View Full Version : مكينة LS1
SLR55
06-12-2005, 02:04 PM
السلام عليكم ورحمة الله وبركاته
كيف الحال شباب .... بسبب قلة المواضيع المكانكية فقلت عندي كم سؤال بخوص مكينة LS1
ونفس الوقت الكل يستفيد
مكينة LS1 تستخدم كام واحد و بوش رود و لفترات و فالفات و روكرت ( عصافير )
بس ماعرف شو وضيفة البوش رود ووين مكانه في الإعراب و كيف الترتيب بين كل ها القطع
وهذه أعتبرها كبداية لموضوع مكانيكي و ليس خاص
سلااااااااااااااااام :banana:
اتمنى تكثر المواضيع اللي عن الميكانيكا :ranting:
TerroRx7
06-12-2005, 03:51 PM
اللفتر ( التكاي ) يكون فوق الحدبات اللي في الكام
و بدوران الكام اللفتر يتحرك حركه عموديه صعود - نزول
و البوشرود ( الصباب ) يجي مباشره فوق اللفتر و حركته فوق تحت نفس الشي
الروكرات ( العصافير ) من النص تكون مثبته بمسمار و من طرفها راكبه فوق البلف و من الطرف الثاني راكبه فوق الصباب ( حركته مثل حركه الميزان يرتفع من جهه و ينزل من الجهه الثانيه )
يعني كل ما ارتفع اللفتر >> يرتفع البوشرود و يرفع الروكر معاه >> ينزل الروكر من طرف البلف >> ينزل البلف ( يفتح )
http://www.speeddemonmotorsports.com/catalog/images/valvetrain.gif
http://speedwaybikes.fortunecity.net/a5.jpg
CL-Class
06-12-2005, 07:08 PM
:knight: حلو الكلااااااااااااااااااااام
وتسلملي على الموضوع التقني
SLR55
06-12-2005, 10:41 PM
الحينة عرفت مكان البوش رود لأني كنت أحسبها قطعة مالها لزمة :p
إنزين كيف أقدر أستفيد من المكينة بحيث إني أخذ كل قوتها
لأني قريت إن بعض الناس يغيرون العصافير ب 1.7 ماعرف بالضبط شو مع المقاس هذا
وشو الفايدة إذا كبر ولا صغر
شيء ثاني حصلت كت كامل فيه لفترات و بوش رود و سبرنج ب 2400 درهم من شركة كوم كام
هل بستفيد لو ركبتها بروحها بدون كام ( على الأقل مستقبلا أركب كام وأنا مرتاج )
و التايم شين لو ركبت من نفس الشركة هل بستفدي منها ولا بس شغلات إستهلاكية ؟
سلااااااااااااام
TerroRx7
06-12-2005, 11:11 PM
انا قلت الروكرات حركتها مثل الميزان
لكنها مو مثل الميزان حق الاطفال اللي في الالعاب :D
يعني الحركه مو 1:1
الحركه فيها 1:1.52 او 1:1.7 يعني اذا البوشرود ارتفع 0.100 من الانش البلف بينزل 0.170 من الانش اذا كانت نسبه العصفور 1.7
فايده العصافير اللي تجي نسبتها اعلى من الشد بلد انها تعطيك لفت زياده و اللفت الزايد المفروض يعطيك flow اكثر للهوا ( طبعا حسب الراس )
و مو معنى انه كل ما ارتفع اللفت ارتفع فلو الهوا و بالتالي زادت قوه المكينه
لان في راس الrunner حقه صغير و ما يصلح الا حق لفت متوسط و عزم قوي و قوه حلوه
و لو زدت اللفت بشكل مو مدروس ما بتستفيد شي :confused:
و في روس يجي الرنر حقها كبييير و الفلو حقها مجنون خصوصا على لفت عالي لكن مع ان الفلو حقها اعلى بتعطيك عزم اقل على الدورات المنخفضه و قوه اكثر على دورات عاليه و السبب هو الـ port velocity يعني سرعه الهوا بيكون منخفض على دورات منخفضه
مثلا راس الLT1 شد بلد الرنر حقه 170 سي سي بينما راس LT4 يجي 195 سي سي و هذا ما هو كبير مقارنه مع روس AFR على سبيل المثال اللي توصل الى 220 سي سي :D
