View Full Version : عندك اي سؤال عن الاطارات ... تفضل هنا
قلق و رجه
03-05-2005, 10:51 AM
هلا اخوي
ايه والله متاكد
وهي سيئه لاخر درجه قاسيه بشكل غير طبيعي حتى فيه احد من اقاربي معه فكتوريا وكانت عليه قوديير وغيرها الى سوموتومو وتغيرت عليه السيارة مره
اقول لو تقدر تعطيني اسم الكفر بالضبط عشان اسئل عنه
وبعدين انا سمعت ان الدنلوب ثقيل
وش رايك بالميشلن
زي ما قلت ابي الراحه
ومشكووور على التفاعل
سنـاري
04-05-2005, 04:15 AM
اهليين اخوي قلق
اول شيء انصحك بانك لا تحكم على شركة من منتج واحد او منتجين
و شركة جوديير من افضل الشركات في صناعة الاطارات بس يمكن انت ما توفقت في الاختيار
و بخصوص الدنلوب ايضا نفس الكلام
انا اول مرة اعرف انه في كفر ثقيل و آخر خفيف !
الدنلوب ايضا من افضل الشركات في صناعة الاطارات و اكثرهم تطورا
بالاضافة الاقتراحات اللي اديتك اياها سابقا
اقترح عليك
بيرجستون تورنزا ER30
ميشلان ساينكرون 4×4
و اي سؤال
حاضرين
kalifornia
04-05-2005, 06:01 PM
اهلا اخي سناري ...
بما انك من متابعي تطورات الاطارت, ياريت لو تعطينا نبذه بسيطه عن الاطار الجديد من Bridestone Tauranza GR 80 ,والي جرت عليها الاختبارات في سنغافوره على ما اعتقد على ماقالي مندوب بريدجيستون في الامارات....
ودامت اطاراتك واطارات الشباب سالمه انشاء الله :D
اخوك Kalifornia :D
tt12tt
04-05-2005, 10:11 PM
الاخ سناري مشكور جدا على المجهودات الطيبه الله يحفظك....
بس عندي سؤال بسيط ايش رايك في اطارات كونتننتال او كننتنتال وشكرا....
الشرقاوي
05-05-2005, 04:28 AM
كلمتين ورد غطاها اخوي سناري :D
الحين انت تسال عن الاطار وايش نحتاج فيه من مواصفات واللي هي من طول العمر الثبات الراحه التحمل للحراره السرعه العاليه .................الخ :confused:
فهل تفرق على السعر وهل هالمواصفات تاثر على الكفر نسبيا مثلا اذا انا عطيت الراحه الاولويه هل يعني اني راح اضحي بالتماسك :confused:
لاني بيني وبينك انلحست :m: السياره الوحده يمكن يركبلها 5انواع من شركه وحده وغير الشركات الباقيه يعني الشغله تصير طويييييييله عريضه
السؤال الاخير هل هناك كفرات تجمع جميع المواصفات ولو كانت الاغلى :confused:
ارجو يكون سؤالي واضح لك :D
سنـاري
08-05-2005, 10:30 AM
اهلا اخوي كالفيورنيا
رغم اني كنت في وكالة بيرجستون قبل شهر تقريبا لبعض الاعمال الا اني في الحقيقة اول مرة اسمع بهذا الاطار
و ياليت تتفضل علينا و تقلنا ميزاته و عيوبه و صور له لو تكرمت
اهلا اخوي تي تي
اطارات كونتينينتال غيرت نظرتي لها و اعتبرها الآن من الاطارات الجيدة في السوق
لكن لازلت ارى ان هناك افضل منها في السوق
اهلين اخويا الشرقاوي
نعم الاطارات تختلف في السعر حسب الجودة و المميزات و المقاس
و الكفرات اللي تجمع بين جميع المواصفات قد لا تجمع بين جميع ظروف القيادة
يعني مثلا انا في بالي اطار ممتاز جدا لكنه ما يصلح مع المطر و الثلج لكنه هادئ و مريح و ثابت و عمره نص و نص
اللي هوا بريلي بي زيرو نيرو
و بيرجستون بوتنزا لكني لا اتذكر الرمز حاليا
Qatif_Altima_Hks
09-05-2005, 09:36 AM
هلا اخوي سناري
عندي استفسار
انا شاري جنوط 17 زينه وابغى اركب كفرات بس تكون جيده وسعره مناسب يعني لاهو غالي ولاهو رخيص وايد
مع العلم اني دائما اطلع على الخط اروح الظهران يعني هالله بنوعيه جيده
رايك اخوي :think:
سنـاري
09-05-2005, 03:45 PM
خذ بيرجستون بوتنزا جي 3
Qatif_Altima_Hks
10-05-2005, 08:04 AM
مشكور اليوم باروح اشوفهم
Corvette_Stingray
10-05-2005, 11:52 AM
هلا والله اخوي سناري عندي سؤال عن سعر الإطارات في السعوديه وابي منك نصيحه ..
