View Full Version : ابي رايكم اشتري لاندكروزر 2005 او لا؟
المجد التليد
06-10-2004, 09:40 PM
السلام عليكم
ارجو من جميع المهتمين والخبراء التفاعل
انا نويت اشتري لاندكروزر الجديد وسألت الوكاله قالوا بينزل في رمضان وميزانيتي 200 الف
ابي رايكم يااخوان علما بأني اريد سياره قويه في الطرق الوعره ومريحه في المدينه
وصرفية البانزين ماتهمني اهم شي الراحه والقوه علما بأني اريد vxr
قلق و رجه
06-10-2004, 09:50 PM
قسم بالله حرام تحط هذا السعر على هاذي السياره
اشتري يوكون فل كامل افضل مواصفات بمراحل وهو عندنا وتجربة شخصيه
وقوة وراحة وفخامة وسعر حلو
150 الف
واذا انت طامع بالافضل والاقوى لا تروح عن الكدلك اسكاليد
345 حصان
راحة خيالية
مواصفات خذ وخل
وشكل افضل من الاندكروزر بكثير
نصيحة فكر زين قارن لا تضيع فلوسك على هالسيارة
شكرا
لون الليل
06-10-2004, 10:00 PM
دام عندك 200 ألف ماشاء الله
ليش ما تاخذ طوارق :p
شكله احلى من الـ VX-R وبعدين ألماني :cool:
وبالتوفيق الغالي :glasses2:
Dentist
06-10-2004, 10:36 PM
رد مقتبس من المجد التليد
علما بأني اريد سياره قويه في الطرق الوعره ومريحه في المدينه
لاتنسوا هالملاحظة ياشباب
يعني الرجال يبي سيارة قوية وعملية ومريحة
انا أشوف ان اختيارك مناسب جدا
لكن العيب الوحيد هو انه على هالشكل من سنوات كثيرة ،والشكل الجديد قرب نزوله
يعني اتوقع مايمديك تتهنى فيه
أما عن السيارة ف
إذا كنت صاحب عائلة وتبغى سيارة دفع رباعي مريحة وقوية وعملية جدا جدا ومايهمك كثير قدم الشكل الحالي وانتشاره فأنصحك ماتبعد كثير عن اختيارك الحالي فهو الأمثل
الطوارق بصراحة حرام تتدفع هالسعر عليها مع احترامي لمحبي هالسيارة
لكن ما أشوف فيه أي شي مميز ! وسعره أكبر من حجمه
الاسكاليد ممتاز وقوي وخيار جيد .. لكن احسب حسابك مع الوكيل وقطع غياره
اليوكون ممتاز جدا وسعره مناسب ومواصفاته حلوه كثير
لو قلت للمدينة والخطوط معاك
بس المشكلة انك ذكرت كلمة " بر " :OO:
عشان كذا اشوف انه مو مناسب
عندك بعد خيار جديد وممتاز
الباترول الجديد:banana:
روح الوكالة شوفه واطلب تجربته
بس لأنه جديد فما عندي عنه اي خبره
وفي النهاية
بالسعر اللي حددته و للمهام اللي طلبتها أنا أشوف ان اختيارك سليم ومناسب
وبالتوفيق ان شالله
لون الليل
06-10-2004, 10:38 PM
الطوارق 6 سلندر فل اوبشن بـ 140 ألف تقريبا
يعني شوفوا الفرق بينه وبين الـ vx-r
علي عبدالله
06-10-2004, 11:41 PM
من ناحية اختيارك اقدر اقولك وان مطمئن انه من افضل الاختيارات انا استخدم نفس السيارة بس
طراز جي اكس يعني ست سلندرات وماشية معي تمام والحمدلله ماعليها كلام :)
بس من ناحية ثانية اشوف لو تنتظر الشكل الجديد لان مابقى كثير على نزوله صراحة
وحرام انك تشتري الحين وبعد سنة والا سنتين يتغير الشكل :rolleyes:
خصوصا انك قاعد تتكلم عن طراز vxr يعني القمة وبالتالي راح يكلفك مبلغ محترم بالتالي يفضل انك تضع المبلغ هذا في الشكل الجديد افضل لك
..هذا ولاتنسى ان تلقي نظرة على السيارات الجديدة المنافسة كما قال الشباب لتكون لديك فكرة كاملة ..
والله الموفق الى كل خير :)
TOP-SECRET
06-10-2004, 11:51 PM
ليش ماتاخذ لك نيسان سوبر سفاري يكون مع نظام ماجلان وزينون وشكله قمه في الروعه وعزمه جبار ومميزاته ممتازه وسعره 185 الف ريال قطري للفل اوبشن:)
انصحك اذا انت مب راعي سباق وسرعه تاخذ قير تيبترونيك لانه ممتاز وقوي والكل الحين بدأ يترك القير عادي وياخذ له قير عادي+اوتو:)
لكن اذا انت معجب في الكروزر انا من ناحيتي انصحك فيه والسياره ماعليها كلام بس رايي من راي راعي البيج انك تنطر وتاخذ الشكل الجديد لان الـ2005 نزل عندنا وماتغير شي غير الخطوط:)
تحياتي
زورو الامارات
07-10-2004, 12:18 AM
السلام عليكم ورحمة الله وبركاته
نصيحتي لك اشتري لكزس 470 ال اكس وزيد فلوسك شوي
حرام تحط لاندكروزر بمواصفات كامله وانت موصل سعر اللكزس
فكر وماراح تندم خصوصا ان الالوان الجديده الي نزلت عليه روعه
بس مثل ماقالوا لك احتمال السنه الجايه يغيرونهم
الأنصاري
07-10-2004, 12:28 AM
اذا نويت تشتري لاندكروزر تاكد من ثلاث اشياء
اولا انك تشتري افضل سيارة دفع رباعي مستحيل احد يعيبها
ثانيا ان عندك اعلى سيارة قيمة وقت اعادة البيع
ثالثا انك تشتري افضل سيارة دفع رباعي وموضوع الخربات انساه نهائيا
يعيب السيارة شئ واحد ان شكلها راح يتغير في السنوات القادمه فقط
اذا ماهمك هذا الشئ فبقية سيارات الدفع الرباعي ماتسوى شئ جدامها
uae speed
07-10-2004, 12:36 AM
اللاند كروزر مثل الشيك في جيبك !!
متى ما حبيت تبيعه تلقى له الف شراي وبسعر ممتاز ..!
المجد التليد
07-10-2004, 06:10 PM
بسم الله ابدأ بالرد عليكم واحد واحد
قلق و رجه
يا اخي الغالي انا لا ارغب بأي سياره امريكيه ولعلمك عندنا جمس وياكثر خرابه
ثانيا الكدلك اسكاليد اكثر من 200 الف ولايصبر في البر ثم انا جربت قيادة الاندكروزر وهي مريحه وفخمة وجلد والمكيف الكتروني وراسيه ودفع رباعي دائم وماتحس بالسرعه ...عموما شكرا لك
------------------------------
لون الليل
بارك الله فيك كم سعر الطوارق ؟؟ وهل يصبر في الطرق الوعره
---------------------------
المجد التليد
07-10-2004, 06:18 PM
Dentist
يالغالي انا ماعندي عائله لكني احب السيارات القويه وذات الدفع الرباعي اما بخصوص الباترل فهو في بالي لكن انا جربت 2001 ومشكلته يتفكك وتسمع اصوات كثيره بخلاف الاند فهو متماسك وعندما تسرع فيه يدخل الهواء عليك من كل جهه ولكنه قوي ويتحمل
----------------------------------------
راعي البيج
الاند حسب معلوماتي راح يتغير في تاريخ 2007 يعني راح ينزل اواخر 2006 إلى ان يأتي اليوم الموعود يصير لكل حادث حديث
-------------------------------------
زورو الامارات
الله يهديك الكزس الجديد حوالي 250 الف عموما شكرا لك
-------------------
الأنصاري
الشيء الوحيد الي مخليني اتردد هو ان شكلها بيتغير لكن عموما يمديني اشبع منها إلى نهاية عام 2006
سنـاري
07-10-2004, 08:17 PM
اخوي الكريم المجد التليد
دائما احب ان ابدأ حديثي في مثل هذه المواضيع بقول : ( لو كنت مكانك )
انا انسان عملي و احب تكون اغراضي عملية في كل شيء
عشان كذا بقولك لو عندي نص مليون مو 200 الف بس
لو عندي نص مليون ما افكر احطها في الطوارق و لا الكايين و الاشكال هذه
افضل الجيوب من وجهة نظري في العالم كله هي الآتي :
1- لكزس LX470
2- تويوتا لاندكروزر VX-R
3- فورد اكسبديشن
طبعا جيب اللكزس زي ما تفضلت اعلى من المبلغ اللي انت مخصصه لسيارة
و الفورد امريكي و انت تقول ما تبغى الامريكي
مالك الا اختيار واحد و هو الاندكروزر
و الله لو بيتغير شكله بكرة ... مو خسارة في جيب زي كذا ابدا
و مبروك مقدما
و الله يعطيك خير السيارة الجديدة و يكفيك شرها
:p
لاندكروزر ماشاء اللة تبارك اللة اتحداك تخربها ههههههههههه
جامد ماشاء اللة عمي معة لكزس 470 جيب ومنبسط منها كثير وهذي تقريباً
اول سيارة تطول معة موديلها 2003 ومعزم يبدلها في الوكالة بموديل 2004
يقول سيارة ماعليها جامدة quality
علماً انة جرب اغلب الجيوب اذا مو كلها والهمر اشتراها شهر فقط
لاكن لية ماتفكر في الرنج روفر هيبة وربي
القسام
08-10-2004, 10:32 PM
السلام عليكم ورحمة الله وبركاته
اليست تضاريس اليمن اكثر وعورة وصعوبة .... جبال وديان وسهول :corsair:
الاكثر استخداماً ..... لاند كروزر :banana:
وبصراحة vxr بتكون احسن واكثر رفاهية .... لتجتمع مع الاداء القوي :banana:
واذا فكرة تبيع ...:glasses2: المشتري موجووووود .... تطلع 5000 او تنزل 5000
قريباً عرضة عليا لاند كروزر vxr موديل 2001 و بـ ((62000)) نظيفة ... ايش رئيك تسوى
خبير نيسان
10-10-2004, 04:29 PM
اذا دفع رباعي جرب باترول موديل 2005 العن ابوووووووووووووه عليه قومه قوي قوي حده
روح الوكاله وتقدر اتروح تست درايف يعطونك السياره اتجربهه الكروزر واجد نازل مامنه فايده لاكن الباترول الجديد رفيع وقوه كبيره :shock2:
جربه وانا اعطيك ضمان :D
الأنصاري
10-10-2004, 05:39 PM
رحلة أمل مستحيل يكون هذا السعر صحيح 8 سلندر ونظيف وموديل 2001 ب62 الف:D :D يمكن نيسان
الكروزرات بشكل عام 2003 فوق 100 الف بجميع انواعها وال8 سلندر فوق 160 الف
موديلات 2002 و2001 ال6 سلندر في 90-80 وال8 مادري والله بس فوق 100
الموديلات القديمة 98-99 تيجي ب60 ب50 على حسب نظافتها
لو كان الشكل القديم 97 ينباع ب50 الف:D :D
انا اقولك لو راعي السيارة مايدري عن السوق اشتريه وانت مغمض
المجد التليد شوف اخوي
تبي فخامه ورزه_قورة ومواصفات_سيارة عائلية شبالية_قطع غيار متوفرة_وحش في البر_اعلى قيمة بيع =مافي غير الكروزر
أمير أبوظبي
10-10-2004, 09:14 PM
رد مقتبس من الأنصاري
اذا نويت تشتري لاندكروزر تاكد من ثلاث اشياء
اولا انك تشتري افضل سيارة دفع رباعي مستحيل احد يعيبها
ثانيا ان عندك اعلى سيارة قيمة وقت اعادة البيع
ثالثا انك تشتري افضل سيارة دفع رباعي وموضوع الخربات انساه نهائيا
يعيب السيارة شئ واحد ان شكلها راح يتغير في السنوات القادمه فقط
اذا ماهمك هذا الشئ فبقية سيارات الدفع الرباعي ماتسوى شئ جدامها