^
:think: قام يتفلسف :D
المهم
زياده اللفت اما بالعصافير اللي نسبتها اعلى من الشد بلد
او انك تركب كام مختلف و تريح حالك
و صراحه انا اشوف ان العصافير و التكايات الشد بلد تمشي حالها و مو ضروري تغيرها و اشتري لك كام بس و فك حالك لان الاثر اللي بتشوفه بعد تغيير الكام اكيد مختلف عن تغيير العصافير :D
خصوصا في الصوت << اموت انا :knight:
بالنسبه للتايمنق شين خلي الشد بلد و اذا ودك تغير لمجرد التغيير خذ من باعاصم :D
SLR55
06-12-2005, 11:51 PM
صح معروف إن الكام إذا غيرته الصوت يتغير ^_^
يعذب :banana: هذا في حالة نسبة خروج الهواء اكثر من الدخول
بس إذا كان الدخول أكثر من الخروج فما يطلع صوت بس يتغير :glasses2:
قياس حلو على سيارة وكالة بحيث أحس بالفرق و قطع السيارة تتحمل ها الكام
أنا سمعت إن ZO6 حلو بس ماحصلت واحد مستعمل
فشو رايك أريد واحد أحس فيه في low RPM until high RPM
سلاااااااااام
مؤيد اف1
07-12-2005, 12:40 AM
السبارنق اذا ركبت اقوى مع كام حلو تقدر ترفع الآربي ام بدون مشاكل..بس المشاكل بتجي الجير بعد فتره :D
SLR55
07-12-2005, 01:29 AM
يبالها دراسة ^_^ بنشوف شو أحسن كام و بعدين أخبركم
الحينة بسير أرقد
سلااااااااااااااااام :sleep:
مؤيد اف1
07-12-2005, 01:35 AM
شوف الحلوين دول
http://home.comcast.net/~GTO_Scott/GRF_Rev.avi
http://home.comcast.net/~GTO_Scott/GRF_Idle.avi
:D
مؤيد اف1
07-12-2005, 01:56 AM
ينصحو بهذا الكام من لنجن فلتر للاستخدام اليومي ومتوسط الحجم :D
http://www.ls1gto.com/forums/attachment.php?attachmentid=9408&d=1109903602
http://www.ls1gto.com/forums/attachment.php?attachmentid=9410&d=1109903723
TerroRx7
07-12-2005, 09:55 AM
صح معروف إن الكام إذا غيرته الصوت يتغير ^_^
يعذب :banana: هذا في حالة نسبة خروج الهواء اكثر من الدخول
بس إذا كان الدخول أكثر من الخروج فما يطلع صوت بس يتغير :glasses2:
قياس حلو على سيارة وكالة بحيث أحس بالفرق و قطع السيارة تتحمل ها الكام
أنا سمعت إن ZO6 حلو بس ماحصلت واحد مستعمل
فشو رايك أريد واحد أحس فيه في low RPM until high RPM
سلاااااااااام
اختلاف دخول و خروج الهوا ما لها علاقه رئيسيه في صوت السياره
احيانا تجيك كامات الانتيك و الاقزوست حقها symmetric يعني زي بعض بالزبط
و تعطي تقطيع حلو :D
مؤيد اف1
07-12-2005, 11:09 AM
مكاين الالمنيوم اذا تحط لها كام يرتفع صوتها..لان الامنيوم خفيف وينقل الاصوات اكثر من الحديد :-)
شوف الجي تي او في الفيديو..اكزوسها ستوك بس عليها كام وصوتها ارتفع :D
بس شي :cool:
SLR55
07-12-2005, 01:50 PM
224/224 شو رايك بها الكام لأني أشوفه أشهر كان في المواقع
بس إلي فكرت فيه و كنت بشتريه 216/218
طبعا الإثنين بغير لهم الإسبرنج
سلاااااااااام :smart:
مؤيد اف1
07-12-2005, 01:54 PM
كل ماكان اكبر كان افضل لان تركيبه شغله وماتستاهل كم حصان على هالشغله..ال224 اشوفه حلو
MARQUIS
07-12-2005, 02:18 PM
السلام عليكم...
