$$ خلها بسكات $$

[عشاق]

http://www.geocities.com/zafranm/bsmallah.gif


أنا مابي الوداع ولا أبي لحظة بكا وآهات
ترى همي الذي بالقلب دخيل الله يكفيني

كفاني من عنا وقتي هموم وونه وعبرات
ولا به فالبشر غيرك من همومي يداويني

أنا من عقبك أتحطم وبانعي ماضيٍ لي فات
قضيته في دفا حبك ولا غيره يدفيني

وجودك في حياتي يشبه لطفلٍ رضيعٍ بات
على صدر امه وإنت الحنان اللي بيأويني

أنا مابي أحد غيرك أبيك إنت يا غلا بالذات
ولكن للأسف عقب الغلا ناوي تخليني

بتتركني لمن عقبك ؟! نديم الهم والحسرات ؟!
ترى مابه أحد عقبك بيسأل بس وش فيني !!

بيـنسوني جميع الخلق وباكتب أتعس الأبيات
وببكي عقبك وماظن أبالقا من بيـبكيني

وباسهر أرتجي طيفك وباقضي أسعد الأوقات
أناجي طيفك وكل الرجا إنه يناجيني

فمان الله يا عمري حفظك الله من الزلات
تحمّـل بس في نفسك 00 ونفسي لا توصيني

وأمانه لا نويت إنك تروح فخلها بسكات
تراك إنت الوحيد اللي إلا من راح ينهيني :cry1:

http://www.geocities.com/zafranm/rose.gif

[الزعفران]

روووووووووووووووعه
احسنت عشاااااق


ماهو جديد عليك كلماتك قوووووية واحساسك فتاك :):)


هزتني كلامتك كثيراااا



سلمت..

[عشاق]

http://www.geocities.com/zafranm/bsmallah.gif
أهلا بك أختي الزعفران
شرف لي بأن أحضى بهذا المرور العبق
أسعد الله قلبك سيدتي بكل خير
ولك اخلص الود وأجمله :)

http://www.geocities.com/zafranm/rose.gif