PDA

View Full Version : استفسار عن اي نوع من الاطارات؟؟!!


الصفحات : [1] 2

grandv8
19-08-2004, 01:41 PM
السلام عليكم ورحمة الله وبركاته

اخونا سناري ماشاء الله عليه خبير اطارات السيارات،والي حاب يسأل عن اي شي بالنسبة للاطارات
ويتكرم يسأل اخونا الكريم،في اي نوع من الاطارات ،وان شاء الله اخونا مايقصر معانا.

تحياتي لك اخي

:)

TOP-SECRET
19-08-2004, 02:01 PM
السلام عليكم ورحمة الله وبركاته

مشكور مشرفنا على التنبيه وان شاء الله اي استفسار ماراح اتردد في طرحه للأخ سناري والله يعطيكم جميعا الصحه والعافيه وعساكم على القوه:)

سنـاري
19-08-2004, 02:48 PM
انا حاضر و في خدمتكم دائما

اي سؤال او استفسار او معلومة بإمكانكم كتابتها هنا في المنتدى او مراسلتي على الرسائل الخاصة

و راح ابحث عن المعلومة المطلوبة و اجاوبكم عنها حسب خبرتي المتواضعة

مع رجائي في حالة البحث عن اطار مناسب الرجاء كتابة ظروف الاستخدام و موديل السيارة و نوعها او مقاس الاطار الحالي او المطلوب ان امكن

و شكرا لك اخي محمد على الموضوع و على هذا الجهد الملحوظ و الله يعطيك العافية

و تقبلوا خالص الشكر و التقدير

اخوكم

سناري

:)

TOP-SECRET
19-08-2004, 03:40 PM
ان شاء الله ابشر

ذكرتني فيه واحد من الشباب يستفسر عن الاطارات اخوي سناري تنصحه بالبالون على الاند كروزر طبعا شكله حلو على السياره بس هل هو مناسب لها ماراح يسوي لي مشاكل في المستقبل وموديل السياره 2001:) طبعا هو عاجبه للشكل بس

سنـاري
19-08-2004, 05:18 PM
اهلا بالغالي \ Top - Secret

ما فهمتك قصدك بكلمة البالون

من جهة اخرى الجيوب و السيارات بشكل عام حتى ان كان استخدامها خفيف و وسط المدينة يفضل انك تراعي الجودة قبل الشكل

و قبل اسبوعين تقريبا ركبت لواحد كفرات بريلي سكوربيون على اللاند كروزر تبعه و كلفنا 2700 ريال و بعد الخصم الخاص :glasses: 2150 ريال

مع كافة الخدمات المصاحبة لتركيب الاطار ( وزن - نيتروجين - ترصيص - ... )

نقشته من اروع ما يكون اضفى اداء و ثبات و هدوء اكثر على السيارة

الدنلوب ممتاز و عندنا واحد ماشيين عليه اكثر من 120 الف كيلو و الحمدلله من افضل ما يكون لكن ليس بجودة البريلي و سعر الكفر الواحد 377 ريال من غير وزنية

الميشلان ممتاز و لازم تراعي فيه مكان صناعته و هو في الاصل فرنسي الصنع و هناك عدة صناعات اخرى منها البرازيلي و التايلندي و الايطالي و الاسباني و هذين الاخيرين افضل الصناعات بعد الفرنسي سعر الكفر الواحد 500 ريال من غير المكاسرة :rolleyes:

و اي خدمة انا حاضر

:glasses2:

kalifornia
19-08-2004, 06:03 PM
salam all
sorry I cant type in Arabic...
I have ToyotaCamry 4 Cylinder..i thinkthe tyre size is 195....i drive the 50Kms to Jebel Ali everyday .....What r the good tyres to buy 4 the car with BrandNAme,Size,Location and Price if possibe.....im in UAE if u wanna know

Kalifornia:D

black scorpion
20-08-2004, 03:56 AM
اشكر مشرفنا العزيز على الموضوع .
:)
احب اسأل الاخ العزيز سناري ( معليش تحملنا على الاسئلة) انا عندي جيب نيسان باث فايندر وكفرات بلده 245/70/16 و غيرتها لكفرات ميشلان بس ما كان متوفر الا مقاس 235/70/16 ودحين لازم اغيرها ماشي عليها تقريباً 80.000كم ولها اكتر من سنتين وانا محتار بين نوعين:
الميشلان وموجود نفس المقاس
البريللي و المقاس اللي موجود اكبر من مقاس بلدها بشي بسيط بس مني فاكره
اسعارهم الاثنين متقاربه من بعض
اذا في انواع اخرى تنصحني بها فا ياريت تقوللي ايش الافضل
ومشكور مقدماً

ابو دانه
20-08-2004, 04:15 AM
وانا عندي نفس سؤال الاخ black scorpion

بخصوص كفرات الباثفايندر ولكن عندي الجنط 17 ( موديل 2003 )
راكب فيه شد بلد كفرات برجستون 245\65\17 ولكنهم قاسين في الرمل ومطبهم مزعج
مدري اذا فيه كفرات من نوع ثاني ونفس المقاس ولكن تكون اكثر ليونه

ولك شكري وتقديري

سنـاري
20-08-2004, 04:38 AM
اخوي كالفورنيا

انا اقترح عليك و بناء على كلامك انك تدور على كفر هادئ و مريح ( لانك تسوق مسافات طويلة ) و اذا بحثت عن هذه الميزة ممكن يقل عندك التماسك و الثبات و لكن ليس معنى ذلك انك تفقد هذه الميزة المهمة

في عندك كفر ميشلان Pilot XGT H4

http://www.tirerack.com/images/tires/michelin/mi_pilot_xgt_h4.jpg

و في كفر ممتاز جدا من يوكوهاما اسمه Silent

هادئ جدا و مركب طقم منه على اللومينا 2001 و من افضل ما يكون

http://www.yrc.co.jp/pr/html/2002/0203/images/02018E_2.gif

و ايضا في كفر من يوكوهاما اسمه avid هذا لو لقيته افضل لك من الميشلان هادئ جدا و مريح

http://www.tirerack.com/images/tires/yokohama/yo_avid_touring_ci2_l.jpg


و شوف هذا الموضوع فيه معلومات ممكن انت والاخوة الاعضاء تستفيدوا منها

http://www.swalif.net/sforum1/showthread.php?s=&threadid=193620

و انا في الخدمة

:)

سنـاري
20-08-2004, 05:43 AM
اهلا فيك اخوي black scorpion

عندي لك كفرات على اسمك :D بريلي سكوربيون

http://www.pirelli.de/de_DE/tyres/car_suv/scorpion/images/scorpion_str.jpg

هذه ممتازة جدا بس غالية جدا مقارنة ببقية الكفرات و انا مركب هذه الكفرات بالضبط على اللاند كروزر ممتازة و رائعة و من احلى ما يكون

و ممكن تركب المقاس هذا 255\65\16

دورت لك على كفر بيرجستون لقيت الكفر اللي يجي شد بلد

و فعلا زي ما قال اخوي ابو دانه

حصل هذا الكفر على تقييم ضعيف 6.5 من 10 في الهدوء و الراحة

افضل تصنيف حصل عليه الكفر هو في التماسك على الخطوط الجافة و حصل على تقدير 7.2 من 10

و عندك هذا الكفر من جوديير حصل على اعلى درجات التقييم و اسمه Fortera HL

http://www.tirerack.com/images/tires/goodyear/gy_fortera_hl_edition_ci2_l.jpg

و في كفر من بيرجستون ممتاز ايضا اسمه Dueler Alenza

هذا و الله اعلم

:)

==========

اهلا فيك اخوي ابو دانة

في كفر من ميشلان مخصص للباحثين عن الهدوء و الراحة اثناء القيادة

و هذا هو الكفر

http://www.michelinman.com/images/catalog/tires/ltx_ms_large.jpg

اسمه LTX

و ايضا كفر البريلي السكوربيون ممتاز و مريح جدا

http://www.auto-internet.gr/archives/images/news_images/Pirelli_Scorpion_STR.jpg

http://www.opony.com.pl/opony/foto_new/Pirelli_ScorpionSTR.jpg

لكن في ملاحظة بسيطة و هي انه الكفر حتى لو كان مريح و هادئ لابد ان تقل هذه الميزة تدريجيا بسبب احتكاك و تآكل الكفر بسبب الظروف المناخية و كثرة الاستخدام و غالبا تبدأ بملاحظة هذا الشيء بعد السنة الاولى من الاستخدام او بعد 30 الف كم

و اي خدمة يا شباب انا حاضر

:)

Irmscher 3.0
20-08-2004, 08:09 PM
السلام عليكم

في البدايه شكرا على هذه الخدمه الطيبه

سناري ..

ناوي أغير اطارات السياره بعد كم يوم فياريت تقولي رأيك بالفالكون هذا الموديل ( Ziex ZE-512 ) سعر الأربع اطارات 1560درهم مع ضمان الوكيل

http://www.falkentire.com/images/tires_512_hdr.jpg

هذا الاطار يمدحه زميل بالعمل مركبنه على مرسيدس (شبح) ويقول أنه جيد وما يطلع صوت وسافر فيه للسعوديه ولا يزال مركب عالسياره

سيارتي نوع أوبل أوميغا والاطار الحالي اللي عليها يوكوهاما AVS Sport وبصراحه مو مرتاح معاهم لأنهم يطلعون صوت

وياريت تقولي رأيك بالفالكون و Maxxis والاطارات الكوريه بشكل عام

آسف على الاطاله .. شكرا

black scorpion
20-08-2004, 08:32 PM
مشكور عزيزي سناري بس ابغا اسأل اذا حطيت مقاس 255\65\16
ما يتأثر عزم السيارة ولا السرعة القصوى او استهلاك الوقود؟؟؟
وكم سعر الطقم كامل مع التركيب والنتروجين بالنسبة للسكوربيون(طبعاً التركيب في الوكالة حقت البريللي) وايش رأيك في الميشلان الساينكرون؟؟

ALTIMA
20-08-2004, 08:39 PM
اي نوع من الأطارات يليق على جنوط التيربو

بسم الله الرحمن الرحيم
السلام عليكم ورحمة الله وبركاته

الصراحة انا عندي جنوط تيربو
وابي أركبهم على سيارتي الألتيما
ابي اعرف اي نوع من الأطارات يليق عليهم

أرجو الرد


أخوكمALTIMA

سنـاري
21-08-2004, 09:26 AM
اخي الكريم \ Irmscher 3.0

اعتقد انك تقصد كفر الفالكين Falken و ليس الفالكون

هذا النوع من الكفرات يحطون عليه احلى اشكال النقشات ( الدعسات ) لكن بدون جودة

و خصوصا كفر Ziex شكله جميل جدا و انا مركب واحد قريب من شكله بس نوعيته بوتنزا من بيرجستون

و هذه حال كل الكفرات الكورية و بعض اليابانية ( هانكوك - كومهو - تويو - فالكين - .... )

قد يكون شكلها مميز لكن مواصفاتها سيئة و بعضها يصل الينا هنا و هو غير صالح للاستخدام على طرقنا اطلاقا

و بسم الله ماشاء الله اوبل اوميجا معروفة بعازليتها للاصوات الخارجية و بثباتها على الطرقات

انا انصحك انك تركب كفر بريلي P 6000

ثبات و جودة و هدوء كبير

و عندك ايضا كفر الميشلان pilot افضل نوع في كفرات الميشلان

انا شخصيا افضل الـ p 6000 على الـ Pilot

و الله يكتب لك الي فيه الخير

========

اخوي العقرب الاسود

المقاس اللي انت حطيته مناسب جدا و ما راح يأثر عليك ابدا

التأثير ممكن يحصل في حالة انك كبرت مقاس الجنط و زدت فرق كبير في المقاسات

و بالنسبة لك انت ممكن الطقم مع كامل الخدمات يطلع عليك بـ 2300 ريال تقريبا

و بالنسبة للميشلان الساينكرون يعتبر من الكفرات الجيدة للجيوب لكن مواصفات و ميزات السكوربيون تطغى عليه و انا افضل البريلي سكوربيون

و الله يكتبلك اللي فيه الخير

======================

اخوي التيما

لا اعلم ماذا تقصد بجنوط التيربو

لكن ما فهمته من كلامك انك تريد اطارات رياضية تعطي افضل اداء تحت اقسى الظروف

عندك البريلي زيرو نيرو و لكن هذا الكفر رياضي بحت يعني يجي دعسات واطيه و عرض كبير و مقاس كبير ايضا

لكن عندي سؤالين

1- ماهي المميزات التي تود الحصول عليها من الكفر

2- ماهو المقاس الذي ترغب في الحصول عليه


:)

و تحياتي للجميع،،،،

Third Eye
21-08-2004, 01:08 PM
كيفك اخوي سناري

رحت لبريلي قالولي يركب عندي الــ4000 بس مصنوع في أسبانيا فهونت

رحت أشوف الكونتتنتال زي الى عندي قالوا الشركة بطلت تزله من 6 شهور

قالولي مافي إلا اليوكوهاما والتويو الى قدامي

الرجال نصحني بالتويو فإيش رايك فيه هو إسمه 600 مدري إيش ؟؟؟



:D

سنـاري
21-08-2004, 02:47 PM
اهليين اخوي third eye

البريلي الاسباني ممتاز و جودته عاليه زي الميشلان الاسباني

الكونتينينتال انا شخصيا غير مقتنع فيه لوجود شركات اخرى تفوقه في الجودة و الصناعة

اليوكوهاما كفراتها ممتازة و افضل من الكونتينينتال لكن مشكلة هذه الكفرات اختلاف الجودة من كفر لآخر و ايضا هناك شركات افضل منها في صناعة و انتاج الاطارات

التويو سيء للغاية و لكن مدى سوء الكفر يختلف من اطار لآخر لكن كل منتج من هذه الشركة يتسابق للوصول الى قاع جودة الصناعة

==========

هذه هي الكفرات التي ذكرتها انت في مشاركتك

و نظرا لانك مجرب البيرجستون التورنزا و لم يعجبك اداءه فأنا انصحك بمشاهدة اطار اسمه B700 من بيرجستون ايضا و هو بالتأكيد افضل من اليوكوهاما

و ايضا هذا الكفر من بيرجستون

http://www.tirerack.com/images/tires/bridgestone/bs_turanza_lsh_vz_ci2_l.jpg

و اسمه تورنزا LS -h

هذا الكفر من افضل صناعات البيرجستون و قد لا اجد خيار افضل من هذا الكفر مناسب لسيارتك

و هناك ايضا كفر الميشلان هارموني http://www.michelinman.com/images/catalog/tires/hydroedge_medium.jpg

و هذا الكفر ممتاز جدا و لكن في المقابل غالي جدا

بس يعطيك ثبات ماله مثيل

==============

هذه هي الاطارات الثلاثة اللي انصحك فيها و اضمن لك انك تعدي 100 الف كم فيها بالراحة ( خاصة الكفرين الآخيرين ) بس شرط انك تحافظ على كفراتك


هذا و الله اعلم ....

:)

ALTIMA
21-08-2004, 03:37 PM
السلام عليكم ورحمة الله وبركاته
تسلم أخوي على المعلومة


وانا أقصد بجنوط التيربو اللي هم جنوط الزد 300

الميزة اللي ابيها أن شكل السيارة يطلع حلو
المقاس الي اريده 205

سنـاري
21-08-2004, 05:05 PM
اهلين اخوي التيما

متأكد من هذا المقاس !!!

و لو انت متأكد ممكن اخذ المقاس كامل زي مثلا 225\50\16

لان حسب المعلومات الي عندي انه الزد التيربو عرض الكفر 225

و الكفر الخلفي مقاسه يختلف عن الكفر الامامي


و تحياتي للجميع،،،

:glasses2:

ALTIMA
21-08-2004, 05:44 PM
السلام عليكم ورحمة الله وبركاته

اهلين اخوي سناري

الصراحة انا مأعرف للأطارات

بس أنا عندي جنوط حق زد تييربو

وابي أركب عليهم اطارات حجم 205

والسيارة ALTIMA

ويش تنصحني اخوي سناري

أخوك ALTIMA

سنـاري
21-08-2004, 10:27 PM
ابشر و لا يهمك اخوي التيما

انت تقول انك تبغى كفر يضيف جمال للسيارة

و انا اعرض عليك هذه الاطارات و جميعها تتوفر بعرض 205 كما طلبت

1- http://www.pirelli.com/MEDIA/TyreCatalog/1000017_P6000_big.gif

هذا الكفر انا مجربه شخصيا و لاحظت فرق كبير جدا في الاداء و خصوصا في الثبات

ثبات مذهل جدا لابعد الحدود هذا بالاضافة الى نقشته المميزة جدا

اسمه بريلي P 6000


2- http://www.autobytel-japan.com/goods/tire/bridgestone/potenza_g3.jpg

http://wwwms.axisinc.co.jp/potenza/g3/g3tech/g3tire.jpg

http://www.tgkoleso.ru:8082/catalog/tyres/bridgestone/images/g3.gif

هذا الكفر انا مركبه شخصيا على سيارتي و من افضل الكفرات الي جربتها و انا مرتاح منه جدا و شكله جميل جدا

و اسمه بيرجستون بوتنزا G III


3- http://www.autobytel-japan.com/goods/tire/michelin/pilot_sport.jpg

هذا الكفر صحيح انه سعره غالي شوية بس يستاهل

و هو من افضل منتجات شركة ميشلان

اسمه pilot sport


ان شاء الله اكون افدتك بهذه المشاركة

و اي خدمة انا حاضر

و لا تنسونا من دعائكم:rolleyes:


و تحياتي لكم ....

:)

Irmscher 3.0
22-08-2004, 02:25 AM
شكرا سنـاري

اللي خلاني أفكر بالفالكين هو الميزانيه فقط لا غير :D والا الاطارات اللي قلت عنها معروفه ولا يعلى عليها بالجوده والسعر بعد :D خصوصا ميشلان وهو اللي يأتي مع السياره من الوكاله وأنا سائل عنهم قبل سنتين هم والبيريلي والبرجستون والقود يير والكونتينتال وكلهم كانوا ب700درهم للواحد كأنهم مسوين معاهده :D .. شكرا على النصيحه

MR.FOCUS
22-08-2004, 04:26 AM
السلام عليكم ورحمة الله وبركاته....

مشكور اخونا سيناري على هذه المعلومات القيمة ...

ودي تعطيني كم معلومة عن كفرات تويو مقاس 55/205 .. لأني مركبهم على سيارتي الفورد فوكس ..
وحاس إنهم مطلعين صوت شوي مزعج بس تماسكهم قوي ...
think:


و السلام::

سنـاري
22-08-2004, 09:09 AM
اخوي Irmscher 3.0

اغلى الاطارات بريلي و يليه مباشرة ميشلان و هم افضل شركتين لصناعة و انتاج الكفرات

يأتي بعدهم في السعر بيرجستون و لديهم بعض الاطارات تتفوق على ميشلان و بريلي

و اسعارهم معقولة جدا

كفر بوتنزا مقاس 16 سعره 300 ريال و ممكن يصير اقل مع المكاسرة

يعني ممكن الطقم يطلع عليك 1100 ريال مثلا

و هذا سعر ممتاز جدا

اذا تبغى شركات سعرها اقل و طبعا الجودة اقل ايضا لكن تظل افضل من الفالكين

عندك شركتي يوكوهاما و دنلوب طبعا ما انسى الجوديير الي تعتبر من الشركات الرائدة في صناعة الاطارات


لكن لو حسبتها كفر الميشلان يعيش معاك مثلا 130 الف كم

بينما لن يتجاوز عمر كفر الفالكين 60 الف كم على اقصى تقدير

و لو حسبت قيمة طقمين فالكين راح يطلع عليك تقريبا بـ 3000 ريال بينما طقم الميشلان 2800 ريال

هذا الكلام حسب الاسعار الي انت كتبتها

======

من ناحية ثانية الانواع الرخيصة الموجودة في السوق عندنا هي كالتالي :

مارشال - فالكين - هانكوك - كومهو - التويو

افضل نوع من هذه الكفرات هو الهانكوك

لكن يظل هناك فجوة كبيرة بينه و بين البيرجستون في جودة الصناعة

لكن هذه الشركة تظل افضل السيئين


هذا و الله اعلم

و حاضرين لأي خدمة

:)

سنـاري
22-08-2004, 10:44 AM
اخوي فوكس

هذا اكيد مو الحجم الطبيعي لاطاراتك

و مالقيت اي معلومات عن كفر تويو 205\55

لكن من الكلام الي كتبته انت باين ان الكفر من عائلة proxes و الله اعلم

حيكون شيء جميل لو تعطيني الاسم الي مكتوب على الكفر

و خاصة اذا كان مكتوب Proxes ياليت تقلي ايش الرموز الي مكتوبه جنبه

زي مثلا TZ 1 او ST


و تحياتي لكم ....

:)

A7medo
22-08-2004, 04:51 PM
السلام عليكم ورحمة الله وبركاته


انا الحين امقرب على تبديل كفرات السيارة

بس بغيت كفرات تستحمل جو الخليج

شي ثاني اتكون مناسبة حق السرعة

ومريحة و مايكون له صوت مزعج



مع العلم ان السيارة جالانت 6 سلندر قياس الرنقات 16"



مشكور اخوي سناري يعطيك الف عافية

نواف بن أحمد
23-08-2004, 02:01 AM
السلام عليكم ..
أقدم شكر للمشرف وللخبير سناري..

انا استشرته في أحد المواضيع عن اطار لسيارتي كيا ريو

ونصحني ببرجيستون b700

وركبته ماشاء الله تمام ..

بس ركبت الطقم بـ 600 ريال مدري كيف السعر طيب ولا لأ ..

وشكرا مرة أخرى ..

MR.FOCUS
23-08-2004, 02:41 AM
هو صحيح مو الكفر الطبيعي للسيارة لان مقاسه الاصلي 195/55/R15
و الرموز اللي طلبتها هي بالضبط
205/55/R15
proxes T1-S 88V

واعذرني على الرد المتأخر

CL 600
23-08-2004, 06:47 AM
أولاً .. أتقدم بالشكر الجزيل للمشرف العزيز محمد .. والأخ الغالي سناري .. على هذا الجهد الطيب .


ثانياً .. عندي جيب تروبر سبورت .. والكفرات إللي راكبه الآن هي بي إف قودريش ( نفس إللي راكبه في همر2 ) وأرغب الآن في تغييرها .. أريد نصيحتكم مع الأخذ بالاعتبارات التالية :

1- يكون مخصص للرمال النعامة وتسلق الكثبان الرملية ( التطعيس ) .
2- يكون مناسب للمناطق الجبليّة الصخريّة .
3- يكون مريح بقدر المستطاع في الشوارع وداخل المدينة .
4- يكون المقاس 16/75/265 أو 16/70/275

علماً أن الكفر الحالي قيمته 570 ريال للكفر الواحد وهو نفس الموجود في همر 2 باختلاف المقاس طبعاً.
http://www.jeddah4x4.com/images/photogall/Toyota/large/04.jpg

ولك جزيل الشكر




تحياتي لك ,,
ماجد

سنـاري
23-08-2004, 10:52 AM
اخي الحبيب \ A7medo

اهلا فيك يا غالي و اشكرك على توضيح ظروف الاستخدام و المواصفات المطلوبة بهذا الشكل الجميل

انصحك بالبيرجستون فئة Potenza

انا مركب Potenza G III

شكل جانبي للاطار

http://fit-id.hp.infoseek.co.jp/DSCN305111.jpg

شكل امامي

http://www.tgkoleso.ru:8082/catalog/tyres/bridgestone/images/g3.gif

و الحمدلله مرتاح جدا منه

و فيه فئات اخرى من Potenza ممكن تشوفها اجمل لكن الاداء متقارب بينهم

و هي بوتنزا RE750

http://ivo.nu/albums/thunderbird/potenza_re750.sized.jpg

http://www.v6performance.net/reviews/data/18/5538Potenza_RE_750.jpg


و بوتنزا S03

http://www.bigwheels.net/tires/bridgestone/potenza_s03_pole_position.jpg

و هذا شكل جانبي له

http://www.ameritech.net/users/trdcelica/matrix.jpg


و انا اضمن لك ان هذه الاطارات ستلبي احتياجاتك بشكل كامل و وافي ان شاء الله شريطة ان تشتري اطار حديث الصنع و تحافظ على ضغط الهواء في الاطار و تقوم بتبديل مكان الاطارات كل 10 الاف كيلو

و الله يكتبلك اللي فيه الخير

و اذا محتاج اي شيء انا في الخدمة

و لا تنسونا من صالح دعائكم

:)

سنـاري
23-08-2004, 10:55 AM
اخي الحبيب \ نواف بن أحمد

اهلا بيك يالغالي

شكرا لك على الاطراء

و اسعدتني مداخلتك

و الصنف B700

كفر ممتاز جدا للسيارات الصغيرة

و بالنسبة للسعر معقول نوعا ماء نظرا لأن فئة B700 جديدة في الاسواق

على عكس الفئة B70

و ان شاء الله تتهنى فيه الين ما يحبل :eek: ... بعد عمر طويل ان شاء الله

و بالبركة

و لاتنسانا من الدعاء


:glasses2:

سنـاري
23-08-2004, 11:02 AM
اخي الحبيب \ Mr. Focus

كما توقعت الكفر اللي عندك من عائلة الـ Proxes

هذه النوعية جيدة و لكن منتجاتهم لا تصل الينا بالمواصفات المناسبة لاجوائنا

و بالنسبة للكفر تبعك

http://www.geocities.com/MotorCity/Flats/3877/t1simage.jpg

تقيمه ممتاز جدا و مصنف في قائمة Max performance او Ultra high performance

لكن المشكلة انه عمره الافتراضي قصير مقارنة بغيره من الاطارات

بالاضافة الى ان الاطار لا يأتي مناسب لدرجات الحرارة العالية عندنا و لا يوجد مستورد جيد لها

عموما بغض النظر عن هذه النقاط

اطارات التويو من قسم Proxes هي اطارات رياضية بحته ... دعسات واطية - مقاسات كبيرة - و عرض كبير

و ان شاء الله تكون المعلومات كافية بالنسبة لك

و تقبل خالص الشكر و التقدير

:D

سنـاري
23-08-2004, 11:20 AM
اخي الحبيب \ ماجد ( CL 600 )

اهلا فيك يا غالي و اشكرك على التوضيح و التفصيل المميز ماشاء الله عليك ( مقاس - صورة - شركة - ميزات - اسم السيارة ) يعني ماشاء الله شكلك متمرس في مسألة الاطارات :banana: .. الله يعطيك العافية

اطارات BFgoodrich معروفه بجودتها و قوتها

لكن للاسف انا شخصيا ما قد جربتها على اي سيارة و لا اعلم مواقع مراكز بيعها في المنطقة الغربية من السعودية و انا فهمت من كلامك انك ترغب في اطار من نفس الشركة

و بالمناسبة صعب انك تجمع بين اطار يكون مناسب للمناطق الوعرة و الجبلية و خاص بتسلق الصخور و بين اطار اخر مناسب للسير فوق الكثبان الرملية و مريح ايضا في نفس الوقت

عموما

من خلال ابحاثي في الانترنت و قراءاتي اجد هذا الكفر مناسب نوعا ماء لاستخدامك

http://www.autobytel-japan.com/goods/tire/bfg/radial.jpg

و هو من شركة بي اف جودريتش

اما اذا كنت تريد اطارات من نوع آخر

عندك البريللي سكوربيون و يتوفر بأكثر من نوع و بإمكانك الذهاب الى المركز الرئيسي الواقع في طريق المدينة بالقرب من شارع صاري و كأنك رايح على البغدادية او البلد و تشوف هذه الانواع على الطبيعة

و هذا الاطار هو اكثر اطار اثق فيه من بين جميع اطارات الجيوب الاخرى ... و هو اهل لهذه الثقة

و ايضا هناك البيرجستون Deuler H \ L

و الله يكتب لك اللي فيه الخير

:)

SKYLINE GTR
23-08-2004, 09:47 PM
بريجستون بوتنزا G3 وتوكل على الله

اطار ولا احلى منه

Third Eye
23-08-2004, 11:16 PM
أشكرك أخوي سناري

أخيراً ركبت الكفرات بعد فرفرة ودوراة ووجع راس في كيلو 2


ركبت بريلي P4000


الصراحة ماشاء الله هدوء وتماسك مايحتاج

إن شاء الله ربنا يقدرنا ونردها لك يالغالي


تحيااتي

الأنصاري
24-08-2004, 01:39 AM
اخوي سناري بما انك خبير عندي لك كم سؤال

انا عندي لاندكروزر الجنوط حجم 17 والتواير هي دنلوب وهي ممتازة جدا بس بعد 120 كم تسوي صوت ليس مزعج انا تعودت علية بس حبيت استفسر هل في احسن منها كخطوة مستقبلية مثلا هل الميشلان افضل


وسيارة الوالد باجيرو حجم الجنط 16 تيجي عليها تواير يوكوهاما وانا اشوفها ممتازة السيارة ماشية 50 الف ونقشة التاير ممتازة بس عدنا في قطر هذة التواير غير متوفرة الا عند الوكيل فهل ايضا في لها بديل مناسب مثلا البرجستون


حبيت اعرف اقتراحاتك

MR.FOCUS
24-08-2004, 03:42 AM
مشكور اخوا سناري على المعلومات الممتازة .....
و ارجو لك التوفيق والتقدم لما فيه الافضل....



