View Full Version : الافالون ارتفع سعره ..
kin porch
10-05-2005, 12:47 PM
من كم اسبوع نزل الافالون بسعر 110 الف ريال للفل الكامل
البارحة رحت الوكالة اسأل عنه ؟ مافي الا بالحجز للدفع القادمة والسعر 119 الف ريال نهائي
!!!!!!!
الكبريت
10-05-2005, 12:53 PM
غريبه ليش ؟؟؟؟
لا واذا سائلتهم ليش ارتفع السعر يقولولك الين ارتفع
ولا يقولولك الجمارك السبب
red_RPM
10-05-2005, 06:22 PM
مايسوي هذا السعر
دكتور / مجنون
10-05-2005, 06:40 PM
كل السيارات ترتفع سعرها بسبب هبوط سعر الدولار و عملتنا مرتبط بالدولار .. فاذا الدولار قاعد ينزل .. ننزل معاه و ترتفع السلع الاجنبيه ..
و بعدين الافالون يسوى بس 100 الف .. ما اشوفه أنه يسوى هذا السعر الخرافي..
غريب السيف
10-05-2005, 08:18 PM
قلنا لكم الافالون راح يرتفع سعره بعد فتره من نزوله ورغم هذا في ناس عميان اتقول ان السعر مناسب وتشتري السياره
على فكرة شباب السعوديه احنا الافالون اول ما نزل كان ب 118 الف والحين ب 125 الف في الامارات طبعا والتوقعات بالزيادة مثل سهم (((اعمار)) :D
sayedco
10-05-2005, 10:29 PM
أصلاً ما في دخل بين الدولار و الأسعار هذي تويوتا يا شباب
لو من الدولار كانت تنزل من أول بهذا السعر (ما صار لها شهر نازلة)
تويوتا .... و ما أدراك ما تويوتا
بوأربع
10-05-2005, 11:39 PM
يا سلام عليك يا دكتور مجنون هذا هو الكلام الصحيح
و لكن لكل شخص الخيار و بإمكان اي واحد انه يشتري الافلون عن طريق موقع الياهو مثلاً و تجيه فل ابشن مع نفيجيتر
125 الف درهم شو تخبلوا!!!!
125 الف على تويوتا !!! قلنا اودي او بي ام ماعليه لكن تويوتا !!!
kin porch
11-05-2005, 01:01 AM
بالنسبة لهبوط الدولار اكيد له اثر لكن انا اشوف ان السبب الاساسي هو سياسة من تويوتا لتقليص الفارق السعري بين الافالون واللكزس GS ، عشان ما تظهر ال GS بسعر عالي جدا ...
الفارق بين الافالون واللكزس كان 75 الف ، والان الفارق 65 الف ويمكن يرتفع سعر الافالون شوي وينزل سعر ال GS شوي الى ما يوصل الفرق في حدود ال50 الف ..... وقتها الزبون مخير بفرق معقول (نسبيا) بين افالون التي تؤدي الغرض او رفاهية لكزس ، صحيح ان المقارنة بين السيارتين صعب لكن الي يتمنى اللكزس وما عنده ميزانية تكفي.. اكيد بيفكر بالافالون.
X_RaYs
11-05-2005, 01:31 AM
شافوا عليها طلب وانبسطوا :p
Qatif_Altima_Hks
11-05-2005, 01:43 AM
انا ولد عمي شغال في تيوتا قسم المبيعات
يعلمني يقول بالحجز العالم بدون مايشوفوها
جابو وحده عرضوها من اول يوم جاء واحد قال ابغاها ودفعها كاش
ومافي الا طلبيه من جده والعالم طق النعل
بس الصراحه ماتسوى سعرها غالي اخذ انفتني افضل
كأن 125 سعر الـC300
بالله مو احسن مليوووووووووووووون مرة من الأفلاون؟؟؟
تحياتي واتمنى ان تويتا تعيد نظر في اسعارها
يا هاجسي
11-05-2005, 09:40 AM
بصراحـــة مُبالغة كبيرة
والسعر عالي جداً
ولا تستاهل الأفالون كل هالزحمه..!
وفيه غير كثير وأفضـــل منها..