مثل ما تعرف ان حجم إطارات الكومارو موديل 1994 هو 245/45/r16
انا ناوي اشتري اطارات من السعوديه لكن ابي العرض يكون أكبر قليل يعني ينفع اركب ..
r16/50/250
or
r16/45/250
وبغيت اعرف اسعار الإطارات عندكم اذا كان من شركة بريدجستون او اي شركة تنصحني فيها ..
سعر الإطار الواحد في البحرين مئة دينار تقريبا أو أكثر يعني ألف ريال ..
ياريت لو تعطيني معلومه عن اسعارهم عندكم وهل صحيح ان في إطارات ب300 ريال ؟؟
Qatif_Altima_Hks
10-05-2005, 12:25 PM
عفوا سناري على المداخله
Corvette_Stingray
انا قبل يومين رايح الدمام في شاره بن خلدون محلات الكفرات
الا اشوف سيارات بحرينيه حوالي ثلاث او اربع جايين اركبو كفرات
يعني طلعت السالفه كذا اممممممممم
ترى في 300 وفي 200 ريال بس الصناعه صيني وضمان سنه مايجي اسبوع الا هو منعوج من الشمس
TerroRx7
10-05-2005, 12:33 PM
خذ بيرجستون بوتنزا جي 3
هالكفرات زينه و لا هي غاليه ولا مزعجه
بس عيبها ما في traction ابد و بعد استخدام حول سنه ما كأنك مركب كفرات السياره تفحط بشكل مو طبيعي < و تقعد مكانها
السلام عليكم اخوي سناري
عندنا لنكولن فورد تاون كار موديل 93 علية تواير ميشلان حجمها افتكر 15 والباقي مااعرف كم
لما رحت اركب تواير جديدة ماحصلت نفس المقاس قال لي في 25 يعني اعرض نفس حجم تواير الكابرس
وانا ماادوي اركبها لان التواير راح تكون عريضة وراح يكون في صوت وشكل التواير راح يكون بايخ
حصلت بريجستون بنفس حجم توايري وش رايك فيهم؟؟
سعرهم 240ريال للتاير الواحد..