و السلام:)

سنـاري
24-08-2004, 10:10 AM
اخوي Skyline GTR

شكرا لمشاركتك و زي ما تفضلت حضرتك انه البيرجستون بوتنزا G III من الاطارات الممتازة

و شكله انا و انت الوحيدين الي مركبين هذا الاطار المذهل (':banana:')

سنـاري
24-08-2004, 10:13 AM
اهلين بالغالي third eye

مبروك الكفر الجديد و الله يعطيك خيره و يكفيك شره

و مشاركتك هذه اسعدتني جدا

و الحمدلله الموضوع هذاك اللي وصل صفحتين جاب نتيجة:eek:


و الله يعطيك العافية

:)

سنـاري
24-08-2004, 10:28 AM
اهلا بالحبيب بو عبود

فينك يا رجل و الله اشتقنا لك

و الحمدلله على سلامة الرجوع الى ارض قطر الخير


بالنسبة لاطارات الدنلوب تبع اللاند كروزر ممتازة جدا و مسألة الصوت هذه قد تكون من الاذرعة شخصيا انا ما لاحظت صوت غريب عندنا في الجيوب و عندنا طقم دنلوب مشينا عليه اكثر من 120 الف من غير اي مشاكل و الحمدلله ذحين غيرناه الى طقم بريلي و من اروع ما يكون

بالنسبة لاستفسارك عن الميشلان الخاص بالجيوب في نوع يجي اسمه L \ X

و هذا مخصص للباحثين عن الهدوء و هو ممتاز جدا و في عندك البريلي ممتاز ايضا و انت شوف الي يناسبك اكثر منهم

بس انتبه من اليوكوهاما تبع جيوب الكروزر نقشته غريبة جدا و مخصص للاجواء الثلجية و للاسف جالسين يبيعوه عندنا

كفر الباجيرو اعرفه مزبوط و هو يوكوهاما بس كفر ممتاز و على مستوى عالي من الاداء و للاسف زي ما تفضلت ما يبيعوه الا في الوكالة

في كفر من بيرجستون اسمه Dueler H \ L ممتاز جدا جدا

http://www.mastercare-usa.com/pics/tire_catalog/product_page/tire/bridgestone-duelerhl.gif

http://sprint-j.velvet.jp/dueler.jpg

انصحك فيه للباجيرو و اتأكد انه نفس النقشة هذه لانه احيانا يجي نفس الاسم بس في اختلاف في النقشات بسبب اختلاف في الرموز


و تقبل اطيب التحايا و التقدير

:)

سنـاري
24-08-2004, 10:30 AM
اهليين اخوي Mr. Focus

مشاركتك اسعدتني جدا

و انا في الخدمة يا غالي

:)

الأنصاري
24-08-2004, 02:44 PM
مشكور وماقصرت اخوي سنـاري :D :D اشهد انك خبير

سؤال خارجي يتضح من كل نصايحك في التواير الاوربية والتواير اليابانية

بخصوص التواير الكورية هل هي تعبانة فعلا
مثل
الكومهو
الهانكوك
النيكسون

سنـاري
25-08-2004, 11:06 AM
اهلين بوعبود

العفو يا غالي و انا في الخدمة

كلامك صحيح اخوي و اضف اليهم بعض الشركات الامريكية

اما الشركات الاخرى سواء الكورية او غيرها ما انصح فيها

و خاصة القائمة التي ذكرتها و اضف اليها التويو و المارشال و فالكين و البقية تأتي

و خليني اذكر لك احد التجارب الي مريت فيها و احكم بنفسك

قبل مدة بسيطة كنت مع واحد معاه سيارة كيا و 90% من الاطارات الي تجي مع الكيا هي هانكوك ما عدا جيب سورينتو تجي كفراته كومهو

و كانت السيارة جديدة ما كملت 40 الف كم

و كنا ماشيين بين 40 و 60 و فجأة سمعنا و حسينا ان الكفر فيه مشكلة عبل ما وقفنا السيارة على جنب لقينا الكفر رايح ستين قطعه

و المرة الثانية انا كنت مركب بيرجستون B70 و كنت ماشي في خط سفر و فجأة اسمع صوت احتكاك قوي في الجهة اليمين في البداية حسبت انه تريلا ماشية جنبي و صوتها عالي و الي معايا يقول انه حسب السيارة انصدمت و فجأة حسيت الطارة ثقيلة و جنبت على جنب و كان الوقت ليل و الطريق مظلم يعني ماني شايف الكفر المهم فكيت الكفر و ركبت الاستبنه و لما وصلت طلعت الكفر المفقوع و ادور مكان الشق ماني لاقي الكفر شكله كانه جديد لكن تخيل لو انك كنت مركب هانكوك كيف كان حيكون وضعك ... !!!

هذا بالاضافة الى فرق جودة الصناعة الموجودة في البيرجستون و الميشلان و البريلي و الجوديير و الدنلوب و اليوكوهاما صعب جدا انك تقارن بين اطارات في هذا المستوى مع اطارات زي هانكوك و كومهو و فالكين


و تقبل خالص التحيا و التقدير

:)

A7medo
25-08-2004, 04:34 PM
يعطيك العافية اخوي سناري ماقصرت .

والله يجعل هذا العمل من ميزان حسناتك .

سنـاري
25-08-2004, 05:13 PM
اهلا بالمبدع \ A7medo

الله يعافيك يا غالي و ما سوينا الا الواجب

و الله يسمع منك


و تحياتي لك ...

:)

until the end
26-08-2004, 02:05 AM
السلام عليكم ورحمة الله وبركاته
ياريت كم سؤال اخوي سناري ولو اضن انا ثقلنا عليك
انا عندي مرسيدس 230 عليها رنقات 15 كفر الي عليها بريلي 205/65/15 ايش رايك لو بدلتهم ابقياس 225 /65/15 هذ اول سؤال السؤال الثاني والمهم ............ عندي نيسان باترول موديل 99 وابغه اغير كفراته الكفرات الي عليه برجستون دويلر ht ايش رايك لو بدلتهم ب at او ايش الفرق بين الاثنين او ايش المناشى الموجوده يعني فيه منه امتياز واله صناعه بلد واحد
مشكور اخوي اسف عله الاطاله

until the end
26-08-2004, 02:12 AM
نسيت سؤال ثاني ياريت يالعزيز انك تكتب الزموز الي تيجي على التواير كل واحد ومعناه لو مافيها تعب عليك ومشكور مره ثانيه

سنـاري
26-08-2004, 06:48 AM
اهلا فيك اخوي until the end

1- المقاس اللي انت ناوي تركبه ما راح يضر السيارة ان شاء الله

2- اذا انت استخدامك للجيب داخل البلد و في السفريات يعني للطرق المعبدة استعمل Dueler H T

و اذا انت تبغاه للتطعيس و الجبال استخدم Dueler A T REVO و هذا احسن كفر ممكن تستخدمه للتطعيس

الفرق بين الاثنين زي ما قلتلك يعتمد على استخدامك انت

و كلها صناعة يابانية و جودتها لا يعلى عليها

3- الكفر كله رموز و حروف فيه مثلا الحروف الي تدل على السرعة القصوى للكفر و هذه غالبا علامة روتينية لاني انا مشيت على كفر اكثر من السرعة المحددة عليه بـ 50 كم \ س و لا صار شيء الحمدلله ... هذا مو تشجيع على السرعة لا ... لكن فقط لتوضيح ما يلتبس على البعض

فيه رموز تدل على تاريخ صناعة الكفر و هذه مهمة جدا جدا و تأتي بالشكل التالي : على سبيل المثال

0804

و هذا يعني ان الكفر مصنوع في الاسبوع الثامن من سنة 2004 يعني في آخر فبراير

و لازم تنتبه ايضا الى مكان صناعة الكفر على سبيل المثال

بيرجستون - يوكوهاما - دنلوب من اليابان

ميشلان .. الاصلي من فرنسا و لا مانع من كون الكفر مصنوع في اسبانيا او ايطاليا و انتبه ترى اكثر البناشر عندهم ميشلان تايلندي ... !!!!

بريلي ايطالي

جوديير امريكي

و هكذا ....

و ايضا تأتي رموز لدرجة تحمل الكفر للحرارة و افضلها المصنفة تحت فئة A و ايضا نفس التصنيف للـتماسك و الاداء

و هناك حروف تدل على اقصى ضغط يتحمله الاطار او احيانا يأتي الضغط المناسب للاطار

و ايضا توجد حروف تدل على اجتياز الاطار لاختبار الجودة الامريكي

و ايضا مكتوب المواد المصنوع منها الاطار


ان شاء الله اكون افدتك بهذه المشاركة

و الله يحييك

:)

الهاوي جروب
26-08-2004, 06:56 AM
السلام عليكم ورحمة الله وبركاته

اشكر الأخ جراند المشرف

والشكر الجزيل للأخ سناري فلم اكن اتوقع حقيقتا ان هناك شخص له خبره في هذى المجال بالكنت اقول اجتهاد فقط

اخي الفاضل عندي سؤال واسمحلي على جهلي

لدي سياره صني موديل 99 مقاس الجنط 13

احتاج منك النصح

لايهمني الشكل اهتم بالجوده والراحه

فأنصحني بارك الله فيك

سنـاري
26-08-2004, 01:08 PM
اهلا بك اخي الحبيب \ محمد العلي

انصحك يا عزيزي بتركيب اطارات بيرجستون B700 مع مراعاة حداثة تاريخ الصنع و ان لا يكون مخزن لفترة طويلة

و ابتعد عن شراء الاطارات من البناشر الموجودة في المحطات و لا تشتري الا من الوكيل او من الموزع المعتمد

و يفضل ان تشتري الاطار الجديد بدعسة اعرض من الحالية بمقدار 10 او 20 ملم

و هذا له فائدة كبيرة جدا ان شاء الله و سينعكس تأثيره على كل من ( الفرامل - الثبات - الهدوء )

المقاس الذي انصح فيه هو 13\70\185

و للاستفادة اكثر بإمكانك الرجوع لأعلى الصفحة الثانية من هذا الموضوع و مشاهدة مشاركة اخي نواف بن احمد و رأيه حول اطارات B700

و الله يكتبلك الي فيه الخير

تحياتي لك ....

سناري

:)

Faisal20o0
27-08-2004, 07:59 AM
السلام عليكم اخوي سناري
الصراحه مجهود كبير كبير كبير وماااعندي غير كلمة ألف ألف شكر للي تسويه

وعندي استفسار الله لايهينك

عندي اوبل اوميجا وجاي عليها من بلدها كفرات بريللي P7
الصراحه تجربتي معها موب لذيك الدرجه يعني وفيها مشكله انا اشتكيت منها
وغيري كثير بعد نفس حالتي وهي انها (( تحبّل )) حتى لو اخذت حفره بسيطه على سرعه عاليه

وانا الحين بغير كفراتي ولما رحت لبريللي قالوا لي ان الـ P7 خلاص انقطع ونزل بداله نوع ثاني
اللي هو P6 وانهم نزلوه بدال P7 عشان المشاكل اللي فيه
ومقاسه
135-45-17

بس كويس مدام لقيت هالموضوع وانت ماتقصر مع الشباب فقلت أسأل عشان مااخسر على الفاضي
خصوصا أن الكفر بـ 700 وشوي

فهل فعلا الـ P6 يستاهل اني اركبه والا لا ؟؟


وشكراً

سنـاري
27-08-2004, 01:03 PM
اهليين اخوي فيصل

العفو يا غالي و انا سعيد بخدمتكم و مساعدتكم و لا تنسونا من صالح دعائكم

الكفرات الي تجي على السيارة من بلدها غالبا تكون غير مناسبة للقيادة في الظروف المحيطة بنا

و كفرات بريلي P7 كفرات ممتازة جدا و استغرب ما قلته عنها ... لكن ربما لمواصفات الكفر السيئة و طول مدة التخزين سبب في ظهور بعض المشاكل فيه

عموما

انا لاحظت من كلامك انه استخدامك قاسي و راعي سرعات ( استخدام رياضي )

و بالتالي اطار P6 ما يصلح لك

عندك اطار بريلي P zero nero

http://www.pcauto.com.cn/qcyp/peijian/0312/pic/031222_pirellipzero_01.jpg

اطار اكثر من رائع و مناسب جدا لاستخدامك و لكن عيبه سعره المرتفع جدا

الاطار الثاني هو

ميشلان pilot sport

http://www.detnews.com/pix/2004/03/10/0drive/dr10-soupPilot-0304n-2.jpg

http://www.pcauto.com.cn/qcyp/pingce/0312/pic/031215_tiretest_05.jpg

و شخصيا ارى ان هذا الاطار افضل من سابقه


و الله يعطيك العافية

:)

الهاوي جروب
27-08-2004, 04:12 PM
شكرا لك اخي سناري

جعلها الله في ميزان حسناتك

سنـاري
28-08-2004, 05:03 AM
العفو يا غالي

و الله يسمع منك

:)

Faisal20o0
28-08-2004, 05:10 AM
أشكرك اخوي سناري

وفعلا مثل ماقلت استخدامي للسياره شوي قاسي
المشكله صارت عاده ماتقدر تنفك منها :cry1:

كويس طيب يعني نطلع بالأخير بكفرات ميشلان
مع اني مقتنع بـ برللي أكثر

لكن هل سعرها مقارب للـ P6 والا مرتفع عنه مره ؟

سنـاري
28-08-2004, 05:40 AM
يا مرحبا اخوي فيصل

لا تستهين بالميشلان ابدا

كفر مجنوووووون

و فيه تجارب كثيرة لي حلوة مع هذه الشركة الرائعة

و ايضا بريلي شركة ممتازة و عندنا سيارة مركب عليها كفر P 6000

انا اعتبر هذا الكفر واحد من افضل الكفرات الي جربتهم شخصيا

على العموم

الكفرات الي اقترحتها عليك في المشاركة السابقة

اثنينها حلوين و ممتازين

انا شخصيا افضل الميشلان Pilot sport PS2 على البريلي بي زيرو نيرو

بس هذا ما يقلل ابدا من جودة و كفاءة البريلي

و سعر البريلي زيرو نيرو اغلى بكثير من الـ P6

و خاصة ان مقاس اطاراتك 17 يعني السعر حيكون غالي جدا جدا

و سواء اخترت الميشلان او البريلي

انا اضمن لك الحصول على النتائج التالية

اداء مذهل - ثبات و تماسك لأبعد الحدود - سلاسة و هدوء و راحة في القيادة - عمر طويل - ....

و لو رأيت ان هذه الاطارات مكلفة جدا او غير مناسبة لك ممكن اجيب لك مجموعة اخرى من الاقتراحات و لكن اقل ميزات من سابقيها


و تحياتي للجميع ،،،،

:)

Faisal20o0
28-08-2004, 10:14 AM
واللهي ماقصرت اخوي سناري

انا الصراحه كنت بركب P6 بعد ماقلت لي عن سعرها
بس لول انك قلت انك راح تقترح علي اقتراحات ثانيه :D
الصراحه انا مايهمني الهدوء والراحه بكثر مايهمني التماااااسك والثباات
(وتحملها) لأني ابببداً ماأفضضل انه يطق علي كفر وانا امشي فوق 140 :headshak:

سنـاري
28-08-2004, 03:06 PM
اهليين اخوي فيصل

و شيء ممتاز انك وضحت لي مطالبك في الاطار الجديد ( الثبات و التماسك )

و الاقتراحات الجديدة هي

1- بيرجستون

* Potenza RE730

http://www.tirepros.com/img/products/bridge_RE730.gif

من افضل الاطارات في التماسك و الثبات انا انصحك فيها بس انتبه لا تطب في الفالكين ترا عندهم نقشات حلوة و كلها منسوخة من شركات بريلي و بيرجستون و عندهم كفر زي هذا بالضبط

* Potenza RE750

http://www.automotivetech.org/photopost/data/515/1bs_potenza_re750_ci2_l.jpg

اطار ممتاز جدا في الثبات و التماسك و جودة رائعة و هذه ميزة اطارات بيرجستون بوتنزا

2- يوكوهاما A046

http://www.tirerack.com/images/tires/yokohama/yo_a046d_ci2_l.jpg

3- ميشلان بايلوت سبورت

http://www.tirepros.com/img/products/mich_pilotsport.gif

هذه كلها اطارات ممتازة

و بالنسبة لاطار بريلي P6 ممتاز جدا لكن ما يناسب استخدامك زي الكفرات الي انا كاتبها لاني منقيها لك تنقيه خاصة حسب احتياجك

بس شرط انك ما تعدي سرعة 270 لانه ممكن ينفقع الكفر عليك و انا ماني مسؤول:eek: :eek:

اما الثبات فهذه هي النقطة الاساسية الي اعتمدت عليها قبل ما اقترح عليك اي اقتراح


و نصيحة اخوية لك ابتعد عن السرعة و لا تتجاوز 120 في الطرق السريعة ولا 80 في وسط البلد

انا مركب اطار رياضي و مسوي زحمة فيه :D و في النهاية على الخطوط الطويلة ما اعدي 110 او 120

و الله يكتبلك الي فيه الخير

:)

الأنصاري
28-08-2004, 05:08 PM
هلا اخوي سناري حبيت استمر معاك في موضوع الإطارات لأن الصراحة الواحد صعب يحصل خبير مثلك

السؤال هو
ايش هي التواير الي تنصح فيها للوانيتات اليابانية الصغيرة مثل الهايلوكس والددتسن والمتسوبيشي
الملاحظ ان تواير الهلكس تيجي من الشركة يوكوهاما واعتقد ان الددتسن دنلوب او برجستون

والموضوع الثاني ايش الفرق بين التواير التيوب وتواير التيوبلس ((بدون تيوب))
هل التواير بدون تيوب افضل
هل هي مقياس لجودة التاير

اتمنى تشرح لنا هذا الموضوع وسمعت من واحد من الزملاء ان تواير الهلكس الخلفية تيوب والأمامية تيوب لس فهل هذا صحيح ولا دجل من محل الإطارات

كابريس
29-08-2004, 01:30 AM
سيارتي كامري Gli موديل 2001

مقاس الكفرات 195/70/R14

الكفرات الموجودة حاليا هي من نوع بريدجستون نفس الي تجي على السيارة من الوكالة

ايش افضل الكفرات الي تنصحني بيها ( اي شي غير البريدجستون الي يجي من الوكالة لأنه مايجيب اكتر من 30.000 كلم :cry:

مايهمني السعر اهم شيء الثبات والراحة ويكون الكفر عمره طويل وجزاك الله خير :banana:


ولو انك من جدة ياليت تدلني على المكان الي احصلها فيه .. ويفضل وكالة :banana:

سنـاري
29-08-2004, 03:28 AM
اهلا حبيبي بوعبود

استمرارك يسعدني جدا و الله لا يحرمنا من تواصلك الطيب

بالنسبة للونيتات خليك على اليوكوهاما و الله كفر ممتاز جدا عندنا كم ونيت دايما سفريات على الخرج و بيشة و القصيم و نحمل عليه بضايع و انت عارف لو انفقع كفر لا قدر الله حتصير مشكلة كبيرة و خاصة انه البضايع ورا في الحوض

و الحمدلله ما واجهنا اي مشكلة في الكفر اطلاقا بسم الله ماشاء الله عليه

و بالنسبة للبيرجستون ايضا كفر ممتاز جدا و لكني افضل اليوكوهاما عليه

اما الدنلوب فهي شركة ممتازة و لكني لم اجرب اطاراتها الخاصة بالونيتات


----

السؤال الثاني و الخاص بالتيوب

الاطارات الحديثة 95% منها تيوبلس ( من غير تيوب ) و ذلك لانها اكثر امانا

لذلك التيوبلس افضل من التيوب في الاطار و الذي يعتبر تقنية قديمة اختفت مع تقدم صناعة الاطارات

و من فوائد التيوبلس

لا يتأثر بسرعة من الحرارة - الاطار يصبح اخف وزنا - تسارع و فرامل اقوى - اقل خطورة عند حدوث مشكلة في الاطار - و العديد من الفوائد الكثيرة

و بالنسبة للمعلومة الاخيرة هذه اول مرة اسمعها و لا اعتقد بصحتها

هذا و الله اعلم

:)

سنـاري
29-08-2004, 04:32 AM
اهليين اخوي كابريس

الراحة و طول مدة استخدام الكفر هذه ميزات سهل انك تلاقيها للسيارات ذات المقاسات الصغير 13 - 14

لكن الثبات و هو اهم ميزة رياضية صعب انك تلاقيه و اذا لقيته ما راح تقدر تجمعه مع ميزات اخرى مثل الراحة و طولة العمر

على العموم انا بحاول اني اديك كفرات ان شاء الله تركبها و تدعيلي


1- ميشلان RainForce MX4

http://www.calgaryhonda.ca/oscommerce/catalog/images/michelin-rainforcemx4.jpg


2- ميشلان Pilot XGT

http://www.aaarims.com/wheels/mi-pilot-xgt-h4.JPG


3- بريلي P 4000

http://www.naisnet.co.jp/PIRELLI/p4000/p4000/p4000.jpg


هذا افضل كفرات اقدر انصحك فيها و مستحيل تلاقي كفرات احسن منها و اكثر ملائمة لمتطلباتك و احتياجاتك

و بالمناسبة

في واحد من الاخوان كان يدور عن افضل اطارات للكامري 2001 و شوف تعليقه على الكفر الي ركبه

http://www.swalif.net/sforum1/showthread.php?s=&postid=1549256#post1549256

و بالنسبة لمركز اطارات بريلي موجود في طريق المدينة بالقرب من شارع صاري كأنك رايح على البلد

و مركز بيع ميشلان ما ادري عنه لانهم كل مرة يغيروا اماكنهم مرة عند دوار الفلك و مرة في شارع فلسطين لكن ان شاء الله واحد من الاخوان يفيدك عنهم و اذا ما قدرت تلاقي مركزهم روح لـ ك2 تلاقي كل انواع الكفرات في العالم:D مع انه نصها مضروبة و مخزنة بس انت روح لمحل معروف و كبير و بضاعته تمشي اول بأول مافي شيء يتخزن لمدة طويله عنده

و الله يكتب لك الي فيه الخير

:)

Faisal20o0
29-08-2004, 08:35 AM
اخوي سناري

ويييييين عاد 270 مره وحده :D
لاتحسبني مجرم عاد ترا ماجبت الا 250 مره وحده وبالياااالله بعد :blink:

وان شاء الله راح تبدأ رحلت البحث عن وكالاتها من يوم الاثنين الجاي :D

واشكرك اخوي مره ثانيه وماقصرت

سنـاري
29-08-2004, 10:31 AM
بالتوفيق اخوي

و لا تنسى تبشرنا بالكفرات الجديدة و تقلنا ايش رايك فيها


:)

mill_955
29-08-2004, 12:25 PM
اخوي سنـاري

انا ابي اسالك عن كفرات الشاهين وش رايك فيها او اذا عندك نوع افضل خاص بالقياده على الرمال ياليت تفيدنا

وبالنسبه للمقاسات انا ابي :

16/70/275 او 15/70/275

وبالنسبه للاخ اللي يسال عن وكالة ميشلان تلقاها على طريق المدينه جنب وكالة مرسيدس (الجفالي) الجديده

سنـاري
29-08-2004, 02:11 PM
اهلا اخوي mill_955

اعتقد قصدك كفرات السوميتومو

هذه الكفرات لم اجربها شخصيا و لكن لدي خيارات افضل منها بكثير

1- بيرجستون Dueler A \ T

http://www.4x4review.com/products/tires/DuelerATRevo2.jpg

http://fordtruckworld.tenmagazines.com/gallery/00f150/271881.jpg

http://fordtruckworld.tenmagazines.com/gallery/00f150/264690.jpg

هذا الاطار اعتبره افضل اطار للقيادة في الطرق الوعرة و تلاقيه في الشركة الموجودة في شارع فلسطين عند الكوبري الي يودي على البلد من شارع الستين


2- جوديير رانجلر

http://www.4x4review.com/products/tires/goodyear-gsa.jpg

http://www.users.waitrose.com/~4wd/images/mtr.jpg

من افضل الاطارات المخصصة للقيادة في الطرق الوعرة


3- بريلي سكوربيون A \ T

http://pirelli1.narod.ru/scorpion_at.gif


هذا الاطار ممتاز ايضا و لكن بيرجستون افضل منه


و الله يكتب لك الي فيه الخير

:)

TOP-SECRET
29-08-2004, 05:22 PM
مرحبا اخوي سناري تم تركب اطارات بيرلي للاند كروزر مادري هل هي ممتازه او لا:)

ولاحظت مكتوب عليها SRT اعتقد مش متأكد مادري شنو معناها:)

سنـاري
29-08-2004, 11:23 PM
الف مبروك اخوي TOP SECRET

و الله يعطيك خير الكفر و يكفيك شره

الكفر الي انت مركبه الآن ممتاز جدا و احلى شيء فيه الهدوء و التماسك

بس ما قلت لي الكفر دفعة عام كم و كم مخلي ضغطه و بكم طلع عليك و من فين اشتريته

و ياليت تجربه في كل الظروف و تقولي رأيك فيه و ايش واجهت من سلبيات و ايجابيات


و اي خدمة انا حاضر

و بالبركة

:)

grandv8
29-08-2004, 11:38 PM
السلام عليكم ورحمة الله وبركاته

اخوي سنارى
بارك الله لك اخوي على مل ماتفعله وتساعد الجميع وماتعمله من خير،ويزيد من حسناتك ان شاء الله.

اخوي انا ركبت اطارات ميشلان على سياراتي جيب غراند شيروكي
مواصفات الاطارات
Michelin pilot LTX
245/65/R17
107H LTX M+S

بصراحة هي المرة الثانية ركبته على سيارتي والاطارات كملت عندي سنتين ونصف تقريبا،اطارات هادية وخفيفة ،ونقشتها ماتغيرت مع اني كنت قاسي مع الاطارات،والهواؤ معبأ به نتروجين ومما ساعد الاطار اكثر معي انا.
بس آخر المدة من انتهاء صلاحية الاطار قام تظهر منه اصوات مزعجة بس ماتحس معاه على سرعات عالية.

وانا ابحث عن هذا الموديل من الاطارات من سنة كاملة لين قبل شهر حصلته من طول عناء.
سعر اربع الاطارات 2100 درهم.

حمدالله اطارات حلوة ومريحة وقوية.

