زلقه يولي

ياليت اخواني تعطوني رأيكم بالسيارتين وش رايكم اي وحدة اشتري؟

الهاوي جروب

29-12-2005, 02:05 AM

شوف للخطوط اشوف الجراند مركيز افضل

للعمر الطويل اشوف الكامري احسن

انصحك بالكامري

فديت الامارات

29-12-2005, 02:10 AM

وعليكم السلام ورحمة الله وبركاته

انصحك بالكامري
:sleep: :sleep:

BoSaLem

29-12-2005, 02:36 AM

فورد جراند ماركيز بختصار رسمي واحلي وحق كرف

RED Chevy

29-12-2005, 02:42 AM

أنصحك بالفورد....

Prelude 4 Life

29-12-2005, 06:42 AM

أكيد الفورد...

كرمبع

29-12-2005, 11:24 AM

فورد جراند ماركيز بختصار رسمي واحلي وحق كرف

يعني الفورد احسن من الكامري؟؟؟!!!!!

الأنصاري

29-12-2005, 01:48 PM

الكامري عمليه وافضل وتخدم اكثر

الفور ممتازه حق الخطوط

في النهايه اشوف الكامري افضل

EL_3grab

29-12-2005, 01:58 PM

الكامري .. معني أكرهها ..

لأنها تويوتا .. وتويوتا تسوي لاندكروزر .. :D :D

رفجة عرب

29-12-2005, 03:42 PM

أنصحك بالكامري في كل شي أفضل..

BoSaLem

29-12-2005, 06:20 PM

يعني الفورد احسن من الكامري؟؟؟!!!!!

انا قلت احلي ما قلت احسن

من ناحيه الشكل والفخامه وعملي جدا عند نسيبي ماشتكا منه لي يومكم موديل 2000

وشكرا

just one

30-12-2005, 01:22 AM

الفورد عملي جدا اربع سنين وان اسوقة وهو استخدام امريكي موديل 98 ماركيز فول كامل

ماطلب الا بنزين وزيوت واقمشة فرامل بس اهم حاجة انك تحافظ علي الصيانة

ويكفيك انه اريح سيارة وشوف انتشارة :D

مؤيد اف1

30-12-2005, 01:24 AM

الفورد اصرف

أبو حسين

30-12-2005, 02:10 AM

كامري والكل يشهد على جودتها :cool:

لكن القراند ماركيز أيضا سيارة جديرة بالإحترام..

ومع ذلك أنصحك بالكامري :)

Abu Abdulaziz

30-12-2005, 03:22 AM

توكل على الله

كامري ما يحتاج لها ..

560SEL

30-12-2005, 03:34 AM

لا هذي و لا ذيك

خذ لك 560SEL و ريح راسك :D :D

WRX

30-12-2005, 03:48 AM

يهوووووووووووووووو

من غير تفكير خذ لك فورد....

يا ابوية الي يسمع كلام الشباب يقول ان الفورد مايكرف...؟

الفورد يكرف وقطع غيار رخيصة وصرفية قليلة للبنزين ((خصوصاً الخطوووووووط))

كله فورد فورد فورد....بالعربي اش تبغى بالكامري؟؟؟! :p

ان كان تبغى كرف كلها تكرف

وقطع غيار نفس الشئ كلها قطع غيار رخيصة و موجودة في كل محل هذا اذا ماكان بعض قطع غيار الفورد ارخص كمان...

الفورد اريح واوسع وافخم ورسمي اكثر...

مدري ليش اصلاً تفكر بالكاااااااااااااااااااااااامري!

ACURA.TL

30-12-2005, 04:00 AM

لا هذي و لا ذيك

خذ لك 560SEL و ريح راسك :D :D

:banana: :banana:

كراون فكتوريا

30-12-2005, 04:01 AM

احم احم خبير الفورد و صل
السلام عليكم احب اعتذر من اخواني الاعضاء عن عدم الردود في مواضيعهم لانها مو باختصاصي و هذا الموضوع اللي ياختصاصي
اولا اخوي شف تبي فخامة و رساوة و كرف و خط و كشخة مالك الا هيفا اووووو عفوا الفورد اما من ناحية الاعطال حافظ عليها تعطيك بعدين من الكامري راسية ما فيها رساوة
جرب الكامري امش 180 على الكامري و امش نفسها على الفورد الفورد ما تحس انك تمشي
بعدين تقول الفورد ما فيه رساوة هذا الكلام اول الحين من 2003 تغير الكلام صارت رساوتة عالية
و من يقل الفورد مو حق كرف
انا معي فكتوريا 2001 و الله العظيم داخل الديرة امشي 250 كم يوميا هذا ان ما سافرت
و تفحيط و اكل مطبات و مافيه ولا صوت
المهم انا قلت اللي عندي المهم استخير و شوف وين ترتاح والله يوفقك

ا ح ن 1 0 0

30-12-2005, 04:14 AM

أموت وأعرف إيش وجــه العلاقـة بين السيارتين عشان تحتار بينهم :think:

كلا السيارتان متفق عليهمـا إنها للكرف :eek: :eek:

ولكــن أنت من تحدد الأفضل لك

مثلاً:

لو إنك راعي ترسيم وتشخيص كوبرا :D خـذ القراند

لو إنك ماتحب القير العادي وكسول :D ( عفواً أقصد رايق :cool: ) خذ القراند

لكـن لو رجلك حارة وحقت دعس داخل المدينة :eek: خذ الكامري

أو إنك تحب الإقتصادية في البنزين وحالك مثل حالي تطفّر من نص الشهر :sss:

خذ الكامري

وأخيراً أكرر .. السيارتان حلوة ولك وللزمن والله يكتب لك اللي فيه الخير :smart:

وأشتري اللي يناسبك ولاتاخذ بكلام العذال :D :D :D

bahrainlove

30-12-2005, 12:18 PM

أنصحك بالكامري لأنك ما بتتعب معاها مثل الفورد وخصوصاً اذا كان مستعمل

العريني

30-12-2005, 03:49 PM

صل ركعتي الاستخارة ثم قرر

انا ارشح الفورد

VW-609

30-12-2005, 04:04 PM

انا عندي راي مفيد لك ،،

اعمل مقارنه بين الثنتين ،، :smart:
يعني العمليه ،، الصرفيه ،، الصيانه ،، السلامه

وووو :D المهم شووووووووف شو الي يكون له الميزان وتوكل على الله سبحانه

درجة ثانية

30-12-2005, 04:38 PM

Dreams_Maker

30-12-2005, 09:52 PM

الله خلق وفرق

بالله تقارن الماركيز بالكامري يا شيخ حرام عليك

الكامري غير مريحة ولا توجد رساوة وكل ما تمر بنقطة تفتيش ...

يفتشوك ويخلوك تندم انك شريت كامري ... تجربة شخصية

اما الماركيز يا قلبي عليها تركبها تحس انك راكب سيارة محترمة

رساوة ومريحة وماتحس بالحفر ولا المطبات يوم تاكلها .....تجربة شخصية

ومادام كلها سيارات مستعملة خذ الماركيز وانت مغمض

والجراند ماركيز ممكن تقارنها بالكابرس

وبرضه الجراند ماركيز راح تتفوق عليها

100%...

الجراند ماركيز..الأفضل.... مرييييييييح جداً جداً جداً..وهادئ جدا جدا جدا(طبعا أمريكي :D)... ولااصوات بالمكينة ولا شي....
جرب تدخل على شارع مكسر(ياكثر الشوارع عندنا بالمنطقه)...
بالكامري وجرب تدخله بالماركيز...وراح تشوف الفرق :D

تحياتي

ايميل مغبر

30-12-2005, 10:20 PM

الكامري مابيتعبك في البنزين بس الفورد يبغي شوي بنزين

الفورد مابيتعبك في قطع الغيار بس الكامري قطعه شبه غالي

جامبينات الكامري ( يابانية ) مو ORGINAL ب 250 الواحد يعني 4 ب 1000 ريال
( هذا الموديل موديل 99 )

والفورد جامبيناته ماتكلف 300 ريال نوعية امريكية أسمها MOTORCRAFT

نوعيه جيدة

بروكسي

31-12-2005, 12:17 AM

مشكورين جميعاً على الردود والمشاركة

اخوي 560sel انا عندي السيارة هذي لكن ابي سيارة حق اخوي

وبعدين انا قارنت بالفورد والكامري لأنهم متقاربين بالسعر ومرغوبين للشعب

اما الكابريس واللومينا للحين ما دخلو فئة السيارة

انا اعتبرهم بقيات او دبابات ومن النوع الرديء جداً

يعني هوندا اصرف من الشفر

عموما الاغلبية تشير الى الفورد وبنتوكل على الله

ومشكورين جداً على الرودو الجميلة

MoHaMaD_Q8

31-12-2005, 02:12 AM

السلام عليكم

الرجاء الانتباه لردي..

اول انا لا أأيد انك تشتري الفور ولا الكامري وللأسباب التاليه..

اولا الفرد صحيح انها سياره جميله وتستحمل..لكن مو راسيه على الارض..واذا مايهمك الرساوه اخذها احسن من الكامري..

الكامري الصراحه شكلها مو حلو وبنظر الأغلبيه..وفيها هالمشكله..انه السياره كل ماتمشي عليها اكثر كل مارفعت من ورا..بالعربي مع المده ترفع من ورا كل مازاد المشي عليها..بالأخير توصل لحد انها تصير تحرف على الخطوط وموثابته بالمره..وهذا كلام واحد من تويوتا

انصحك تاخذلك سياره غير..وأأيدك بقوه تاخذ الماني..

او اخذلك ماكسيما..شكلها حلو وعمليه

وانا نصحتك وانت بكيفك

تحياااااااتي

RamAir

01-01-2006, 02:02 AM

شباب تدرون ان صرفية الجراند ماركيز 8سلندر تقريباً نفس استهلاك الكامري 4 سلندر وفي الخط مافي مقارنه الفورد افضل حتى البنزين خط الرياض الشرقية اعبي من الرياض فل اوص الشرقية والبنزين على الربع والسرعه 140/160

Eng.Amr

01-01-2006, 02:14 AM

أخـوي عـلـى حـسـب إحـتـيـاجـك أنـت لأن مافيه وجه شبه بين السيارتين..

كـان معي جراند ماركيز 2001 LS كنت أكرفه فوق الخيال بس انا طبيعتي اني السفر لأشغالي الخاصة .. وما جربت الكامري صراحة

لكن خذ نصيحة مني لك

أولا القراند ماركيز 2003 خرابه كثير ويختلف عن 2004 أو 2005

والكامري 2003 كل من أخذها يلعن فيها واصحاب المعارض ما يشترونها الا بقيمة متدنية جدا

اذا انت غاويوحده من هالسيارتين شوف لك وحده بس ما يكون موديلها 2003 ابد

لأنك بتتعب فيها

والله يكتب لك الي فيه الخير