خالد دوت كوم
11-05-2005, 10:32 AM
احب اوضح للاخوة الكرام ان انخفاظ او ارتفاع سعر الدولار ليس له علاقة بارتفاع سعر الافلون فا السيارة تصنع فى امريكا ومسعرة بالدولار وليس بالين ، وجميع عملات الدول الخليجية لها سعر صرف ثابت امام الدولار فاذ ارتفع الدولار ارتفعت معة بنفس النسبة واذ انخفظ انخفظت معة بنفس النسبة ايضاَ ،سبب ربط دول الخليج عملاتها بالدولار هو ان النفط هو المصدر الرئيسى للدخل لهذة الدول وبما ان النفط يسعر بالدولار فا الدولار هو العملة الصعبة المتوفرة لهذة الدول وبالتالى تحول جميع دول الخليج الحصول على دخل ثايت من العملة وايضا لاعتبرات اخرى اقتصادية ليس هذ وقت الحديث فيها.
نرجع مرة اخرى الى سعر الافلون ،ارتفاع سعر السيارة كان امر متوقع فالمميزات المتوفرة فيها لو كانت فى اى سيارة اخرى سواء كانت امريكية او المانية من فئاتها لكان السعر اكثر من ذلك بكثير ،ونزولها بهذ السعر كان سياسة تسوقية مثمرة والدليل وصول قوائم الانتظار الى 450 شخص من الذين دفعو كامل المبلغ وذلك فى فرع واحد فقط فى مدينة جدة (حسب كلام احد الزملاء الذين اعرفهم ويعمل فى شركة عبداللطيف جميل ) ،كل هذ يدل على نجاح الخطة التى وضعتها تويوتا وهو انتشار السيارة اولا ثم رفع السعر على فترات حتى تحقق السعر المستهدف من قبل الشركة وهى سياسة قديمة تتبعاها اغلب شركات السيارات.
السيارة ستباع فى السوق وبكثرة حتى لو وصل السعر الى 130 الف ،هذ راى
وسلامتكم .
سنـاري
11-05-2005, 11:44 AM
هذا اسمه استغلال
و انخفاض الدولار و ارتفاع الين هذه لعبه قديمة يلعبوها على الزباين
الشرار
11-05-2005, 01:06 PM
نفس ما صار مع الاكورد
الشرقاوي
11-05-2005, 04:30 PM
ماقدر اقول غير عبداللطيف جميل شااااااااااااااااااااااااااااطر هو ويا تويوتا :D :D :D
رفجة عرب
11-05-2005, 08:33 PM
بصراحة السيارة تستاهل فوق الــ 100 ألف .. بدون مبالغة ..
القديمة كان سعرها 92 ألف يعني الاكورد 6 سلندر اغلى منها !!! بالعكس الافالون يوم ركبتها عالم ثاني ماتقول راكب الا لكزس ابداااااااااع ..
وحرام تكون سعرها نفس أسعار الاكورد والكامري والالتيما ..
abumhdi
11-05-2005, 10:36 PM
كان امر متوقع .. وبالذات ... للفخامة اللتي ترسمت بها .. وعدد الزبائن الذين تم حجزهم لها .. حتى بدون ان يروها ..
Third Eye
12-05-2005, 02:17 AM
اليوم كنت في وكالة تويوتا وقلي مندوب المبيعات سعرها بــ110 ألف ريال فقط و بالحجز
العجب كل العجب من البرادو الفل أوبشن سعره 142 ألف وتانكي واحد!!!!!!!!!!!!!!!!
والله إن الإفالون الجديد مرررررررررررة حلو--------------------لكن والله ما أدفع عليه 110 ألف لييييييييييه أتجننت
الموستنج بـ 120 ألف.............يجي ذا يكون أرخص بـ10 آلاف بس...
cadyman
12-05-2005, 06:39 PM
الانفنيتي G35 سعرها 127500 وافضل الف مره من الافالون
أخ cadyman السعر دا فين؟؟؟
عندنا في السعودية؟؟
اليوم كنت في وكالة تويوتا وقلي مندوب المبيعات سعرها بــ110 ألف ريال فقط و بالحجز
انا امس كنت في الوكالة وقالوا ليه نفس الكلام.....
والأكس ال 95 الف
بس بصراحة السيارة تستااااااااااااااااااااااهل
وبصراحة اول سيارةمن تويوتا تدخل مزاجي :)
تحياتي
mustang cobra
14-05-2005, 01:30 PM
اقول الناس يقبلون عليها لان الصراحة شكلها جنان قالو خلنا نسلخهم بالسعر واحنا محتكرين السوق والجمرك غالي فمالك الا الوكيل
SILENT
28-05-2005, 07:44 PM
ولا بعد جاني خبر انه بيرتفع اكثر
BMW ZONE
28-05-2005, 08:15 PM
هذا اذا ارتفعت بعد بكم بتصير؟؟
Pure_Intimidation
28-05-2005, 08:36 PM
G35 all the way baby!!