اشكرك اخوي مرة ثانية.
تحياتي لك اخي الكريم

:D

سنـاري
30-08-2004, 04:32 AM
و عليكم السلام و رحمة الله و بركاته

اهليين حبيبي محمد

العفو يا غالي و هذا واجبنا و الله يسمع منك

الاطار الي انت ركبته ممتاز جدا و مميز في كل شيء بسم الله ماشاء الله

و المبلغ الي دفعته معقول جدا

و الله يهنيك فيه

بس لاتنسى نقطة مهمة جدا

و هي تبديل مكان الاطارات كل 7000 - 9000 كم

و ان شاء الله كذا عمرها يطول اكثر و تعطيك اداء افضل

و شكرا لمشاركتك بتجربتك الرائعة و ان شاء الله يستفيدوا منها الاخوان


و الله يعطيك العافية

:)

Performance
30-08-2004, 02:23 PM
بسم الله الرحمن الرحيم
السلام عليكم ورحمة الله وبركاته

هذي هي مشاركتي الاولى في المنتدى وأتمنى أكون خفيف عليكم شباب.
عندي استفسار بسيط

في واحد من الربع عنده كيا شوما موديل 2001 عليها إطارات هانكوك مقاس
P185/65 R14 85H ويحب يركب إطارات مناسبة بحيث تزيد من ثبات وهدوء السيارة
علما بأن جانب باب الراكب الأمامي مكتوب عليه مقاسين الأول وإلي ذكرته سابقا ولي
هو على السيارة و والثاني هو P195/60 R14 85H وهل ممكن يركب مقاس أكبر من
إلي مذكور على السياره.

ياريت من الخبراء في الإطارات أو إلي عنده معلومة أن يفيدوني

ودمتم.........

سنـاري
30-08-2004, 08:18 PM
اهلا اخوي Performance

حياك الله في منتدى سوالف و نورتنا بمشاركتك

انت تبحث عن الثبات و الهدوء

و انا راح احط لك الخيارات المتوفرة على حسب سعرها

1- بيرجستون B700 أو B70 انا مجرب الاثنين على سيارات البيت و كلهم ممتازين ... سعر الطقم ما راح يزيد عن 650 ريال في اقصى الظروف

2- ميشلان RainForce MX4

و لو كنت انا مكانك و عندي سيارة كيا شوما راح اختار لها بيرجستون لانه انسب لها من غيره

و بالتأكيد ممكن تركب مقاس اكبر لكن انا افضل انك تظل على نفس المقاسات المكتوبه و اذا بتزيد المقاس عشان الثبات زيد العرض حقها بس


و الله يكتب لك الي فيه الخير

:)

كابريس
31-08-2004, 03:03 PM
رد مقتبس من سنـاري
اهليين اخوي كابريس

الراحة و طول مدة استخدام الكفر هذه ميزات سهل انك تلاقيها للسيارات ذات المقاسات الصغير 13 - 14

لكن الثبات و هو اهم ميزة رياضية صعب انك تلاقيه و اذا لقيته ما راح تقدر تجمعه مع ميزات اخرى مثل الراحة و طولة العمر

على العموم انا بحاول اني اديك كفرات ان شاء الله تركبها و تدعيلي


1- ميشلان RainForce MX4

http://www.calgaryhonda.ca/oscommerce/catalog/images/michelin-rainforcemx4.jpg


2- ميشلان Pilot XGT

http://www.aaarims.com/wheels/mi-pilot-xgt-h4.JPG


3- بريلي P 4000

http://www.naisnet.co.jp/PIRELLI/p4000/p4000/p4000.jpg


هذا افضل كفرات اقدر انصحك فيها و مستحيل تلاقي كفرات احسن منها و اكثر ملائمة لمتطلباتك و احتياجاتك

و بالمناسبة

في واحد من الاخوان كان يدور عن افضل اطارات للكامري 2001 و شوف تعليقه على الكفر الي ركبه

http://www.swalif.net/sforum1/showthread.php?s=&postid=1549256#post1549256

و بالنسبة لمركز اطارات بريلي موجود في طريق المدينة بالقرب من شارع صاري كأنك رايح على البلد

و مركز بيع ميشلان ما ادري عنه لانهم كل مرة يغيروا اماكنهم مرة عند دوار الفلك و مرة في شارع فلسطين لكن ان شاء الله واحد من الاخوان يفيدك عنهم و اذا ما قدرت تلاقي مركزهم روح لـ ك2 تلاقي كل انواع الكفرات في العالم:D مع انه نصها مضروبة و مخزنة بس انت روح لمحل معروف و كبير و بضاعته تمشي اول بأول مافي شيء يتخزن لمدة طويله عنده

و الله يكتب لك الي فيه الخير

:)



جزاك الله خير :banana:


وان شاء الله اشوف بريللي هادي المرة


بس ان شاء الله احصل مكانه بسرعة :banana:

grandv8
01-09-2004, 05:31 PM
السلام عليكم ورحمة الله وبركاته

اخ سناري بارك الله لك اخوي الكريم ماعلى ماتقدمه لنا من خبرة ومعرفة بالاطارات ،ويزيدك بميزان حسناتك.

واشكر لك على ردك على موضوعي،وانا اخوي ابدل الاطارات كل 10 الاف كلم اغير اتجاه الاطارات.

تحياتي لك
:D

سنـاري
01-09-2004, 11:34 PM
اهليين حبيبي كابريس

لا تنسى تبشرنا بالكفر الي ركبته و قلنا عن تجربتك معاه

و الله يوفقك للي فيه الخير يارب

----------

اهلا بالحبيب grandv8

شكرا لمشاركتك التي اثلجت صدري و اعطتني دفعة معنوية كبيرة:rolleyes:

و الله يسمع منك اخوي

و حركة ممتازة انك تغير الاطارات كل 10 الاف كم

بس منت ملاحظة انه سوقي طاح هاليومين مافي استفسارات عن الاطارات ابدا :D

على فكرة انا افكر افتح مركز خدمة سيارات و مركز متكامل يحتوي على أفضل الاطارات و المركز مزود بأحدث الاجهزة لخدمة الاطارات مع طقم عمال فلبيني و راح اخلي اسم المحل مركز سوالف لخدمة السيارات:)

و ناوي افتحه في شارع التحلية منها انه قريب من البيت و منها انه الشباب كلهم هناك

ايش رايك في الفكرة بس المشكلة انه ميزانيتي كلها 22 ريال و انا رايح احلق ذحين يعني تسلفني كم مليون بس اردها لك بعد كم يوم:eek: :eek:

و تحياتي لك ...

:D

grandv8
01-09-2004, 11:42 PM
السلام عليكم ورحمة الله وبركاته


اخوي سناري
هلا بك اخوي وبالتوفيق وشغل الاطارات عندكم بجدة مناسبة وربحها كثير ،لان شوارعكم والله يعينكم كلها حفر وبروز غطاء البلاعات،.
احسن ان السيارات ماتعيش كثير الا وصايرة مفككة.
بالنسبة للمنتدى اظن ان الشباب بدأت الكليات والجامعات والمدارس وكل واحد مشغول. الله يعينهم.
بالنسبة للسلف انا حاضرين:D

دمت سالم اخوي وجزاك الله خير.

تحياتي
:D

الشرقاوي
02-09-2004, 05:01 AM
السلام عليكم ورحمة الله وبركاته

يعطيك الف عافيه على المعلومات القيمه اللي تفيدني فيها:D

بس بغيت استفسر لان كفرات سيارتي لها سنه بالضبط وماشيه44000وناوي اغيرها بس ابغى بالكفر هذي المميزات

1-الهدووووووووووووووووء

2-الهدوء

3النقشه الحلوه

وماعندي مشكله اضحي بالتماسك لاني ماني متهور بالنسبه لسيارتي هي لكزس ES300ويعطيك 10000000عاغيه:D

سنـاري
02-09-2004, 08:33 AM
اهليين حبيبي الشرقاوي ... فينك من زمااان:D

كيف الشرقية و كيف اهلها و الله لكم وحشة و خاصة اهل الخبر حبايبي:p

عندنا لكزس ES300 2002

و جاي عليها كفرات يوكوهاما من بلدها و عندنا نفس المشكلة الي هيا الازعاج

انفقع علينا كفر بعد 25 الف و صاحبها حرييييص عليها مره راح يدور الكفر تبعها من الوكالة حقت لكزس:eek:

قالوا له الكفر بـ 550 ريال :shock2:

المهم بعد لف و دوران ركب عليها نفس الكفر و عدنا لنفس المعاناه


بعد هذه القصة اللطيفة خلينا ندخل في الموضوع:D

مقاس الـ لكزس نفس مقاس الكراون فكتوريا 16\60\225

انا مركب بيرجستون بوتنزا GIII و الحمدلله انا ما قد اشتكيت منه بسم الله ماشاء الله عليه

بشكل عام الكفرات الي تتوفر فيها مطالبك تكون موجودة في فئتين لأفضل شركات الاطارات في العالم

1- بيرجستون فئة التورنزا

و هذه الفئة مخصصة للباحثين عن الهدوء و فيها عدة انواع منها GR50 و هذا النوع دايما تلاقيه مركب على الفوردات و اللنكونات و الكوابريس و فيه نوع محدث من هذه الفئة و ميزاته افضل و الي هوا تورنزا LS - V

http://www.gotwheelsandtires.com/catalog/images/Bridgestone-Turanza.jpg

هذا الاطار فيه مواصفات عجيبة و جميلة جدا و طالما انك في جدة روح مر الوكالة و تلاقيها في شارع فلسطين قريب من تقاطعها مع شارع الستين


2- ميشلان Energy

و فئة الانرجي موازية لفئة التورنزا كما الحال مع فئة البايلوت ( ميشلان ) مع فئة البوتنزا ( بيرجستون )

و احنا مركبين واحد من هذه الكفرات على الفورد كراون فكتوريا و شكلها طالع جنااااان اسم الكفر على ما اعتقد MXV4 و عمره طوييييل يعني عدي 120 الف كم فيه و انت مرتاح

http://www.tiremall.com.tw/kuo-yang-tire/newtire/michelin/mxv4.jpg

http://www.autobytel-japan.com/goods/tire/michelin/mxv4_plus.jpg


و فيه كفرات اخرى جيده تلبي مطالبك

فيه كفر يوكوهاما اسمه Silent و احنا مركبين منه على لومينا 2001 و ماشاء الله عليه قمة في الهدوء بس طبعا هذا حيكون على حساب ميزات اخرى لكن لا تهم طالما انك واد رايق و منت متهور على قولك:glasses2:

فيه اطار آخر انا مركبه على احدى سياراتنا و هو اطار بريلي P 6000

و هذا الاطار اعتبره من افضل الاطارات الي استخدمتها و نقشتها جدا ممتازه و ما حسيت معاها بأي ازعاج

ايضا جوديير عندها كفرات مجنوووونة بس ما ادري ليش مالها سوق هنا مع انها شركة ممتازة جدا

و فيه عندهم اطار من افضل الاطارات في العالم لكن للاسف ما يجي غير بالطلب و غير متوفر بالوكالات او مراكز التوزيع


هذه فكرة عامة عن منتجات بعض الشركات الي تناسب استخدامك و تلبي احتياجاتك

شخصيا و من واقع تجربة انصحك بإستخدام الميشلان Energy


هذا و الله اعلم

و اي خدمة انا حاضر

:)

Irmscher 3.0
02-09-2004, 12:33 PM
شكرا سنـاري

والله يجعل هذا العمل في ميزان حسناتك

Performance
02-09-2004, 05:11 PM
السلام عليكم ورحمة الله وبركاته

سناري الله يعطيك الف عافية على المجهود الطيب الي تقدمة للشباب

عندي استفسار ثاني .......


الله يسلمك عندنا نيسان باترول موديل 2001 كان علية إطارات بريدجستون DUELER H/T 689

مقاس265/70 R16 لما جاء وقت تغير الإطارات حبينا نركب إطارات يوكوهاما G045مقاس 275/70 R16

رحنا لوكيل يوكوهاما وعلمنا مهندس الوكيل انا نبي هالإطار. قال المهندس: هذا المقاس اكبر من إلي

موجود في السيارة وإذا ركبناه راح يكون الإطار مضغوط على الرنج وشكلة راح يطلع مو زين وما بيعيش

معاك حده حده حده 6 شهور. على العموم اصرينا عليا وقلنا له ركبه ، لما ركبه طلع صحيح شكلة مو

حلو ومضغوط على الرنج. خفنا لا يروح الإطارات بعد 6 شهور ونخسر احنا قروشنا قلنا للمهندس

شيل هذي الإطارات وركب نفس المقاس الأصلي للسيارة. جاء صاحبنا المهندس وركب G039

والحين ماشين عليه 35000 ألف تقريبا بس مو مرتاح من هذا الإطارات و أداءها ضعيف.


الســــــــــــــــــــــــــــــــــــــــــــــــــــــــــــــــــــــؤال الحين

ممكن أركب إطارات أعرض وتعيش معي ؟؟؟؟؟؟؟؟؟؟؟؟؟

وإذا ممكن أي نوع من الإطارات تنصحني بيها ؟؟؟؟؟؟؟؟؟؟؟

سنـاري
02-09-2004, 09:39 PM
اهليين حبيبي Irmscher 3.0

العفو يا سيدي و الله يسمع منك:p

--------

اهليين حبيبي Performance

الله يعافيك يا غالي و انت تؤمر أمر:p

انا راح اجاوبك على السؤال الاول بس

اما السؤال الثاني انت ما حددت لي انت ايش تدور في الكفر الجديد ( ايش الميزات الي تبغاه فيها + كيف استخدامك له )


اكيد ممكن تركب كفرات اعرض و تعيش معاك زي الكفر العادي بشكل طبيعي جدا

لكن تكون الزيادة بشكل معقول يعني في اقصى الحالات ما تزيد عن 20 ملم طبعا هذا الكلام يختلف من كفر لكفر و من مقاس لمقاس زي انا مثلا مرة ركبت كفر على احدى سياراتنا اعرض بـ 30 ملم و مو بس عاش معايا طويل .. لا ... اداني اداء افضل بكثير من جميع النواحي

على العموم

انا اشوف انه العرض تبعك ممتاز جدا و هو اصلا كبير على الجنط

و يفضل انك تشتري كفر بنفس المقاس او كفر اعرض بـ 10 ملم يعني 275

و بالنسبة للاطار يوكوهاما G045 جيولاندر ( اذا كان هذا الي تقصده )

http://www3.brainshouse.co.jp/catalog/images/DSCF0149.JPG

حقيقة لم اجرب القيادة عليه و لكن شفته مركب في احدى السيارات في الحاره و انا لا احب هذا النوع من الاطارات اطلاقا و هو كفر مزعج جدا و هذا الكلام تستنتجه من نقشته الغريبة جدا

ميزته الوحيدة الثبات فقط يقابله تدني كبير في النواحي الثانية

و بانتظار توضيحك

:)

Third Eye
03-09-2004, 12:20 AM
على فكرة ياشباب التورنزا خلاص وقفوه

هذا كلام بقشان وكالة البرجستون

الشرقاوي
03-09-2004, 12:39 AM
السلام عليكم ورحمة الله وبركاته

يعطيك الف الف عافيه اخوي سناري:D

بس دقيقه لاتفهمني غلط (فينك من زمان)انت تعرفني:confused: :confused:

سنـاري
03-09-2004, 06:34 AM
اخوي third eye

لا اعتقد بصحة هذا الكلام لانه التورنزا هو الي ممشي بيرجستون في البلد و اعتقد انه اكثر من 50% مبيعات بيرجستون من فئة التورنزا

اما شغل الوكالة و الاحتكار كلها مدة بسيطة و ما يصير فيه اي شيء اسمه ( الوكيل الحصري )

رغم انها مطبقه في السوق الآن و خاصة في مجال الاطارات لانه ابو خويي وكيل كفرات سومي تومو و جاء واحد ضرب له ابو السوق حقه و جاب كفرات من بره و يبيعها برخيص و رافعين عليه قضية يبغالها عشان تنحل على الاقل 15 سنة :headshak:

هذا والله اعلم

----------

اهليين اخوي الشرقاوي

الله يعافيك يا غالي

الصراحة للاسف ما تشرفت بمعرفتك :p

لكن انا قصدي فينك من زمان لانه انت اول واحد كسرت حاجز التوقف عن المشاركة في هذا الموضوع الذي استمر ثلاثة ايام تقريبا و فرحت فيك و في مشاركتك مرة :eek:

لكن اذا كان الشي ذا مزعلك عادي بس اديني خبر و انا امسحها

و لا تنسى اذا ركبت الفكرات تبشرني و تقولي ايش رايك فيها

و اي خدمة انا حاضر


:cool:

الشرقاوي
03-09-2004, 04:34 PM
السلام عليكم ورحمة الله وبركاته

اااااااااهااااااااا:D

عموما بس كلها اسبوعين وينزل الراتب وابشرك بالكفرات:D

durango
05-09-2004, 09:32 AM
اخوي سناري....


معليش انا ماني متابع الموضوع..


بس ابغى اسال عن كفرات GT-RADIAL ما ادري اذا احد سال عنها قبلي و لا لاء


هل تستحمل السفر الكتير؟؟


لاني ساكن في جده و ادرس في ينبع

يعني في الاسبوع لازم امشي بيها 320 كم على سرعه 200 :shock2: ... مرتين


و اسف على الاطاله







EMO

الأنصاري
05-09-2004, 01:19 PM
عفوا اخوي سناري على الإزعاج

امس كنت اشوف مباراة انجلترا مع النمسا اعتقد ماعلينا

المهم كان في اعلان حق كفرات كونتنانتل

اعتقد هذة الكفرات المانية

هل هذة الشركة تقدم كفرات عالية المستوى نفس الميشلان ولا لا وليش هذة الشلاكة مب مشهورة ولا انا غشيم :D

الملاحظ ان البووش كيان تيجي عليه كفرات كونتنانتل:D

سنـاري
05-09-2004, 02:25 PM
اهليين اخوي الشرقاوي

خلاص انا استناك:D


----

اهليين بالغالي durango

اطارات GT Radial

اصنفها ضمن الفئة المتوسطة و يوجد عدة شركات تنتج اطارات افضل منها و اكثر تحملاً

و شكلك ما تبغى اقتراحاتي الخطيرة :D

و على العموم انا افضل انك تغير هذه الاطارات

و بالمناسبة انت ساكن في مبنى رقم كم في ينبع


و في الختام

نصيحة اخويه

انتبه ياخوي من السرعه و الله ما جابت خير

و الله يستر عليك و على شباب المسلمين


-------

اهليين حبيبي بوعبود

بالعكس يا غالي مافي ازعاج و لا حاجة

انت فتحت موضوعين كبيرين

الاول و هو شركة كونتينينتال

و شخصيا انا ما ركبت في اي من سيارات معارفي هذه الكفرات لسبب بسيط انه مالها مقر او شركة هنا عندنا

لكن مجربه على بعض السيارات الي تجي من بلدها زي الاكسبدشن و هو كفر ما عليه كلام بس برضوا اقول اني افضل شركات عديدة على هذه الشركة المجهولة بالنسبة لي

و لكن مهما كانت قوة هذه الشركة ما يصير تقارنها بالميشلان :banana:

الموضوع الثاني موضوع السيارات الي تجي بكفرات من بلدها هذه هرجة طويلة عريضة لا يتسع المجال لذكرها هنا

و بالمناسبة انا عاجبني اهتمامك بالكفرات و اسئلتك حلوة و تدل على قوة ملاحظتك

و الله يعطيك العافية

:p

الأنصاري
05-09-2004, 10:39 PM
مشكور وماقصرت حبيبي سناري الصراحة سعيد بوجود واحد فاهم بالكفرات نفسك واتمنى مانكون ثقلنا عليك

مشكور وماقصرت وشكلنا بنخليك تزهق من كثرة الإستفسارات:D :D

سنـاري
06-09-2004, 03:18 AM
اهليين حبيبي بوعبود

العفو يا غالي و ابدا مافي ازعاج و لا حاجة و بالعكس انا افرح اذا شفت استفسار او سؤال :p

و انا متفرغ تماما لكل ما يخص الكفرات

و اذا كنت متصل بالانترنت 90% من وقتي تلاقيني في احد موقعين اما موقع سوالف اتصفح موضوع الاستفسارات او اكون ابحث في الانترنت عن الاطارت المختلفة و الشركات المختلفة و اقرا تجارب الناس و اشوف اخر الاخبار و المعلومات و الميزات لكل اطار و شركته:glasses:

يعني هوايتي تركيب الكفرات و البحث عنها و قراءة كل ما يخصها:rolleyes:


و بالمناسبة اذا انت او اي عضو عنده تجربة او قصة او رأي عن اي نوع من الاطارات لا يبخل علينا فيه و ياليت يقوله لنا عشان تعم الفائدة على الجميع

و ياحبذا لو ركزتوا على نقاط معينة قبل كتابة المشاركة

1- اسم الشركة المصنعة

2- اسم الاطار بالكامل و مقاسه و هل هو المقاس الاصلي ام لا

3- سنة التركيب و سنة ظهور المشاكل و تاريخ صنع الاطار

4- مكان شراء الاطار و بلد المنشأ

5- رموز TEMP & TRAC

6- نوعية الاستخدام و كيفية التعامل مع الاطارات ( من ناحية الرعاية )

7- اي ملاحظات اخرى


و الله يوفقكم لكل مافيه الخير

:cool:

عاشق الاكورد
06-09-2004, 04:01 AM
اخوووي سناري حبيت اشكرك

على كل جهد تبذله في خدمة الاعضاء

ويعطيك الله الف عافيه

حبيت اسئلك سؤال ؟

توني مركب كفرات سوماتومي مقاس 17

على الكامري ومكتوب عليها ZR

شرايك هي زينه او لا

وهل تتحمل

ومشكور

تحياتي...

سنـاري
06-09-2004, 07:51 AM
اهليين اخوي عاشق الاكورد

العفو يا غالي و هذا واجبنا


كفرات سوميتومو للأسف كفرات غير جيدة و هي تقريبا مثل كفرات الفالكين

نقشات حلوة و رياضية ( و لكن مسروقة ) و جودة ضعيفة و عمر الاطار قصير مقارنة بغيره من الاطارات

عموما

الله يعطيك خيره و يكفيك شره


:p

durango
06-09-2004, 08:35 AM
[QUOTE]رد مقتبس من سنـاري
[B]اهليين اخوي الشرقاوي

خلاص انا استناك:D


----

اهليين بالغالي durango

اطارات GT Radial

اصنفها ضمن الفئة المتوسطة و يوجد عدة شركات تنتج اطارات افضل منها و اكثر تحملاً

و شكلك ما تبغى اقتراحاتي الخطيرة :D

و على العموم انا افضل انك تغير هذه الاطارات

و بالمناسبة انت ساكن في مبنى رقم كم في ينبع


و في الختام

نصيحة اخويه

انتبه ياخوي من السرعه و الله ما جابت خير

و الله يستر عليك و على شباب المسلمين


==============================================

هات اقتلااحاتك و نشوف اذا الميزانيه تسمح.....


و انا سامن في مبنى 9 غرفه 108 ... و اذا كنت تدرس هناك او كنت من اهل ينبع.. الله يحيك عندنا في اي وقت و رقمي الاكاديمي 231221


و انا كم مره احاول اثبت على 140 ....بس كعب رجولي(و انتم بكرامه ) يتعب....


انت هات رايك اذا مافيها عيك تكلفه... وجزاك الله خير










EMO

سنـاري
06-09-2004, 09:33 AM
اهليين اخوي دورانجو

انا جداوي :banana: و ساكن فيها

و انا الآن في اجازة و راجع الاسبوع الجاي

و اعرف واحد من اعز اصحابي ( اكثر من 15 سنة صحبه ) يدرس هناك عندكم و ساكن في مبنى رقم 9 ايضا

اعتقد الدور الثاني و مسكين له اسبوع ماد بوزه يقول غيروا اثاث الغرف الى اثاث جديد صغير و مو عاجبه الوضع :corsair:

و بالنسبة للكفرات انا جاهز بس منت حاس انك ما قلتلي اسم سيارتك و موديلها :D

و ياليت لو تقلي ايش كان كفرها الاصلي و ايش رايك فيه و ايش مقاسه كامل

:)

durango
06-09-2004, 09:43 AM
رد مقتبس من سنـاري
اهليين اخوي دورانجو

انا جداوي :banana: و ساكن فيها

و انا الآن في اجازة و راجع الاسبوع الجاي

و اعرف واحد من اعز اصحابي ( اكثر من 15 سنة صحبه ) يدرس هناك عندكم و ساكن في مبنى رقم 9 ايضا

اعتقد الدور الثاني و مسكين له اسبوع ماد بوزه يقول غيروا اثاث الغرف الى اثاث جديد صغير و مو عاجبه الوضع :corsair:

و بالنسبة للكفرات انا جاهز بس منت حاس انك ما قلتلي اسم سيارتك و موديلها :D

و ياليت لو تقلي ايش كان كفرها الاصلي و ايش رايك فيه و ايش مقاسه كامل

:)


========================================

الله يديم المحبه ..... انت بس قولي ايش اسمه لاني اعرف اكتر من نص شباب الدور التاني...

و بشره ان جاني خبر انهم ما غيرو حاجه الى الان...


و سيارتي ماجنا 2003 و مغير لها جنوط مقاس 17....

مقاس الكفرات اللي عليها 215-45- 17ZR

و كان عليها كفرات دنلوب مقاس 205-65-15R


و صراحه كانت تعبانه ... اول ما تمسك فرامل تبدا تزحف... عشان ماعندي ABS








EMO

سنـاري
06-09-2004, 10:48 AM
اهليين اخوي دورانجو

الله يسمع منك

اسمه تركي و خويه في الغرفه سالم بقشان و معاهم في الجلسه واحد اسمه هشام و عمرو و نايف و سلطان الصحفي

----

و الله انا اشوف انك لو ترجع لجنطك القديم احسن لسببين

1- افضل و اريح للسيارة

2- الكفرات الي حتشتريها حتطلع ارخص عليك بكثير يعني لو لقيت مثلا ميشلان بايلوت مقاس 15 يطلع عليك الكفر بـ 350 و لو تبغى نفس الكفر بس مقاس 17 حيطلع عليك بـ 800 ريال


و فيه ملاحظة اخرى و هي نوعية الاستخدام

و انا اشوف انك راعي سفرات و خطوط طويلة يعني تحتاج الهدوء و الراحة و العمر الطويل اكثر شيء و في نفس الوقت شكلو استخدامك رياضي و راعي قومات و مطارحات و استخدام قاسي على الكفر يعني حيرتني مره :help:

عموما

انا بديك مجموعة كفرات رياضية ان شاء الله تناسب جنط الـ 17 تبعك


1- ميشلان بايلوت سبورت افضل و اشهر كفر رياضي

http://www.nsxprime.com/FAQ/TireWheel/images/mi_pilot_sport.jpg


2- بيرجستون بوتنزا S03

http://www.gotwheelsandtires.com/catalog/images/Bridgestone-S03.jpg


3- يوكوهاما AVS ES100

http://fcv.jeeran.com/avs_es100.jpg


4- بريلي P zero nero و هذا العمده سيد الكفرات كلها:banana:

http://www.tire-garden.co.jp/sakai/tire/pir_p0_nero/pict.gif



و الله يكتب لك الي فيه الخير

:)

durango
06-09-2004, 10:59 AM
جزاك الله الف خير حبيبي.....


و سلملي على القطوع تركي القليطي....هو بعد ما راح المدينه ماعاد نشوفه








EMO

سنـاري
06-09-2004, 11:03 AM
يوصل بس اقوله مين :D

SLR55
06-09-2004, 09:38 PM
مرحبااااااااااااااااااااا

الصراحة ما قصرت ويانا وإن شاء الله تكمل ويانا في المنتدى

ندخل في الموضوع :anger:

عندي كابريس إس إس وعليك يوكوهوما 17/45/235 وماشاء الله عليها ثبات وفيها هدوء ( ما جربت غيرها )

المهم حبيت أعرف إذا نويت أغير أماكن الكفرات لازم أغير الكفر لوحده ولا أغير مكان الرنج والكفر كامل (معا بعض)


2 - إذا بغير ...... وين أغير التواير يعني كل تاير أحطه مكان من ؟؟

والسلااااااااااااام

سنـاري
06-09-2004, 11:43 PM
اهليين اخوي SLR55

انا شخصيا معجب بكفر اليوكوهاما تبع الكابريس نقشته جميلة جدا الله يعطيك خيره و يكفيك شره

انا فهمت من كلامك انك تبغى تغير اماكن الاطارات بشكل دوري كل 10,000 كم

و الطريقة هي كالتالي

تودي سيارتك لورشه او مركز صيانه يكون عندهم رافعه هيدروليكيه و يرفعون السيارة بمقدار نص متر عن الارض و يفكون صواميل كل جنط و يخلوا السيارة من غير كفرات و ياليت يتأكدوا من ضغط الهواء لكل اطار

الكفر الموجود في اليمين في الجهة الخلفية يوضع في اليسار في الجهة الامامية و العكس

و الكفر الموجود في اليسار في الجهة الخلفية يوضع في اليمين في الجهة الامامية و العكس

يعني بشكل X

و هذه الطريقه راح تطيل عمر الكفرات ان شاء الله

مع ملاحظة انه هذه الطريقه ما تنفع الا لإطارات الكابريس و الاطارات الشبيهة لها بينما هناك اختلاف في عملية التبديل بالنسبة لاطارات بيرجستون بوتنتزا G III مثلا


هذا و الله اعلم ....

:p

SLR55
07-09-2004, 12:58 AM
مشكوووووووووووور على سرعة ردك

يعني أحول الجنط والتاير مع بعض ؟؟

سنـاري
07-09-2004, 03:53 AM
ايوا

:p

durango
07-09-2004, 05:32 AM
رد مقتبس من سنـاري
يوصل بس اقوله مين :D


====================================

قوله مهند من 108 .......

















EMO

سنـاري
08-09-2004, 04:25 AM
سلامك وصل يا مهند

:p

TOP-SECRET
10-09-2004, 02:48 PM
السلام عليكم ورحمة الله وبركاته


اخوي سناري تم تركيب اطارات للاند كروزر من بيرلي وسعر الكفر الواحد 350 ريال من خلال تجربتي حسيت انه انعم في الطرق من كفر الوكاله ومايطلع منه صوت احتكاك في الشارع مثل السابق (دنلوب) وأي استفسار عنه انا حاظر بشكل عام عجبني من جميع النواحي باستثناء نقطه وحده وهي:-

في الدنلوب كانت اخلي الهوى 35 وفي هذا نفس الشي لكن الي مستغرب منه اني احس في الفات والمنحنيات انه الهوى فيه 15 ولا 20 يزحف معاي فاضطريت اني ارفع الهوى 45 :rolleyes: طبعا كثير بس الحين صار احسن من قبل في الفات ومايزحف :think:

grandv8
10-09-2004, 05:15 PM
السلام عليكم ورحمة الله وبركاته

اخوي سناري

من خلال تجربتي مع الاطارات انا حطيت هواء نتروجين بالاطارات الخلفية ضغطه 45 والامامية 40 ،ومن خلال التجربة بالسفر عن طريق البر احس ان السيارة ثابته ،ومع الاشخاص والوزن وسيارة ماشاء الله موازي الاطار مع حجم السيارة والاغراض.
وتحس ان السيارة تمشى اسعر يوم يكون الضغط الهواء عالي بالاطار.

ان شاء الله ملعومة تفديك.

تحياتي لك
:)

سنـاري
11-09-2004, 12:47 AM
و الله يا حمد سعر ممتاز للغاية شكلي المرة الجاية بروح اركب كفرات من عندكم بس كم كيلو من جدة للدوحة

و الاسكوربيون معروف بميزاته الحلوة و انا اعتبره من افضل انواع الاطارات الخاصة بالجيوب و انا ممكن اركب كفر قريب منه في النقشة اسمه P6 على سيارتي

بالنسبة لضغط الهواء لازم تعمل حسابك انه مع المشي يتمدد الهواء داخل الاطار و يزيد الضغط

و زيادة الضغط في الكفر تؤدي الى نتائج غير مرغوبة :

1- انفجار الاطار

2- سرعة استهلاك النقشة و الكفر بشكل عام


عموما لازم تتبع الارشادات الموجودة على الاطارات و مكتوب عليها الضغط المناسب الي ممكن تتحمله

و حاول انك ما تزيد عنه

و اذا جيت تقيس الضغظ يفضل انك تقيسه و الاطار بارد يعني السيارة تكون واقفة عدة ساعات

و الله يعطيك خير الكفر و يكفيك شره

:p


اهليين حبيبي محمد

خصائص النيتروجين تختلف تماما عن الهواء العادي

منها انه الاطار المعبأ به لا يتسرب منه النيتروجين بسهولة

و ايضا يحافظ على برودة الاطارات و بالتالي عمر اطول ان شاء الله

لكن يظل الضغط تبعك كثير و راح يسبب تآكل اسرع للاطار

انا مخلي الضغط في سيارتي على 32 و الحمدلله ماشي تمام


هذا و الله اعلم

:p

TOP-SECRET
11-09-2004, 01:56 AM
:) مشكوور اخوي سناري على تعليقك والرد لكن موضوع المنحنيات والهوى 35 اتعبني يعني احس بالسياره تزحف :think:

على العموم مشكوور على النصائح بس ماقلت لي كم سعر البيرلي في السعوديه؟:think: واعتقد مكتوب عليه STR او SRT كلمه كذا ماعرفت معناها:think:

ومن جده للدوحه المسافه كبيرررره جدا للاسف ماعندي اي معلومه عن طول المسافه بس الي اعرفه انها مسافه كبيره:think:

سنـاري
11-09-2004, 06:26 AM
و الله يا حمد انا مجرب هذا الكفر على VX-R و اعتقد ان الاشياء الي بتعاني منها يمكن لأن الكفر لسا جديد

لكن خليه يمشي 5 الاف كم و شوف كيف يصير الكفر معاك

لانه احيانا الكفرات تحتاج لتمرين بسيط

و بالنسبة للبريلي STR

http://www.pirelli.com.pl/MEDIA/TyreCatalog/10200004_SCORPION_STR_big.gif

سعره مع كامل الخدمات الاضافية ( نيتروجين - ترصيص - وزن - .. ) بـ 2700 ريال

و انا لأني عميلهم اخذت سعر خاص بـ 2150

و الدنلوب تبع اللاندكروزر سعر الطقم عندنا من الوكالة بـ 1500 ريال

بشكل عام عندنا البريلي اغلى نوع كفرات في السعودية و يليه مباشرة ميشلان ثم جوديير و بيرجستون و يوكوهاما و دنلوب


و هذه هي الكفرات الي انصح فيها فقط و هي الي انا مجربها على سياراتنا


و بالنسبة للمسافة الى الدوحة انا متعود على السفر و يمكن اجيكم الصيفية الجاية منها تمشيه و منها اغير كفرات :D

:p

TOP-SECRET
11-09-2004, 04:47 PM
ياهلا ومرحبا اخوي سناري مشكووور يالغالي على التوضيح


سعر خاص 2150 :shock2: والله حرام غالي ياخوي:( انا اخذتهم بالضبط بـ1700 بعد التخفيض وطبعا مع ضمان لمدة 6 شهور اعتقد:think:

grandv8
11-09-2004, 04:55 PM
السلام عليكم ورحمة الله وبركاته

اخوي سناري

اخوي انا جربت ضغط الهواء لمدة سنة تقريبا ،والاطار اصلا ماتأكل ابدأ ،على المنحيات ماشاء الله ثابت وقوي وحتى ولو على سرعة عالية ،وعلى الخطوط ثابته.

تحياتي
:)

سنـاري
11-09-2004, 08:40 PM
اهليين حبيبي حمد

شكرا لمشاركتك اللطيفة و الله يعطيك العافية


اهليين حبيبي محمد

التآكل يصير من نص الاطار هذا اذا الضغط زيادة عن الحد المطلوب

و يصير التآكل من الجوانب اذا الضغط اقل من المطلوب

و يصير التآكل من الجهة الداخلية للاطار اذا كان فيه حذفه في السيارة

و هذا العملية مثبتة فيزيائيا:glasses:

و فترة سنة واحدة ما تكفي لان تحكم على الاطار

عندنا لومينا و جمس مركبين عليهم بيرجستون من ثلاث سنوات و نص

كفر اللومينا انتاج 99 و الجمس 2000

و الى الآن الحمدلله من احسن ما يكون

و عندنا جيب مركب عليه دنلوب ماشيين عليه 120 الف كم و غيرناه قبل فترة وجيزة

و صراحة استغرب من الي يقول انه يغير الاطار كل 50 الف او كل 18 شهر

عموما

الميشلان ترا كفر قوي جدا جدا

و انا حاط عيني على واحد و ناوي عليه:eek:

و شكرا على مشاركتك المتميزة

و الله يعطيك العافية

Maxima_2001
12-09-2004, 11:09 PM
أخوي سناري
مساك الله بالخير
سيارتي مكسيما لكن ساعدني ماعرف وش مقاس الرنج ( او على قولة خوالي الجنط )مع العلم انها رنجات الوكاله أبي أحسن تاير ( كفر ) من ناحية الهدووووووووء + الهدوووووووء + ثم الثبات ويستحسن نوعية برجستون ؟ تنصحني بشنو أخوي سناري والف شكر لك وماتقصر

Maxima_2001
13-09-2004, 08:31 AM
^^

سنـاري
13-09-2004, 10:29 AM
اهليين اخوي ماكسيما

مقاس جنط الماكسيما 15 او 16 حسب درجة سيارتك و ممكن تتأكد من المقاس عن طريق قراءة المكتوب على جانب الاطار

و طالما انك تميل للبيرجستون اتطمن لانك حتلاقي اكثر من نوع يناسب استخدامك ان شاء الله و بيرجستون عندهم تشكيلة واسعة و كبيرة من الاطارات لمختلف المقاسات و الاستخدامات

و هذه انسب الاطارات لاستخدامك و متطلباتك

1- بيرجستون Potenza GIII

و هذا الاطار انا مركبه شخصيا على سيارتي و الحمدلله مرتاح منه

http://www.autobytel-japan.com/goods/tire/bridgestone/potenza_g3.jpg

http://gf-ek3.hp.infoseek.co.jp/parts/tire04.jpg

http://wwwms.axisinc.co.jp/potenza/g3/g3tech/g3tire.jpg

http://fit-id.hp.infoseek.co.jp/DSCN305011.jpg


2- بيرجستون Potenza RE950

http://www.tirepros.com/img/products/bridge_RE950.gif


3- Turanza LS

و هذا احسن من الاطارات السابقة في الهدوء و التماسك

http://www.gotwheelsandtires.com/catalog/images/Bridgestone-Turanza.jpg

و انتبه لعلامة LS و تأكد من انها نفس النقشة الي في الصورة لانه في كفر ثاني من تورنزا اسمه GR50 قريب في الشكل من هذا الكفر لكن هذا افضل منه بكثير


هذا و الله اعلم ...

:p

745
13-09-2004, 09:55 PM
الاخ سناري,

سيارتي بي ام دبيلو 530 الجديدة. عليها اطارات برجستون بوتنزا بس ما اذكر الكود. مسؤول المبيعات قال لي ان الاطار من نوع RFT (RUN Flat Tire واللي ممكن تمشي عليه لمسافة 80 كيلو بعد انفجاره. للعلم ان السيارة ما فيها تاير سبير و السبب الخاصية هذي. ممكن تعطينا فكرة عن الميزة هذي و طريقة عمل الاطار و شو رايك في اطاراتي.

تحياتي

Maxima_2001
13-09-2004, 10:56 PM
بيض الله وجهك أخوي سناري
بس سؤال أخير اذا ماعليك كلافه
Turanza LS هل أطول عمر ( من ناحية الاستخدام العادي مدن وسفر قليل ) من Potenza GIII ؟
وبصراحه هل أختار تورنزا أو بوتينزا برأيك الشخصي ؟

سنـاري
14-09-2004, 05:41 PM
اخي الكريم 745

مبروك عليك السيارة و الله يعطيك خيرها و يكفيك شرها

شركة بيرجستون بشكل عام معروفة بمنتجاتها ذات الجودة العالية و القيمة المعقولة

و فئة Potenza هي احد منتجات الشركة للسيارات ذات الاداء الرياضي او هكذا يكون ميل صاحبها

و انا شخصيا مركب احد كفرات بوتنزا و انا الان اكلمك و دوبي جاي من السفر الساعة 3 و نص الظهر و انا ماشي الساعة 6 الصباح و لله الحمد و المنة مرتاح منه جدا و من يوم ما ركبته في بداية الاجازة ما نفخته هواء بسم الله ماشاء الله عليه

و ايضا هذا الاطار موجود على نيسان Z 350 و فيراري انزو و Z4 و Z8 و غيرها من السيارات

http://www.opony.com.pl/technologie/foto/3bridgestone_runflat.jpg

و انا اهنئك لانك تمتلك اطار بهذه الجودة و المواصفات الممتازة الله يبارك لك فيه و يعطيك خيره و يكفيك شره

http://www.bridgestone.co.jp/english/news/c_02_img/021121-01-1.jpg

و طبعا زي ما انت عارف الاطارات معرضة للاضرار بشكل دائم و قد تتسبب هذه الاضرار بحدوث خلل في عمل احد الاطارات قد لا يجعله قابل للاستعمال

و خاصية RFT عالجت هذه المشكلة و كان اول من اخترعها شركة بريلي قبل 4 اعوام تقريبا و كان الاطار المتضرر يستطيع السير 200 كم

و التقنية المستخدمة هنا ببساطة هي تدعيم الجدار الداخلي للاطار بقطعة مطاطية تحافظ على شكل الاطار الخارجي للحفاظ على توازن السيارة و عدم تعريض ركابها للخطر

و شكرا على سؤالك المهم و ان شاء الله تكون استفدت من هذه المعلومات

و الله يعطيك العافية

سنـاري
14-09-2004, 05:44 PM
اهليين اخوي ماكسيما

التورنزا ممكن يعيش معاك اكثر

لكن البوتنزا رياضي و نقشته حلوة

التورنزا هذا بالذات افضل في التسارع المفاجئ و التوقف المفاجئ

في الراحة التورنزا افضل و في الهدوء بوتنزا جدا ممتاز

تماسك البوتنزا افضل


افضل انك تاخذ البوتنزا GIII

هذا و الله اعلم

:p

Faisal20o0
14-09-2004, 08:35 PM
السلام عليكم اخوي سناري


كيف الحال ان شاء الله كلو تمام :)


الله لايهينك بس عندنا نيسان باترول سوبر سفاري 2001

ونبي نغير له كفرات

وقلت اشوف هنا ايش عندك لنا :D

وأبغا بالكفرات أوووولاً تعيش معاك

وتكون حلوه بالخط وحلوه بالرمل

انا لقيت ميشلان مااتذكر بالضبط ايش اسمها لكن اتذكر سعرها ب 450 ريال تقريبا :D
وابغا الكفرات تكون بحدود هالسعر الله لايهينك

وشكرا

The Lion
15-09-2004, 01:57 AM
مشكورين إخواني grandv8 وسناري على جهودكم ..

أنا سيارتي سوزوكي ليانا عليها إطارات مقاس 195 / 40 / 15 ، ودي أركب عليها إطارات مقاس 225 / 35 / 17 ..

فياليت تنصحني وش أفضل نوع من الإطارات ؟ نوع جيد ويدوم لفترة طويلة ..




ولكم تحياتي

سنـاري
15-09-2004, 08:03 PM
اهلا اخوي فيصل

توكل على الله و خذ الميشلان

او زود 100 على كل كفر و خذ لك بريلي سكوربيون

و بالبركة


اهليين اخوي ليون

متأكد من الرقم "40" من مقاس الكفر الاصلي!!

و على اي اساس اخترت المقاس الجديد لاني اشوف انه غير مناسب و قد يضر سيارتك

عموما انت راجع كلامي هذا و اديني المقاس النهائي او تبغاني اديك مقاس مقترح ؟

و انا اديك كفرات تناسبك و تناسب استخدامك

و بالمناسبة كلما ما وضحت استخدامك و متطلباتك اكثر كل ما كان الكفر ملائم اكثر

و اذا حطيت ميزانيتك حيكون افضل و لا تنسى انه السعر حيزيد كثيير من مقاس 15 الى مقاس 17


هذا و الله اعلم ....

:p

CL 600
16-09-2004, 03:39 AM
أخي العزيز .. سناري .

السلام عليكم ورحمة الله وبركاته

أشكرك الشكر الكثير على ما تقدمه وأسأل الله أن يكون في موازين حسناتك ..

عندي جيب أيسوزو تروبر
مقاس الكفرات 16/70/275

والنوع إللي عندي هو بي إف قودريش وهو نوع مخصص للجبال الصخرية والأماكن الوعرة .. وبما أنه خشن في الطريق ومزعج ويسبب رجة .. أبغا منك نصيحتين ..

1- أرغب في كفر بنفس المقاس ويكون هادي وثابت في الطريق وممتاز في الرمال ..
وما رأيك في كل من ..
هنكوك الكوري: 270 ريال للكفر الواحد .
كوبر الأمريكي : 390 ريال للكفر الواحد .
قودير الأماني : 420 ريال للكفر الواحد .
بيرللي ....... : 470 ريال للكفر الواحد .

2- كيف أستطيع المحافظة على كفراتي الحاليّة .. حتى أستطيع الاستفادة منها في الأجازات القادمة؟؟



ومتأسف على الإزعاج .




تحياتي لك ,,
ماجد

سنـاري
16-09-2004, 04:15 AM
و عليكم السلام و رحمة الله و بركاته

اهليين فيك اخوي ماجد

و العفو يا غالي و هذا واجبنا

و الله يسمع منك

---------

جوابي على السؤال الاول

ما حددت اسم الكفر من كل شركة

لكن اعتقد انك تقصد الهانكوك الدايناميك ... ابعد عنه

كوبر ... ما قد استخدمته للاسف

قوديير امريكي و ليس الماني و اذا كنت تقصد رانجر فهو كفر رااائع بمعنى الكلمة

هناك صناعة المانية لهذه الشركة لكن الامريكي هو الاصل و هو الافضل عموما قوديير من الشركات التي احب منتجاتها بسبب قوة تحملها و جودتها العالية جدا

بريلي سكوربيون ايطالي طبعا و ميزته انه انعم من القوديير و ثباته اقوى في في الطرق المبتلة و يضفى تماسك اكثر على السرعات العالية و جيد على الطرق الوعرة


و بعد قرائتي لمتطلباتك انصحك بالاطار الاخير و يفضل ان يكون من فئة STR


بالنسبة للسؤال الثاني

لابد ان تعلم ان الاطار يدخل في صناعته بعض المواد الكيميائية و هذه المواد تتحلل مع مرور الزمن

و عمر الاطار الافتراضي هو خمس سنوات

و لتخزين الاطارات في المنزل انصحك بالتالي

تغليفها جيدا و عدم وضعها تحت اشعة الشمس او في مكان رطب

و احفظها في درجة حرارة معتدلة لا تزيد عن 35


هذا و الله اعلم .........

:p

عين الفهد
16-09-2004, 11:45 AM
بسم الله الرحمن الرحيم

السلام عليكم ورحمة الله وبركاته

أول شيئ الله يعطيك ألف عافيه اخوي سنـاري على وجودك معنا وردودك الوافيه والمفيده :p

وعندي بس سؤال بسيط اذا ممكن

ناوي اركب جنوط جديده بحجم 19" على سياره رياضيه وحجم الاطارات كما يلي

Front 255/35
Rear 285/30

وأريد أنها تكون للاستعمال اليومي وبنفس الوقت ثبات ورساوه وصوت هادئ وتصلح للسرعات العاليه بحدود 250+

فأي نوع تنصحني فيه من الاطارات :confused:

وشكراً :p

اخوك







http://upload.serverseed.com/pictars4/3enAlfahad2.gif

سنـاري
16-09-2004, 01:26 PM
و عليكم السلام و رحمة الله و بركاته

اهليين حبيبي عين الفهد

الله يعافيك يا غالي و هذا شيء يشرفني

استخدامك قوي جدا و مالك الا كفرين

1- ميشلان Pilot sport

http://www.nsxprime.com/FAQ/TireWheel/images/mi_pilot_sport.jpg


2- بريلي P zero rosso

http://www.aaarims.com/wheels/pirelli-pzero-rosso-asimmetrico-2.JPG

http://www.italmotors.ru/MAGAZIN/Pirelli/News/05-00/tyre.jpg

و انا ارشح الخيار الثاني

و الله يعينك على التكاليف :blink:

هذا و الله اعلم

:p

Yukon GT
16-09-2004, 10:11 PM
هلااا والله وغلااا بأخوي سناري ..

ماشاء الله عليك شغال .. حامي بحامي ..

ماينطرح سؤال ألا الرد جاهز .. :banana:
والله يوفقك إن شاء الله :rolleyes: :rolleyes: ..

سؤالي يالغالي ..

أنا عندي يوكن جي تي .. وودي أغير كفراته ..

الكفرات اللي موجودة الحين ميشلان LXT .. والحمدلله كانت ماشية زي الفل ..

وودي الحين أغير .. بركب غيرها ..

وش تنصحني يالغالي ...

علماً بأن مقاس الكفر 275/70/16 ..


وقبل لا أنسى .. استخدامي للكفر ترى طعوس وطرق وعرة .. خصوصا أن الموسم قادم :D :D



وتقبل فائق تحياتي ..


Yukon GT


سلاااااااااااميشن

سنـاري
17-09-2004, 02:59 AM
اهليين اخوي يوكون

اول شيء ابارك لك السيارة و الله يعطيك خيرها و يكفيك شرها

لاني بصراحة احب هذه السيارة و احس انها وحش :black: ماشاء الله لا قوة الا بالله

و شكرا على الاطراء و انا في الخدمة

و بالنسبة للميشلان اعتقد انه قصدك LTX و ليس LXT

طبعا هذا من افضل الكفرات الخاصة بسيارات الدفع الرباعي و يمتاز بالهدوء و الثبات


و بالنسبة للاطار الي ناوي تركبه

انا بعطيك خيار واحد فقط لا غير

مناسب لاستخدامك و لسيارتك ان شاء الله

بيرجستون Dueler A/T revo

http://www.4x4review.com/products/tires/DuelerATRevo2.jpg

http://www.4x44u.com/newproducts4u/BridgestoneDueler/bsdueleratrevoftsm.jpg

http://fordtruckworld.tenmagazines.com/gallery/00f150/264690.jpg


هذا و الله اعلم ....

:p

Yukon GT
17-09-2004, 04:28 AM
هلااااا وغلاااا ..

معليش أخوي سنـــاري ..
أزعجتك .. بس تحملني شوي ..

ما أدري كم سعرها عندنا بالسعودية ..
أنا من سكان الرياض .. وهل ممكن أحصلها بسهولة ..



تحياتي ..

Yukon GT


سلاااااااميشن

سنـاري
17-09-2004, 11:44 AM
اهليين اخوي يوكون

بالعكس مافي ازعاج و لا شيء

سعرها غالي شوية لكن ما اقدر اديك رقم معين بس تراها تستاهل

الكفرات هذه ما تحصلها بسهولة

احسن شيء انك تروح لشركة بيرجستون ما ادري عندهم هذا المنتج في الرياض ولا لا

بس هوا موجود في جدة

و اذا مالقيت هذا الكفر مو مشكلة اديك كفر غيره بس طبعا مو بنفس مستوى البيرجستون

Yukon GT
17-09-2004, 10:23 PM
هلاااااا والله وغلااااااا ..


رحت لبريجستون .. قالوا مو موجود ..

والمشكلة كفرات زفففت .. اثنين منهم ينسمون ..

قلت بغيرها اليوم مالي دخل .. لأن الأربع منتهية ..



بعدين رحت أحوس .. وفريت مالقيت شي ..



قلت أركب ميشلان .. أضمن وأزين ..


ركبت ميشلان 4×4 .. اسمها على ما أظن ساينشتون مدري وشو .. والله ماعرفت أقراها :D :D


والحمدللــه .. أول ما أخذتها مسكت خط أجرب ..


مريييحة مررة ..

بس كأنها قاسية شوي .. مدري يمكن عشاني تعودت على اللي قبلها .. لينة من الكرف :eek: ..

بس حلووة وتاريخها شهر 6 عام 2004 ..

عطني رايك يالغالي ..:rolleyes:



وتقبل فائق التحية ..

Yukon GT

سلااااااااميشن

سنـاري
18-09-2004, 01:35 AM
اول شيء مبروك عليك الاطارات الجديدة و الله يعطيك خيرها و يكفيك شرها

و عندي كم سؤال لو تكرمت

بكم طلع عليك الطقم و فين ركبتها ( شركة و لا بنشري ) و فين مصنوع الكفر

لما سألت عن البيرجستون رحت لبنشري و لا للشركة - و اذا كان الجواب الشركة فممكن تقولي فين محلها


-------

الكفرات الي ركبتها اسمها ساينكرون

و هذه من افضل الاطارات المخصصة للجيوب

اداءها طيب على الطرق الوعرة لكنها ليست مخصصة لها :)

افضل ميزة فيها هي الهدوء

اهنئك على الاطار الي ركبته و ماشاء الله عليك عرفت تختار و الله يبارك لك فيه

http://www.tire-tyre.com/michelin/images/4x4%20synchrone_large.jpg

http://www.bug.hr/autonet/predstavljamo/michelininovacije/08.jpg


هذا و الله اعلم

:p

فرو
18-09-2004, 02:55 AM
مرحبا يا اخوان :)

بنسأل استاذنا سناري ............؟؟؟

عندي استفسار بسيط بخصوص اني ناوي اركب اطارات لجنوط مقاس 17 رياضيه للكزس ال 400 واريد نوعيه تكون زينه (مع العلم انه الي سفته في السوق من اطارات بالنسبة للجنوط الرياضية ذات المقاس الكبير من النوعيه التجاريه الي ما تتحمل لفترة طويله وتتاكل )فنرجو الافادة مشكورين :)

وبخصوص عندي كومارو وعليها جنوط مقاس 18 شو المناسب لها من الاطارات .

وللعلم الكزس عليها اطارات دنلوب ياباني :glasses2:


ومشكور مشرفنا على الموضع هذا وبارك الله فيكم

تحياتي

Yukon GT
18-09-2004, 03:35 AM
هلااااا والله وغلااااا ...


مابقى محل و بنشري ما سألته بصراحة ..

بس الوكالة بعيدة .. عندنا على شارع خريص ما رحت لها .. وكنت متوقع تكون مسكرة عشان اليوم جمعة بعد ..


=======


بالنسبة للمكان اللي شريتها منه ..

شريتها من بنشري سلمك الله ..

وصناعة فرنسا ..

طلع علي الطقم بعد المطاقق والمصافق ..

1800 ريال سعودي فقط لا غير .. :D

طلع لي الكفر بـ 450 ..
طبعا بعد ما طلع لي الفاتورة .. وورانياها أنه شاريه بــ 440 ريال .. :D :D <---- حاسه .. :laugh:

والكفر صناعة فرنسا ..

================


تقبل فائق التحية ..


Yukon GT

سلاااااااااميشن

سنـاري
18-09-2004, 01:29 PM
و عليكم السلام و رحمة الله و بركاته

اهليين حبيبي فرو

شوف يا غالي

انا انصح بالشركات التالية :

بريلي - ميشلان - بيرجستون - يوكوهاما - جوديير - دنلوب


و بالنسبة للسيارتين الي طلبت لهم الاطارات

ممكن تحدد المقاس كامل و لا تبغاني انا اعطيك مقاس من عندي

و ممكن تذكر المواصفات الي تبغاها في الكفر و كلما ما كنت محدد اكثر كل ما كان الخيار افضل


و بالمناسبة كيف الدنلوب معاك

:p

سنـاري
18-09-2004, 01:32 PM
اخوي يوكون

ماشاء الله عليك

ما ينخاف عليك:banana:

و الله يبارك لك فيها

:p

فرو
19-09-2004, 01:37 AM
مقاسات لكزس 225/40هذا خلف..... امامي 225/45بس توهقت يوم بغيت اغير الجنوط للجنوط لكزس النجمه مقاس 16 لان الكزس الي عندي وارد اليابان ونظام الهدروليك عليها ومنزلة بحيث انها ما ترتفع عن الارض وتكون بس عاى قياس الجنوط الي الحين عليها يعني راعيها الياباني كان غاوي ريس :banana: هي صراحه على ثبات تحكمها زين وعلى السرعه ولفات ماعليها كلام بس شوارعنا هني ما تنفع مطبات وحفر :corsair: وتوهقني مرات على اي مطب :cry: تقريبا ارتفعها شبر عن الارض :think: وعلقت على المدخل البيت من يومين وتحطم واقي العادم علي :Sad2: فااطر اخليها بره البيت (يومين وقفت بره وارقام التلفونات على المساح الامامي السيارة للبيع يا الطيب ):D طبعا انا السيارة ما خذنها الاستعمال وما افكر ابيعها حاليا .


