PDA

View Full Version : ماهو مستقبل ميكانيكا سيارات في الخليج ؟


Z16ATT
29-11-2004, 01:25 AM
السلام عليكم ورحمة الله وبركاته

شباب عندي سؤال لكم

وش مستقبل الميكانيكا قسم السيارات في الخليج .. اعرف شباب يدرسون ميكانيكا وفي النهايه

يا اما يفتحون كراج او في وكالات ..

كم الرواتب في الوكالات؟؟ الي يعرف كم يقول من وين هو ؟؟

وش مستقبل الي يدرس ميكانيكا ويجيب شهاده من بريطانيا ؟؟

انتظر ردكم قبل مانطيح في الحفرة :anger:

EL_3grab
29-11-2004, 06:18 AM
ياااه ضربت في العوق والله ..

لني صارلي فتره وأنا أتناقش ويا الأهل بدراستي للميكانيكا سواء مني ولا بالخارج ..

بس يقولولي وين بتشتغل عقب وكي بيكون مستقبلك ..

أنا ودي بكراج .. بس كيف بأسس الكراج ..

فخطر على بالي أدرس هندسه الأكترونيه ميكانيكيه .. وهالتخصص مطلوب بالأمارات من كل مكان ..

...

يار يت من الأعضاء يردون علينا .. لنه صدق في ناس محتاره ودها تدرس اللي تحبه ..

وناس تدرس علشان متطلبات السوق وتنسى عمرها شو تحب :headshak:

...

ويا ريت بعد يكون هالموضوع نقاش ..

ونتريا ردودكم

حبوب بوظبي
29-11-2004, 06:39 AM
احم احم

انا اقول ليش ما تدرس ... هندسه ميكانيكيه ...
مش بس تخصص السيارات
يعني انا ادرس هندسه ميكانيكه ... وصدقني ان بعد ما تتخرج ... لن يبقى إلا القليل ... لترتقي إلى هندسة السيارات
لاأن كل الأشياء مشتركه في أول 3 سنين تقريبا

انا و الحمد لله بعد التخرج ... ضامن وظيفه فـADNOC ... لكن إذا اردت دراسة هندسه السيارات ... أستطيع ان اكمل فالخارج

بهذه الطريقه ... تضمن الوظيفه إذا صار ما صار

سنـاري
29-11-2004, 06:52 AM
عندنا واحد في جدة

اعتقد عنده شهادة في الميكانيكا او هندسة ميكانيكية

و فاتح ورشة متوسطة و جايب طقم 5 عمال فلبينيين يشتغلون معاه

و ماشاء الله شغال من احسن ما يكون

============

خالي ميكانيكي

و من خلاله عشقت الميكانيكا فعلا

و حسيت انه علم يستاهل الواحد يتعب و يكد علشانه

و هو الآن مدرس في احدى الكليات التقنية

==========

خالي الآخر ميكانيكي و لكن بمسمى آخر ... فني محركات طائرات " المجال العسكري "

و ماشاءالله عليه مرتاح في عمله و مبسوط منه و هو الآن اصبح مدرس للفنيين الجدد

==========

صديقي ترك الجامعة و التحق بالمعهد السعودي الياباني للميكانيكا

و ارى له مستقبلا زاهرا ان شاء الله

حيث انه ينوي ان يفتتح ورشته الخاصة " لتعديل السيارات "

و اعتقد ان في ذلك ربح كبير ان شاء الله

-----------

هؤلاء بعض المعارف الذين توجهوا لدراسة الميكانيكا و هذه اوضاعهم الآن

و طالما انك تحب هذا المجال

استخير الله و ادخله ... و راح تكون مبدع فيه ان شاء الله

:p

NFS
29-11-2004, 10:41 AM
السلام عليكم ورحمة الله وبركاته

أخوي Z16ATT ، التخصص إللي أنت تتكلم عنه هل هو دبلوم أو بكالوريوس؟ وأيش هو مسمى التخصص بالضبط علشان نقدر نجاوبك.

هل هو:
Mechanical engineering
أو
Automotive engineering
أو
Automotive maintenance ؟


بشكل عام عندنا في السعودية ، الطلب على الـMechanical engineers والـElectrical Egineers من قبل الشركات هو الأعلى بين التخصصات ، إذا كان التخصص إللي تتكلم عنه هو الـMechanical engineering فأعلم أن كل المنشأت الصناعية تحتاج إلى هذا التخصص بغض النظر عن نوع هذه المنشأة.

فشركات البترول والغاز ، محطات تحلية المياه ، شركات توليد الكهرباء و المصانع وغيرهم يحتاجون للمهندسين الميكانيكيين ، لذلك الطلب لن نقطع أبداً على هذا التخصص وهذا المجال.


بالمناسبة ، الشخص إلذي يعمل في ورش وكلاء السيارات يسمى (فني) وعادةً يكون عنده دبلوم او دبلوم عالي ، نعم هنالك بعض الأشخاص عندهم بكالريوس هندسة وهذا أنا أعتبره مثل الشخص الذي ينال درجة الدكتوراه علشان يدرس طلاب إبتدائي!

EL_3grab
29-11-2004, 03:41 PM
شي حلو والله ..

زين هذا بالنسبه لتخصص الميكانيكا ( هندسه مكانيكيه ) ..

في تخصص وتاخذ في بكالريوس ... أسمه هندسه السيارات .. وموجود برع ..

...

هذا بالضبط اللي كنت أقصده ..

أي علم ..

...

حبوب بوظبي ...

وين تدرس هالتخصص ..

في التقنيه ..

ولا جامعه الأمارات ..

..

المشكله بالتقنيه أنها بس دبلوم عالي .. وأنا مب راضي أقل عن بكالريوس ..

وجامعه الأمرات تدرس بكالريوس هندسة ميكانيكيه .. بس مب ناوي أضرب خط العين - عيمان .. كل أسبوع ..

...

فياريت لو تقولنا .. وين تدرسه .. وشو الشهادة اللي تنتظرها ..

وشو الفرق من بينها وبين الهندسه ألكترونيه ميكانيكيه ..

...

ونتريا راي باقي الأعضاء

Z16ATT
30-11-2004, 03:37 PM
مشكورين اخواني على الردود وراح ارد عليكم واحد واحد ..

EL_3grab
وش الفرق بين الهندسة الالكترونية الميكانيكية وهندسة ميكانيكا سيارات ؟

حبوب بوظبي
في البحرين غير الامارات على مااعتقد ..
سنـاري
تأسيس كراج محترم من كل النواحي .. يعني مثلا
من ناحية القطع اشتري لي اشياء تزويد وابيعهم مثلا Exhaust system والخ يبي لها ميزانية
NFS
اعتقد ان التخصص هو Automotive engineering لانه في فرق بين هندسة ميكانيكية وهندسة ميكانيكا سيارات ..

عندنا في البحرين اذا تدرس هندسة ميكانيكا سيارات وتدور عمل اعتقد تحصل شغلة في الوكالات ومااعتقد ان الراتب قوي ولو الراتب قوي انكان ما راح اتردد والشغلة الثانية الي اعرفة اذا درست
هندسة ميكانيكا سيارات في الخارج تجي سمعت من اخوي ان تصير مدرس ميكانيكا في تخصص المدارس قسم الصنـاعي .. وهذا شي مرعب بالنسبه لي :D انا احب اللغة الانجليزية بس ماابي ادرسها لان اذا درست راح اشتغل مدرس :mad: .. يعني لو سوينا جدول

هندسة ميكانيكا في معهد في البحرين .. المشاكل == رواتب ضعيفة
هندسة ميكانيكا من جامعة في بريطانيا .. المشاكل == اشتغل مدرس
هندسة ميكانيكا في معهد البحرين .. المشاكل = كراج يبي ليه $$ علشان تسويه كراج محترم
ومو $$ بس يبي ليه $$$$$$$$$$$$$$$ ..


انا قررت ادرس Computer Science والسيـارات هـواية وربما في المستقبل اتعلم
ميكانيكا سيارات في معهد كهواية وازود ال 3000GT :black: .. قاتلة ال GT-R :cool:

تحـياتي لكم

علاء

SLR
30-11-2004, 03:43 PM
ماشي مستقبل

Z16ATT
30-11-2004, 03:45 PM
SLR

وش تقصد بالضبط ؟؟

مافي مستقبل ولا ايش؟؟ :rolleyes:

EL_3grab
30-11-2004, 04:19 PM
هلا الغالي ..

هندسه ألكترونيه ميكانيكه .. من أسمها ..

يعني تقريبا الألات ... كمثال كبير .. الروبوتات ..

...

هندسه ميكانيكه .. من أسمها بعد ..

كل شي ميكانيكي .. يعني علم الميكانيكا ..

...

والغالي انا بعد فكرت جه .. أنه ادرس شي محترم .. (هندسه ألكترونيه ميكانيكه ) وأشتغل بوظايف مرموقه .. ومعاشات صدق قويه .. للمواطنين .. والطلب بكل مكان ..

وعقب ما أخلص دراستي لو حبيت أدرس التزويد والتعديل ولا ميكانيكا السيارات ..

وعندك هالمعاهد بأمريكا ..

كلهم على مستوى ..

http://www.uticorp.com

تعطي بكالريوس في السيارات ..

http://www.wyotech.com

يعطيك شهادة دبلوم .. في السيارات .. وتروم تضيف كورسات التعديل والتزويد

وهاذيله من أرقى المعاهد بأمريكا ..

وسلامي

Z16ATT
30-11-2004, 04:28 PM
صح كلامك الغالي EL_3grab

لكن السالفة يبي ليها ميزانية .. اذا حاب تفتح لك كراج محترم لازم تمويل ..

افكر في المستقبل بعد مااخلص الComputer science ادرس في معهد امريكي او عربي

علم الميكانيكا واسوي لي كراج خاص حق نفسي .. يعني حق مواتري بس !
:)

حبوب بوظبي
30-11-2004, 04:52 PM
أخوي EL_3grab
أنا أدرس في المعهد البترولي في أبوظبي
- يمكن ما سمعت فيه ... لأنه تم افتتاحه قبل 3 سنوات
- دايم الناس تخربط بينه وبين المعهد الفني .... هذا بكلوريوس ... وهذاك دبلوم
- بإشراف كامل من جامعة ... Clorado School Of Mines ... من احسن الجامعات الأمريكيه
- التمويل جاي من شركة ADNOC ... وما ادراك ما ادنوك ... الحمد لله مخلين المعهد في افضل حال ... وبمتابعه شخصيه من .. يوسف بن عمير ...
- طبعا أفضل المدرسين موجودين ... من مختلف دول العالم
- المختبرات ... و التجهيزات ... في احسن ما يكووون
- هدف ADNOC أن المعهد يصير احسن جامعة هندسه فالشرق الأوسط :rolleyes:
- التخصصات الموجوده في المعهد :
--- هندسه ميكانيكيه
--- هندسة كهرباء
--- هندسه كيميائيه
--- هندسه بتروليه
--- هندسه جيوفيزيائيه



- مستوا المعهد عالي جدا ... والشغل مضمووون عند ADNOC ...
- الدراسه صعبه ... وهذا للحفاض و التأكد ... من مستوى الدراسه
- وفيه مكافئات رمزيه ... حسب درجات الطالب
- السكن متوفر ... لغير المقيمين في أبوظبي ... و أيضا المواصلات من و إلى الإمارات الأخرى
- الدراسه 5 سنوات ...
--- سنه تحضيريه ... (يمكن تجاوزها ... حسب مستوا الثانويه)
--- 4 سنوات تخصص

Z16ATT
30-11-2004, 05:01 PM
حبوب بوظبي

هل الهندسة الميكانيكية هي نفسها هندسة ميكانيكا سيارات في المعهد البترولي عندكم ؟

EL_3grab
30-11-2004, 05:03 PM
ما شاء الله عليك حبوب بوظبي ..

وهذا اللي ودي أدرسه ..

بس خط كل يوم بوظبي عيمان صعبه بالنسبه علي ..

أنا أذا ما أنقبلت بتقنية دبي بسير جامعة الشارجه ..

وأذا ما نقبلت مناك بسير الجامعة الأمريكيه ..

وأذا ما أنقبلت بسافر برع .. :rolleyes:

والله يوفقنا ويوفقك الجميع

حبوب بوظبي
30-11-2004, 06:56 PM
رد مقتبس من Z16ATT
حبوب بوظبي

هل الهندسة الميكانيكية هي نفسها هندسة ميكانيكا سيارات في المعهد البترولي عندكم ؟

انا اقصد ... ان كل الهندسه الميكانيكيه مشتركه في اول 3 سنين
فبإمكانك تاخذ اي هندسه ... ويمكنك التخصص في غضون سنه او اقل

خيري
01-12-2004, 11:35 AM
السلام عليكم
اول شي اشكر كاتب الموضوع
انا ان شاء الله ناوي على البكالريوس في هندسة الميكاترونيك
تخصص نادر جدا وتاخذ فيه ثلاثة تخصصات كهربة ومكانيكا وهندسة تصنيع وهذا اللي خلاني ادخل اختار هذا القسم لانه بعد التخرج ان شاء الله اقدر اشتغل في اماكن كثيرة
والله يوفق الجميع