صراحه حمستوني بموضوعكم خصوصا اني منشغل هالايام مع الكمارو قاعد اغير الروس و الكام بالاضافه الى شغلات ثانيه :glasses2:
المهم...بالنسبه للكام اخوي انصحك تكبر لكن اذا استعمالك يومي فحاول ما تخلي اللفت يعدي الستميه... :)
في كام من شكره ls1speed.com صراحه جيد رقمه 228/224 588./581. 114...عموما كل ما صار الطالع اكبر من الداخل يمديك تضرب غاز عليها (صدقني الغاز على ال اس ون اليييييييم اسالني :knight: )
ايضا في كام ثاني ممتاااااااز من شركه thunderracing.com اسمه TRex بس هاذا يبيله تغييرات في نسبه الكرونه و في الكونفرتر (الطنجره) مثل اللي فوقه...كل التغييرات المهمه اللي تحتاجها موضحه بالموقع...
بالنسبه للاشياء اللي انصحك تغيرها فهي البش رود و التكايات و الجنزير...غيرهم و فك عمرك مو حلوه تقعد تفك مكينتك مره ثانيه عشان شي سخيف..يعني اذا غيرتهم ارتاح و حط ببطنك بطيخه صيفي على قوله المصريين :D
الروكرات ما انصحك تروح لل 1.7..بعدين اذا بغيت تكبر الكام ما راح يركب ويا هالروكرات و ترا 1.6 تعتبر جيده و كافيه :banana:
بالنسبه للروس اذا ودك انصحك بروس باتريوت...رخيصه و جيده..عباره عن روس ال اس 6 مسوين لها بورتنج و بولشنج...يعتبر ستيج 2 ممتاز لك..و عندك اختيارين اما 59 سي سي و هذا يخلي الكمبريشن عندك 11 يعني ما عندك مجال كبير للغاز يمكن 150 على الاكثر خصوصا ان طرمبه البنزين عندك اصليه...بالنسبه للاختيار الثاني فهو 64 سي سي و هذا يخلي الكمبرشن 10.5 و يعتبر جيد للي يبي يتسابق كثير و يحب الغاز :knight:
نصيحتي لك ابعد عن كام الـ z06 ما يسوى العنوه و الفلوس اشتر لك كام معتبر و انطرب بالصوت و الاداء :cool: :banana:
مؤيد اف1
07-12-2005, 03:41 PM
المشكله في الامر انك تحتاج تيون زين عشان تطلع كل شي من القطع سواء كام او روس...الPCM relearning تفيد شوي بس ماراح تحصل الماكسيمم
SLR55
07-12-2005, 04:50 PM
أشكر MARQUIS على مشاركتك وأتمنى الجميع يشارك و الكل يستفيد
بخصوص الكام في أرقام مثل اللفت 588 و 114 في الكام وماعرف شو القصد منه
مثل الكام إلي إنت حطيته اللفت ماله 588\581 114
ممكن تشرحلي شو معناها
بخصوص كام Trex كبير وايد علي ومستحيل يكون إستخدام يومي ... لازم تغير الطنجرة و الكرونا
شغلااااااااااااانة
حسيت أحسن قياس للإستخدام اليومي 224/224 بس في 112 و 114
أريد أعرف الفرق
شيء ثاني وين أقدر أحصل روس باتريوت
إن شاء الله الكل يشارك ^_^
سلاااااااااااااام :black:
MARQUIS
07-12-2005, 08:56 PM
السلام عليكم...
اخوي بقولك شغله...في الكامات ما في شي اسمه حسيت او ان ارقام الكام عجبتك الكلام الصح انك تشوف اللي جربو الكام و تسمع منهم ملاحظاتهم...هذا احسن من انك تشتري كام و بعدين تتورط فيه و يطلع مو اللي كنت متوقعه...