ولو احصل فرصه اصورها واحط لكم صورها .



انا مواصفات في بالي مو محدده غير انها تكون تتحمل الحراره والسرعه العاليه وتكون ثابته وعلى الشوارع الزلقه وتكون متماسكه (لان الكزس يخون في المطر والزلق خاصه اللفات ) وتكون من النوعيه الي ما اطلع صوت .



وبخصوص الدنلوب الي عليها مال اليابان ورايحات في عين امها (صاحبها القديم غاوي تفحيط وريس ) بس صراحه ما دري شلون بعدهن ما تحملات كد وضغط (انا ما مقصر فيهن ) ونقشتهن حلوة ورياضيه (طبعا الباقي من النقشه ).


الفير ستون شو رايك في يصلح (مع انه ما حد يمدحه خاصة بعد سالفة امريكا) على نفس المقاس واكبر بشوي .

والهانكوك زين وله تعيس ؟؟؟؟



والسموحه على الاطاله :)

تحملونا اخوكم الصغير :D


وبنغلبك معانا خبيرنا سناري :)

الكومارو الي عندي موديل 1999 خليجي بس حاليا ما يحضرني بالظبط مقاساتها ؟؟؟؟ فبتاكد وبرد عليك


تحياتي

سنـاري
19-09-2004, 02:57 AM
اهليين حبيبي فرو

اول شيء خليني ابدأ بالشركتين الي حطيتها

فايرستون و هانكوك

فايرستون شركة جيدة و تعود ملكيتها للشركة الام بيرجستون

و بالتأكيد بيرجستون افضل بكثير من الفايرستون


اما الهانكوك :headshak:

تعيس للغاية :) و انصحك انك تبعد عنه و تغنيله


---------------

الموضوع الثاني

اطارات اللكزس

بعد المواصفات التي ذكرتها اخوي فرو

اقترح عليك هذه الاطارات و هي مرتبه بالأفضل اولاً


1- Goodyear Eagle F1

http://www.zr1.net/497.06.jpg

http://www.reifen-faughn.de/Index/sl%20rot6c.jpg

http://www.electroauto.lu/edit/htmledit/data/EAGLE_F1_GS_D3_____Mars_2002.jpg

هذا هو الاطار الانسب لك و لا استخدامك

و انسى بعد كذا ان السيارة تزحف معاك في المطر :banana:


2- بيرجستون بوتنزا RE050

هذا الكفر يعجبني جدا جدا

صحيح انه مو ثابت على المويه زي الجوديير بس اريح و اهدأ بشوييه

http://www.motormobiles.de/autoberichte/bridgestone_potenza_r050.jpg


3- بريلي P zero nero

http://www.micnet.ne.jp/tkado/aristo/aristo-jpegimage/cyubu04/ca-cyubu-off04-0013.jpg

http://www.micnet.ne.jp/tkado/aristo/aristo-jpegimage/nadachi04/161-0022.jpg

http://www.micnet.ne.jp/tkado/aristo/aristo-jpegimage/cyubu04/ca-cyubu-off04-0011.jpg

http://vwroadtrip.peterbeers.net/GTI/DSCN3728_Tire.JPG

http://vwroadtrip.peterbeers.net/GTI/DSCN3727_Tire.JPG


4- الاطار الاخير و هو ميشلان pilot sport 2

http://www.detnews.com/pix/2004/03/10/0drive/dr10-soupPilot-0304n-2.jpg

http://www.detnews.com/pix/2004/03/10/0drive/dr10-Michelin-PilotPS2-2.jpg


الله يسامحك بس

بعد الصور هذه تقلي هانكوك:blink:

:D


هذا و الله اعلم ...


:p

CL 600
19-09-2004, 11:13 AM
الأخ العزيز .. سناري ..

لقيت كفر عند يوكوهاما إسمه G045 .. مقاس 16/70/275 .. عندك أي فكرة عنه وكيف في الرمل؟



سؤال آخر ..

ماهو ( التريدوير) ؟
والأفضل إن الرقم ينقص أو يزيد؟
إطارات لقيت التريدوير حقها 570 وإطارات ثانية 220 .. ممكن تعطيني فكرة؟



تحياتي لك ,,
ماجد

فرو
19-09-2004, 11:15 AM
الفير ستون مثل ما قلت نوعية زينه بس مو مثل البرجستون (جربت البرجستون على مقاس 16 لومينا LTZ) وهو شيء عجيب ونقشه رياضيه وهادي .


اما الهانكوك فواحد من الشباب مركبنه على سيارته لكزس LS400 ويقول زين عنه :OO: .



القوديير جربته هو حلو بس نقشته ما بتخلص خلال اربع سنيين :blink: (جربته على سيارة صغيرة مع اني اكده في الطالعه والنازله لكن مو راضي يخلص واستمر معي هالفترة )بس مو لين هناك ثباته .




اما الميشلان والبريللي ماعليهن كلام .


زين شو رايك بالفالكون (شفت العجب في محلات تركيب الاطارات ماركات وموديلات اول مره اشوفهن لا ويعطيك اياه بنفس سعر الميشلان والبرجستون والدنلوب مع انهن ما يسوين لكن تعرف هذول يحتكروا السوق عندنا (ايرانيين ) وكلهم على يد وحدة يعني تلف وتلف لكن مصيرك بترجع حق واحد منهم بسعر ال يريده ) طبعا الوكلاء اسعارهم غاليه (اذا اطار ميشلان حق لومينا موديل 2000 مقاس 16 بألف درهم :shock2: ) فخذيت البرجستون قيمة الواحد من عند الوكيل 500 درهم ) وهني طلعين لنا بالسلامه المروريه بس زين خلو الوكلاء يتنازلوا عن جشعهم وطمعهم وينزلوا الاسعار شوي على اساس الواحد ياخذ شيء مضمون (نسبة الضمان صفر بالميه) لكن تاتي الرياح بما لاتشتهي السفن والضحية المستهلك :cry1:



والسموحه اخوي سناري وجعنالك راسك :D


ومشكور وجزاك الله خير على المجهود المبذول :)


تحياتي

سنـاري
19-09-2004, 11:27 AM
ماشاء الله عليك اسئلتك كثيرة :eek:

اديني وقت بس آخذ نفس و اجهز لك رد حلو و يعجبك

:D

سنـاري
19-09-2004, 12:01 PM
اهليين اخوي ماجد

يوكوهاما جيولاندر GO45

اعرفه تماما و اعرف واحد مركب منه على لاندكروزر VX-R

الاطار ضعيف في : الطرق المبتلة - التطعيس - الهدوء

و ممتاز جدا في الثبات

و هو "تقريبا" زي هذه النقشة

http://www3.brainshouse.co.jp/catalog/images/DSCF0149.JPG

و هو من غير خطوط طولية

-----------

اما بخصوص السؤال الثاني

treadwear يعني بالعامي عمر الكفر

او كم يحتاج الاطار ليصبح غير قابل للاستخدام

و هو يرتبط بشكل مباشر بسماكة النقشة

و كل ما زاد الرقم دلالة انه الكفر يعمر اكثر او ما يتمسح بسرعة


ان شاء الله تكون النقطة هذه وضحت بالنسبة لك

و اذا فيه اي لبس بس قلي


هذا و الله اعلم ...

:p

CL 600
19-09-2004, 12:43 PM
الله يعطيك العافية ..

كفيت ووفيت .





تحياتي لك ,,
ماجد

فرو
19-09-2004, 02:59 PM
توضيح بسيط مو هانكوك صاحبي مركب على ماشفت السيارة كومو الي عليها (يمكن الهنكوك من كثر مالفيت وشفتهن عند المحلات علق في الفكر ):D :D



انا آخرتها يمكن اركب دنلوب نفس الي عليها حاليا اذا بحصل :confused:

او يوكو هاما لاني جربتهن وماعليهن كلام .

سوال صغيرون بخصوص الاطارات الي صناعهتن اندونسيا هذيل جودهتن زينه او لا (لاني من فترة واحد من الشباب ركب دنلوب جديد مصنوع في اندونسيا )فبغيت اعرف في فرق ولا لا عن الياباني ؟؟؟؟

والسموحه على تغليـب تحملونا :p





تحياتي
:) :) :)

سنـاري
19-09-2004, 04:34 PM
اهليين اخوي فرو :D

انت خطييييير:eek:

بس اخلص الغدا و اقعد لك على كل سطر كتبته

و ان شاء الله ما تخرج من هذا الموضوع الا و انت فاتح محل كفرات :eek:


----

اهليين اخوي ماجد

الله يعافيك و هذا واجبنا

و لا تنسى تبشرني بالكفرات الي ركبتها

:p

سنـاري
19-09-2004, 05:32 PM
بسم الله الرحمن الرحيم

خليني ابدأ فقرة بفقرة من مشاركتك الجميلة

* احنا مركبين ايضا بيرجستون مقاس 16 لـ لومينا 2000 له حتى الآن اكثر من ثلاث و سنوات و نصف ماشاء الله عليه و لسه فيه حيل يعطي اكثر الله يبارك لصاحبه فيه و يعطيه خيره و يكفيه شره

و مركبين يوكوهاما مقاس 15 لـ لومينا 2001 سايلنت هادئ للغاية و له تقريبا سنة ماشاء الله


* صاحبك الي مركب كومهو كم عايش معاه الكفر و كيف تحمله ... هنا حيفرق كثيييير ... على العموم كومهو لها انتاجات طيبة لكن تظل دون المستوى بعد مقارنتها ب ميشلان و بريلي و بيرجستون


* القوديير من افضل الاطارات الموجودة في السوق و يعجبني فيها جودتها العالية جدا جدا

و الكلام الي ذكرته المفروض يكون ايجابي و ليس سلبي كما تفضلت :)

و لا تحكم على الشركة كلها من اطار واحد بس

لانه كل اطار مصنوع لاستخدام معين و لاشخاص لهم مطالب محددة


* الميشلان و البريلي شركات ممتازة لكن برضوا مو كل منتج مكتوب عليه ميشلان تاخذه و نفس الحال لبريلي لازم تشوف هل الكفر يناسب استخدامك و متطلباتك او لا

* الفالكين و ما ادراك ما الفالكين

كفرات عجيييبة

نقشتها من احلى النقشات الموجودة في السوق لكن عيبها انه عمرها قصير و ما فيها هذيك الجودة الي تعتمد عليها و بعض نقشاتها "مسروق"


* بالنسبة للسعر زي ما قلت لك ما تحكم على السعر من اسم الشركة و بس لازم تشوف ايش هذا الاطار و لو فرضنا انه الميشلان الي بتتكلم عنه اصلي و من فئة pilot sport و اخر دفعة و عريض يستاهل الالف درهم احنا عندنا بـ 750 - 920 ريال ... و بالمناسبة اخوي TOP-SECRET ركب بريلي اصلي للجيب حقه يقول انه اشتراه بـ 350 ريال احنا عندنا هذا الاطار بـ 650 ريال

يعني اقترح انك تروح قطر او تسأل حبايبنا القطريين عن الاسعار عندهم و هم يفيدونك

و البيرجستون الي ركبته ممكن اعرف نوعه

اخيرا

ما قلت لي ايش رايك في الاقتراحات الي اديتك هيا في المشاركة السابقة

مناسبة و لا تبغاني اغير شيء من هنا و لا من هنا

ترا انا تحت امرك

:p

سنـاري
19-09-2004, 05:41 PM
بالنسبة لمشاركتك الثانية

* يعني بعد الاقتراحات هذه كلها و المجهود هذاك كله ترجع للدنلوب :D

و الله الصراحة الشركة تستاهل و لو انك قلت لي من اول انك ما تبغا غير الدنلوب كنت ماجبت لك اطارات من كل الشركات

و اذا تبغاني اقترح عليك اطارات من دنلوب او يوكوهاما بس انا مستعد


* طبعا في فرق بين الاطار الي يجي مصنوع في اليابان عن الاطار المصنوع في اندونيسيا

و السبب لأن اندونيسيا بلد متأخر صناعيا

اديك مثال

الميشلان اصلا فرنسي

و فيه منه صناعة اسبانيه و المانيه و ايطاليه و تقريبا كلهم في مستوى واحد ليش ... !!

هنا يكمن الفرق

انهم دول صناعية كبرى

بينما نشاهد في اسواقنا عند البناشر ميشلان صناعة تايلندية و برازيلية و طبعا بقية الدول الاصلية

ما قد سألت نفسك ليش البعض يشتكي من الميشلان

انا مره سمعت واحد يسب و يلعن في الميشلان

و يقول الكفر ما كمل عندي شهر

و في الاخير يطلع السبب واحد من اثنيين اما انه الكفر قديم او انه جودة صناعته منخفضة


و انا في الخدمة

هذا و الله اعلم

:p

الأنصاري
19-09-2004, 10:27 PM
كفيت ووفيت اخوي سناري ماقصرت وانا بعطيك اجازة بعدين بقول سؤالي

سنـاري
19-09-2004, 10:49 PM
ابدا ....

لو كل المنتدى يعطيني اجازة اقبلها

لكن منك لا :rolleyes:

انا اقطع اجازتي علشان اجاوب على سؤالك انت و بقية الاحبة TOP-SECRET و grandv8 و فرو و يوكن و بلاك سكوربيون و CL 600 ...

المهم ايش سؤالك:eek:

و على فكرة انا متصل DSL

يعني 24\24 ساعة في سوالف

و انا جاهز لأي سؤال

اذا كنت اعرف فهذا فضل من الله و مِنّه

و اذا لم اكن اعرف احاول اسأل لك و ادور لك على المعلومة الين اجيبها

انا بمساعدتكم ... اسعد


و الله يعطيكم العافية يا شباب

و لا تنسونا من دعائكم

:p

فرو
20-09-2004, 01:53 AM
ماشاءلله شوكان الغدا اليوم باين كان دسم :D (المهم عليك بالعافيه والصحه)

محل مرة وحده عاد يمكن ليش لا بس بيبك عشان تكون الاستشاري حق الزباين وهالله هالله فيهم :D :D






نوعية البرجستون الي على الومينا عندي مقاس 225/50ZR16 ....ومكتوب TURANZA ER-50 S&S هذا من عند الوكيل عندنا المسعود للسيارات ومركبنه من سنتين وبعده ماشاءلله عليه ماشيء تمام (السيارة دوم واقفه ويالله في الاسبوعين تتحرك ) طبعا الله يخلي الدوام وظروفه .وهو على ضمان ضد الصوت والرجه والمطر (ضمان سنة ) والي كان قبله كان دنلوب بس الماني من وكيل عندنا بعد ما خذينه ونوعية سبورت وفي ارتفاع اكثر من البرجستون والي قبل الدنلوب والي هو الاصلي كان برجستون بعد من الوكاله وتقريبا نفس القياس (السبير بعده موجود ما ركب على السيارة ).



خلاص بخالي صاحبي يبدلهن الي مركبنهن حق سيارته مندام الاندونيسي مو شيء :blink:



مااقول غير الله لا يبلي مسلم باطار مصرقع :rolleyes:


وجزاك الله كل خير ومشكور على الجهد المبذول (اكيد ضيعنا عليك الغدا اليوم):D وانشاءلله نشوفلك محل كبير للاطارات (عاد لاتنسانا ساعتها :cool: ) نريد خصم خاص :banana: وعساك على القوة دوم .


تحياتي
:) :) :)

سنـاري
20-09-2004, 02:22 PM
اهليين بالحبيب فرو

الغدا امس رز و لحم بس لا تخاف بقيتلك شوية:eek:

http://sps.ajeeb.com/media/2003-11-22T022356_1575C15D667479B980B247012AE57F.jpg


* انت افتح محل اول شيء بعدين نتفاهم :D

* الاطار الي ركبتوه ممتاز جدا و بالنسبة للاسبير لازم تبدلوه لان عمره الافتراضي انتهى

* ربنا يسمع منك و افتح محل اطارات محترم و اسوي خط جوي بيني و بين الامارات لارسال المنتجات للزباين الطيبين الي زيك


هذا و الله اعلم ...

:p

فرو
20-09-2004, 05:31 PM
بس مجبوس اللحم مب في البال (السمك اخف واطيب ):D :D



بالنسبه لسبير ماهاين علي مخلنه تذكار من الماضي :cool:



هي فكرة فتح محل اطارات زينه ومدخولها حلو خاصه اذا تتعاقد مع شركات ووكلاء معتمدين وبضاعتهم زينه بس حاليا انا ما متفيج بسب الدوام.:( :( بس مامشكله بنفتح بالاحلام ونبيع :D :D



بارك الله فيك ومشكور على المجهود الكبير الي شيلناك اياه :) :) :)




تحياتي
:) :) :)

CL 600
20-09-2004, 09:33 PM
الأخ سناري ..

الله يعطيك العافية .. لمجهودك الطيب ..


وأبشرك .. اليوم غيرت الكفرات ..


وهذه الكفرات السابقة .. ومثل ماذكرت في السابق أنها جيدة لكنها مخصّصة للطرق الوعرة ولذلك سأرسلها إلى الباحة لأستفيد منها هناك في الإجازة القادمة ..

http://www.arab3.com/gold/images/Sep04/majed_sg_DSC02697.JPG
http://www.arab3.com/gold/images/Sep04/majed_sg_DSC02698.JPG



والكفرات الجديدة هي :















http://www.arab3.com/gold/images/Sep04/majed_sg_DSC02776.JPG

















http://www.arab3.com/gold/images/Sep04/majed_sg_DSC02780.JPG







الكفر هو ..



PIRELLI SCORPION - STR

http://www.arab3.com/gold/images/Sep04/majed_sg_DSC02773.JPG
http://www.arab3.com/gold/images/Sep04/majed_sg_DSC02777.JPG
http://www.arab3.com/gold/images/Sep04/majed_sg_DSC02774.JPG


وبصراحة الكفر روووووعة ولايعلى عليه .. ومشكوووور على النصيحة .




تحياتي لك ,,
ماجد

CL 600
20-09-2004, 09:48 PM
الأخ سناري ..

الله يعطيك العافية .. لمجهودك الطيب ..


وأبشرك .. اليوم غيرت الكفرات ..


وهذه الكفرات السابقة .. ومثل ماذكرت في السابق أنها جيدة لكنها مخصّصة للطرق الوعرة ولذلك سأرسلها إلى الباحة لأستفيد منها هناك في الإجازة القادمة ..

http://www.arab3.com/gold/images/Sep04/majed_sg_DSC02697.JPG
http://www.arab3.com/gold/images/Sep04/majed_sg_DSC02698.JPG



والكفرات الجديدة هي :















http://www.arab3.com/gold/images/Sep04/majed_sg_DSC02776.JPG

















http://www.arab3.com/gold/images/Sep04/majed_sg_DSC02780.JPG







الكفر هو ..



PIRELLI SCORPION - STR

http://www.arab3.com/gold/images/Sep04/majed_sg_DSC02773.JPG
http://www.arab3.com/gold/images/Sep04/majed_sg_DSC02777.JPG
http://www.arab3.com/gold/images/Sep04/majed_sg_DSC02774.JPG


وبصراحة الكفر روووووعة ولايعلى عليه .. ومشكوووور على النصيحة .




تحياتي لك ,,
ماجد

PASSAT V6
21-09-2004, 12:14 AM
السلام عليكم ورحمة الله وبركاته
مبرووووووووووووووووووووووووووك ياماجد :cool:
الله يعطيك خيره ويكفيك شره

سنـاري
21-09-2004, 04:39 AM
حبيبي فرو

ما سوينا الا الواجب يا غالي

و انا جاد في فتح المحل بس قاعد اسوي دراسة شاملة و ربنا يسهلها


بالنسبه لسبير ماهاين علي مخلنه تذكار من الماضي

طيب انتبه لا يخيلك الاسبير تذكار من "الماضي":eek:

و الله يعطيك العافية


---------

اخي CL 600

بالبركة اخوي

فرحتلك والله

و الله يعطيك خير هذا الاطار و يكفيك شره

و شكرا على مشاركتنا في هذا الموضوع بصورك الجميلة جدا

:p

M5
21-09-2004, 05:07 AM
CL 600

أولاً مبروك الكفرات الجديده ..

ثانياً .. أحب أنبهك الى شغله مهمه في حكاية التطعيس اذا كنت من هواة التطعيس كل خميس مثلي :D

بسم الله ،،

عادة الإطار لما تكون دعسته خشنة يعني ( الفتحات عميقه ومتباعده ) فهو مثالي للتطعيس وصعود التلال الرملية
و لــــــــــــــكــــــــــــــن بسرعة كبيره ( يعني أخذ مسافه كبيره قبل التل ثم الاندفاع )
ولا يحتاج في الغالب الى تنسيم أقل من 15 psi
وفي الوقت نفسه لا يصلح لصعود التل بدون اندفاع لأنه بكل ببساطه يــــــــــــــــحـــــــــــفـــــــــــر وتلاقي السيارة مكانها :OO:


أما في حالة الاطارات ذات الدعسه الناعمة يعني ( الفتحات غير عميقة ومتقاربة ) فهو مناسب أيضاً للتطعيس ولكنه على عكس الاطار الخشن يعتمد بشكل كبير جداً على الــــتـــــنــــــــــــســـــيــــــم :)
وهو أيضاً أفضل من الخشن في صعود التلال ببطء نسبي ( عند التنسيم لأقل من 15 )
وذلك بالوقوف أسفل التل ثم البدء بالصعود تدريجياً إلى أن تصل إلى القمة :) ------------------ (((( للمحترفين فقط )))) :D

والسبب ان الاطار الناعم عند تنسيمة والصعود ببطء لأعلى التل فانه لا يـــــــــــحـــــــــفـــــــــر مثل الخشن

بعكس الاطار الخشن الذي يحفر عند الصعود ببطء في بداية التل !!
ولكن عند الاندفاع بسرعه فانه ممتاز في صعود التلال

لذلك يجب عليك مع اطار بيرللي الجديد ان تنتبه جيداً لحكاية التنسيم ... وبالتوفيق ان شاء الله



أعطيتكم درس مجاني في التطعيس :cool:

على العموم شرفونا كل خميس في طعوس بحره على طريق جده - مكه السريع
سيارتي : كيا سورينتو صناعه كـــــوريـــــــة :banana: :banana:


تعالوا الطعوس وسترون باذن الله العجب ( سيارات ستوك بمستوى السيارات المعدلة :banana: )
والسبب طبعاً من السواق ;)




تحياتي للجميع ،،

فرو
22-09-2004, 01:17 AM
افا عليك يا اخوي :D ما بيخيلني تذكار باءذن الله (هذا اذا ركب السبير ساعتها ):black:



بالنسبه للاطارات الكومارو عليها جنوط 18 واطارات يوكوهاما سبورت نقشة السهم تقريبا بس مادري ما يطولن سنة وتكون رايحات في عينها (وتحصلهن سنقحه مثل راس هذا :D )




واتمنى لك التوفيق انشاءلله في فتح محل الاطارات :) (بس عليك بدراسة السوق قبل والمنافسين :glasses2: )





تحياتي
:) :) :)

سنـاري
22-09-2004, 01:45 AM
شكرا لك اخي M5

على اثرائك هذا الموضوع بمشاركتك و خبرتك الكبيرة

و الله يعطيك العافية


-----------

اهليين بالحبيب فرو

ممكن تفصل اكثر ماهي المميزات الي تتمناها في كفر الكومارو

و كل ما فصلت اكثر كل ما كان الاختيار افضل

و بالنسبة للمحل

ما عليك

انا دارس تماااام الحمدلله و عندي احصائيات كثيرة عن اكثر المقاسات المطلوبة و الميزات الي الناس تبغاها و معلومات كثيير

بس استنى التمويل

حأغير مفهوم تركيب و استبدال الاطارات في الخليج بإذن الله :black:

و ان شاء الله راح اسوي خط نقل جوي لتمويل الاخوان في دول الخليج بالاطار الي يبغوه

و شكرا على نصايحك الحلوة

و الله يعطيك العافية

:p

سنـاري
22-09-2004, 01:46 AM
و لا تنسى تقولي ايش المقاس المطلوب

:p

فرو
22-09-2004, 02:10 AM
ماسي محدد بالنسبه الاطارات واليوكوهاما زينات مب انهن مب شيء بس انا ادور الثبات في السيارة وتكون التحكم هو الاساس الي عليه ابحث في عن الاطار المناسب (بس وين الاطار المناسب لسيارة الرياضيه ويكون الامثل من جميع النواحي التقنيه ) :confused:





ومشكور على سرعة الرد وعساك على القوة :)




تحياتي
:) :) :)

سنـاري
22-09-2004, 03:16 AM
اهليين اخوي فرو

انا شايف انك تبغا نفس المواصفات الي طلبتها في الـ لكزس

تتحمل الحراره والسرعه العاليه وتكون ثابته وعلى الشوارع الزلقه وتكون متماسكه

و انا اعيد عليك نفس الاختيارات


ها ايش اقلت .. ؟


:p

passat2002
22-09-2004, 02:39 PM
مرحبا شباب
انا عندي سيارة باسات 4 سلند مقاس الكفر كا التالي 205/55/16
النوع الي جا معها من الوكالة انتل كونتننتل عيبه انه يخلص بسرعة في الثبات ممتاز
ركبت برجستون مقاس 215/55/16
واجهة مشكله وهي قلت سرعة السيارة وتسارعها وثباتها يعني السيارة صارت اثقل من قبل يعني لو كانت اول على الكفرات القديمة تجيب 200 -210 الحين ماتجيب الى 190-180 بس
ما المشكله في كفر البرجستون
واي نوع تنصحني اركب على شان اتخلص من ها المشكلة
والف شكر

سنـاري
22-09-2004, 04:56 PM
مشكلة غريبة جدا اخوي باسات

رغم انه لا يوجد اختلاف في مقاس الجنط الا ان هناك اختلاف كبير في السرعة القصوى للسيارة

و الاختلاف الي عندك في المقاس بسيط جدا

انا كنت مركب مقاس اكبر من الاصلي و صارت السيارة "احسن" من قبل


على العموم

ممكن تديني اسم الاطار بالكامل عشان اتأكد من بعض الاشياء


و انصحك بالاطار هذا

ممتاز جدا و انا مركب منه على احدى سياراتنا

بريلي P 6000

http://www.tire-tyre.com/pirelli/images/p6000-big.gif

http://www.pionono.cl/images/p6000.jpg

http://www.tire-garden.co.jp/sakai/tire/pir_p6000/pict.gif


هذا و الله اعلم ...