مشكور مقدماً
سنـاري
11-05-2005, 11:53 AM
اهلين اخوي كورفيت
العرض يجي 255 و ليس 250
و طالما عندك سيارة رياضية
انصحك باطار جوديير F1
و طبعا الاسعار تتراوح بين 100 و 1000 ريال و ربما اكثر
و هذا يعتمد على المقاس و الجودة و نوعية الاطار
اطار جوديير ممكن تلاقيه غالي شوي بس يستاهل
اذا تبغى شيء ارخص و جودة عالية ايضا عليك بالدنلوب SP Sport 9000
===
اهلا اخوي بنز
ايش نوع الاطار اللي لقيته
و اذا كان اللي في بالي فسعر 240 مناسب جدا و الله اعلم
CoRolla_04
11-05-2005, 12:24 PM
السلام عليكم
ان اول مره ادخل على هذا الموضوع مع اني اشوفه من زماااااااااااااااااااااااااااااااااااااان
المهم
اخوي سنـاري ودي اغير الجنوط الي سيارتي واخذ لي جنوط اكبر
وابغي اعرف احسن الاحجام الي الجنوط الي على سيارتي جنوط 14 شد بلد
مع العلم ان سارتي ما هي مهبطه ( منزله )
والكفرات الي عليها الحين 205/60/14
وابغي اركب مقاس 16 او 17 وبالتحديد باركب 16
وفي رايك ويش الافضل للسياره 16 او 17 مع اني استخدم السياره في مشاوير
ونسيت اقول لك سيارتي كورلا 2004
سلااااااااااااااااااااام
الهاوي جروب
11-05-2005, 05:44 PM
اخوي سناري عندي سؤال هو سابق لأوانه ولكن ابي اعرف
الوالد معاه جيب سوزوكي جراند فيترى 2004
في حالت تلف كفراته ايش النوعيه الممتازه في نظرك ماتهمني النقشه قد مايهمني الراحه والهدوء والعمر الطويل
طبعا ارجوزا تعطيني تفاصيل
يعني الأرقام الي اقولها للبايع ولو قدرت تجيبلي شكل الكفر اكون لك من الشاكرين
http://www.suzukiauto.com/images/backgrounds/xl7.jpg
هذي صورت السياره
الظاهر الكفرات الي عليها بريجستون على فكره السياره من يوم ماشريناها لما تترك الطاره تحذف
سنـاري
13-05-2005, 03:55 PM
اهليين اخوي كرولا
و حياك الله في موضوعي
جنط 16 معقول بالنسبة لك
لكن 17 كبير
و المقاس هذا اللي اعطيتني هوا 205/60/14
ما اعتقد انه المقاس الاصلي للسيارة
عموما ياليت تكتب لي المقاس الاصلي عشان احاول اساعدك
=======
اهليين بالحبيب احمد
ياليت تقولي ايش المقاس الحالي للسيارة
و بالنسبة للحذفة روح وديها للوكالة وخليهم يصلحوها لك
و ما يصير خاطرك الا طيب
بربيكان
14-05-2005, 04:18 PM
الأخ الخبير الكبير .....
سناري
السلام عليكم ورحمة الله وبركاته
وأسعد الله جميع أوقاتك بالخير والبركات
عندي سؤال بسيط عن نوعية من أنواع الكفرات نزلت حديثا في السوق ( لها سنة تقريبا) وهي فيرينزا
كفرات يابانية الصنع .
مأدري إذا كان عندك فكرة عنها ولا لا .
لأني شفتها في المعرض ( وكيلها الهاجري) وأعجبتني دعستها لكن مأدري هل هي جيدة والا لا أتمنى منك ان تفيدني في هذا الموضوع علما أن مقاس الكفرات235/40/18.
شاكر لك على حسن تعاونك مقدما.
والسلام عليكم ورحمة االله وبركاته
أخوك /
بر بيكــــــــــــــــــــــــــان
CoRolla_04
15-05-2005, 12:18 PM
اهليين اخوي كرولا
و حياك الله في موضوعي
جنط 16 معقول بالنسبة لك
لكن 17 كبير
و المقاس هذا اللي اعطيتني هوا 205/60/14
ما اعتقد انه المقاس الاصلي للسيارة
عموما ياليت تكتب لي المقاس الاصلي عشان احاول اساعدك
مشكور على الرد
بالنسبه للكفرات حق الوكاله 185/70/14
وغيرتهم قبل شهر تقرينا وركبت 205/60/14
وان مصمم على 16 ابغي احسن مقاس ليه
مع العلم ان سيارتي ما هي مهبطه( منزله ) مثل ما اخذتها من الوكاله
وشكرا
سنـاري
16-05-2005, 01:13 AM
اهلا بالحبيب بيربيكان
في الحقيقة اول مرة اسمع عن اطارات اسمها فيرنزا
و اذا كان على الدعسات فعندك ميشلان و بيرجستون لديها جميع انواع الدعسات في العالم
الامر ما يعتمد على الدعسات فقط
و اذا تحب اساعدك في اختيار اطار جديد لسيارتك انا حاضر
====
اهليين اخي كورولا
انصحك بتركيب هذا المقاس
16\50\205
اذا تحب اساعدك في الاختيار ياليت تكتب لي متطلباتك
و الله يحييكم
بربيكان
16-05-2005, 02:31 PM
اهلا بالحبيب بيربيكان
في الحقيقة اول مرة اسمع عن اطارات اسمها فيرنزا
و اذا كان على الدعسات فعندك ميشلان و بيرجستون لديها جميع انواع الدعسات في العالم
الامر ما يعتمد على الدعسات فقط
و اذا تحب اساعدك في اختيار اطار جديد لسيارتك انا حاضر
====
الأخ العزيز: سناري شكراً جزيلاً لك ...........
بالنسبه للميشلان والله سعرها غالي جداً الكفر الواحد ب1000 ريال تقريباً..........
اما البريجستون ماسألت عنها ...........
وياليت لو تساعدني وتدلني على كفرات يكون سعرها في حدود 500ريال .........
والله يعطيك العافيه
سنـاري
16-05-2005, 04:19 PM
اهلا اخي بيربيكان
طيب ما علمتني ايش نوع السيارة و موديلها و المقاس الاصلي لها و المقاس الحالي و طلباتك في الاطار الجديد و الاشياء اللي تشتكي منها في الاطار الحالي
و سلامتك
CoRolla_04
16-05-2005, 05:13 PM
اهلين اخوي سناري
الحمد الله اخذت الجنوط بسعر حلو ومقاسهم 16/7.5 والشنبر عرضه حدود 3 سم
وباقي بس الكفرات ان شاء الله باركبهم بعد اسبوعين
وهذي صوره للجنوط
http://www.cars-club.com/gall/albums/userpics/Image%281%29.jpg
http://www.cars-club.com/gall/albums/userpics/Image%282%29.jpg
سنـاري
16-05-2005, 05:22 PM
الجنط رووووعة ماشاء الله تبارك الله
و بالبركة عليك
almusabi
01-06-2005, 10:57 AM
لسلام عليكم
يا اخ سنـاري انا عندي سيارة opel mega v6 3.2 2003 و مركب عليها من الوكالة تواير يوكوهاما
و الحين مشت السياره 30000 كم وبدئت التواير تطلع صوت مزعج
الوكالة قالولي لازم تبدل التواير لأن حالتها خطيره جدا و فيها انتفاخات و تواير اليوكوهاما عمراه 30000 كم فقط
المهم ارجو المساعده في تحديد نوعية الإطار لأني اتلعوزت حد يقولي ميشلان و حد بقولي بريللي و حد يقولي فايرستون و انا ابي إطار مايطلع صوت و مريح و ما يصير فيه انتفاخات و رجه. قالولي إن مافي تاير في العالم ما يطع صوت هالكلام صحي ح
قياس الإطارات 17 45 235 ولازم يكون هذا القياس ولا بتصير مشاكل في أنظمة السياره
الأوبل محتاجه تواير قويه لأنها سيارة ثقليه و سريعه وقويه
almusabi
01-06-2005, 11:08 AM
اخ سناري
نسيت اقولك انايهمي في الهدوء,العمر,الراحه,الثبات للاستخدام اليومي
الميزانيه مفتوحه
CoRolla_04
07-06-2005, 03:30 PM
اهليين اخي كورولا
انصحك بتركيب هذا المقاس
16\50\205
اذا تحب اساعدك في الاختيار ياليت تكتب لي متطلباتك
و الله يحييكم
السلام بس عندي سؤال اخوي سناري
حصلت نوعين في السوق وهم افضل شي ونفس المقاس الي قلته 205/50/16
دنلوب وسعره 1100
سموتومو وسعره 1000
والنوع الثاث قوديير بس غاااالي سعره 1400
والنوع الرابع تويو ب 1200
مع العلم كلهم جاباني الصنح وتاريخهم 2005
والصراحه محتار بين هذي الانواع
وان حاط 1500 الي الكفرات
ويش رايك افضل شي مع العلم اني استخدم السياره في مشاوير
وشكرا
EL_3grab
09-02-2006, 05:04 PM
السلام عليكم ..
أنا حبيت اغير توايري ..
السيارة كابرس رويال 02
التواير Advan A460 255/55 R16 94V
حبيت آخذ تواير التماسك فيها فظيع .. والتريد فيها بين الـ300 والـ200 ..
السيارة صارلها 4 سنين .. ومامشت الا 52 كيلو .. يعني بالمره تمشي ..
..
وقولي كم أقدر ازيد في العرض .. 260 ولا 265 .. مقدور ولا ..
وسلامي
هلا وغلا ..
أخوي سناري ...
أسمع أريد أغير تواير سيارتي المكسيما 02 رنج 16 أصلي .. شو تنصحني من الاطارات .... ويا ريت لو يكون المقاس 225/55 ... :banana:
أريدهن تواير عرااااااااض :D
منتظر افادتك لي .... :)
حصلت على البريدجستون توررنزا.. أخر نقشة وصيحة .. وياباني التاير الواحد 40 ريال عماني ... بالسعودي 400 ريال :D بالاماراتي 4000 درهم .. من الوكالة ... وبسعر خااااااص وليس سعر السوق ..:) بالإضافة إلى الميزانية رود وتواير ... :blink:
فشو الرأي ....
نسيت أخبرك ... بنوع الاطارات
بريدجستون 80 GR
R 16 225/55
والرنج الأصلي R 16 215/55
هل راح يسبب لي أية مشاكل أو هزة أو رجه ... ولو خفيفة ......... :mad1: :mad1:
منتظر افادتك بأسرع وقت ...
وشو رايك بالفالكون .... :black:
الارهابي
26-03-2006, 10:31 PM
سلام
اخوي سناري
ابغا كفرات 205\55 R16 او 215\55 R16
تكون هاااااااااااااااادئه
و مريحه
و عمرها طويل
و سعرها ما هو غااالي مره :cry1:
السياره سيات ليون 2002
الاستخدام يوميا حوالي 100 كيلو على الهايوي و السرعه 120 - 140
مشكور
bujassim
29-11-2006, 01:13 AM
السلام عليكم
جيت في وقتك
انا عندي مازدا3 2005
الاطارات الحالية 205/60/16
ما اوي اخير القياس
النوع: بريدجيستون، turanza ER30
ماشي عليها 40000
ما تغيرت من يومها، كل شي فيها تمام الى مشكلة الصوت
اللي عاجبني فيها الثبات و البريك (ممتازة) اللي مب عاجبني، الصوت المزعج
ناوي اغيرها ان شاء الله، اما بنفس الموديل او موديل مقارب له
طيب: انا لفيت السوق و في بالي 3 نوعيات
kumho
firestone
yokohama
باعتبار السعر و الثبات
الهدوء و الثبات و طولة العمر
الميزانية 1300 درهم
اي اقتراحات ثانية؟؟
a7madx
19-02-2008, 08:30 PM
السلام عليكم !!
انا عندي أكورد 2004 اربعة سلندر ومن بعد الروتيشن ال30 ألف كيلو اسمع صوت مزعج من الكفرات!
الكفرات Michelin Pilot Primacy إلي مع السيارة من الوكالة أحين ناوي ابدلهم شنو تنصحون؟ وسمعت انه Michelin Pilot Primacy G1 ألماني مو فرنسي بس شنو يفرق؟
مقاس الكفرات 16 - 60 - 205 V
اتمنى تساعدوني ؟
fafafa
25-02-2008, 02:40 PM
والله موضوع في قمت الروعه
وذو فوائد كبيره
انا عندي جمس 2006 طعا الكفر مقاس 17 غير ما قبله
الكفر اللي راكب عليه الان قودير ومعي الان سنتين تمام ولكن الكفر جيد فهل تنصحوني بتغيره واذا بدي اغير وش افضل كفر للجمس وكم سعره وزي ما قلتلكم الجنط 17
شاكر ومقدر تعاونكم