بالنسبه لي اول ما اشوف الكام ادخل على القوقل و اشوف تعليقات الناس اللي جربوه..طبعا هالشي نادرا ما تحصله في المنتديات العربيه فمالك الا تروح للمنتديات الاجنبيه...في منتدى معروف ما يخفى على الشباب ls1tech.com ما شاء هناك الامريكان ما خلو كام الا و تكلمو عنه و عن الاشياء اللي لاحظوها عليه و شنو اللي احتاجو يغيرونه و كيف كانت ارقام الداينو و نتائج الربع ميل.. :banana:
بالنسبه للفت الكام اللي ذكرته لك فهو 588./581. اما الرقم 114 او 112 فهو البعد بين الحدبات اللي في الكام يسمونه اللوب سيبيريشن.....بشكل عام كل ما كبر هالرقم خفت رفه الكام...بالنسبه لك لانه استعمالك يومي انصحك بـ 114 خصوصا ان الرف الزايد مو مريح و ممكن يفسد عليك كراسي المكينه....
بعدين في شغله ثانيه...يجب انك تحدد السبب اللي عشانه تبي الكام..هل بس عشان صوته و الا لاغراض الاداء العالي و لا بس سامع فيه و حاب تجربه و لا شنو بالضبط..كل هذي معايير تخليك عارف اكثر شنو الشي اللي تدوره...ايضا مثل ما ذكر الشباب في شغلات تحدك من انك تاخذ شي كبير...بالنسبه لي انا فاني اشوف جي ام استخدمت اسوأ المواد في صناعه الفالف ترين فعشان جذي دائما انصح ان كل شي يكون اوكي و جديد عند تغيير الكام بما في ذلك سبرنغات الروس...
بالنسبه لروس الباتريوت موجوده عند summitracing.com و عند موقع ls1speed.com بالاضافه الى موقع باتريوت الرسمي..سعر الروس حوالي 1195 دولار...بس من الافضل انك تشتري البكجات اللي موفرتها ls1speed.com خصوصا انها تتضمن كام و روس و بوش رود و بلوط الروس بالاضافه الى الجازجيت و بلط الكرنك و الصوفه تبعه و بسعر جيد نسبيا..يعني خذ كل شي مره وحده اريح لك و ارخص لك :banana:
مره ثانيه اقول فكر بتمعن قبل لا تختار الكام ترا الشغله مهمه و انصحك تسال الامريكان قبل لا تشتري....اذا ما حصلت موضوعات تتكلم عن الكام اللي تبيه دق على رقم الشركه اللي تبيع الكام و قولهم سيارتي كذا كذا و ابي استخدمها يوميا وابي احط عليها كام بحيث يأدي لي غرضي فشنو تنصحوني فيه و صدقني بيعطونك كل المعلومات اللي تبيها... :banana:
بالنسبه لتغيير الكرونه و الكونفرتر فاتوقع هالشي حتمي في اغلب الكامات و خصوصا اللي لفتها فوق 560.....فهي حسبه موزونه..كام يفتح على ار بي ام معين لازم تييب له كونفرتر ينفع له...انا ما اقول انه لازم و ان السياره ما راح تمشي بس اقول انه افضل لك حتى تطلع كل قوه السياره...بالنسبه للبرمجه فهذا شي مهم جدا جدا جدا ..الخ......افضل مكان تسوي فيه برمجه يكون بالداينو حتى تشوف بعينك شلون الاحصنه قاعده تتاثر بالبرمجه بشكل ايجابي...و يسهل على المبرمج نفسه معرف اخطاءه و بالتالي تصحيحها...قبل لا يكون عندنا داينو كنا نعتمد على معرفتنا بمستوى السياره الاصلي و كل مره نبرمج نطلع فيها و ندعس و نشوف شنو التغير اللي صار اما الحين الامور اسهل بكثيييييير... :banana:
على فكره شنو لفت الكام اللي عاجبك؟؟؟؟ :confused:
SLR55
08-12-2005, 06:17 AM
الصراحة أشكرك على تحمسك للموضوع
بس بعد ما شفت الباكج مال الباتريوت ..... :banana: قلت بصبر شوي لين ما أجمع لي فلوس وأخذ البكج