:p

فرو
22-09-2004, 05:08 PM
يعني بس هني اختلفت قوة السياره (وقوة السيارة تساهم في تاكل الاطار بسرعه ) وهي كومارو يعني انا على ماجربت لقيتها اكثر تستهلك اطارات عن السيارات العاديه وخاصه انه شبه يومي استخدامها السيارة :rolleyes: بس ما يهمك الحين بندور عن المواصفات الي حبرتني عنها (اذا حصلتها) ومالك الي طيبة الخاطر .:)



تحياتي
:) :) :)

سنـاري
22-09-2004, 05:48 PM
ما عليك اخوي فرو

اتطمن من هذه الناحية تماما

و الله يكتب لك الي فيه الخير



:p

سنـاري
23-09-2004, 01:02 AM
بمناسبة بدء الاجازة الاسبوعية

حابب اني اطرح عليكم سؤال لاختبار معلوماتكم "الكفراتية":eek:

و السؤال كالتالي :

ما الفائدة من هذه النتوءات الموجودة في الاطارات و الموضحة في الصور التالية

http://www.filaq.com/upload/Pictures/4w57w47.gif

http://www.filaq.com/upload/Pictures/hjkfko76oi.jpg

http://www.filaq.com/upload/Pictures/hfgzjr6.jpg

http://www.filaq.com/upload/Pictures/w4635jiuk9.gif

:p

الأنصاري
23-09-2004, 01:32 AM
اعتقد انها تعطيك فكرة كم باقي على الكفر مثل مقياس :D :D ها افهم في الكفرات :think: :think:

الأنصاري
23-09-2004, 01:36 AM
السؤال الي حبيت اطرحه لك:D :D

ممكن نشوف كفرات الثلج اشلون نقشتها :D :D

هل كفرات السيارات الرياضية تناسب جميع الأجواء الحارة والباردة ام ان لها اصدارات خاصة حسب طبيعة المنطقة

وايش افضل نقشة مرت عليك في عالم التواير حيث الثبات والسرعة والهدوء ((الكفر المثالي عندك))

سنـاري
23-09-2004, 01:56 AM
يا عيني عليك يالانصاري

دايما تجبر بخاطري و تكون اول المشاركين في مواضيعي :glasses2:

ما راح اقول كيف اجابتك خلينا نصبر الين بكرة يمكن نلاقي مشاركين كثر و تصير المنافسة احلى

بس اقول انها رمعة جيدة ( اجابة حلوة )

يمكن صح - يمكن خطا - يمكن نص و نص

:cool:

سنـاري
23-09-2004, 02:06 AM
و الله اسئلتك خطيرة جدا يا الانصاري

منت سهل ابدا

لو دريت انك بتسأل زي كذا كان طلبت اللجوء السياسي لمنتدى ثاني :D

بس صراحة اسئلة تدل على انك انسان فااااهم جدا ماشاء الله عليك و خاصة السؤال الاخير

شكلك ناوي تضرب السوق حقي في المنتدى:bomb:

مافي فكة .... انا الخبير يعني انا الخبير:laugh1:

عموما اديني بس دقايق اجمع لك الصور و اجهز الرد الي يعجبك ان شاء الله

:p

الأنصاري
23-09-2004, 02:10 AM
خذ راحتك حبيبي:D :D

والله احرجتني بكلامك :D :D

بس انت الإستاذ واحنا الطلاب:D :D


والفففففففففففففف شكرا على التجاوب السريع

سنـاري
23-09-2004, 03:24 AM
هذه صور لاطارات خاصة بالقيادة على الثلج

http://www.whnet.com/4x4/pix/reifen_entwicklung_sm.jpg

http://www.taiyaman.jp/img/winter.gif

http://www.ninechime.com/FurSale/Tires.jpg

http://www.virgeweb.com/rage2/mySLK32AMG/2002-12-29%20Winter%20Tires.jpg

http://www.tirerack.com/tires/images/dunlop/du_s5000.jpg

http://www.goodyear.com/media/pr/pr_1999/img/Ultra_Grip_Ice.JPG


و هذا يقودني الى ذكر معلومة مهمة خاصة الى اصحاب سيارات فورد كراون فكتوريا موديلات من 98 - 2003

الكفرات الي جايه على السيارة مخصصة للثلوج

و اضعف ما تكون على الطرق الجافة زي شوارعنا

لكن ميزتها انها هادئة و ناعمة جدا ما تحس فيها ابدا



=========================

بالنسبة للسؤال الثاني


فيه سيارات يجي مكتوب على الاطار تبعها M+S

و هذا يعني ملائم لكل الظروف المناخية

فإذا كان الاطار الخاص بالسيارات الرياضية او غيرها مكتوب عليه هذه العبارة M+S

يعني انه مناسب للقيادة في كل الظروف

عندنا سيارة مركبين عليها كفر زي كذا

بكرة النهار ان شاء الله اطلع و اصوره لك مع انه

لانه ذحين ليل و الكاميرا حقتي تعبانة مرة

ان شاء الله اذا كانت الصور واضحة احطها لك


=======================

بالنسبة للسؤال الاخير و الخطير منك

انا راح اصنف كل كفر حسب الفئة


اطارات الجيوب و سيارات الدفع الرباعي

أ - للقيادة في جميع الاحوال ما عدا الطرق الوعرة


بريلي سكوربيون STR

http://www.pirelli.de/de_DE/tyres/car_suv/scorpion/images/scorpion_str.jpg

ب - للقيادة في الطرق الوعرة

بيرجستون A \ T revo

http://www.4x44u.com/newproducts4u/BridgestoneDueler/bsdueleratrevoftsm.jpg

جوديير رانجلر

http://www.4x4review.com/products/tires/goodyear-gsa.jpg

============

للسيارات ذات الاداء الرياضي العالي ( بورش - فيراري ) مقاسات 17 - 18 - 19

بريلي P Zero Nero

http://www.pcauto.com.cn/qcyp/peijian/0312/pic/031222_pirellipzero_01.jpg

=============

للسيارات السيدان الصغيرة ( اكسنت - ريو - كورولا - كامري ) مقاسات 13 - 14 - 15

بيرجستون B700

http://www.tgkoleso.ru:8082/catalog/tyres/bridgestone/images/b700.gif

=============

للسيارات السيدان المتوسطة ( كابريس - كراون فكتوريا - افالون - ) مقاسات 15 - 16

قوديير اشورانس

http://www.tirerack.com/images/tires/goodyear/gy_assurance_comfor_ci2_l.jpg

و ايضا ايجل

http://www.ststire.com/tires/images/gy_eagle_ls.jpg


و بيرجستون تورنزا LS

http://www.tirerack.com/images/tires/bridgestone/bs_turanza_lsh_vz_ci2_l.jpg


ميشلان انرجي MXV4

http://www.ec-securehost.com/OnlineTires.com/images/MichelinEnergyMXV4PLus_lg.jpg

و غيرها الكثير التي لا يتسع المجال لذكرها


اما كفراتي المحببة الى قلبي فهي

بريلي P6000

http://www.eurotire.com/euro1/pirelli/a_p6000.jpg

و بيرجستون بوتنزا GIII

http://wwwms.axisinc.co.jp/potenza/g3/g3tech/g3tire.jpg


و في كفرات ثانية كثييييير

لكن هذا الي قدرت افتكره الآن

ان شاء الله تكون استفدت يالانصاري

و اذا عندك اي ملاحظة او نقطة غير واضحة علمني

و انا اساعدك ان شاء الله



هـــذا و الله أعلـــم ...

:p

الأنصاري
23-09-2004, 12:23 PM
مشكور وماقصرت اخوي سناري كفيت ووفيت :D :D

والى لقاء عند سؤال جديد:D :D

اشكرك جدا على اهتمامك والمجهود الكبير الي تبذلة

mill_955
23-09-2004, 02:29 PM
اعتقد انها ممرات لخروج المياه لتعزيز الثبات في الطرق المبلله


واحب اعطيكم هذا الرابط لانه يساعد كثيييييير في حالة انك تبي تغير مقاس الكفر فهو يحسب الفرق بين المقاسين ويعطيك مقدار الخطا في عداد السرعه في حالة تغيير المقاس

http://www.net-comber.com/tirecalc.html

سنـاري
23-09-2004, 03:55 PM
اهليين اخوي الانصاري

العفو يا غالي و هذا واجبنا

و اي خدمة ... حاضريين

:)


==========

اهليين اخوي mill_955

جوابك خطيير

شكلك خبير في الاطارات

بس ما راح اقول صح او خطأ خلينا نستنى يمكن يجي متسابقين اكثر:rolleyes:

و شكرا لك اخي على الرابط المفيد جدا الذي زودتني به

و سأجعله مرجعا دائما لي ان شاء الله

و شكرا على اثرائك الموضوع بمشاركتك الرائعة

و الله يعطيك العافية

سنـاري
23-09-2004, 03:58 PM
للتذكير ...


بمناسبة بدء الاجازة الاسبوعية

حابب اني اطرح عليكم سؤال لاختبار معلوماتكم "الكفراتية":eek:

و السؤال كالتالي :

ما الفائدة من هذه النتوءات الموجودة في الاطارات و الموضحة في الصور التالية

http://www.filaq.com/upload/Pictures/4w57w47.gif

http://www.filaq.com/upload/Pictures/hjkfko76oi.jpg

http://www.filaq.com/upload/Pictures/hfgzjr6.jpg

http://www.filaq.com/upload/Pictures/w4635jiuk9.gif

:p

سنـاري
23-09-2004, 05:34 PM
جيتك يا الانصاري و معايا الصورة الي وعدتك فيها

و لاحظ عبارة M+S في الصورة

http://www.filaq.com/upload/Pictures/lkgkljgkjgjf.jpg


:p

سنـاري
24-09-2004, 06:29 AM
بسم الله الرحمن الرحيم

للدرجة هذه السؤال صعب :rolleyes:

عموما اشكر الاحبة

الانصاري - mill_955

على شجاعتهما و مشاركتهما


عموما

هذه النتوءات فائدتها انه اذا تآكل الاطار حتى يصل اليها ينصح بتغيره

و هي تدلل على انتهاء صلاحية الاطار

و هذا هو الحد الذي ينصح فيه صانعي الاطارات بتغيرها لدواعي السلامة

و ايضا يبدأ الاطار بفقدان تماسكه و هدوءه و بقية ميزاته


هذا و الله اعلم ....

:p

bujassim
24-09-2004, 01:12 PM
السلام عليكم ورحمة الله وبركاته
بسم الله ماشاء الله

اخوي انا عندي نيسان بترول موديل 98 و ناوي ابدل الاطارات لانها اعتقد انتهت صلاحيتها (فيها نقشة) بس الشباب قالوا بدلها

بقولك شو اللي ابغاه في الاطار يمكن تسهل عليك المهمة
1- هدوء
2- ثبات
3- راحة على الدروب الطويلة ( انا امشي فيها 500 كيلو اسبوعياً تقريباً)
4- ثبات على الطرق الزلقة و المنعطفات
5- يدوم سنة و نصف على الاقل
6- يتحمل الحمولة و السرعة ( عادة امشي 150 بس ساعات اكون مستعجل اوصلها 190 )
7- رغم ان اللي عندي فورويل لكن ما استعمله للبر (الرمل )

الاطار الاصلي برديجستون H/T قياس 265/70/16
الاطار الحالي سوميتومو shaheen قياس 275/70/16

لاحظ:: انا القياس مختلف و هالشي سبب لي تغير في قراءة عداد السرعة ( العداد يعطيني سرعة اعلى ب10 -12 كيلومتر) و يمكن زاد الصرفية شوي

المهم انا مريت عند محل اطارات و سألت و لقيت:
ميشلان بـ500 درهم
بريللي 480 درهم
فالكن 300 درهم
جود يير 420 درهم

انا تابعت مواضيعك و كنت ما تنصح بالفالكن.. لانها ما تدوم..على فكرة مثل ما قلت انا احتاج لـسنة ونصف فقط لاني ناوي ابيع الموتر.....
الميشلان احس ان سعره غالي بس عشان السمعة

على فكة في شباب مدحولي بالفالكون.. و الراي لك

شو رايك اركب بريدجستونم ولا لأ

على فكرة انا يهمني السعر جداً
فاذا كان ما يناسبني بضطر اركب اطارات بوالين من ماركة سيام ولا دنلوب


و جزاك الله خير

الأنصاري
24-09-2004, 05:30 PM
يعني جبتها صح:D :D

عندي لك اخوي سناري سؤاليين اتمنى ما اكون ثقلت عليك

الأول بالنسبة للجنوط الكبيرة 21 اكبر شوي واصغر شوي هل التواير المتوفرة لها من جميع الشركات مثل الدنلوب البرجستون الميشلان ام ان لها تواير خاصة

الثاني لو عندك فكرة او معلومات ممكن تزودنا فيها عن تواير الفورملا 1

سنـاري
24-09-2004, 06:09 PM
بسم الله الرحمن الرحيم

اهليين اخوي بوجاسم

الله يعطيك خير سيارتك و يكفيك شرها

و احب اوضح لك معلومة بسيطة لو تكرمت ...

اطارات فالكين عمرها قصير كما تفضلت ... و بالاضافة الى ذلك تفتقد الى (((الجودة))) الموجودة في ميشلان و قوديير و بيرجستون و بريلي

يعني احتمال تحبيل الكفر و تضرره اكبر من بقية الاطارات

و لما اتكلم عن الفالكين فأنا في نفس الوقت اشير الى اقرانها ( هانكوك - مارشال - كومهو - .... )


و ايضا في توضيح آخر بخصوص اختلاف المقاس

المقاس الي انت مركبه طبيعي جدا جدا

و الفرق في السرعة ما راح يزيد في اقصى حالاته عن 2 كم \ س

و احتمال اذا كنت بتمشي وسط البلد ما تزيد السرعة الا مقدار نص كم \ س

و الصرفية ابدا ما تزيد و لا شيء ان شاء الله

المشكلة تكون اذا غيرت بجنوط اكبر

مثلا جيب جنوطه 17 يركب لها جنوط 20 اكيد حيفرق معاه

او جيب مقاسه زي مقاسك يقوم ينزل الارتفاع 30 ملم و يزيد العرض 40 مثلا على نفس الجنط حيفرق معاه نوعا ماء بس تغيير الجنوط اثره اكبر


عموما

شرحك وافي و كافي و ريحتني كثيير جدا يعني الآن اقدر افصل لك الكفر الي يناسبك اعتمادا على ما ذكرته من ميزات مطلوبة


لدي الآن ثلاثة خيارات تلبي مطالبك

لكن افضل و انسب الاطارات لك هو بريلي سكوربيون STR

و 500 كم في الاسبوع مو سهلة ابدا اهم شيء فيها انك ترتاح من الاطار سواء من ناحية الاداء او من ناحية الهدوء و خاصة في السرعات العالية

انا مركبها على احدى سياراتنا VX-R

صاحبها استعماله قاسي نوعا ماء و يسافر فيها من الخبر الى جدة

و الحمدلله مرتاحين منها جدا

و اذا كان غالي عليك

شوف اليوكوهاما جيولاندر H\T-S G051

و احفر هذا الرمز في راسك لأنه يوكوهاما اساميها زي بعض

عموما هذا الاطار هو الانسب لك بعد بريلي و سعره ارخص

http://www.auto-futura.ru/tire/yokohama/images/G_HT_S_004.jpg


و اخيرا

بيرجستون ديولر H/L D683

http://www.tirepros.com/img/products/bridge_duelerHL.gif


هذا و الله اعلم ....

:p

سنـاري
24-09-2004, 06:54 PM
بسم الله الرحمن الرحيم


اهليين اخوي الانصاري

بالعكس يا غالي مافي تعب و لا حاجة ..

---

المقاسات الكبيرة اكيد في لها اطارات من الشركات المعروفة التي ذكرتها

و ميزتها انها لا تتوفر الا عند الشركة فقط او الموزع الرئيسي او المعتمد

اما عيبها و هو الي خلى اصحاب السيارات ذات المقاسات الكبيرة يتجهوا الى "فالكين" بالتحديد

سعرها المبالغ فيه جدا جدا

يعني مثلا سعر طقم اطارات مقاس 22 راح يطلع عليك بـ 9 الآف ريال و يوصل الى 12 الف

لكن الفالكين ما يزيد عن خمسة الأف ريال بالكثير

مثال آخر

واحد عنده سيارة سيدان عادية اكورد مثلا

يبغى يغير جنوطه الى مقاس 19

زمان كان يشتري الطقم للمقاس الاصلي اذا بياخذ "احسن" نوع ما تزيد عن 1700 ريال

الآن مع المقاس الجديد يبغى يدور كفرات جديدة من نفس الشركة راح تطلع عليه بـ 5 الآف ريال مثلا

يروح المسكين لفالكين على طول يلاقي نقشة "احلى" بس طبعا جودة اقل و هو كمستخدم عادي ما يعرف هذه التفاصيل

المهم تطلع عليه بـ 2200 - 3000 ريال بالكثير


و هذا يقودني الى ذكر موقف حصل لي كنت سأفرد له مشاركة خاصة

لكن بما انك اتيت على ذكر هذا الموضوع خليني اسرد لكم الاحداث هنا

ذهبت لأحد افخم صالات السيارات المستعملة في جدة و الواقعة في شارع صاري

محتويات المعرض

مرسيدس : E55 AMG - CL500 - S600 و غيرها من السيارات الرياضية الفخمة جدا

لكزس : LS430 - GS - SC

BMW : العديد من سيارات الفئة السابعة و الخامسة و المعدلة

بالاضافة الى سيارات مثل بيتل تيربو - اسكاليد - رولز رويس (روز رايز ) - العديد من المرسيدسات المعدلة من AMG و لورنزر - بورش و اودي و غيرها من السيارات التي تفوق اسعارها 200 الف ريال

و بحكم ان اغلب السيارات المذكورة هي في الاصل مستعملة و معدلة فمن الطبيعي ان نشاهد مقاسات كبيرة للجنوط تصل الى 22 على بعض السيارات هناك

لكن ما ادهشني فعلا هو وجود اطارات مثل هانكوك و كومهو و نيتو و غيرها من الاطارات الرخيصة و الواضح انها مستبدلة حديثا و خاصة الفالكين المنتشر بشكل مخيف في الصالة

طبعا الصالة لا تخلو من اطارات الميشلان فئة البايلوت و من الواضح انها مستبدلة من قبل المستخدم قبل ادخالها الى المعرض من 6 الى 18 شهر


و في مواقف آخرى

شاهدت اطارات رياضية ليست موضوعة بالشكل الصحيح

اما معكوسة ... او مقلوبة


طبعا هناك فرق بين المعكوس و المقلوب

و سآتي لكم على ذكرها في المشاركة القادمة


اما بخصوص السؤال الثاني فحقيقة انا متخصص في اطارات السيارات العادية من هونداي اكسنت و حتى جيب الهامر

اما سيارات الفورميلا 1 و الجرافات و الطائرات و المعدات الثقيلة كالرافعات و غيرها و كفرات الكراسي:D

انا لم ابدلها من قبل:blink: و لست متطلع عليها

لكن سوف ابحث لك عنها و ان شاء الله اديك الجواب الي يرضيك


و بخصوص السؤال الاول في اي توضيح او نقطة ما وصلت ... ؟؟

:cool:

Yukon GT
24-09-2004, 11:48 PM
هلاااااااا أخوي سنــاري .. :) :) ..


اشتقت لك .. قلت خل نسأله .. :D :D ..

شلونك وأيش أخبارك ..


الحين فيه معلومة منتشرة بين الناس .. ودي أتأكد منها ..

هل البريجستون ينسلخ بسرعة .. عشان سلكه أكثر من غيره .. نااس وااجد يقولون كذا .. أنا من ناحيتي ما أقدر أحكم لأني ماقد جربته .. لكن كل اللي وصلني كلااام .. بــس ..


وماشاء الله عليك شغال :banana: :banana: ..


الله يوفقك إن شاء الله وتفتح محل ..

ترى إذا تبي قطة عشان المحل .. عادي نقط لك .. بس الربح فيفتي فيفتي ..
هاه أيش قلت؟؟ .. :glasses2:

تحياتي ..

سلااااااااااااميشن ..

سنـاري
25-09-2004, 12:53 AM
اهليين اخوي يوكون

الله يسلمك يا غالي:rolleyes:

بشرنا كيف الساينكرون معاك

ان شاء الله ماشي تماما ؟


الكلام الي انت سمعته يذكرني بإشاعة سكر الأسرة:eek:

انا اديك حكاية حصلتلي قبل مدة

كنت مسافر من جدة للمدينة

و في الطريق و انا ماشي على سرعتي الطبيعية 120

سمعت صوت قوي من الجنب اليمين

في البداية حسبت انه صوت التريلا الي جايه من يميني

و الي معايا يقول حسبت انه واحد دقنا من الجنب

و شوية حسيت الطارة صارت ثقيلة و السيارة قامت تحذف لليمين

عرفت ان المشكلة في الكفر مع العلم انها كانت هذه اول مرة يبنشر علي كفر في حياتي

و السيارة كانت مليانة و دفع امامي و الكفر الي ضرب كان الامامي في الجهة اليمين

المهم بعد ما جنبت خرجت من السيارة و اطل في الكفر مافيه شيء كأنه منسم بس

و الكفر سليم مافيه شيء ...

الجنط باين انه مدقوق من اطرافه لاني مشيت عليه و الكفر نايم يعني كان الضغط على الجنط و طبعا الجنط كان ضاغط على الكفر المبنشر و هذا الشيء الي في العادة يخلي الكفر يتقطع

بس البيرجستون شكله سليييم ما فيه ولا حاجة

اعتقد ان السبب في المشكلة مسمار دخل في الكفر و الله اعلم لاني شيكت على الكفرات في نفس اليوم الي سافرت فيه

و هذا الكفر كان لي سنة مركبه

مع العلم انه كفر صغير مقاسه 13 و سعره 120 ريال اسمه B70

يعني قصدي انه مو كفر رياضي و لا كفر مواصفاته عاليه ... و شوف كيف ادائه ماشاء الله تبارك الله

عموما مسألة السلك يتميز فيها القوديير

يعني لو عندك سيارتين مركب على واحد فيهم قوديير و الثاني ميشلان و مشيت فيهم 100 كم

انزل و شوف حرارة الكفرات .. القوديير تلاقيه بارد اما الميشلان حار

طبعا الشركتين هذه من افضل الشركات في العالم لانتاج الاطارات


و تجربة ثانية في سيارة مركب عليها كفر هانكوك

كنا ماشيين بسرعة 60 او اقل في وسط البلد و السيارة فاضية و الدنيا ليل "مافي حر" و لما ضرب الكفر جنبنا على طول

لقينا الكفر رايح ستين قطعة !!:headshak:


و بخصوص المحل و الله انا ماعندي غير ثلاثين ريال في المحفظة :D

و هي كل ما املك في الدنيا ...:laugh: ... الحمدلله على كل حال

بس انا ناوي اشتغل في محل Part-time

و ان شاء الله بعد التخرج افتح محل على مستوى عالي ... مو زي البناشر المنتشرة و ماسكينها الاجانب الي عدموا الدنيا

و الله لا هم دارين عن الكفرات و لا حتى يعرفوا يركبوها


اخيرا ...

اللهم علمنا ما ينفعنا ... و انفعنا بما علمتنا

هذا و الله اعلم ...

:p

bujassim
25-09-2004, 12:16 PM
جزاك الله الف خير

سنـاري
25-09-2004, 01:16 PM
رد مقتبس من سنـاري

و في مواقف آخرى

شاهدت اطارات رياضية ليست موضوعة بالشكل الصحيح

اما معكوسة ... او مقلوبة


طبعا هناك فرق بين المعكوس و المقلوب

و سآتي لكم على ذكرها في المشاركة القادمة


بسم الله الرحمن الرحيم

استكمالاً للمشاركة السابقة حول الاطارات التي يتم تركيبها بشكل خاطئ

اولا سأوضح انواع الاطارات

1- اطارات تركب بأي طريقة و هي في الغالب اطارات سيارات السيدان العادية و بعض اطارات الجيوب

مثل هذه الاطارات

http://www.pokrishka.ru/img/tires/big/hankook_k702.jpg

http://www.whalentire.com/tires/kumho/pictures/716.jpg

http://www.whalentire.com/tires/yokohama/pictures/avidh4.jpg

http://www.4x44u.com/newproducts4u/BridgestoneDueler/DuelerAT_Revo_OWL_small.jpg

http://www.aaarims.com/wheels/bridgestone-turanza-er30-2.JPG

http://www.auto2.hu/a2-web03-06/sajtosz/gumin.jpg


هذه الاطارات سهلة التركيب او بالإصح تركبها بأي جهة تركب معاك

يعني ممكن اي احد يركبها لك و ما يغلط فيها


و السبب النقشة متوازية و متناظرة و كل جهة نفس الجهة الاخرى و ليس لها اتجاه



2- اما النوع الثاني فهو النوع الرياضي المعروف

و يأتي غالبا بهذه الصور

http://www.tire-tyre.com/bridgestone/images/bs%20potenza%20S-O3_cut.jpg

http://www.wheeltech.com/tires/yokohama/avs_dbs2b.jpg

http://www.autobytel-japan.com/goods/tire/michelin/pilot_sport.jpg

http://cars.uhome.net/car-parts/photo/footwork-suspension/tire-s02.gif

http://www.wheeltech.com/tires/yokohama/avs_sportb.jpg

http://www.firestonetireandauto.com/bsfs/images/potre730.jpg

http://www.wheeltech.com/tires/yokohama/avs_es100b.jpg


و كما هو ملاحظ هذه الاطارات تأتي متوازية و متناظرة و خطوطها ذات اتجاه واحد

هذه الاتجاه يجب ان يكون موجه الى الامام او مقدمة السيارة بهذا الشكل

http://ivo.nu/albums/thunderbird/potenza_re750.sized.jpg

لكن للاسف ... احيانا اشاهد سيارات معكوس فيها الكفر

و هذه الحركة لها سلبيات عديدة ... محللة فيزيائيا ... اذكر منها

انعدام الانسيابية في الحركة - ضعف التسارع - ضعف الاداء بشكل عام

اديكم مثال بسيط

كيف سيكون وضع طيارة تقلع و مؤخرتها الى الامام .. !!

هذا هو الحال تماما في الاطارات و انت عندما تغير اتجاه النقشة يعني ما استفدت و لا حاجة من الاطار الجديد

و يمكن يضرك اكثر من انه ينفعك



3- اما النوع الثالث فهي اطارات رياضية ذات مواصفات خاصة

و تركيبه بشكل خاطئ يدلل على عدم كفاءة العاملين في محلات الاطارات

هذه الاطارات مصممة لتعطي اداء اعلى و تماسك اقوى عند المنعطفات بالاضافة الى افضل اداء ممكن على الطرق المبتلة

و هي تأتي بالاشكال التالية :

http://www.part.cz/buxus/images/auto-moto/testy/michelin_1t.jpg

http://www.emwheels.com/tires/yokohama/yo_parada.jpg

http://www.most.com.mx/images/michelin/pilot_primacy.jpg

http://www.bayswatertyres.com.au/tyre_MXF_sport.jpg

http://www.autobytel-japan.com/goods/tire/michelin/pilot_primacy.jpg

http://www.offroad.org.tw/suncheng/2002/images/certis-01.gif

http://www.newtyres.co.nz/michelinpics/img_tyre_certis.jpg

http://www.sinhuphuattyre.com/products/michelin/images/michelin_mxf_sport_1.JPG


و يكون تركيبها بهذه الطريقة

http://www.s1.inets.jp/~shikoku/AUTOMOBILE/CORONA/EQUIP/MICHELIN_PILOT-PRIMACY.jpg


طبعا تركيبها يحتاج الى معرفة الاطارات بشكل ممتاز

و للأسف هذا النوع من الاطارات الاقيه في الغالب مركب بطريقة خاطئة و بالتالي .. عواقب وخيمة

و للأسف ايضا اجده موجود على سيارات مثل BMW و المرسيدس

و هذا الذي شاهدته في الصالة آنفة الذكر مما سائني للغاية


و اخيرا

ان شاء الله وصلت المعلومات الموضحة لكم بالشكل الصحيح

و هذه المشاركة و المشاركة قبل السابقة هي جواب لسؤال اخي الانصاري الي جاء في سطر واحد:laugh1:

و اذا في نقطة مو واضحة او عندكم اي ملاحظة

لا تتردوا في كتابتها هنا

و اسأل الله العلي العظيم ان يعلمنا ما ينفعنا ... و ينفعنا بما علمنا

و الله يعطيكم العافية

:p

جلكسي
25-09-2004, 03:48 PM
السلام عليكم

اخوي سناري انا سيارتي كفراتها مقاسهم
r 13
175/70

وابغا اغير الكفرات الخلفيه والكفرات الاماميه جديده مالهم شهرين وهي من نوع بريجستون b700

ولكن البرجستون سعره 150 او 140 وانا ابحث عن شيء ارخص شويا ويكون ياباني وقيمته فيه

وبصراحه انا اخذت البريجستون سابقا لأني كنت من هوات السرعه والحمد لله الله هداني وابحث عن كفر يكون ناعم وهادي وما يطلع صوت وثابت على المنعطفات مقاس 13

اتمنى انك من خبرتك تزودني بأفضل الأنواع غير البريجستون وبسعر اقل شوي

وجزاك الله خير

سنـاري
25-09-2004, 07:27 PM
بوجاسم

العفو يا غالي و لا تنسى تبشرنا بالاطارات الجديدة


اهلا اخي الكريم جلكسي

مقاس 13 لا تتوفر له خيارات عديدة

و الكفرات الجيدة هذا سعرها انا برضوا ركبت مقاس 13 لسيارتي قبل اكثر من سنة و سعر الكفر الواحد 135 ريال

و السعر الي عندك حلو جدا

مقاس 13 و المنتشر في السوق حاليا لرخص سعره هو الهانكوك optimo

بس طبعا الفرق كبير بينه و بين البيرجستون

لكن بما انك ركبت بيرجستون في الامام

فأنا انصحك انك تغير بقية الكفرات من نفس النوعية

اذا غيرت النوعية راح تتأثر السيارة معاك و ممكن ما تعطيك الاداء الي انت تبغاه

عموما انا انصحك كما طلبت بأنواع غير البيرجستون

عندك اليوكوهاما و الدنلوب و الاخير ارخص

بس كفراتهم ممتازة جدا

لكن زي ما قلتلك سابقا الافضل لك انك تركب نفس الاطارات الموجودة عندك حاليا B700


هذا و الله اعلم ...

:p

الأنصاري
25-09-2004, 09:30 PM
الله يخليك اخوي سناري مشكور وماقصرت وانشاء الله لو سويت محل خدمة كفرات كبير ونقصتك فلوس انا بادخل معاك شريك

بس على شرط لو نجح المحل وحقق ارباح نفتح فرع في قطر:D :D

سنـاري
25-09-2004, 09:43 PM
العفو يالانصاري

بس محل في قطر ... ما اعتقد :think:

مع اني احب قطر جدا و احب اهلها الطيبين الي زيك و زي حمد


لانه حمد يقولي انه اشترى البريلي طقم لـ الكروزر تبعه بـ 1300 - 1600 على ما اعتقد

احنا هنا عندنا الطقم بـ 2700 :shock2:

يعني مافي ارباح عندكم بس ان شاء الله اذا توسع المحل .... و كبر

افك فرع في قطر و اخليك المدير حقه في الصباح و top secret المدير في الـ ليل

و انا اجي كل شهر و آخذ الفلوس:lol:

كيف التخطيط بس :eek:


ادعي ربنا انه ييسرها و افتح محل في جدة اول شيء

وبعدين ربك يسهل ...

تحياتي لك،،،

:p

mill_955
25-09-2004, 10:21 PM
اخوي سناري عندي استفسار بسيط

اخوي عنده CLK موديل 2003

مقاس الكفرات الامامي 17-45-225
والخلفي 17-40-245

يوم راح لوكالة بريللي في جده عشان يغير الكفرات


ركبوا في الامام PZero Asimmetrico

http://www.tirerack.com/images/tires/pirelli/pi_pzero_asimmetrico.jpg


والخلف ركبوا PZero Rosso Asimmetrico

http://www.tirerack.com/images/tires/pirelli/pi_pzero_rosso_assim_ci2_l.jpg



ليش ركبوا نوعين مختلفين عن بعض...... هل هذا له دخل في تحسين الاداء؟؟؟؟؟

سنـاري
25-09-2004, 11:11 PM
اهلا اخوي mill_955

حاجة غريبة جدا

و من شركة بريلي .. !!


اختلاف المقاس لا يعني اختلاف نوعية الاطارات

الاطارين كل واحد في جهه و مافي علاقة بينهم لا في المواصفات و لا في الاداء

الاطار الخلفي مناسب و افضل من الامامي الذي لا اجد مبرر لتركيبه

لكن السؤال هنا .. ايش السبب ياليت اخوك سألهم عن سبب تغيير نوعية الاطارات

و اذا قال لك عشان الاداء و السرعة و التحكم و قاعد يتفلسف

قل له وريني الاطارات الي نفس المقاس الي بدلت بيهم الاطارات الغريبة هذه ....

عموما انت لازم ترجع للشركة و تتفاهم معاهم بخصوص هذه المسألة و ان شاء الله توصلوا لحل مقنع


و على فكرة

بكم طلع عليكم الطقم ...

:p

the_faris
26-09-2004, 03:30 PM
السلام عليكم ورحمة الله وبركاته

هلا أخوي المبدع --0(سناري)0--

أولاً/ الله يعطيك العافيه على الردود الشافيه والكافيه..


ثانياً/ ابغى استشارتك في موضوع الكفارات اللي تجي من الوكالة واعني سيارة الهوندا كورد v6

هل هي ذات كفاءة عالية أم لا...

ثالثاً وأخيراً/ اريد أنسب كفارات للv6 accord الرنج 16

المواصفات: 1- السعر معاك حتى عشرة آلاف
2- الهدووووووووووووووووووووووووووووءvery silentو :anger:
3- الثبات في المنعطفات
4- المرونه خاصة عند المطبات اللي ماليه العالم:ranting:
5- تتحمل سرعة الv6
الماركه (بريلي-ميشلان-برجسون)












وشكراً أخوك_ فارس

سنـاري
27-09-2004, 03:22 AM
و عليكم السلام و رحمة الله اخوي فارس

الله يعافيك و يسلمك

انا اعرف الاطارات الي تجي على الاكورد 4 سلندر

و هي من نوع دنلوب

و طبعا الدنلوب معرووووف مستواه عالي جدا

و الي تجي على السيفيك نوعها بيرجستون بوتنزا

لكن الاكورد 6 سلندر ماني متأكد منها و ما اعرف احد عنده زيها

عموما طالما انه مقاسك 16

اتطمن

هذا احسن مقاس

لانه تتوفر فيه كل انواع الكفرات و من كل الشركات

و انا عندي نفس المقاس هذا

و ماشاء الله عليك اخترت افضل 3 شركات في العالم ( بيرجستون - بريلي - ميشلان )

و مايحتاج 10 الآف ان شاء الله

كل الي تشيله معاك هو 2000 بالكثير

لكن في نقطة تحتاج توضيح الكفر الرياضي في الغالب ما يكون هادئ و الكفر الناعم و المرن ما يجي عمره طويل و زي كذا يعني انت ماشاء الله جمعت كل المواصفات

لكن انا بحاول اجيبلك افضل خيارات و قولي بعدين ايش رايك

و هذه هي الاقتراحات


1- بريلي P6000

http://www.tire-garden.co.jp/sakai/tire/pir_p6000/pict.gif

http://www.lesprojekt-sb.cz/rallylink/FAVORIT/Pictures/P6000_big.jpg

http://www.e-berg.co.jp/images/c2/s02/pi/tpi005l.jpg

http://www.autoreview.ru/novinki/num089/apirelli03.JPG


2- بيرجستون Potenza GIII

http://www.jimgmbh.com/sjr/gif/tire-g3.gif

http://www.fvrs.ru/tires/pics/bspctg3.gif

http://fit-id.hp.infoseek.co.jp/DSCN305111.jpg

http://www2s.biglobe.ne.jp/~ben/tireshop/shouhin/g3_t.jpg


3- ميشلان pilot primacy

http://www.michelinman.com/images/catalog/tires/pilot_primacy_large.jpg

http://www.sirenagomme.it/1_primacy.JPG

http://www.emwheels.com/tires/michellin/mi_pilot_primacy.jpg


هذا و الله اعلم ...

:p

mill_955
27-09-2004, 04:02 AM
اخوي سناري انا سالت الوكاله عن كفرات سيارة اخوي وقالولي ان المشكله كانت من عدم توفر المقاسات ..........يقولي حاولنا نخلي الاثنين نفس النوع لكن المقاسات مب متوفره عند الوكيل




وبالنسبه للسعر لا تسال :help:

اذكر كان سعر الكفر الواحد الف وشويه

سنـاري
27-09-2004, 04:45 AM
رد مقتبس من mill_955
قالولي ان المشكله كانت من عدم توفر المقاسات ..........يقولي حاولنا نخلي الاثنين نفس النوع لكن المقاسات مب متوفره عند الوكيل


انا كنت متأكد من الكلام هذا ( المقاس غير متوفر )


رد مقتبس من سنـاري
الاطارين كل واحد في جهه و مافي علاقة بينهم لا في المواصفات و لا في الاداء

الاطار الخلفي مناسب و افضل من الامامي الذي لا اجد مبرر لتركيبه

لكن السؤال هنا .. ايش السبب ياليت اخوك سألهم عن سبب تغيير نوعية الاطارات

و اذا قال لك عشان الاداء و السرعة و التحكم و قاعد يتفلسف

قل له (((وريني الاطارات الي نفس المقاس الي بدلت بيهم الاطارات الغريبة هذه))) ....




ما ادري ايش اقولك اكثر من كذا

بس الله يكون في عونكم ...

فرو
28-09-2004, 06:55 AM
هلا بخبيرنا سناري:)


كنت مار بس وحبيت اسلم عليك:D

وبغيت اسئلك عن الفالكون لاني حصلت في احد المحلات اطارات سبورت للكزس تقريبا نفس نقشة اليوكهاما الي على الكوماروا ونفس القياسات جنط 17 فما ادري شو رايك فيهن (واظن قالي انهن كوري :confused: مش متاكد)




واسمحلي بتعبك وياي :)



تحياتي
:) :)

سنـاري
28-09-2004, 09:28 AM
اهليين بالحبيب فرو

يا مرحبا فيك و الله


شكلك متردد مرة اخوي فرو

الفالكين زي بعض السيارات الكورية

يقولوا الجير من متسوبيشي و المحرك من مرسيدس و التصميم الخارجي من الشركة الفلانية

و في النهاية السيارة تقعد ثلاث سنوات بالكثير و تخبط

شوف اخوي عندك الشركات هذه خذ منها و انت مرتاح

ميشلان - بيرجستون - بريلي - جوديير - يوكوهاما - دنلوب

و اذا مرررررة منت قادر على هذه الشركات في كفر رياضي من كومهو اسمه اكستا طيب

و اذا برضوا حسيت انه السعر غالي اشتري فالكين


في اقتراح ثاني مختلف تماما عن هذا الكلام كله

و هو انك تستورد الاطارات الي تبغاها عن طريق الشركة الام او الموزعين المعتمدين في العالم عن طريق الانترنت ... السعر حيطلع عليك اقل بكثير من سعر السوق عندكم

او اذا تبغى انا اشتريلك الاطارات من هنا و اشحنها لك

:p

فرو
28-09-2004, 02:44 PM
هلا بالحبيب سناري:)


انا مش متردد وله حاجه بس هذا الي حصلته في رحلت البحث :glasses2: عن الاطارالمنشود للمدعي عليها الكزس :D والنتيجه طبعا كانت مخيبه شوي :headshak: بس مايهمك مندام متبرع تتشتريهن وتشحهن وبعد يا ليت لو تركبهن وبدربك الله يخليك ميزانية للرودات بالمره:D :D بس ان سمعت فيهن اي عيب برجعهن :rolleyes: وعليه تكتبلي تعهد بتحمل كامل المسؤليه :o ها شو قلت :D





وبالنسبه لللاسعار ميزانيتي مفتوحه يعني نو بربللم ارباب :rolleyes:



تحياتي استاذي الكبير
:D :D

the_faris
28-09-2004, 05:16 PM
السلام عليكم ورحمة الله وبركاته

مشكور أخوي سناري على الرد والله يعطيعك الف عافيه...

واما بالنسبه للكفرات اعتقد انه البريلي P6000 هو الافضل من حيث مواصفات السلامه

ولا وش رايك:glasses2:

وعندي سؤال آخر : لو اخلي الرنجات (17) هل سيتأثر الآداء...

وآسف على الإطاله...:(

سنـاري
28-09-2004, 05:31 PM
اهليين حبيبي فرو

مافي داعي تتعب نفسك طالما انه ميزانيتك مفتوحة

روح طواااااالي على الشركة الام و لا مكان اخر غير الشركة فقط لانهم يملكون ايدي عاملة افضل و امهر من تلك الموجودة في البناشر و ايضا اطاراتهم تكون حديثة الصنع غالبا

لكن مهما كان لازم تشرف على شغلهم بنفسك عشان ما يصيرلك زي ماصار لأخونا mill_955

و زي ما قلتلك اذا تبغى سعر اقل عندك مواقع في الانترنت

و انا هنا من جدة مستعد اقدم خدمتي لك ببلاش بس انت عليك حق الكفرات و الشحن

و طبعا كل شيء بالفواتير و اعرضه هنا في المنتدى اذا تبغى

بس اهم شيء انك ما تنساني من دعائك لي في ظهر الغيب :)


==========

اما اذا تبغاني اشتريهم و اركبهم و اوزنهم و اضمنهم على حسابي مو مشكلة بس انت ارسل السيارة

و خليني افحط فيها عشان اتأكد كيف نعومة الكفرات الجديدة بعدين خليني اسافر فيها من هنا للظهران و ارجع عشان اشوف كيف مريحة في الخط و لا لا

بعدين انزل فيها ابها عشان اشوف كيف في المرتفعات فيها تماسك و لا لا

و طبعا اجربها في الحفر و المطبات و الشوارع المكسرة هذه طبعا ما يبغالها سفرة لانها متوفرة في جدة و لله الحمد

و طبعا ما انسى اقلك اني لازم اخليها عندي الين الشتاء ممكن ينزل ثلج في جدة:blink: يصير بالمرة اجرب تماسكها في الثلج

و اذا ما نزل خليها عندي الى الصيف الجاي عشان في الاجازة اروح فيها لبنان اشوف كيف في الثلج

و اذا كانت تمام

يصير ابيع السيارة هناك و ارسلك الكفرات من لبنان على ابوظبي و الباقي اشتري فيه تذكرة درجة اولى الين جدة

يعني بالله بعد التعب هذا كله علشانك ما تبغاني ارجع بيتي معزز مكرم:damp:

طبعا كله على الضمان يعني اذا ما عجبتك الكفرات رجعها لي و لا تنسى ترسل معاها الكومارو عشان اسوي عليها نفس التجارب السابقة:D

:eek:

و ربي يسعدك دنيا و آخرة

سنـاري
28-09-2004, 05:42 PM
و عليكم السلام و رحمة الله و بركاته

اهليين اخوي فارس

الله يعافيك يا غالي

اذا انت مرتاح لـ P6000

توكل على الله و اشتريه

و كلامك صحيح انه افضل من ناحية السلامة لأنه يدعم نظام ABS


بالنسبة للجنوط انا افضل دائما ان السيارة تكون على نفس مقاسها

لكن اذا تبغى جنط اكبر فأقترح انك ما تزيد عن 17

و اذا كنت تبغا 17 يعني اطارات مختلفة و سعر مضاعف

الاداء ما راح يختلف ( سلبيا ) كثير اذا انت اخترت المقاس المناسب


و اذا كان عندك اي سؤال او استفسار فأنا في خدمتكم دائما ان شاء الله

هذا و الله اعلم ...

:p

الأنصاري
28-09-2004, 10:51 PM
هلا اخوي سناري اسف على الإزعاج كل دقيقة ارمي وجهي:D :D

عندي سؤال بخصوص الكفرات الرياضية الي نقشتها تكون سهمية ناعمة
هذة الكفرات هل عمرها اقل من الكفرات العادية وايش مميزاتها وكيف اعرف ان نقشتها انتهت :D :D

سنـاري
29-09-2004, 02:02 AM
اهليين حبيبي الانصاري

و الله لو تعرف انه اسئلتك و مشاركاتك تجي على قلبي زي العسل كان ما قلت ازعاج و ما ازعاج و الكلام هذا

انا عرفت الاطارات الي تقصدها

http://www.most.com.mx/images/toyo/proxes_t1s.jpg

http://www.hitrapot.net/images/023_0003.gif

http://www.wheeltech.com/tires/yokohama/avs_sportb.jpg

http://www.nissanperformancemag.com/november02/toyo/images/tire222.jpg

http://www.seranimotorsport.com/_03_gommaeagle.gif

http://www.ostlestyres.co.uk/images/large/t1-stread.jpg



و انت سألت سؤال بثلاث محاور مختلفة:blink:

1- عمر الاطار
2- المميزات
3- انتهاء فترة الاستخدام


=======

1- عمر الاطارات يختلف من منتج لآخر لإختلاف المواد المستخدمة في صناعته

و طبعا لا ننسى العامل الاكبر المؤدي الى سرعة استهلاك الاطار و الي هوا ظروف الاستخدام


2- الميزة الاكبر في هذا الاطار هو الثبات على الطرق الجافة و المبتلة

و ذلك بسبب خطوط التصريف الكبيرة الموجودة في النقشة و بالتالي يقل معامل الاحتكاك مع الهواء و تحس براحة اكبر في التحكم بالدركسون ( سرعة الاستجابة )

و ايضا هناك ميزات و سلبيات و لكن تختلف من اطار لآخر و اكثر ما يكون هذا الاختلاف في نسبة هدوء الاطار


3- تستطيع ان تعرف العمر المتبقي من الاطار عن طريق النتوءات الموجودة فيه ( للاستزادة راجع اول مشاركة في الصفحة الثامنة )

و عن طريق تاريخ صنع الاطار

و العمر الافتراضي للاطار هو 5 سنوات تختلف باختلاف الاستخدام

و يقصد بخمس سنوات اي ان الاطار قابل للاستخدام لمدة خمس سنوات فقط من تاريخ الانتاج و لا ينصح باستخدامه بعد هذه المدة و حتى ان لم يكن هذا الاطار قد تم استخدامه من قبل

طبعا هناك عوامل مؤثرة في عمر الاطار اذكر منها

وجود حذفه في السيارة و هذه مشكلة اكثر السيارات و تجد الاطار ممسوح من الجهة الداخلية و سليم من الجهة الخارجية كما هو موضح في الصورة على اطارات ميشلان ساينكرون مع العلم ان هذه الصورة لاطار اخي بلاك سكوربيون

http://www.filaq.com/upload/Pictures/ghkghk7i876.jpeg


العامل الثاني و كما ذكرت سابقا ظروف الاستخدام

القيادة في اجواء غير مناسبة

القيادة على الطرق الغير معبدة ( حفر - مطبات - ... )


العامل الثالث اهمال فحص ضغط الاطارات بشكل مستمر


العامل الرابع عدم تغيير اماكن الاطارات بشكل دوري


و غيرها الكثير ...


=========

بالمناسبة يا شباب

الحلم تحول الى حقيقة ... مشروع محل الاطارات في طور الدراسة الآن و سيدخل حيز التنفيذ خلال 6 اشهر ان شاء الله

و حبيت اسألك يا انس ... انت تدرس في قسم الاقتصاد او الادارة او التسويق و هذه الاشياء عشان عندي بعض الاستفسارات


و لا تنسونا من صالح دعائكم يا شباب

و الله يعطيكم العافية

:p

فرو
29-09-2004, 06:29 AM
هلا بخيرنا سناري:)



:D :D :D :D :D :D


خلاص عيل بشحن السيارة وبالمرة تنازل بتحصله فيها :D :D


وانا اتعامل مع الدنلوب اكثر من الوكيل المحلي عندنا او البرجستون والقديير على حسب نوع السيارة الي عندي وعلى حسب اسعار الوكيل ونوعية الكفر .

هالفترة مو فاضي لها رايح دوره عنها وبشوف الامور بعد الرجوع من هالدورة :)




تحياتي
:) :) :)

سنـاري
29-09-2004, 07:54 AM
طيب ممتاز

انا و اخواني الاعضاء ننتظر تقريرك "المصور" لدورتك على شركات الاطارات

و لا تنسى تعطينا نبذة عن الاسعار عندكم

و انا بانتظار الاخبار الحلوة

:p

فرو
29-09-2004, 03:10 PM
باين انته فهمت الموضوع بشكل غير صحيح :cool:


انا ساير عن السيارة قصدي مو ساير ادور عن الاطارات الي بشركات :glasses2:


تحياتي



:) :)

Maxpower
29-09-2004, 05:03 PM
يعطيك العافية أخوي سناري

جهد رائع تشكر عليه

حبيت أسألك أفضل إطار يجي على الماكسيما السياحية ( بدون جنوط كروم ) الجنط مقاسه 15
الكفر المستخدم بريجستون ( كفر الوكاله) سعر الكفر 280 تقريبا

فيه عندي مشكلة بعد تركيب الكفرات بفتره أو بعد بريك قوي تصير السيارة ترج أروح للبنشري وأرصص الكفرات وتطلع تمام وبعد كذا بفتره ترجع ترج ما أدري هل الشيء هذا طبيعي أو فيه مشكلة بالكفر.

هل تنصحني بكفر أفضل يكون مريح + هادي + ثابت على الخط؟

للمعلومية صاحب السيارة راعي خطوط وسرعة

تحياتي لك ،،

سنـاري
29-09-2004, 10:04 PM
اهليين اخوي فرو

طيب معليش بس تراني برضو ما فهمت ردك الثاني:(


اهليين اخوي ماكس باور

الله يعافيك

بخصوص الرجه اعتقد انه المشكلة ميكانيكية

و افحص ذراع الشاص و غالبا تكون المشكلة في المنطقة الموصلة بين الاطاريين الاماميين

و انصحك انك توديها لمركز محترم زي مراكز قلف و ون ستوب مو عند بنشري الله يهديك


بخصوص الاطارات اعتقد انك ذكرت اهم ميزة يحتاجها اهل الخطوط و السفريات ( مريح و هاديء ) و انا ازود عليها "العمر الطويل"


و انا اقترح عليك هذه الاطارات

1- يوكوهاما سايلنت

http://www.tuninglove.com/Immagini/yokohama/AVS%20dB%20V550.jpg


2- ميشلان هارموني

http://www.michelinman.com/images/catalog/tires/harmony_large.jpg


3- دنلوب SP40

http://www.sullivantire.com/tires/images/tires/dunlopsp40.jpg


و ارتبهم بالافضلية كالتالي :

ميشلان - دنلوب في مستوى متقارب جدا

و يليهم اليوكوهاما


هذا و الله اعلم ....

:p

فـهـد
29-09-2004, 10:30 PM
السلام عليكم ورحمة الله وبركاته


جزاك الله خير على جهدك اخ سناري.


وعندي استفسار ياليت تساعدني فيه.


عندنا دودج رام هيمي معدل وقوته حدود ال 400 حصان وعزمه قريب ال 450 رطل ونسب القير قصيره (النسبه الأخيره 4.56),
مشكلته انه يفحط واجد في القومه مع ان السياره مزوده ب لوكر للدفرنش.

السياره عليها كفرات جوديير من المصنع وماشين عليها 10 الاف كلم و حجمها 17 ار 70 / 265


اي نوع من الكفرات تنصحنا نستعمل لتماسك افضل في الانطلاق من الصفر ؟



صورة الدودج رام (http://fahad600.jeeran.com/Ram%20014.jpg)





شكرآ
فـهـد

فرو
30-09-2004, 12:40 AM
الموضوع يا عزيزي بكل بساطه اني انا (واعوذ بالله من كلمة انا )رايح في مهمة عمل متعلقه بالدوام ولفترة غير بسيطه فالسيارة للكزس وغيرها بتركهن فترة وما حد غير الي بيهتم فيهن بغيابي يعني حتى التشغيل ماحد بيشغلهن ولابيحركهن غيري .



الموضوع ياباشا في غاية البساطه ومش محتاج كل لوله دي :D :D



تحياتي
:) :)

سنـاري
30-09-2004, 09:13 AM
اهليين اخوي فهد

عندي لك ثلاث خيارات من افضل و انسب ما يكمن ان تجده في السوق لاستخدامك

و هي كالتالي :


1- ميشلان دايمرس

http://www.bug.hr/autonet/predstavljamo/michelininovacije/09.jpg


2- يوكوهاما جيولاندر G 52

http://www.auto-futura.ru/tire/yokohama/images/G_HT_S_007.jpg


3- بيرجستون ديولر H\P

http://www.bridgestone.com.au/tyres/products/car/treads/pics/tyre_295.jpg


و انا انصح بالبيرجستون

و ياليت تصوري الاطارات القديمة بوضوح و تديني اسمها و بعد ما تشتري احد الاطارات المقترحة تصورها و تقولي كيف ادائها

و الله يكتبلك الي فيه الخير

:p

سنـاري
30-09-2004, 09:16 AM
اهليين اخوي فرو

ايوااااااا

دوبي فهمتك

تروح و ترجع بالسلامة و لا تنسى تكون على اتصال معانا خلال فترة السفر

و ربنا معاك

:p

فـهـد
30-09-2004, 11:39 PM
مشكور اخ سنـاري على المعلومات, وان شاءالله بنشوف الميشلان


وهذي الصور الي طلبتها

صوره الكفر كامل (http://www.supermotors.org/getfile.php?id=148654&toggle=fullsize&f=.jpg)
نوع الكفر (http://www.supermotors.org/getfile.php?id=148655&toggle=fullsize&f=.jpg)
مقاس الكفر (http://www.supermotors.org/getfile.php?id=148657&toggle=fullsize&f=.jpg)





شكرآ
فـهـد

عين الفهد
02-10-2004, 04:27 AM
اخوي العزيز سناري عندي سؤال ---------------> أعرف اني كثرت عليك :shy:

بالنسبه لسؤالي السابق عن الاطارات

Front 255/35

Rear 285/30

بحجم 19" ما وجدتها بالوكالات عندنا بقطر

الميشلان قالو لي عن البايلوت سبورت 2 وممكن يكون طلبيه لكن لم القى اي رد منهم

والبيريلي ماعندهم حاجه عندنا

والوكالات الثانيه خبر خير يعرفوا القديم والاحجام الصغيره بس

اذا ممكن تعلمني الفرق بين 285 و 275 بالنسبه لاطار الخلفي قالوا لي يركب فهل هذا صحيح وايش اضراره

واذا كان ممكن تعلمني وين ممكن القى الحجم المطلوب لاني صراحه تعبت وانا ادور يعني اذا كان عندكم السعوديه بالمنطقه الشرقيه واذا كان بالانترت ممكن تعطيني المواقع الممتازه وبصراحه افضل الميشلان

اتعبتك ياعزيزي معي لكن بصراحه ارتحت لكلامك كثير :p

والعذر والسموحه على الاطاله وارجو اني ما أكون اتعبتك

اخوك







http://upload.serverseed.com/pictars4/3enAlfahad2.gif

سنـاري
02-10-2004, 05:38 AM
شكرا لك اخي فهد على الصور و لا تنسى تبشرني بالاطارات الجديدة

========

اهليين اخوي عين الفهد

بالعكس يا عزيزي خذ راحتك في الاسئلة

و انا هنا لمساعدتكم دائما بعون الله


اول شيء حجم 19 يعتبر كبير و ما تلاقيه في كل محل و ما يجيبه الا المحل الواثق من انه حيصرفه ( شركة - موزع )

و هذا الشيء يخليك تتطمن انك حتاخذ اطار جديد و غير مخزن بإذن الله

و الميشلان الي وصفته لك ممتاز جدا و قد يصنف الاطار ( الافضل ) بين الاطارات الرياضية

و اذا تحب ممكن تركب ميشلان بايلوت سبورت 1 برضوا ممتاز


اما بريلي عندهم افضل اطارات و انتبه ... لازم تخلي الاطارات كلها نفس النقشة

و دور الاطار الي كلمتك عليه اول

P Zero Rosso
او
P Zero Nero

و ثق تماما انها اطارات مذهلة و اريح من الميشلان

الفرق بين 285 و 275 هوا 10 ملم و هو فرق بسيط لن يؤثر ان شاء الله


و اذا اردت ان تبحث عن الاطارات في الشرقية هذا رقم مركز بريلي في الدمام

038505750

او للاتصال الدولي

0096638505750

اما مركز ميشلان في الشرقية ما اعرفه لكن اذا نزلت الشرقية اسأل و ما راح تتوه ان شاء الله

و اذا تبغى مواقع تبيع الاطارات

فيه مواقع كثير لكن هذا افضلهم

http://www.tirerack.com



و اي خدمة حاضرين

:p

ERT
02-10-2004, 04:00 PM
السلام عليكم اخوي سناري ...

حبيت استفسر شوي وناخذ من وقتك

شرايك بتواير http://www.bridgestonetire.com/dpp/glamour/logos/D-mt.gif

http://www.tirepros.com/img/products/bridge_duelerMT.gif

ابيهم على اللند مالنا للبر وهالسوالف .. لقيت الديولر A/T بس حاب واحد للبر أكثر .. فياريت لو تقولنا رايك عنهم

أبا اكبر مقاس متوافر منه الا وهو LT285/75R16 .. فقولي بيركب على رنجات اللند .. ولا يباله رنجات ثانيه .. أذا رنجات ثانيه بلييز عطني المقاس الأفضل لها الحجم .. B)

وهذا كتالوج التاير لو حاب أي حد يحمله ..

دوس عالصورة ..

http://www.bridgestonetire.com/dpp/glamour/logos/D-mt.gif (http://productcat.bridgestonetire.com/exports/pp_177401.pdf)

ومشكووور مقدما ..

سنـاري
03-10-2004, 04:16 AM
و عليكم السلام و رحمة الله و بركاته

اهلا فيك اخوي ERT

ديولر M\T ممتازة

لكن افضل عليها A\T Revo


هذا و الله اعلم ....


:p

MKB
03-10-2004, 12:16 PM
بسم الله الرحمن الرحيم

والله ياأخ سنـاري ماأدري إش اقلك الصراحة قاعد أكتبلك وأنا مستحي منك بس ياريت تنصحني إش اركب كفرات لسيارتي لأنها ماشية 35 ألف كم والوكالة قالولي افضل انك تغيرها عند 35

سيارتي.. لكزس 430 موديل 2004

ماشية بالضبط.. 36500 كم

كفراتها أعتقد 17 والله بس مني متأكد (( هي حق الوكالة )):cool:

أقدر أركب عليها كفرات أكبر ولالا

والصراحة أنا عجبني الكفر

P6000
فإش رأيك أركبه ولا في أفضل منه لأني مهتم بالهدوء والرساوه


وشكرا على سعة صدرك

أخوك/ MKB:p

سنـاري
03-10-2004, 01:34 PM
اهليين اخويي MKB

خذ راحتك يا عزيزي و اسأل عن الي تبغاه

نعم اطارات الـ لكزس مقاس 17

بس عندي كم سؤال لو تكرمت

كم مقاسك الحالي بالكامل مع ذكر اسم الكفر كاملاً ايضا

و كم المقاس الي تبغا تركبه على السيارة

يعني تبغى تزيد عرض الاطار بس ( تزيد عرض الدعسة ) ... و لا تبغى تغير الجنط كله .. ؟


عموما تغيير الاطارات عند 35,000 كم يعتبر مبكر جدا ... لكن نظرا لانه اول اطار ... اقول انه قد يتم ذلك لبعض السيارات و لو رأيت اطارات سيارتك على الطبيعة استطيع ان احكم

لكن بشكل عام غيرها اضمن لك .... و التغيير القادم انا اقول لك عند كم ( يعتمد على الاطار الي تختاره )

و ياليت تفصل لي ظروف استخدامك للسيارة بشكل عام

و اعلم انه كل ما زدت معلومات كل ما كان التحديد افضل ...

و ان شاء الله اجيب لك اطار افضل من P6000 بمراحل


هذا و الله اعلم ...

:p

ERT
03-10-2004, 03:47 PM
مشكور اخوي وماقصرت سناري والله يعطيك العافيه

MKB
04-10-2004, 12:14 PM
بسم الله الرحمن الرحيم

شكراً أخي سناري على سرعة الرد وجبت إسم الإطارة والمعلومات عنه بس ان شاء الله تكون صح (( جبتلك كل شيء مكتوب في الكفر :glasses:

الإسم : برجستون

باقلي المعلومات :
TURANZA ER33

245/45 R18 96W

العرض زي ماتفضلت وقلت 17 ماغيرت حق الوكالة وأبغى اخليه زي ماهو بس ابغى ازود العرض (( الدعسة ))...

وعندي كم سؤال على الطاير :cool:

الكفر مايضر لو ركبته في الصيف ولا في الشتاء!؟

ولو زودت العرض (( الدعسة )) حق الكفر مايسبب أضرار على السيارة ؟؟ (( أو السيارات بشكل عام)) عندي قريبي عنده أكورد ويبغى يزود العرض (( معليش دخلته في الموضوع :o ))؟؟؟

وشكرا اخي سناري وآآآسف على إزعاجك....أخوك/ MKB

سنـاري
04-10-2004, 12:51 PM
رد مقتبس من MKB
245/45 R18 96W

العرض زي ماتفضلت وقلت 17 ماغيرت حق الوكالة وأبغى اخليه زي ماهو بس ابغى ازود العرض (( الدعسة ))...

اخوي انت اديتني رقمين مختلفين

فوق كتبت 18 و تحت كتبت 17

ممكن تحدد

:rolleyes:

سنـاري
04-10-2004, 01:21 PM
اخوي ERT

العفو يا غالي و انا بالخدمة

--------------------------------------

اخوي MKB

مو مشكلة عرفت الحل :laugh:

المقاس الجديد نقص ارتفاعه 5 ملم

يعني بدال 45 خليه 40

و زود العرض 10 او 20 ملم يعني يصير 255 او 265

و راح تحس براحة اكبر ان شاء الله

الاقتراحات معايا بس خليني اجاوبك على اسئلتك اللي على الطاير:D

لا يضر الاطار سواء ركبته في الصيف او ركبته في الشتاء و لا حتى 1%

لو زدت عرض الاطار ما يضر السيارة لكن اذا زودتها مرة اكيد بيضر لكن لا تزيد عن عرض 30 ملم كحد اقصى على نفس الجنط الاصلي

فيه اشياء بسيطة حتصير و يمكن ما تحس فيها اللي هيا زيادة صرفية البنزين و ثقل السيارة و تذكر هذه كلها حتزيد بشكل بسيط جدا

انا ركبت اطار اعرض بـ 30 ملم على احدى السيارات ما حسيت ولا بشيء بالعكس حسيته ريحني كثييير جدا

عموما المسألة هذه تختلف من اطار لاطار و من سيارة لسيارة و من مقاس لمقاس

و مو مشكلة دخل قريبك و العيلة و القبيلة كلها في الموضوع و ان شاء الله لما افتتح المحل نشوفكم اول الزباين:banana: :rolleyes:


----------

و بالنسبة للاقتراحات انا ما حبيت اديك اقتراحات كثيرة و بأديك اقتراح واحد اللي هو

بيرجستون Potenza Re50

http://www.bridgestone-eu.com/upload/Album/AP_1890.jpg

اطار مميز جدا

و احلى شيء فيه انه حتى لو انفقع عليك ما يصير فيه شيء يمشيك اكثر من 100 كم و هو مبنشر و انت ماشي عليه بسرعة 100

اطار هادئ و مريح و ناعم و جودته عاليه جدا .... زي سعره:D

و طبعا اطار زي هذا مستحيل تلاقيه عند البناشر و هذا من فضل الله

لا تركبه الا من عند الشركة

و انتبه ترى في اكثر من نوع فئة Potenza

انت قله اديني هذا النوع و الي فيه الخاصية الفلانية


اذا ما ناسبك هذا الاطار عندي اقتراح ثاني

اللي هوا بريلي P Zero Nero

http://www.pcauto.com.cn/qcyp/peijian/0312/pic/031222_pirellipzero_01.jpg

و هوا طبعا ارخص من البوتنزا و ما فيه نفس ميزات البوتنزا لكنه الافضل بعده


اذا نقطة مي واضحة او استفسار ثاني اطرحه و لا تتردد


هذا و الله اعلم ...

:p

922
04-10-2004, 03:04 PM
السلام عليكم


اخوي سناري

اول شي مشكور على الجهد الرائع اللي تقوم فيه
وماقصرت

اليك اسئلتي :) :)

سيارتي كان عليها :

كفرات dunlop الموديل sp sport 200

بمقاس 205 \ 65 / R15

94 V

وكانت على جنوط حديد

صورة


http://www.beaurepaires.com.au/sptimages/fs_sp_sport_200e.jpg


بعد ماركبت جنوط غيرت الكفرات
وركبت


كفرات dunlop الموديل sp sport lm702

195\ 65\ R15
91 H

وركبتهم على جنوط الالمنيوم

صورة


http://www.dunlop.co.jp/newsrelease/img/2001_116_1.jpg


فماادري اختياري كان صائب

لو بغيت جنوط من الانترنت وكفرات ماادري تقدر تخدمنى >>>مصخها :) :)



تحياتي واتمنى مااكون ثقلت عليك
محمد

سنـاري
04-10-2004, 08:12 PM
و عليكم السلام و رحمة الله و بركاته

اهلا بيك اخوي 922

و الله ما ادري ايش اقلك اخوي محمد

لكن اختيارك لم يكن صائب للاسف من ناحية المقاس و المواصفات

لكن من ناحية الشركة "دنلوب" فهو صائب 100%


و اذا تبغى جنوط و كفرات من النت اكيييد اقدر اخدمك و هذا شيء يسعدني جدا ..

لكن انا اقترح عليك انك تدور كفرات في وسط البلد

انا ما اعرف الرياض بس اكييد فيها وكالات و اذا مالقيت شيء يناسبك

تعال هنا حتلاقي من كل صنف و نوع


اما بالنسبة للجنوط هذه عاد تختلف

و تقدر تطلب من النت عن طريق هذا الموقع الرائع

http://www.gotwheelsandtires.com/catalog/

و هذا ايضا

http://www.1010tires.com/wheels.asp

و ماشاء الله سيارتك لونها ابيض

اي شيء يركب عليها ... و انا افضل الجنوط السوداء:black:


و اي خدمة او استفسار انا حاضر

:p

922
04-10-2004, 09:48 PM
سنـاري


مشكور على اهتمامك

وش معنى 94 V

و 91 H


:help:

:::::::::::::::::::::::::::::::::::::::::::::::::::::::::::::::::::::


بالنسبة للجنوط اعجبتني هذي

وتلاحظ اني اخترت شي بسيط وعادي

الصراحة مايهمنى شكل الجنط بكثر مايهمنى انه يكون اصلى ويخدمنى اكثر من الوكالة

http://www.1010tires.com/wheel.asp?wheelbrand=MSR&wheelmodel=113

ياليت القيمة التقريبة حتى توصلني وطبعاً خذ في بالك اسوء احتمال + عمولتك بالطبع :)

ولاتتكلف في البحث لاني ماراح اطلبها الا بعد فترة >>>>طفران بس ياخذ فكرة


تحياتي لك وماقصرت

سنـاري
04-10-2004, 10:27 PM
اهلا فيك اخوي 922

الفرق يا سيدي

اول شيء في السرعة القصوى اللي يتحملها الاطار

"V" اعلى بدرجة واحدة عن "H" و الفرق بينهم تقريبا "+30 كم \ س"

"H" يتحمل حتى سرعة 210

بينما "V" يتحمل حتى سرعة 240

-----

الفرق الثاني

في الماكس لود

يعني قدرة الاطار على تحمل الاوزان و الضغط عليه

"94" تعني ان الاطار يتحمل وزن اقصاه 670 كجم

"91" تعني ان الاطار يتحمل وزن اقصاه 615 كجم


عموما ليس بالضرورة ان تكون هذه الرموز عملية 100%

يعني مثلا الاطار الي رمزه "V" على الورق يتحمل اقصى شيء حتى 240 لكن بامكانك ان تزيد السرعة الى 270 مثلا لكن مو بشكل مستمر

طبعا هذا الشيء من واقع تجربة ... ايام زمان طبعا :eek: و مو على اطار درجته "V"

يعني ذحين انا اقصى شيء ممكن امشيه 120 و حتى احس نفسي مو مرتاح مع هذه السرعة العالية


هذا اللي اقدر اكتبه حتى الآن عندي مشوار مهم جدا

و ارجع لكم بعد ساعتين او ثلاث ساعات بالكثير ان شاء الله

و اعذرني على هذا التأخير و ان شاء الله اجيب لك كل المعلومات اللي تبغاها يا غالي

و لا تنسانا من دعائك في ظهر الغيب

و الله يعطيك العافية

MKB
04-10-2004, 10:56 PM
هلا يااستاذا الكبير سناري

زي ماشفت أخوك في الله غشيم في السيارات والله مني عارف اش تعني المعلومات اللي اعطيتك هي بس لأنك قلتلي اول انه مقاس اللكزس 17 قلتلك 17 بس اليوم الصباح وانا رايح الكلية جبت ورقه وقلم وسجلت كل اللي في الكفر :D وانا ماادري اش يعني...

على العموم حبيبي والله مشكور على المجهود الطيب اللي تبذله معانا وجزاك الله خير

بس يعني خلاص اتوكل على الله وأركب بيرجستون Potenza Re50

والمقاسات

255/40 ((مني فاهم ليه نقصنا الـ45 الى 40 !! ))

ومعليش اش يعني

R18 - W96

وكم سعره التقريبي لو عندك خلفيه....

وشكرا حبيبي ويعطيك الف عافية ---- ولاتنسى ترسلي عنوان المحل اول مايفتح على الاميل :)

أخوك (( الغثي )) / MKB:rolleyes:

سنـاري
05-10-2004, 02:28 AM
اهليين اخوي MKB

عادي يا عزيزي ...

كل ميسر لما خلق له

اذا كنت انا بارع في الاطارات فانت بارع في الالكترونيات و فلان بارع في الاتصالات و هكذا ...

و بالنسبة للمقاس و الله هي عملية حسابية و تطلع لك نتائج و تقارن بين نتائج الاطار القديم مع الاطار الجديد و تشوف كم الفرق و بعدين تشوف تأثير الفرق و هرجة طويلة عريضة

و طالما انك حددت اخيرا انه مقاسك 18 انا اقلك اذا بتخلي العرض 265 لازم تنقص 5

و اذا بتخليه 255 خلي الارتفاع زي ما هوا

و انا افضل الاختيار الثاني

------------

بصراحة ما عندي خلفية عن السعر لكن الاطار الواحد اعتقد انه اكثر من 1500 ريال

-----------

بالنسبة للمحل اكيييد حأديك العنوان و راح اسويله اعلان ما حصلش بس تراه في جدة

-----------

بالنسبة للرموز اديني كذا نص ساعة عندي شوية اشياء و ارجع لك


و مرة ثانية لا تنسى اذا فيه اي سؤال او استفسار لا تتردد

:p

--------

سنـاري
05-10-2004, 02:43 AM
عدنا لك مرة اخرى اخوي 922

و اعتذر عن التأخير اللي حصل

و الله كل يوم تثبتلي زيادة رجاحة عقلك و نضجك الفكري الكامل

عموما الكلام اللي قلته واقعي 100%

http://www.1010tires.com/images/wheels/large/msr_113_slvr_lg_enlarge.jpg

و بالنسبة للقيمة انا حاستفسر منهم

و عيب عليك ياخي تقولي عمولة ...

انا هنا اعمل بشكل تطوعي بس لأجل مساعدتكم و كل اللي اتمناه الدعاء لي فقط في ظهر الغيب

و الله يسامحك ... و الله يعطيك العافية كمان

و على فكرة المشكلة اللي عندك مو بس في المواصفات ... بالاضافة الى ذلك المقاس

لكنها مو مشكلة كبيرة بس حبيت انبهك

و اي خدمة او استفسار لا تتردد

:p

MKB
05-10-2004, 07:01 PM
شكرا سناري حبيب الشعب

ويعطيك ألف عافية على سعة صدرك

وأبشرك تراني من جده :D (( يعني محا تفتك مني :D ))

وبالنسبة للرموز مافي داعي تتعب نفسك خلاص مالها داعي...


وشكرا حبيبي مرة ثانية ويعطيك ألف عافية

سنـاري
05-10-2004, 07:58 PM
اهليين اخوي MKB

العفو يا سيدي و الله يعافيك

و بالنسبة للرموز

اعذرني على النسيان رغم اني وعدتك بعد نص ساعة

بس ما عليك

هذا التوضيح

R18 - W96 معناها

انه الكفر راديال

و يتحمل سرعة قصوى مقدارها 270 كم \ س

و اقصى حمولة للاطار الواحد هي 710 كجم

و طبعا مقاس الجنط 18

سنـاري
05-10-2004, 08:33 PM
رجعتلك اخوي 922

حتكلفك الجنوط حول 2500

بس المشكلة انه لا يوجد منها مقاس 15

و اي خدمة حاضرييين

922
05-10-2004, 09:57 PM
رد مقتبس من سنـاري
رجعتلك اخوي 922

حتكلفك الجنوط حول 2500

بس المشكلة انه لا يوجد منها مقاس 15

و اي خدمة حاضرييين


مشكور على جهد ياغالي



ويعلم الله اني دعيت لك من قلبي



المقاس اللى ابيه 17 انش بالضبط



وهل هذا السعر شامل اللى ان توصلني في الرياض :help:


واذا عزمت بيكون بينا ماسنجر عشان نتفق على عمولتك وكل شي باقي



تحياتي والف شكر على الخدمة

محمد

سنـاري
05-10-2004, 10:07 PM
شكرا لك يا غالي على دعائك و هذه العمولة اللي ابغاها و وصلت كااااااااااملة الحمدلله:rolleyes:

و طبعا هذا السعر الين الرياض للمقاس 17 و ربنا يبارك لك في سيارتك و يعطيك خيرها و يكفيك شرها

و اذا تحتاج اي شيء ثاني حياك الله في هذا الموضوع وفي الرسائل الخاصة و البريد الالكتروني و الماسنجر

بس اديني خبر انك موجود لانه ماسنجري له اكثر من ثلاث شهور ما انفتح :cool:

و ما افتحه الا في المناسبات الخاصة:D

و زي ما قلتلك الخدمة هذه تطوع و حب للمساعدة ... اتقرب فيها الى الله ... لعل الله يرضى عني و يرحمني و يجيرني من النار

و هذا يحتاج الى دعائكم لي في ظهر الغيب ....

جزاكم الله خيرا

و الله يعطيك العافية

:p

922
06-10-2004, 11:26 AM
والله مدري شقول اخوي سنـــاري احرجتنى بكلامك http://fm.abunawaf.com/images/smilies/blushing.gif

حاولت اركب الجنوط على السيارة بالفوتوشوب http://fm.abunawaf.com/images/smilies/unsure.gif مدري تضبط والا :headshak:



http://members.lycos.co.uk/mh922/Accord&rims.jpg


::::::::::::::::::::::::::::::::::::::::::::::::::::::::::::::::::::::::::::

اسئلة

بحتاج طقم مثل هذا لان حق بلدها مايركب
http://www.1010tires.com/accessories.asp?view=INSTNUT-TUNER
او منتج مشابة يركب على الاكورد وعلى الجنوط

:::::::::::::::::::::::::::::::::::::::::

كم بتاخذ مدة عشان توصلني

"يمدي قبل العيد"

وعشان اقدر ادبر المبلغ قريب ..

::::::::::::::::::::::::

باقى الكفرات انا افكر بمقاس 215 \ 50

عشان اعوض عن حجم الوكالة 205\ 65 خصوصاً الجنط حيكون اكبر

http://fm.abunawaf.com/images/smilies/ANSmile29.gif كذا صح والا

::::::::::::::::::::::

اذا وصلت الجنوط بالسلامة
كم راح تكلفني الكفرات خلنا نقول كفرات مستوها متوسط - الى متدنى خبرك الجنوط بتاكلني :cry: شوي


وعمولتك محفوظة .........


تحياتي لك

محمد

سنـاري
06-10-2004, 02:36 PM
اهليين فيك اخوي 922

اذا قصدك تسألني يعني كيف شكلها على السيارة ... و الله الصراحة مي حلوة مرة :help:

و الشيء اللي ما عجبني فيها انه خطوط الجنط نحيفة جدا يعني لو كانت اتخن شوية تطلع احلى

و المدة اللي تاخذها البضاعة يختلف باختلاف الناقل و وسيلة النقل ... ممكن توصلك في اسبوع او ممكن توصلك في شهرين :damp:

و بالنسبة للمقاس اللي انت ذكرته مررررة ما يصلح :blink:

خذ هذا المقاس و ركبه و ادعيلي :)

17/55/215

او ممكن تخلي العرض 225 اذا تحب الكفرات العريضة

بس المقاس اللي اديتك هوا افضل مقاس


-------------

بالنسبة للكفرات انا ما انصح بكفر الا و اكون ضامن اداءه و ضامن رضاء صاحبه عنه بشكل تام

و انا اقلك الكلام هذا عشان انت تقول تبغى كفرات مستواها ( متوسط - متدني )

عموما بما انك ارجعت السبب الى الناحية المادية

فاسمحلي اسألك كم مستعد تدفع لطقم الاطارات ؟ اذا ما فيه احراج ....

عشان اقدر اقارن و اطلع لك الاختيار الافضل

و انا بانتظارك ....

:p

أمير أبوظبي
06-10-2004, 07:46 PM
السلام عليكم ورحمة الله وبركاته

جزاك الله الف خير أخوي على مجهودك ...والله يعينك علينا :)

عندي لكزس LS430 موديل 2003
وحاب اركب عليها تواير مقاس 19 او 20 ....وبأي نوع من الجنوط تنصحني ؟؟


تحياتي لك :)

سنـاري
06-10-2004, 07:59 PM
و عليكم السلام و رحمة الله و بركاته

الله يسلمك و يعافيك اخوي امير ابوظبي


رد مقتبس من أمير أبوظبي
عندي لكزس LS430 موديل 2003
وحاب اركب عليها تواير مقاس 19 او 20 ....وبأي نوع من الجنوط تنصحني ؟؟


اعتقد قصدك انك بتركب جنوط مقاس 19 او 20

و تبغا تعرف ايش افضل اطارات لها

اما اذا كنت تبغا تعرف افضل جنوط لها ... والله انا مالي في الاشياء هذه

عموما انا بآخذ في الاعتبار السؤال بعد التصحيح

بس ياليت فضلا لا امرا انك تحدد ظروف استخدامك و ياليت تكون بالتفصيل اي شيء يجي في بالك بس قولي هوا

و ايضا يا حبذا لو حددت مقاس الجنط اللي بتركبه 19 او 20


و هذه الطلبات مني عشان اختار لك افضل و انسب اطار ...

و انا بانتظارك

:p

أمير أبوظبي
07-10-2004, 10:46 AM
السلام عليكم ورحمة الله وبركاته

تحياتي لك عزيزي

انا محتار اي نوع من الجنوط واي نوع من الاطارات اركب ..

استخدامي عادي ... واحب السواقه الهاديه ... بس على الخطوط السريعه احب اسوف على سرعات عاليه ...وبعد تعجبني الاطارات الهاديه الي مالها صوت ...

رأيك يهمني :)


واممممممم... وسلامتك الغالي :)

سنـاري
07-10-2004, 03:17 PM
اخوي 922

لو سمحت اذا عندك اسئلة اضافية اكتبها في مشاركة جديدة

و رجاء لا تعدل في مشاركاتك السابقة "بعد ما ارد عليها" عشان لا تلخبط علي ...


==================


اخوي أمير أبوظبي

و عليكم السلام ورحمة الله و بركاته

فهمت طلبك :cool:

و ابشر باللي يرضيك

:p

أمير أبوظبي
07-10-2004, 06:11 PM
الله يبشرك بالجنه :)

سنـاري
07-10-2004, 11:39 PM
معليش على التأخير اخوي أمير أبوظبي

واحد من الاقارب طلب مني برنامج و قعدت اسويه لمدة 8 ساعات

=======

انا محتار اي نوع من الجنوط واي نوع من الاطارات اركب

اذا كنت تقصد بسؤالك لي عن نوع الجنوط ... يعني اسم شركة منتجة

كان ودي اخدمك فيها بس ماعندي خبرة في شركات الجنوط

لكن ممكن اديك اشكال جنوط حلوة و ممتازة او مواقع تبيع جنوط حلوة و انت تختار منها

و تدفع لهم عن طريق الفيزا كارد ... و يشحنوها لك الين ابوظبي

و اما اذا قصدك تسألني عن مقاس الجنط اللي اقترحه عليك

و الله يا اخي انا انصحك انك تخلي الجنط على نفس مقاسه ... يعني ماشاء الله تبارك الله مقاس 18 ممتاز ... و اذا مصمم انك تغير الجنط لا تزيد عن 19

--------

و لو افترضنا انك اقتنعت بكلامي :p و خليت مقاس الجنط 18

عندي لك افضل اطار ممكن تحصله و انا شخصيا ناوي على واحد

1- جوديير اشورانس

http://www.goodyeartires.com/goodyeartireselector/graphics/Tires/full/comfortred.jpg


2- يوكوهاما V550

http://www.yokohamatyre-asia.com/defaultMall/images/tire/tw_yrc_V550_ph.gif


انا انصحك بالجوديير بشدة ... و لكن ماني متأكد اذا كنت حتلاقيه موجود عندكم في السوق او لا

و طبعا اليوكوهاما اطاراتها ممتازة جدا


و اذا فعلا طلع كلامي صح و لقيتها لسه ما نزلت

مالك الا انك تشتريها عن طريق الشركة الام

و اذا نويت كلمني و انا راح اساعدك

:p

SLR55
09-10-2004, 12:17 AM
مرحبا أخوي سناري

من زماااااااااان أبا أدخل الموضوع وأقولك شكرا وأطلع بس :p

والله إنك تستاهل كل خير :rolleyes:


بس قلت بكتب سؤال عشان نتعبك شوي :cool:


http://www.arab3.com/images12/13357241.jpg
شفت الصورة

الحينة أفكر أدور علي نفس الرنج بس يبالي وقت لأنه شكله يديد

حبيت أسألك عن تاير يركب عليه مع العلم إن قياسه 19

فشو أحسن قياس يركب عليه على خبراتك :think:

ترى هذا الرنج يركب على الكابريس وطالع حلووووووووووو :banana:

الحينة بسير الصناعية وبدور عليه :Sad2: الله يعيني

نبى همتك ويانا

صح نسيت ترى يهمني الهدووووووووء والثبااااااااااات

سلااااااااااااااااام

سنـاري
09-10-2004, 01:27 AM
اهلا فيك اخوي SLR55

شكرا لك على كلماتك اللطيفة

و ربنا يسعدك دنيا و آخرة

-----------

الجنط اللي حطيته عجبني جدا ... ماشاء الله ذوقك حلو

و انت تقول تدور الهدوء و الثبات على جنط مقاس 19 لسيارة كابريس .... طيب

انا اديك هذه الاقتراحات

1- بيرجستون Potenza S03

http://forum.autohoje.com/uploaded/Max/20041610820_BridgeStonePOWA.jpg

http://www.aaarims.com/wheels/bridgestone-potenza-s03-2.JPG

http://www.autofit-schlossgarage.ch/Bridgestone_Potenza_S03_Pole_Position.gif


2- يوكوهاما V550

http://www.yokohamatyre-asia.com/defaultMall/images/tire/tw_yrc_V550_ph.gif


هذا و الله اعلم ...

:p

SLR55
09-10-2004, 07:51 AM
أشكرك على ردك

بس بخصوص الجنط للحينة ما إشتريته :Sad2:

بروح أدور على أقرب شكل له وإن شاء الله أحصل مثله :(

بس نسيت تعطينا قياس على ذوقك :p

سلااااااااااااام

سنـاري
09-10-2004, 08:06 AM
طيب ابشر و لا يهمك

انت اديني المقاس الاصلي

و انا اديك احسن مقاس ممكن تركبه

:cool:

SLR55
09-10-2004, 11:09 AM
المقاس الأصلي :laugh:

الرنج قياسه 17 :Sad2:

وطالع صغيييييييييييير على السيارة فقررت أحط 19 :black:

القياس الأصلي للتاير 235 \ 45 \ 17

وفكرت أحط 245 \ 40 \ 19 أو أعرض شوي

إش رايك ؟؟؟

سنـاري
09-10-2004, 02:25 PM
:D

17 و صغير ..:OO:

انا كان عندي سيارة مقاس كفراتها 13 :eek: بس عرضت الكفر حقها و صارت 100% :banana:

على العموم في معلومة مهمة تعرفها

انه اسعار الاطارات لمقاس اكبر من 16 او 17 تبدأ في الارتفاع الجنوني

يعني مثلا طقم كنت تاخذه بـ 2000 ريال لمقاس 17 حتاخذه بـ 3500 تقريبا لمقاس 19

-------------

احسن مقاس يركب عليك هو

19\35\235

او اذا تبغى تزود العرض عشان الثبات و الراحة ... مع اني انه شايف كفرك عريض كفاية

خذ هذا المقاس

19\35\245

هذا و الله اعلم ....

:p