لأنه الصراحة باكج حلو حلو وما يتفوت ^_^
بس هل الباكج ينفع للإستخدام اليومي ... شيء ثاني
كم حصان بستفديها من الباكج طبعا على التواير ^_^ قبل البرمجة و بعد البرمجة
أدري إني تعبتك بس الباتريوت عجبني وايد بس ب 7000 درهم تقريبا مب شوي
سلااااااااااااام :smart:
infiniti
08-12-2005, 11:54 AM
الصراحة أشكرك على تحمسك للموضوع
بس بعد ما شفت الباكج مال الباتريوت ..... :banana: قلت بصبر شوي لين ما أجمع لي فلوس وأخذ البكج
لأنه الصراحة باكج حلو حلو وما يتفوت ^_^
بس هل الباكج ينفع للإستخدام اليومي ... شيء ثاني
كم حصان بستفديها من الباكج طبعا على التواير ^_^ قبل البرمجة و بعد البرمجة
أدري إني تعبتك بس الباتريوت عجبني وايد بس ب 7000 درهم تقريبا مب شوي
سلااااااااااااام :smart:
:D
<<<<< الى الحين دافع 36 الف و لسه باقي سبايك ثابته و كامات و كام قير و و ايد باند كت من انوفيت و اقزوز سستم كامل 3 انش مع المانيفولد بسويهم تفصيل
سبايك 100 دولار
كامات 560 دولار
كام قير 280 دولار
وايد باند كت 400 دولار
اقزوز سستم و المانيفولد تقريبا في حدود 2000 ريال
عليك الحسبه :ranting: يطلع تقريبا 7025 ريال بدون قيمة الشحن :D
يعني التكلفه توصل الى 43 الف ريال :p
هذا التزويد و مايسوي :cry1:
بس النتيجه ترضيني لما اسوق سياره فيها قريب 500 حصان :eek:
و بعد هذي المرحله احتاج بس بلوف و سبرنكات و ريتيرنز تيتانيوم و اطلع الى 550 حصان و ارفع البوست الى 30 psi بدون غاز و مع غاز 100 shot الى 620 حصان و اكثر من كذا ينفلق البلوك نصين :D و تضيع فلوسي على الفاضي :eek:
خلك وسيع صدر http://www.swalif.net/sforum1/images/icons/icon10.gif
MARQUIS
08-12-2005, 09:04 PM
السلام عليكم...
بالنسبه للبكج فهو صالح للاستخدام اليومي بس طبعا مو بالشكل اللي انت متصوره...يعني مدام انت الحين زودت سيارتك فهذا يضيف عبأ اضافي عليك.....يعني لازم تهتم بالسياره بشكل اكبر من اول..من حيث الصيانه الدوريه المنتظمه و من ناحيه انك ما تقعد تتسابق فيها كل يوم و ساعه و دقيقه...يعني اعتبر سيارتك عاديه من حيث المستوى سوقها على الراحه و لمن تحتاج القوه ادعس بس لا يكون الدعس متواصل بشكل يومي..... :banana:
حاول انك ما تطلع فيها دائما حتى لاسخف المشاوير...يعني اذا في سياره اخرى متوفره حاول تقلل الضغط على سيارتك المزوده شوي... :-)
بالنسبه للاحصنه فأنا لي صديق عنده لومينا اس اس مركب عليها روس الباتريوت و كام لفته في اواخر الخمسميه بالاضافه الى قزوز كامل مع الهدرزات و مبرمج و مخفف شوي من وزن سيارته بالاضافه الى اغراض ثانيه بسيطه و خارجيه و قدر يوصل الى 410 حصان....بالنسبه لوقته في الربع ميل فهو في حدود الـ 11.8 ثانيه... :knight:
بالنسبه للاسعار فشي طبيعي جدا لان اغراض الـ ال اس ون معروفه بانها غاليه....و انا صراحه كنت مثلك بالبدايه اشتكي من هالشي خصوصا اني كنت اول اشتغل على مكينه ال تي ون و صراحه اسعار اغراضها رخيييييصه جدا مقارنه بالـ ال اس ون بس مثل ما يقول المثل "من بغى الدح ما قال اح"...فالله يعينك.. :)
بالتوفيق اخوي... :banana: